ជនសង្ស័យ២នាក់ លួចឡានពីខេត្តព្រះសីហនុ ទៅជាប់ខ្នោះ នៅខេត្តត្បូងឃ្មុំ

ត្បូងឃ្មុំ៖ នៅរសៀល ថ្ងៃទី៦ ខែកញ្ញា ឆ្នាំ២០១៨ សមត្ថកិច្ចបានធ្វើការចាប់ឃាត់ខ្លួនសង្ស័យ២នាក់នៅហាងកាហ្វេយើង ស្ថិតនៅភូមិ ស្លាបក្តោង ឃុំជប់ ស្រុកត្បូងឃ្មុំ ពាក់ពន្ឋ័ករណីលួចរថយន្តមួយគ្រឿងម៉ាកកាមរីបាឡែនពីខេត្តព្រះសីហនុ រត់ចូលមកខេត្តត្បូងឃ្មុំ។

ជនសង្ស័យទី១ឈ្មោះ ធឿន ចាន់ថា ភេទប្រុស អាយុ២៥ឆ្នាំ

និងទី២ ឈ្មោះ ឈុន ភាល័យ ភេទប្រុស អាយុ២៨ឆ្នាំ ។

ដកហូតបាន រថយន្តម៉ាក កាមរីបាឡែនពណ៌ទឹកប្រាក់១គ្រឿង ពាក់ស្លាកលេខ ភ្នំពេញ 2N-2923 ដែលលួចចេញពីក្រុងព្រះសីហនុ កាលពីថ្ងៃទី២១ ខែសីហា ឆ្នាំ២០១៨។ សមត្ថកិច្ចខេត្តត្បូងឃ្មុំ បានទាក់ទងទៅខាងនគរបាលខេត្តព្រះសីហនុ ឲ្យមកទទួលជនសង្ស័យទាំង២នាក់ ដើម្បីចាត់ការតាមច្បាប់៕

ប្រភព៖ FB

ជនជាតិចិនបើករថយន្ត Range Rover បុករថយន្ត Pirus ដែលបើកដោយជនជាតិខ្មែរ របួសធ្ងន់ម្នាក់

ភ្នំពេញៈ គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១២និង៣០នាទីយប់រំលងអធ្រាត្រ ឈានចូលថ្ងៃទី៧ ខែកញ្ញា ឆ្នាំ២០១៨ ត្រង់ចំណុចផ្លូវបំបែកជាបួន ផ្លូវ៥៩២ កែងនិងផ្លូវ៣១៣ សង្កាត់បឹងកក់២ ខណ្ឌទួលគោក រាជធានីភ្នំពេញ។

អ្នកឃើញហេតុការណ៍ផ្ទាល់ បានប្រាប់ឱ្យដឹងថា មុនពេលកើតហេតុ គេឃើញ រថយន្ត Pirus ពណ៌ស្ករ ពាក់ស្លាកលេខ ភ្នំពេញ 2AV-5792 បើកបរដោយបុរសម្នាក់ ធ្វើដំណើរតាមបណ្ដោយផ្លូវ៥៩២ ទិសដៅពីលិចទៅកើត លុះមកដល់ចំណុចកើតហេតុ

ស្រាប់តែមានរថយន្ត ម៉ាក Ranger Rover ពណ៌ស ពាក់ស្លាកលេខ ភ្នំពេញ 2AH-5188 បើកបរដោយបុរសជនជាតិចិនម្នាក់ ធ្វើដំណើរតាមបណ្ដោយផ្លូវ៥៩២ ទិសដៅពីកើតទៅលិច បត់ឆ្វេងដៃជ្រុលទៅបុករថយន្តព្រូស បញ្រ្ចាសទិសគ្នាពេញទំហឹង បណ្តាលឲ្យតៃកុងរថយន្តព្រូសរងរបួសធ្ងន់ បែកក្បាលដោយសារបុកជាមួយកញ្ចក់រថយន្តខាងមុខ ពីព្រោះមិនដាក់ខ្សែក្រវ៉ាត់ ។ ភ្លាមៗក៏មានរថយន្តសង្រ្គោះដឹកទៅមន្ទីរពេទ្យផងដែរ ។

ក្រោយកើតហេតុ សមត្ថកិច្ចមូលដ្ឋានចុះមកដល់រួចទំនាក់ទំនងទៅជំនាញចរាចរណ៍ មកវាស់វែងយករថយន្តទាំង២ ទៅរក្សាទុករង់ចាំដោះស្រាយគ្នាពេលក្រោយ៕

