នគរបាលរាជធានីភ្នំពេញ ធ្វើការបង្ហាញមុខជនសង្ស័យ៦នាក់ ករណីលួចម៉ូតូនិងទទួលផលចោរកម្ម

ភ្នំពេញ: កាលពីថ្ងៃទី១៧ខែកញ្ញាឆ្នាំ៣០១៨ នៅការិយាល័យនគរបាលកម្រិតស្រាលរាជធានីភ្នំពេញ ឃាត់ខ្លួននសង្ស័យចំនួន៦នាក់នៅចំណុចផ្ទះលេខ៧៤ផ្លូវ៣៧៤ក្រុម១សង្កាត់បឹងសាឡាងខណ្ឌទួលគោករាជាធានីភ្នំពេញ ។

ជនសង្ស័យដែលពាក់ព័ន្ធនិងករណីខាងលើដូចមានឈ្មោះខាងក្រោម ៖
ជនសង្ស័យទី១ឈ្មោះត្រមុជ ស៊ីនោ ភេទប្រុស អាយុ២៦ឆ្នាំ ស្នាក់នៅផ្ទះជួលផ្លូវ២០០៤ សង្កាត់ចោមចៅទី១ ខណ្ឌពោធិ៍សែនជ័យ មុខរបរមិនពិតប្រាកដ ប្រើប្រាស់គ្រឿងញៀនវិជ្ជមាន។

ទី២ឈ្មោះ លឹមភារម្យ ភេទប្រុស អាយុ២៨ឆ្នាំ ស្នាក់នៅផ្ទះលេខ៤៤ ផ្លូវលំ សង្កាត់ទឹកថ្លា ខណ្ឌសែនសុខ មុខរបរជាងផ្សារដែក ប្រើប្រាស់គ្រឿងញៀនវិជ្ជមាន។

ទី៣ឈ្មោះ ភ័ក្រ ពន្លឺ ភេទប្រុស អាយុ២២ឆ្នាំ ស្នាក់នៅបន្ទប់ជួលលេខ៨ សង្កាត់ទឹកថ្លា ខណ្ឌសែនសុខ មុខរបរមិនពិតប្រាកដ ប្រើប្រាស់គ្រឿងញៀនវិជ្ជមាន
អ្នកទាំង៣នាក់ខាងលើករណីលួចម៉ូតូ។

ជនសង្ស័យទទួលផលចោរកម្មចំនួន២នាក់គឺ ទី១ឈ្មោះ ម៉ុង ឡុង ភេទប្រុស អាយុ២៥ឆ្នាំ ស្នាក់នៅតូបលេខ៣២៣ សង្កាត់កាកាបទី១ ខណ្ឌពោធិ៍សែនជ័យ មុខរបរជាងបិតតែមម៉ូតូ ប្រើប្រាស់គ្រឿងញៀនអវិជ្ជមាន។ និងទី២ឈ្មោះ ហួត រស្មី ហៅសូន ភេទប្រុស អាយុ២៩ឆ្នាំ ស្នាក់នៅផ្ទះលេខ១១អា ផ្លូវ៣៣៦ ក្រុម៤ សង្កាត់បឹងសាឡាង ខណ្ឌទួលគោក មុខរបរមិនពិតប្រាកដ ប្រើប្រាស់គ្រឿងញៀនអវិជ្ជមាន។

ជនសង្ស័យម្នាក់អ្នកផ្តល់ទីតាំងនិងពាក់ព័ន្ធទទួលផលចោរកម្មឈ្មោះតោ ដារ៉ូ ភេទប្រុស អាយុ៣៤ឆ្នាំ ស្នាក់នៅផ្ទះលរខ៥៩ ផ្លូវបេតុង សង្កាត់ទឹកថ្លា ខណ្ឌសែនសុខ មុខរបរនគរបាលនាយកដ្ឋានប្រឆាំងភេរវកម្មក្រសួងមហាផ្ទៃប្រើប្រាស់គ្រឿងញៀន វិជ្ជមាន។

ស្ថិតក្នុងរង្វង់ប្រតិបត្តការសម្ភារ:ដកហូតមាន១ម៉ូតូម៉ាកហុងប៊ិច ពណ៌ខៀវស ពាក់ស្លាកលេខ1GV 5665ភ្នំពេញ របស់ជនរងគ្រោះឈ្មោះម៉ន សារីន។
ម៉ូតូម៉ាកស៊ុយស៊ុយគីនិច ពណ៌ប្រផេះ ស្លាកលេខតាកែវ1Q 5660 ។
ម៉ូតូម៉ាកហុងដា សេ១២៥ ពណ៌ខ្មៅ ស្លាកលេខគ្មាន។ម៉ូតូម៉ាកpuslha ពណ៌ក្រហមខ្មៅ ស្លាកលេខភ្នំពេញ1CY 0229។ម៉ូតូម៉ាកEXCITER ពណ៌ក្រហមស ស្លាកលេខ នប1-1264 ។
ម៉ូតូម៉ាកSL ពណ៌ទឹកប្រាក់ ស្លាកលេខគ្មាន។
ម៉ូតូម៉ាកស៊ុយស៊ុយគីវីវ៉ា ពណ៌ខ្មៅ ស្លាកលេខភ្នំពេញ1BK 8630 ។ម៉ូតូម៉ាកToday ពណ៌ខ្មៅក្រហម ស្លាកលេខភ្នំពេញ1BR 7260 ។ម៉ូតូម៉ាកសេ១២៥ ពណ៌ខ្មៅ ស្លាកលេខគ្មាន។
ម៉ូតូម៉ាកGIORMO ពណ៌ស្វាយ ស្លាកលេខគ្មាន។ម៉ូតូម៉ាកស្មាស់វី ពណ៌ខ្មៅ ស្លាកលេខភ្នំពេញ1BV 1929របស់ជនសង្ស័យ។
ម៉ូតូម៉ាកហុងដា សេ១២៥ ពណ៌ខ្មៅ ស្លាកលេខភ្នំពេញ1CK 6698របស់ជនសង្ស័យធ្វើសកម្មភាព។
ស្លាកលេខម៉ូតូចំនួន៩បន្ទះ ភ្នំពេញ1M 8555,ភ្នំពេញ1D 0502,ភ្នំពេញ1BV 8588,ភ្នំពេញ1AY 7726,ភ្នំពេញ1AH 4720,ភ្នំពេញ1AE 4666,កណ្តាល1Z 6030,កណ្តាក1H 1032,តាកែវ1B 1922។
១៤,ប័ណ្ណសំគាល់យានយន្តចំនួន៥ប័ណ្ណ និងឧបករណ៍សោនិងសម្ភារ: សម្រាប់កែច្នៃមួយចំនួនគ្រឿងបន្លាស់មួយចំនួនដែកសម្រាប់កាច់សោម៉ូតូចំនួន២និងរថយន្ត២គ្រឿង៕