ប្រភព៖ FB

ចាប់ឃាត់មន្ត្រីព័ត៌មានខេត្តកំពង់ឆ្នាំងម្នាក់ ពីបទបង្កររបួសស្នាម ដល់យុវជនម្នាក់…

ខេត្តកំពង់ឆ្នាំង ៖ អនុប្រធានការិយាល័យរដ្ឋបាលនៃមន្ទីរព័ត៌មានខេត្តកំពង់ឆ្នាំងម្នាក់ត្រូវបានសមត្ថកិច្ចនគរបាលចាប់ឃាត់ខ្លួនដោយចោទប្រកាន់រួមគំនិតជាមួយបក្សពួកម្នាក់ទៀតដែលប្រើហិង្សា ដោយចេតនាបង្ករបួសស្នាមវាយយុវជនម្នាក់ជាបុគ្គលិករោងចក្រអឹមវ៉េ បណ្តាលឲ្យរងរបួសជាទម្ងន់ ។

ហេតុការនេះបានកើតឡើងនៅវេលាម៉ោង៨និង៣០នាទីយប់ ថ្ងៃទី០៥ ខែកញ្ញា ឆ្នាំ២០១៨ នៅក្នុងលំនៅដ្ឋានជនសង្ស័យម្នាក់ទៀតជាម្ចាស់តាបប៊ីយ៉ា ស្ថិតនៅក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង ។ យ៉ាងនេះក្តីជនបង្កម្នាក់ទៀតបានរត់គេចខ្លួនបាត់ ។

សមត្ថកិច្ចនគរបាលព្រហ្មទណ្ឌក្រុងកំពង់ឆ្នាំងបានឲ្យដឹងថា ជនសង្ស័យជាអ្នកបង្ករបួសស្នា មដោយចេតនាមានឈ្មោះ ទី សារៈ អាយុ២៨ឆ្នាំ មានឋានៈជាអនុប្រធានការិយាល័យរដ្ឋបាល នៃមន្ទីរព័ត៌មានខេត្តកំពង់ឆ្នាំង និងទី២ មិនទាន់ស្គាល់ឈ្មោះ តែដឹងថា ជាប្អូនបង្កើតរបស់ឈ្មោះ ទី សារៈ និងជាម្ចាស់តាបប៊ីយ៉ា នៅក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង ។

ចំណែកជងរងគ្រោះមានឈ្មោះ ប្រាក់ ណារិន អាយុ២៩ឆ្នាំ ជាបុគ្គលិករោងចក្រអឹមវ៉េ មានទីលំនៅក្នុងភូមិថ្មី ឃុំជ្រៃបាក់ ស្រុករលាប្អៀរ ។ ប្រភពដដែលបានបន្តថា តាមចម្លើយរបស់សាក្សីឈ្មោះ ប្រាក់ សុភាព អាយុ៣២ឆ្នាំ ជាអ្នកទៅលេងបុកប៊ីយ៉ាជាមួយជនរងគ្រោះបានឲ្យដឹងថា ក្នុងពេលលេងបុកប៊ីយ៉ា ជនរងគ្រោះក៏មានជម្លោះជាមួយអ្នកតុងជាម្ចាស់តាបប៊ីយ៉ា ពេលឈ្លោះប្រកែកគ្នាទៅវិញទៅមក ស្រាប់តែឈ្មោះ ទី សារៈ បានទាញយកដងកឺបុកប៊ីយ៉ា មកវាយចំក្បាលជនរងគ្រោះពីមុខ ខណៈនោះជនដៃដល់ជាប្អូនបង្កើតឈ្មោះ ទីសារៈ ក៏បានយកដងកឺបុកប៊ីយ៉ា១ទៀត មកវាយចំក្បាលជនរងគ្រោះពីក្រោយបណ្តាលឲ្យបែកក្បាលហូរឈាមរងរបួសជាទម្ងន់ ។

បន្ទាប់មកជនរងគ្រោះត្រូវបានបញ្ជូនទៅកាន់មន្ទីរពេទ្យខេត្ត ។ ក្រោយពេលកើតហេតុសមត្ថកិច្ចចាប់ខ្លួនជនសង្ស័យម្នាក់ឈ្មោះ ទី សារៈចំណែកជនសង្ស័យម្នាក់ទៀតបានរត់គេចខ្លួនបាត់ ៕

ប្រភព៖ FB

កម្លាំងប៉ូលីសប៉ុស្តិ៍ដង្កោបង្ក្រាបជនសង្ស័យប្រុស ស្រី៤នាក់ខណៈកំពុងធ្វើសកម្មភាពកាច់កម៉ូតូប្រជាពលរដ្ឋ

រាជធានីភ្នំពេញ ៖ ជនសង្ស័យប្រុសស្រី៤នាក់ ត្រូវបានកម្លាំង នគរបាលព្រហ្មទណ្ឌប៉ុស្តិ៍រដ្ឋបាលដង្កោធ្វើការឃាត់ខ្លួនជាក់ស្តែង ខណៈពួកគេធ្វើសកម្ម ភាពកាច់កម៉ូតូរបស់ប្រជាពលរដ្ឋ នៅចំណុចចំណុចមុខផ្ទះលេខ៦E0 ផ្លូវបេតុងលេខ០១បុរីពិភពថ្មី ស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ កាលពីយប់ថ្ងៃទី០៥ ខែកញ្ញា ឆ្នាំ២០១៨ ។

លោក តុន តូនី នាយប៉ុស្តិ៍រដ្ឋបាលដង្កោបានអោយដឹងថាដោយមានការណែនាំពីលោកអធិការខណ្ឌ រូបលោក បានដឹកនាំកម្លាំងល្បាតនៅក្នុងមូលដ្ឋាន ដើម្បីការពារសុវត្ថិភាពរបស់បងប្អូនប្រជាពលរដ្ឋអោយស្របតាមគោលនយោបាយ ភូមិសង្កាត់មានសុវត្ថិភាព ។

លោក តុន តូនី បានបន្ដថា ខណៈកំពុងល្បាត ស្រាប់តែ ប្រទះឃើញជនសង្ស័យប្រុសស្រី៤នាក់ ជិះម៉ូតូពីរគ្រឿងឌុបគ្នាមកធ្វើសកម្មភាពកាច់កម៉ូតូរបស់ប្រជាពលរដ្ឋ ដែលចតទុកនៅមុខផ្ទះ ភ្លាមៗនោះ កម្លាំងក៏ឡោព័ទ្ធត្រង់ទីតាំងកើតហេតុ ឃាត់ក្រុមជនសង្ស័យបាន យកមកស្នាក់ការប៉ុស្តិដង្កោដើម្បីធ្វើការសាកសួរ ។

ក្រោយពីធ្វើការសាកសួរជនសង្ស័យទាំង៤នាក់ត្រូវបាន បញ្ជូនមកឃុំខ្លួនបណ្តោះ អាសន្ននៅអធិការដ្ឋាននគរបាលខណ្ឌដង្កោរង់ចាំកសាងសំណុំរឿងបញ្ជូនបន្តទៅតុលាការផ្តន្ទាទោសតាមនីតិវិធីច្បាប់ ៕

ប្រភព៖ FB

ជំលោះផឹកសុី ទាញដុំថ្មវាយដៃគូរស្លាប់ អូសទម្លាក់ទឹកស្ទឹងសង្កែ ឃាតករត្រូវសមត្ថកិច្ច ចាប់ខ្លួន

បាត់ដំបង៖ ជនដៃដល់ក្នុងអំពើហិង្សាប្រើប្រាស់ដុំថ្មវាយទៅលើជនរងគ្រោះនិងបណ្តាលឲ្យស្លាប់បាត់បង់ជីវិតម្នាក់ ត្រូវបានឃាត់ខ្លួននោះ គឺឈ្មោះ ចាន់ សុហេង ភេទប្រុស អាយុ២៤ឆ្នាំ មានស្រុកកំណើតនៅខេត្តកោះកុង មកស្នាក់នៅបណ្តោះអាសន្ន ភូមិស្លាកែត សង្កាត់ស្លាកែត ក្រុងបាត់ដំបង ខេត្តបាត់ដំបង នៅថ្ងៃទី៥ ខែ កញ្ញា ឆ្នាំ២០១៨នេះ ។