ប្រភព៖ Fb

វីវហើយ ចាំមើលទៅជាយ៉ាងណា ក្រសួងបីហើយ ចេញមុខចាត់វិធានការ លើយាយ ភូ ដែលព្រហើនលុបឆ្នេរព្រែកត្រែង

(ភ្នំពេញ )ណៈកម្មការគ្រប់គ្រងឆ្នេរ ដែលមានឯកឧត្តមឧបនាយករដ្ឋមន្ដ្រី ជា សុផារ៉ា ជាប្រធាន កំពុងតែពិនិត្យ និងចាត់វិធានការ ចំពោះក្រុមហ៊ុនខ្មែដែលបានចាក់ដីលុបឆ្នេរព្រែកត្រែង នៅខេត្តព្រះសីហនុ។ក្រុមហ៊ុនដែលបានចាក់ដីលុបឆ្នេរព្រែកត្រែង នៅខេត្តព្រះសីហនុ គឺជាក្រុមហ៊ុនរបស់ លោកជំទាវឧកញ៉ា ជឹង សុភាព ហៅ យាយភូ។

ឯកឧត្តម ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ត្រៃយ៍គណៈកម្មការគ្រប់គ្រងឆ្នេរ បានថ្លែងប្រាប់នៅព្រឹកថ្ងៃទី១៦ ខែកញ្ញា ឆ្នាំ២០១៨នេះថា ក្រុមហ៊ុនដែលកំពុងអភិវឌ្ឍន៍នៅតំបន់ឆ្នេរព្រែកត្រែង កំពុងតែបំពានច្បាប់ស្ដីពីការគ្រប់គ្រងឆ្នេរ ដែលចេញដោយរាជរដ្ឋាភិបាល និងគណៈកម្មការគ្រប់គ្រងឆ្នេរ ដោយអនុញ្ញាតឲ្យរា់គម្រោងអភិវឌ្ឍន៍នៅតំបន់ឆ្នេរ ត្រូវមានចម្ងាយយ៉ាងហោចណាស់១០០ម៉ែត្រ ឬឆ្ងាយជាងនេះ។

គណៈកម្មការគ្រប់គ្រងឆ្នេរ កំពុងតែពិនិត្យអំពីទិដ្ឋភាពច្បាប់ជុំវិញករណីនេះ ហើយអាចឈានទៅកំណត់ឲ្យក្រុមហ៊ុនខាងលើ កាយដីចេញពីតំបន់ដែលបានចាក់លុប ឬអនុវត្តវិធានការច្បាប់ជាបន្ដបន្ទាប់ ព្រោះរាជរដ្ឋាភិបាលមិនបណ្ដោយឲ្យក្រុមហ៊ុននោះ បំផ្លាញឆ្នេរដ៏ស្រស់ស្អាត និងកំពុងទាក់ទាញភ្ញៀវទេសចរនោះទេ។ តាមគោលការណ៍ណែនាំរបស់រាជរដ្ឋាភិបាលកម្ពុជា ពិសេសស្ថិតក្នុងគម្រោងធនាគារ អភិវឌ្ឍន៍អាស៊ី ADB កំពុងតែរៀបចំធ្វើផ្លូវនៅតាមតំបន់ឆ្នេរបន្ថែមទៀត ដើម្បីផ្ដល់ភាពងាយស្រួលក្នុងការធ្វើដំណើរកម្សាន្ដ ពីសំណាក់ភ្ញៀវទេសចរផងដែរ។

មន្ត្រីជាន់ខ្ពស់ខេត្តព្រះសីហនុ បានអះអាងថា ក្រុមហ៊ុនដែលបានចាក់ដីលុបឆ្នេរព្រែកត្រែង រហូតធ្វើឲ្យផ្ទុះការរិះគន់ពីប្រជាពលរដ្ឋនេះ មិនមែនជាក្រុមហ៊ុន របស់ចិននោះទេ គឺក្រុមហ៊ុនអភិវឌ្ឍន៍របស់ខ្មែរ ដែលមានលោកស្រីឧកញ៉ាម្នាក់ក៏មានឥទ្ធិពល គឺយាយភូ។