ជនរងគ្រោះដែលស្លាប់បាត់បង់ជីវិតឈ្មោះ ធឿន មករា ហៅស៊ុយ ភេទប្រុស អាយុ៣៣ឆ្នាំ រស់នៅភូមិស្លាកែត សង្កាត់ស្លាកែត ក្រុងបាត់ដំបង ត្រូវបានបាត់ខ្លួន
ចាប់តាំងពីរាត្រីថ្ងៃទី០៣ ខែកញ្ញាឆ្នាំ២០១៨ ដោយមិនមានក្រុមគ្រួសារបានដឹងពីដំណឹងអ្វីទាំងអស់ រហូតដល់ថ្ងៃទី៥ ខែ កញ្ញា ឆ្នាំ២០១៨ ប្រជាពលរដ្ឋនៅស្រុកឯកភ្នំបានប្រទះឃើញសាកសពបុរសម្នាក់អណ្តែតក្នុងទឹកស្ទឹងសង្កែ ឃើញដូច្នេះទើបប្រជាពលរដ្ឋរាយការណ៍ព័ត៌មាននេះជូននគរបាលស្រុកឯកភ្នំ ក្រោយធ្វើការស្រង់សាកសពចេញពីក្នុងទឹកស្ទឹងមក ពិនិត្យលើរាងកាយសាកសពឃើញមានស្លាកស្នាមរបួសដែលនាំទៅដល់ការវាយតម្លៃអំពីស្ថានភាពដែលមានអំពើហិង្សាណាមួយដែលបង្កឡើងចំពោះសាកសពបុរសរូបនេះ។

ផ្តើមចេញពីរូបភាពសាកសពនេះទើបក្រុមគ្រួសាររបស់សពបានដឹង ហើយបានបង្ហាញប្រាប់សមត្ថកិច្ចថាសាកសពមានឈ្មោះធឿន មករា ហៅ ស៊ុយ ភេទប្រុសអាយុ៣៣ឆ្នាំរស់នៅភូមិស្លាកែត សង្កាត់ស្លាកែត ក្រុងបាត់ដំបង ត្រូវបានបាត់ខ្លួនចាប់តាំងពីរាត្រីថ្ងៃទី០៣ខែកញ្ញាឆ្នាំ២០១៨ រហូតមកដោយមិនដឹងមូលហេតុ ។

រសៀលថ្ងៃទី៥ ខែ កញ្ញ ឆ្នាំ២០១៨ដដែលនេះពោលគឺត្រឹមតែរយ:ពេល៤ម៉ោងប៉ុណ្ណោះ ក្រោយពេលសាកសពស្រង់ចេញពីទឹកនគរបាលបានវែកមុខជនដៃដល់ ក្នុងការប្រើហិង្សាបណ្តាលឲ្យជនរងគ្រោះឈ្មោះ ធឿន មករាហៅស៊ុយបាត់បង់ជីវិត មកទទួលខុសត្រូវចំពោះមុខច្បាប់។

ជនដៃដល់ឈ្មោះចាន់ សុហេង បានឆ្លើយសារភាពថានៅរាត្រីថ្ងៃទី០៣ ខែ កញ្ញាឆ្នាំ២០១៨ក្នុងអំឡុងយប់ជ្រៅរំលងអធ្រាត្រខ្លួននិងជនរងគ្រោះមានជម្លោះជាមួយគ្នាក្នុងពេលផឹកស៊ី រហូតខ្លនប្រើប្រាស់ដុំថ្មវាយទៅលើជនរងគ្រោះបណ្តាលឲ្យធ្លាក់ចូលក្នុងទឹកស្ទឹងសង្កែហើយបន្ទាប់មកក៏លិចចូលក្នុងទឹកស្ទឹងបាត់ទៅ ក្រោយពីធ្វើសកម្មភាពហើយខ្លួនក៏សំងំធ្វើហាក់មិនបានដឹងរឿងអ្វីទាំងអស់រហូតដល់ពេលដែលសមត្ថកិច្ចនគរបាលធ្វើការឃាត់ខ្លួន ៕

ប្រភព៖ FB

អាងតែក្នុងបូរី មិនសូវប្រយត្ន័ ចោរលួចរថយន្តសាំយ៉ុងមួយគ្រឿងយកទៅបាត់ នៅក្នុងបុរី «ប៊ុន ជេស្ឋ ព្រែកព្នៅ» ក្នុងខណ្ឌព្រែកព្នៅ

(ភ្នំពេញ)៖ លោក សួន គឺមសេង អាយុ៥៥ឆ្នាំ មានអាសយដ្ឋាននៅភូមិសាមគ្គី សង្កាត់កណ្តាលដុំ ក្រុងច្បារមន ខេត្តកំពង់ស្ពឺ បានបាត់រថយន្តម៉ាក SSANG YONG ១៥កៅអី ពណ៌ស១គ្រឿង នាយប់ នាថ្ងៃទី០៤ ឈានចូលថ្ងៃទី០៥ ខែកញ្ញា ឆ្នាំ២០១៨ នៅក្នុងលំនៅដ្ឋាន «ប៊ុន ជេស្ឋ ព្រែកព្នៅ» ដែលមានទីតាំងនៅខាងលិចផ្សារព្រែកព្នៅ ចម្ងាយ៦០០ម៉ែត្រ តាមបណ្តោយផ្លូវហាណូយ កាត់នៅផ្លូវភ្នំប្រសិទ្ធិ ក្នុងខណ្ឌព្រែកពនៅ។

ម្ចាស់រថយន្តម៉ាក SSANG YONG បានទទូចឲ្យស្នងការនគរបាលរាជធានីភ្នំពេញ នាយឧត្តមសេនីយ៍ ជួន សវុណ្ណ និងសមត្ថកិច្ចមូលដ្ឋានជួយអន្តរាគមន៍ និងជួយតាមរករថយន្តមួយគ្រឿងនេះឲ្យផង ពីព្រោះទើបតែទិញសោះ និងសូមឲ្យបងប្អូនដែលបានឃើញសូមជូនដំណឹងមកលោក តាមរយៈទូរស័ព្ទលេខ ០១២ ២៤៥ ៨៨៧ លោកនឹងមានជូនជាសារគុណផងដែរ។

សូមបញ្ជាក់ថា បើតាមប្រជាពលរដ្ឋរូបនេះ លំនៅដ្ឋាន «ប៊ុន ជេស្ឋ ព្រែកព្នៅ» ពុំមានការយាមល្បាតដោយសន្ដិសុខយាមនោះទេ ហើយក៏មិនទទួលខុសត្រូវទៅលើការបាត់បង់ឡើយ ដូច្នេះសូមប្រជាពលរដ្ឋទាំងឡាយ ដែលរស់នៅក្នុងលំនៅដ្ឋានមួយ មេត្តាប្រុងប្រយ័ត្នឲ្យបានខ្លាំងផងខ្លាចជួបគ្រោះដូចលោក៕

ប្រភព៖ FB

ប្រុងប្រយ័ត្នទាំងអស់គ្នា.! ធ្វើល្បិចជាចូលទិញទូរស័ព្ទ ដល់ម្ចាស់ភ្លឹេចខ្លួនដាក់មេប្រូតយកទូរស័ព្ទទៅបាត់…(មានវិដេអូ)

ធ្លាប់តែឃើញស្តាយលួចបែបនេះនៅស្រុកគេ ឥលូវនៅស្រុកខ្មែរយើងមានដែរហើយសូមបងប្អូនប្រុងប្រយ័ត្នទាំងអស់គ្នា បងប្អូនដែលប្រកបរបរលក់ទូរស័ព្ទដៃទាំងអស់ជ្រាបជាដំណឹងផង ។

កាលពីពេលថ្មីៗនេះ មានការចែកចាយតៗគ្នាជាច្រើននៅក្នុងបណ្តាញសង្គមហ្វេសប៊ុក ទាក់ទងនឹងខ្សែវីដេអូមួយ ដែលថតបានដោយកាមេរ៉ាសុវត្ថិភាព នៅក្នុងហាងទូរស័ព្ទមួយកន្លែងដែលបង្ហាញពីសកម្មភាពរបស់បុរសម្នាក់ បានបន្លំធ្វើជាចូលមករកមើលទិញទូរស័ព្ទនៅក្នុងហាង បន្ទាប់មកខណៈពេលដែលអ្នកលក់កំពុងតែភ្លេចខ្លួន ក៏បុរសជាចោរនោះកាន់ទូរស័ព្ទស្ទុះរត់ចេញពីហាងគេចខ្លួនបាត់តែម្តង។