មហាជនរង់ចាំមើលតើ លោកឧបនាយករដ្ឋមន្ត្រី ជា សុផារ៉ា និងលោកថោង ខុន មានវិធានការ បែបណា ចំពោះក្រុមហ៊ុនរបស់ លោកស្រី ជឹង សុភាព ហៅ យាយ ភូ ឬមួយគ្រាន់តែ ជាការគំរាមតែប៉ុណ្ណោះ ព្រោះ យាយ ភូ ក៏មិនមែនជាមនុស្សធម្មដែរ ហើយជាមនុស្សម្នាក់ស្និទ្ធនឹងអ្នកមានអំណាចមួយចំនួនដែរ។

ក្រោយពី មានប្រតិកម្ម នៅលើបណ្តាញ សង្គមហ្វេកប៊ុក ជុំវិញ ករណី ដង្ខៅដីបឹងកក់ ដែលគេស្គាល់ថា យាយ ភូ ចាក់ដី លុប ឆ្នេរព្រែកត្រែង នៅខេត្តព្រះសីហនុ លោក William Guang ដែលជាប្រធានគណបក្សខ្មែរក្រោក និងជា សមាជិកឧត្តមក្រុមប្រឹក្សាពិគ្រោះ និងផ្តល់យោបល់ ដែលមានឋានៈស្នើនឹងទេសរដ្ឋមន្ត្រីនោះ នឹងចុះសិក្សាការចាក់ដីលើសមុទ្រ ខុសច្បាប់ នៅក្រុងព្រះសីហនុ តំបន់ព្រែកត្រែង។

លោក William Guang បានបញ្ជាក់ក្នុងផេកហ្វេសប៊ុកថា “នាថ្ងៃអង្គារ ទី១៨ ខែកញ្ញា ខាងមុខនេះ ក្រុមការងារយើងខ្ញុំ និងចុះសិស្សាស្រាវជ្រាវលម្អិតរកអំពើឃុបឃិត ឬតម្រុយពុករលួយណាមួយ របស់អាជ្ញាធរពាក់ព័ន្ធ ដែលអនុញ្ញាតឲ្យជំទាវម្នាក់ ដែលមានប្ដីជាសមាជិកព្រឹទ្ធសភា ចាក់ដីក្រហម រំលោភច្បាប់ អនុក្រឹត្យលេខ ០១ សរណន ស្ដីពីការអភិវឌ្ឍន៍តំបន់ឆ្នេរកម្ពុជា។

សូមឯកឧត្តម យន្ត មីន មេត្តាពិនិត្យមើលអនុក្រឹត្យ និង រាល់បទដ្ឋានគតិយុត្ត ឲ្យបានគ្រប់ជ្រុងជ្រោយ មុនអនុម័តលើអាជ្ញាប័ណ្ណវិនិយោគ ឬធ្វើសេចក្តីថ្លៃងការ ឬផ្តល់បទសម្ភាសន៍ដល់អ្នកសារព័ត៌មានថា ការចាក់ដីលុបសមុទ្រនេះ ជាការអភិវឌ្ឍន៍ស្របច្បាប់ ទង្វើរបស់ពួកអស់លោកបានចូលរួម បំផ្លាញជាតិ បំផ្លាញទ្រព្យសម្បត្តិរបស់រួម បំពុលសង្គមតាមរយៈ បំផ្លាញផលប្រយោជន៍រួមរបស់ប្រជាពលរដ្ឋ ដើម្បីផលប្រយោជន៍ដ៏អាត្មានិយម ពុករលួយគ្មានអៀនខ្មាស ដែលមិនសក្តិសមជាមន្ត្រី ដែលត្រូវបានប្រជាពលរដ្ឋគោរព និងទុកចិត្តនោះទេ។ យើងចាត់ទុកថា នេះជាការលោភច្បាប់ជាប្រព័ន្ធ និងធ្វើសេចក្ដីថ្លែងការណ៍ ការពារការរំលោភច្បាប់ទៀតផង”៕ ប្រភពCEN

នឹកអើយសែននឹក រដូវនេះ ជារដូវធ្វើស្រែ ម៉ែនិងឪពុកធ្វើស្រែដើម្បីកូន នេះជារូបភាពដ៏កម្រនៅពេលពុកម៉ែធ្វើស្រែចំការ

នៅពេលដែលរដូវវស្សាចូលដល់ ប្រជាកសិករ តែងណាំគ្នាម្នីម្នា កាប់គាស់ ភ្ជួររាស់ដី ដើម្បីប្រកការធ្វើស្រែចំការ ទាន់រដូវវស្សា ។ នឹកឃើញឪពុកនិងម្តាយខ្ញុំជាអ្នកស្រែ ខំធ្វើស្រែចំការ ដើម្បីឲ្យខ្ញុំបន្តការសិក្សានៅក្រុងភ្នំពេញ ដើម្បីឲ្យរួចផុតពីការលំបាកដូចពួកគាត់ ។ ខ្ញុំអ្វីក្រៅពីការអរគុណ និងសន្យាថានឹងតបស្នងសង់គុណលោកទាំងពីរវិញជាមិនខាន តែពេលនេះកូនសុំជូនកំណាព្យពីបីឃ្លាំជូនអ្នកមានគុណ និងឪពុកម្តាយទូទៅ។

😘ពុកម៉ែប្រឹងថែស្រែចម្ការ 😘 នឿយហត់យ៉ាងណាមិនហាស្ដី😬

ព្រោះខ្វល់បារម្មណ៍កូនប្រុសស្រី 👫មិនថាយប់ថ្ងៃគេងគិតគូ។💏

កូនធំៗហើយគួរចេះគិត ប្រឹងប្រែងកាយចិត្តចេះតស៊ូ💪💪

ជួយកិច្ចការគាត់ឲ្យបានធូរ👌 លោកហ្នឹងគិតគូផលដល់យើង។👏👏

កុំធ្វើបាបចិត្តអ្នកមានគុណ😿 បំផ្លាញទ្រព្យធនគាត់សាងឡើង🙀

គួរជួយខិតខំលើកតម្កើង👍 គ្រួសាររុងរឿងទៅមុខបាន។ 👏👏

🙏បើសិនជាមានកំហុសឆ្គងដោយអចេតនា ត្រង់កន្លែងណា សូមមេត្តាអធ្យាស្រ័យ និងជួយកែលម្អផង ព្រោះខ្ញុំមិនសូវចេះតែង កំណាព្យទេ🙏

កែសំរួល ដោយ វុន សុខជា ប្រភពFB Phy Tochkay

អាថ៌កំបាំងជីវិតពេលឈានចូលវ័យចំណាស់

* មុនអ្នកឈានចូលនិវត្តន៍ សូមកុំខ្លាចអ្វីឲ្យសោះ …កុំស្ដាយកម្លាំង… ធ្វើអ្វីៗទាន់នៅពេញម្លាំង ហើយក្រោយអ្នកចូលនិវត្តន៍ហើយ សូមកុំស្ដាយស្រណោះអ្វីទាំងអស់ ព្រោះអ្វីដែលអ្នកត្រូវធ្វើ អ្នកបានធ្វើហើយទេតើ នៅចាំតែទេវតាទេ ជាសម្រេចនោះ ។

* សូមរីករាយនឹងជីវិតរបស់អ្នកដូចជាដើរកម្សាន្តទេសចរណ៍ ទាន់អ្នកមានឱកាស ហើយកុំចាំរហូតអ្នកដើរលែងរួចទើបស្ដាយក្រោយនោះ ព្រោះថាយើងត្រូវចេះស្វែងយល់ពីដង្ហើម ចុងក្រោយរបស់សំរាប់រស់នៅឲ្យមានអត្ថន័យក្នុងវ័យមួយដ៏សមរម្យ។

* បើមានពេល សូមជួបញាតិមិត្តចាស់ៗរបស់អ្នកឲ្យញឹកញាប់ ហើយការជួបជុំនេះមិនសំដៅទៅលើការស៊ីផឹកនោះទេ គឺមានន័យថា អ្នកដឹងថា អ្នកនៅសល់ពេលកាន់តែតិចហើយ ដឹងទេ វាជាឳកាសសំរាប់យើងជួបមិត្តចាស់ៗ ដើម្បីរំលឹករឿងចាស់ៗខ្លះ និងដើម្បីបន្តការរស់នៅជាវ័យចំនាស់មួយ អង្គុយផឹកតែពិតជាមានន័យណាស់សំរាប់មនុស្ស ។

* សូមចងចាំថា ប្រាក់ដែលអ្នកទុកក្នុងធនាគារមិនប្រាកដថាជារបស់អ្នកទេ ត្រូវចាយ …ចាយទៅ …ត្រូវដើរកំសាន្តដើទៅ ចាយដើម្បីឲ្យអ្នកសប្បាយចិត្ត ព្រោះក្នុងជិវិតយើងស្វែងរកវាអស់ជាច្រើនពេល នេះជាពេលចុងក្រោយសំរាប់ប្រើវាទៅ ។

* អ្នកចង់ញ៉ាំអ្វី ញ៉ាំទៅ សំខាន់ឲ្យតែវាធ្វើឲ្យអ្នកសប្បាយចិត្ត ហើយបើញ៉ាំទៅធ្វើឲ្យសុខភាពល្អ ញ៉ាំឲ្យញឹកញាប់ចុះ …តែបើញ៉ាំទៅប៉ះពាល់សុខភាពដូចជាស្រា ញ៉ាំតិចៗចុះ ហើយកុំតមឲ្យសោះណា ប្រយ័ត្នស្ដាយក្រោយអស់មួយជិវិត។

* បើឈឺ ត្រូវប្រញាប់ព្យាបាល ទោះបីជាមានឬក្រក៏ដោយ ហើយត្រូវដោះស្រាយបញ្ហាសំខាន់ៗដូចជាបណ្ដាំកេរមរតកឲ្យរួចរាល់ ព្រមទាំងកុំព្រួយបារម្ភពេកនៅពេលដែលឈឺ ព្រោះជីវិតយើងគឺ កើត ចាស់ ឈឺ ស្លាប់ ចៀសមិនផុតទេ។

* ឥឡូវយើងគិតឡើងវិញ បើព្រួយបារម្ភទៅជាសះស្បើយ ព្រួយបារម្ភទៅ!

* បើព្រួយបារម្ភហើយ រស់បន្តទៀតបាន ព្រួយបារម្ភទៀតទៅ!

* បើព្រួយបារម្ភហើយធ្វើឲ្យអ្នកសប្បាយចិត្ត អញ្ជើញព្រួយបារម្ភទៀតទៅ!

* ណ្ហើយ! កូនៗរបស់យើងចេះស្វែងរកអនាគតរបស់គេដោយខ្លួនគេហើយ!