តាមសំដីម្ចាស់ហាងបានឲ្យដឹងថា “ចោរចូលលួចយកទូសព្ទ័ក្នុងហាង apple gold 2 ជិតស្តុបកោសដូង IPhone X បេីមានមនុស្សដួចរូបខាងលេីយកទៅលក់ call មកខ្ញុំជូន 1000$ ជាសាគុណ កុំទិញទូសព្ទ័ពីគាត់ព្រោះគាត់ជាចោរ កុំអោយមានបញ្ហា បេីប្រាប់ខ្ញុំនឹងជូនសាគុញវិញ Tell 012242241-010242241″ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fbon.tan.31%2Fvideos%2F2240580306170536%2F&show_text=0&width=560

ប្រភព៖ FB

ជប៉ុនទៀតហើយ.! អស់ពីគ្រោះទឹកជំនន់ ឥលូវមកត្រូវរងកាវាយប្រហារ ពីខ្យយល់ព្យុះឈ្មោះ Jebi ដែលវាយប្រហាយ៉ាងខ្លាំង…(មានវិដេអូ)

ប្រទេសជប៉ុន៖ កាលពីថ្ងៃទី០៤ ខែកញ្ញា ឆ្នាំ២០១៨ម្សិលមិញនេះ ប្រទេសជប៉ុនកំពុងរងគ្រោះដោយគ្រោះធម្មជាតិជាថ្មីម្តងទៀត ប៉ុន្តែលើកនេះគឺរងគ្រោះដោយព្យុះសង្ឃរាដែលមានឈ្មោះថា Jebi ។

រដ្ឋាភិបាលជប៉ុនបានណែនាំឱ្យប្រជាជនរាប់លាននាក់ជំលៀសខ្លួនចេញពីផ្លូវដែលព្យុះនេះបក់ឆ្លងកាត់។

ព្យុះដ៏ខ្លាំងនេះបានវាយប្រហារតំបន់ អូសាកា និង Kansai កាលពីថ្ងៃអង្គារ ទី០៤ ខែកញ្ញា ឆ្នាំ២០១៨ ដែលបង្កឱ្យមានការខូចខាតជាច្រើន។

គិតចាប់ពីឆ្នាំ១៩៩៣មក ព្យុះនេះគឺជាព្យុះដែលមានកម្លាំងខ្លាំងបំផុត រហូតធ្វើឱ្យមានការបាក់ដី ដោយក្នុងនោះកម្លាំងខ្យល់ព្យុះនេះមានល្បឿន ១១០ ម៉ាយក្នុងមួយម៉ោង ឬប្រហែល១៧៧គីឡូម៉ែត្រក្នុងមួយម៉ោង។

ខ្យល់ព្យុះនេះ បានធ្វើឱ្យកន្លែងអាជីវកម្ម ប្រព័ន្ធផ្លូវរថភ្លើង និងផ្លូវអាកាសផ្អាកដំណើរការ មួយរយះផងដែរ ។

ក្នុងនោះ ព្រលានយន្តហោះអន្តរជាតិ Kansai ដែលសាងសង់នៅលើកោះសិប្បនិម្មិតនោះត្រូវជន់លិច ហើយខ្យល់ព្យុះ Jebi នេះក៏បានធ្វើឱ្យនាវាដឹកប្រេងទម្ងន់២.៥៩១តោន ទៅបុកស្ពានដែលតភ្ជាប់កោះនេះទៅដីគោកដែលការណ៍នេះបណ្តាលឱ្យអ្នកដំណើរប្រហែល ៥០០០នាក់ ត្រូវជាប់នៅក្នុងព្រលានយន្តហោះ ប៉ុន្តែនៅថ្ងៃពុធនេះ ពួកគេត្រូវបានជំលៀសចេញពីព្រលានយន្តហោះតាមទូក និងរថយន្តក្រុងហើយ។

នៅអូសាកាឯនោះវិញ ផ្លូវរថភ្លើង និងរថភ្លើងក្រោមដីបានបើកដំណើរការជាធម្មតាវិញហើយ នៅឡើយតែព្រលានយន្តហោះ Kansai ដែលរងការខូចខាតខ្លាំង។

ក្រៅពីនេះ យោងតាមក្រុមហ៊ុនថាមពលអគ្គិសនី Kansai លំនៅដ្ឋានជាង ១,៦លាន នៅអូសាកា និងក្យូតុ បានដាច់អគ្គិសនី។

ដោយឡែក លំនៅដ្ឋាន និងកន្លែងអាជីវកម្មចំនួន ៣៤៩.០០០ នៅបន្តគ្មានអគ្គិសនីប្រើប្រាស់ដល់ថ្ងៃនេះ។