* ណ្ហើយយកចិត្តទុកដាក់មើលរាងកាយដ៏ចាស់របស់អ្នកទៅ! ប្រាក់ដែលអ្នករកបាន ទុកចាយពេលអ្នកចាស់ទៅ!

* មើលថែទាំប្ដីឬប្រពន្ធរបស់អ្នកឲ្យបានល្អទៅ ព្រោះអ្នកមិនដឹងថា តើនរណាដែលត្រូវស្លាប់មុននោះទេ! ឆ្លៀតទៅលេងមិត្តចាស់ផងទៅ បើឆ្លៀតបាន ព្រោះអ្នកអស់ពេលហើយ!

* ឥឡូវនេះទាន់នៅដកដង្ហើម សូមអ្នកញញឹមនិងសើចមួយទៅមើល សូមធ្វើឲ្យជិវិតរបស់ឲ្យមានន័យ ក្នុងឆាកវិតរបស់អ្នកគ្រប់ៗគ្នា ។ ដោយ វុន សុខជា ប្រភពFB Bo Tuth

មិនទាន់ចប់ទៀត រឿងចោរស្រីម្នាក់ នៅផ្សារព្រៃទា តោះមកស្តាប់ការពន្យល់ប្អូនស្រីទាក់ទង់រឿង ចោរ និងអ្នកប្រើហិង្សាលើចោរ (មានវីដេអូ)

មានរឿងកើតឡើងរហូត ចំពោះប្រពលរដ្ឋ និងចោរតែងតែមានការវាយតបគ្នា ពេលខ្លះរហូតដល់មានការស្លាប់ទៀតផង ។ កាលពីពេលថ្មីៗទៅនេះមានការជជែកវែកញែកគ្នាពេញបណ្តាញសង្គមហ្វេសប៊ុកបន្ទាប់ពីមានការផ្ទុះរឿងរ៉ាវក្រុមអាជីវករនៅផ្សារព្រៃទាត្រូវសមត្ថកិច្ចហៅទៅសួរនាំរឿងប្រើប្រាស់អំពើហង្សារនិងចាប់កោសក់ចោរស្រីម្នាក់នៅម្តុំផ្សារព្រៃទា។

មានមហាជនខ្លះបានបង្ហាញក្តីអាណិតអាសូរដល់ចោរស្រី ចំណែកអ្នកខ្លះទៀតវិញបានសម្តែងការអាណិតអាសូរដកក្រុមអាជីវកដែលត្រូវបានសមត្ថកិច្ចឃាត់ខ្លួន ដោយពួកគេគិតថាការប្រើប្រាស់អំពើរហង្សារលើចោរមិនទាស់ខុសអ្វីនោះទេ។

ការជជែកវែកញែកទាំងនេះក៏បានបង្កើតជាចម្ងល់មួយថា«តើបុគ្គលដែលប្រើប្រាស់អំពើរហិង្សាលើចោរមានទោសដែរឬទេ?

គួរបញ្ជាក់ផងដែរថាក្រុមអាជីវករផ្សារព្រៃទាដែលត្រូវបានសមត្ថកិច្ចឃាត់ខ្លួនត្រូវបានសមត្ថកិច្ចដោះលែងវិញហើយដោយគ្រាន់តែយកទៅអប់រំពីការអនុវត្តច្បាប់តែប៉ុណ្ណោះ។

ខាងក្រោមនេះជាវីឌេអូសម្តែងខ្លីៗដែលពន្យល់ពីការអនុវត្តន៍ច្បាប់របស់សមត្ថកិច្ចនិងតុលាការប្រជាជន៖

ទស្សនាវីដេអូខាងក្រោម៖

https://www.facebook.com/plugins/video.php?href=https%3A%2F%2Fwww.facebook.com%2Fdaranewstv%2Fvideos%2F326537784769931%2F&show_text=0&width=560

កម្លាំងជំនាញរបស់ការិយាល័យបានស្រាវជ្រាវឃាត់ខ្លួនជនសង្ស័យបានចំនួន ០១ នាក់ នៅចំណុចផ្ទះសំណាក់ទិតហួរដែលបានប្រព្រឹត្តបទល្មើស អំពើលួចមានស្ថានទម្ងន់ទោស (ឆក់កាបូបដៃ ពណ៌ ខ្មៅ )

ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ នៅថ្ងៃទី ១៥ ខែ កញ្ញា ឆ្នាំ ២០១៨ វេលាម៉ោង ១៨ និង ០០ នាទី កម្លាំងជំនាញរបស់ការិយាល័យបានស្រាវជ្រាវឃាត់ខ្លួនជនសង្ស័យបានចំនួន ០១ នាក់ នៅចំណុចផ្ទះសំណាក់ទិតហួរ ផ្លូវលំ សង្កាត់គោក ឃ្លាង ខណ្ឌសែនសុខ រាជធានីភ្នំពេញ

ដែលបានប្រព្រឹត្តបទល្មើស អំពើលួចមានស្ថានទម្ងន់ទោស (ឆក់កាបូបដៃ ពណ៌ ខ្មៅ ) នៅចំណុចមុខផ្ទះលេខ៨ ផ្លូវលេខ២៩៤ ភូមិ៥ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី ១៣ ខែ សីហា ឆ្នាំ ២០១៨ វេលាម៉ោង ១៣ និង ០០ នាទី។

ជនរងគ្រោះឈ្មោះ ម៉េង វិមានតារា ភេទ ប្រុស អាយុ ៣៧ ឆ្នាំ ជនជាតិ ខ្មែរ មុខរបរនគរបាលស្នាក់នៅផ្ទះលេខ១៥៤ ផ្លូវបេតុង ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ

សម្ភារៈបាត់បង់អាវុធខ្លីម៉ាកGLOCK១៩ពណ៌ខ្មៅលេខAAMY៨៦០ផលិតនៅប្រទេសអាមេរិក ចំនួន០១ ដើមបង់អាវុធខ្លី ចំនួន ០១ គ្រាប់ចំនួន ១៥ គ្រាប់ទូរសព្ទ័ដៃម៉ាកSamsungGalaxyS9 ពណ៌ ខ្មៅ ស៊ីមកាតលេខ ០៩៧៨៧៧៨៨៨១ប័ណ្ណសម្គាល់យានយន្ត ពាក់ស្លាកលេខ ភ្នំពេញ ២AC- ៨៧៩៨ប័ណ្ណបើកបរ ចំនួន ០១អត្តសញ្ញាណប័ណ្ណសញ្ជាតិខ្មែរ ចំនួន ០១កាតATM ចំនួន ០៤ សន្លឹកប្រាក់រៀល ចំនួន ៤ លានរៀល និងប្រាក់ដុល្លារ ២០ ដុល្លារអាមេរិក

ជនសង្ស័យឃាត់ខ្លួនបានឈ្មោះ ម៉ន សំនៀង ភេទ ប្រុស អាយុ ២៤ ឆ្នាំ ជនជាតិ ខ្មែរមុខរបរ មិនពិតប្រាកដស្នាក់នៅផ្ទះលេខ៦០E0Z ផ្លូវលេខ១២២ ក្រុម៧០ សង្កាត់មិត្តភាព ខណ្ឌ៧មករា រាជធានីភ្នំពេញ

វត្ថុតាងចាប់យកបានអាវុធខ្លីម៉ាកGLOCK១៩ ពណ៌ខ្មៅ លេខAAMY៨៦០ផលិតនៅប្រទេសអាមេរិក ចំនួន០១ ដើម បង់អាវុធខ្លី ចំនួន ០១ គ្រាប់ចំនួន ០៤ គ្រាប់ ជារបស់ជនរងគ្រោះ ឈ្មោះ ម៉េង វិមានតារា

បច្ចុប្បន្នជនសង្ស័យខាងលើការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមច្បាប់ ។

ប្រភព៖ FB

កីឡាករល្បីនៅកម្ពុជា វង្ស ណយ មានជីវភាពខ្វះខាតខ្លាំង ឥលូវ……

យោងតាមការបង្ហោះរបស់គណនីហ្វេសប៊ុកឈ្មោះ អង្គរក្ស បេះដូង បានឱ្យដឹងយ៉ាងដូច្នេហថា «កំពូលកីឡាប្រដាល់ស្ដេចកែង ប្រចាំស្រុកខ្មែរ ( វង្ស ណយ ) មានជីវភាពមិនធូរធា ដូចគេនោះទេ. ហើយត្រូវម្ដាយមានជំងឺ ឈឺរ៉ាំរ៉ៃ និង ឥលូវធ្ងន់ធ្ងរ យ៉ាងខ្លាំងថែមទៀតផងនោះ. ទើបធ្វើអោយ វង្ស ណយ មានការពិបាកជាខ្លាំង ដូចនេះ ។

ដូចដែលយើងបានជ្រាបហើយថា ជីវិត ឬជីវភាពកីឡាករប្រដាល់របស់កម្ពុជាពុំសូវជាធូរធារប៉ុន្មានឡើយ ហើយមានកីឡាករខ្លះថ្វីបើមានកេរ្តិ៍ឈ្មោះល្បីល្បាញយ៉ាងណាក្ដី ក៏នៅតែមានជីវភាពខ្វះមុខក្រោយ ជាក់ស្ដែងដូចជា កីឡាករ វង្ស ណយ ជាដើម ដែលជាកីឡាករមួយរូបដ៏ល្បីល្បាញ បែជាមានជីវភាពក្រីក្រ ហើយក៏ធ្លាប់ទទួលបានការសន្ដោសប្រណីពីសំណាក់សប្បុរសជនទាំងក្នុង និងក្រៅប្រទេសផងដែរ ។

ទាក់ទងជាមួយគ្នានេះដែរ ស្រាប់តែពេលនេះទទួលបានព័ត៌មានថ្មីមួយទៀតគឺ ខណៈពេលនេះ ម្ដាយរបស់កីឡាករ វង្ស ណយ កំពុងមានជំងឹរ៉ាំរ៉ៃ ស្ថិតក្នុងសភាពធ្ងន់ធ្ងរ ហើយស្របពេលពុំមានប្រាក់គ្រប់គ្រាន់ផងនោះ ទើបធ្វើឱ្យ វង្ស ណយ ពិបាកចិត្តយ៉ាងខ្លាំង ។

សូមបងប្អូន សប្បុរសធម៌. ទាំងអស់ដែលស្រលាញ់ ខ្មែរដូចគ្នា ជួយដល់គាត់ផង» ៕

នាយករដ្ឋមន្ត្រីអ៊ីស្រាអែល មិននុញ្ញាតឱ្យប្រទេសជាសត្រូវទទួលបានអាវុធទំនើប

(អន្តរជាតិ) នាយករដ្ឋមន្ត្រីអ៊ីស្រាអែល លោក បេនចាមីន នេតាន់យ៉ាហ៊ូ ( Benjamin Nayanyahu ) បាននិយាយ ពីថ្ងៃអាទិត្យនេះថា ប្រទេសរបស់លោកបានតាំងចិត្ត ការពារបណ្តាប្រទេសជាសត្រូវមិនឱ្យទទួលបានគ្រឿងសព្វាវុធដែលច្បាស់លាស់ ។

លោកបាននិយាយនៅក្នុងកិច្ចប្រជុំគណៈរដ្ឋមន្ត្រីប្រចាំសប្តាហ៍មួយថា អ៊ីស្រាអែលកំពុងធ្ចើការងារ យ៉ាងខ្ជាប់ខ្ជួន ដើម្បីរារាំងសត្រូវរបស់យើង មិនឱ្យបំពាក់ខ្លួនឯងបានជាមួយគ្រឿងសព្វាវុធទំនើប ។

លោកបាននិយាយបន្ថែមថា ខ្សែបន្ទាត់ក្រហមរបស់យើង គឺខ្លាំងដែលមិនធ្លាប់មានពីមុនមក ហើយការ តាំងចិត្តរបស់យើងដើម្បីពង្រឹងនូវខ្សែបន្ទាត់ក្រហមនេះ គឺខ្លាំងជាងដែលមិនធ្លាប់មានពីមុនមក ។ ការកត់សម្គាល់របស់លោកធ្វើឡើងបន្ទាប់ពីការវាយប្រហារដោយមីស៊ីលរបស់អ៊ីស្រាអែលទៅលើ ព្រលានយន្តហោះទីក្រុងដាម៉ាស់ រដ្ឋធានីប្រទេសស៊ីរី កាលពីយប់ថ្ងៃសៅរ៍ដែលគេរាយការណ៍ថា បានវាយ ប្រហារយន្តហោះអ៊ីរ៉ង់មួយគ្រឿង ដែលដឹកគ្រឿងសព្វាវុធ សម្រាប់កងកម្លាំងអ៊ីរ៉ង់ស្និទ្ធប្រធានាធិបតីលោក បាសារ-អាល់-អាសាដ ក្នុងប្រទេសស៊ីរី ។

ប្រទេសអ៊ីស្រាអែលមិនបានធ្វើអត្ថាធិប្បាយជាផ្លូវការ ស្តីពីការវាយប្រហារនេះ ឬបញ្ជាក់អះអាងពី ការចូលរួមរបស់ខ្លួននោះឡើយ ។ អ៊ីស្រាអែលចាត់ទុកអ៊ីរ៉ង់ថា ជាការគំរាមកំហែងយ៉ាងសំខាន់មួយ ព្រមទាំងបានធ្វើការវាយប្រហារពី អាកាសរាប់សឹបលើកទៅលើគោលដៅអ៊ីរ៉ង់ ហើយនឹងក្បួនរថយន្តដឹកគ្រឿងសព្វវុធនៅក្នុងប្រទេសស៊ីរី ក្នុងប៉ុន្មានឆ្នាំកន្លងទៅនេះ ៕ប្រភពAKP

រឿងប្រលោមលោកខ្នាតខ្លីពីជិវិតការរវើរវាយរបស់ស្រីមេម៉ាយម្នាក់ “ភាគទី១”

នាងគឺជាស្រីម្នាក់ដែលមានមុខមាត់ស្រស់ស្អាត ប៉ុន្តែខ្ញុំមើលឃើញនូវស្នាមញញឹមបែរជាសោះកក្រោះ បង្កប់ក្នុងកែវនេត្រាដ៏ស្រងូតស្រងាត់នូវទុក្ខកង្វល់ជាច្រើនដែលនាងខំលាក់បាំង ហើយនាងខិតខំបង្ហាញថា នាងរឹងមាំណាស់ …ហើយវាមិនមានបញ្ហាអ្វីក្នុងជីវិតរបស់នាងឡើយ។

ខ្ញុំផ្ចិតផ្ចង់អារម្មណ៍ត្រងត្រាប់ស្ដាប់សម្ដីរបស់នាងដែលនិយាយដោយសំឡេងស្រួយស្រែស ហាក់ដូចជាចង់បង្ហាញប្រាប់ថា ដំណើរជីវិតរបស់នាងរៀបរយល្អណាស់ ផ្ទុយទៅវិញ ក្រោយសំឡេងនោះ ខ្ញុំបែរជាឮនូវសំឡេងច្រវាក់នៃខ្នោះឃ្នាងដែលភ្ជាប់នឹងដៃជើងរបស់នាង អូសលើកម្រាលឥដ្ឋ លាន់ច្រាកៗ ស្ទើរសង្កៀរត្រចៀកទៅវិញ..

នាងរស់នៅក្នុងបន្ទប់នៃផ្ទះដ៏តូចចង្អៀតមួយ តែបើយើងហៅថា “ប្រអប់” ដូចជាត្រឹមត្រូវជាង។ ជីវិតរបស់នាងហាក់បីស្ថិតក្នុងសភាពទុគ៌តប្រកបដោយទុក្ខ ដោយហេតុថា នាងបានប្រគល់ខ្សែជីវិតរបស់នាងឲ្យទៅបុរសម្នាក់ដែលឥតមានសតិសម្បជញៈ… ឥតមានឧត្តមគតិនិងមនសិកា… ឥតមានបេះដូង… គ្រប់គ្រងថែរក្សា។

តាមពិត នៅពីក្រោយស្នាមញញឹម… នៅពីក្រោយសំឡេងដ៏ស្រួយស្រែស… នៅពីក្រោយកាយវិការដ៏ស្វាហាប់ ខ្ញុំបានឃើញនូវកូនសោមួយ ដែលនាងអាចយកមកចាក់ដោះច្រវាក់ខ្នោះឃ្នាងបាន… តែហេតុម្ដេចបានជានាងមិនចាក់ដោះវត្ថុដ៏សែនចង្រៃនោះចោល?

ពិតប្រាកដណាស់ នាងបានបាត់បង់អ្វីៗសព្វបែបយ៉ាងទៅហើយ… នាងបានបោះបង់នូវអាជីពដែលនាងស្រឡាញ់ចូលចិត្ត ដើម្បីផ្គាប់ចិត្តបុរសម្នាក់… នាងបានបោះបង់ចោលនូវចំណេះវិជ្ជាដែលនាងធ្លាប់ទទួលបានចំណាត់ថ្នាក់លេខមួយប្រចាំមហាវិទ្យាល័យ ដើម្បីគ្រួសារដ៏តូចមួយ… អ្វីដែលសំខាន់នោះ គឺនាងបាត់បង់ខ្លួននាងផ្ទាល់តែម្ដង… រហូតដល់ថ្នាក់នាងលែងដឹងថា ខ្លួនជាអ្វី… ខ្លួនត្រូវធ្វើអ្វីដើម្បីស្ដារឲ្យបាននូវស្ថានការណ៍ដ៏អណោចអធ័មនេះឲ្យផុតចាកពីអន្លង់កម្មនេះ…

តើត្រូវធ្វើដូចម្ដេចទើបនាងភ្ញាក់ចេញពីសុបិនដ៏អាក្រក់នេះបាន? សេចក្ដីសោកសៅនិងទុក្ខកង្វល់បានធ្វើឲ្យខួរក្បាលដ៏រវៀសរវៃនិងភ្លឺស្វាងប្រែជាស្ទក់និងអាប់ប្រាជ្ញាទៅហើយ។

នាងធ្លាប់នៅនឹកឃើញនូវសម្រស់ដ៏ស្អាតផូរផង់ដែលធម្មជាតិបានដាក់ទានដល់រូបនាង ក៏ប៉ុន្តែអំពើដ៏សាហាវឃោរឃៅនិងយង់ឃ្នងរបស់បុរសម្នាក់ បានរុញច្រាននាងឲ្យធ្លាក់ក្នុងសមុទ្រនៃក្ដីអស់សង្ឃឹម… វាធ្វើឲ្យនាងលែងយកចិត្តទុកដាក់ថែទាំប្រាណ… បណ្ដោយឲ្យវារសាត់ទៅតាមពេលវេលាដែលកន្លងទៅ… ហើយអ្វីដែលនាងនៅចងចាំ និងគិតដល់នោះ គឺមានតែកូនប្រុសតែម្នាក់គត់របស់នា់ងតែប៉ុណ្ណោះ…

” នៅមានត”

ប្រភពFB Bo Tuth

ដោយ សុខជា

បង្ក្រាបបទល្មើសគ្រឿងញៀន នៅខារ៉ាអូខេ «PRO» ក្នុងខណ្ឌចំការមន, សមត្ថកិច្ចឃាត់មនុស្ស២០នាក់ និងថ្នាំញៀនមួយចំនួន

(ភ្នំពេញ)៖ នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ នៅព្រឹកថ្ងៃទី១៧ ខែកញ្ញា ឆ្នាំ២០១៨នេះ បានថ្លែងប្រាប់បណ្តាញព័ត៌មាន Fresh News ថា សម្រាប់ប្រតិបត្តិការបង្ក្រាបបទល្មើស គ្រឿងញៀននៅក្នុងខារ៉ាអូខេ «PRO» ស្ថិតនៅសង្កាត់បឹងត្របែក ខណ្ឌចំការមន កម្លាំងសមត្ថកិច្ចបានឃាត់មនុស្សចំនួន២០នាក់ ក្នុងនោះស្រី៥នាក់។

បើតាមនាយឧត្តមសេនីយ៍ ម៉ក់ ជីតូ បានគូសបញ្ជាក់ថា កិច្ចប្រតិបត្តិការបង្ក្រាបករណីជួញដូរ ប្រើប្រាស់ថ្នាំញៀនដោយខុសច្បាប់នៅទីតាំងខារ៉ាអូខេ ឈ្មោះ PRO កាលពីសប្តាហ៍មុន កម្លាំងជំនាញ «ក៣» របស់មន្ទីរប្រឆាំងគ្រឿងញៀន បានបង្ក្រាបដោយឃាត់ខ្លួនជនសង្ស័យ២០នាក់ (ស្រី៥), ថ្នាំញៀនប្រភេទខេតាមីន៣០គ្រាប់ និងម៉េតំហ្វេតាមីន ICEចំនួន១៨កញ្ចប់តូច។

នាយឧត្តមសេនីយ៍បានបន្តថា តាមការសួរចម្លើយករណីនេះពាក់ព័ន្ធបទល្មើសជួញដូរ២នាក់ និងលទ្ធផលធ្វើតេស្តមានផ្ទុកសារធាតុញៀន១៥នាក់ (ស្រី៣) និងគ្មានផ្ទុកសារធាតុញៀន៣នាក់ (ស្រី២)។ សម្រាប់ជនសង្ស័យទាំងនេះ សមត្ថកិច្ចជំនាញបានចាត់កាតតាមផ្លូវច្បាប់៕

ប្រភព៖ FB