ជាមួយគ្នានេះដែរ យោងតាមសារព័ត៌មាន Kyodo News គិតត្រឹមល្ងាចថ្ងៃពុធ ចំនួនអ្នកស្លាប់ក្នុងគ្រោះធម្មជាតិនេះមានចំនួន ១១នាក់ ហើយមនុស្សចំនួន ៤៦០នាក់ រងរបួស។

សកម្មភាពជួយសង្រ្គោះ និងស្តារស្ថានភាពឡើងវិញ កំពុងនៅបន្តធ្វើនៅកន្លែងនានាដែលទទួលរងគ្រោះដោយព្យុះ Jebi នេះ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2FRoomAvailability%2Fvideos%2F514272029035961%2F&show_text=0&width=220

ប្រភព៖ FB

អាសូរពន់ពេក យុវជនម្នាក់ប្រកបរបររត់រ៉ឺម៉ក់កង់៣រកលុយចិញ្ចើមម្ដាយចាស់ជរា ជួបគ្រោះថ្នាក់ចរាចរស្លាប់បាត់បង់ជីវិត ម្ដាយលើកដៃសំពះសប្បុរសជនព្រោះគ្មានថវិកាធ្វើបុណ្យ

ភ្នំពេញ ៖ យុវជនម្នាក់បានជួបគ្រោះថ្នាក់ចរាចរបណ្ដាលអោយស្លាប់បាត់បង់ជីវិតយ៉ាងអណោចអាធ័ម អ្វីដែលគួរអោយសង្វេគនោះក្រុមគ្រួសារជនរងគ្រោះមានជីវភាពខ្វះខាត សូម្បីតែថវិកាទិញមឈូសដាក់សពក៏ពុំមានលទ្ធភាពផង។

ហេតុការណ៍នេះបានកើតឡើងកាលពីវេលាម៉ោង១១យប់ថ្ងៃទី៣ខែកញ្ញាឆ្នាំ២០១៨ តាមបណ្ដោយផ្លូវលេខ៥៩៨ ស្ថិតក្នុងសង្កាត់គីឡូម៉ែត្រលេខ៦ ខណ្ឌឬស្សីកែវ។

ប្រភពព័ត៌មាន ពីកន្លែងកើតហេតុបានអោយដឹងថា ជនរងគ្រោះបានជិះម៉ូតូមួយគ្រឿងម៉ាក PCX ពណ៌ស ពាក់ស្លាកលេខ ភ្នំពេញ 1GI-0423 បានធ្វើដំណើរតាមបណ្ដោយផ្លូវលេខ៥៩៨ ខណៈមកដល់ចំណុចកើតហេតុក៏បានរេចង្កូតបុកបង្គោលភ្លើងបំភ្លឺផ្លូវ បណ្ដាលអោយដួលបោកនិងថ្នល់ស្លាប់តែម្ដង។

ជនរងគ្រោះដែលស្លាប់បាត់បង់ជីវិតមានឈ្មោះ សេង ខេមរិន ភេទប្រុស អាយុ៣០ឆ្នាំ ជាអតីតអ្នកកាត់តវីដេអូនៅផលិតកម្មមហាហង្ស បច្ចុប្បន្នប្រកបរបរ រត់ម៉ូតូរ៉ឺម៉ក់កង់៣ដើម្បីចិញ្ចឹមម្ដាយចាស់ជរា។

អ្វីដែលគួរឲ្យសង្វេគ ក្រុមគ្រួសារសព កំពុងជួបការលំបាកខ្វះខាតលុយកាក់ច្រើនដើម្បីធ្វើបុណ្យ ដោយសារជនរងគ្រោះ មានតែម្ដាយ ហើយជីវភាពខ្សត់ខ្សោយខ្លាំង សូម្បីតែថវិកាទិញក្ដារមឈូសដាក់សពក៏គ្មានផង។

បច្ចុប្បន្នសពជនរងគ្រោះ បានតម្កល់ធ្វើបុណ្យនៅវត្តទឹកថ្លា សង្កាត់ទឹកថ្លា ខណ្ឌសែនសុខ។ អាស្រ័យហេតុនេះ បងប្អូនមិត្តភ័ក្ដិរបស់សព អាចចូលរួមរំលែកទុក្ខ ទៅតាមកម្លាំងសទ្ធាជ្រះថ្លារៀងៗខ្លួន៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Frithy.sovann.5%2Fvideos%2F2235880006623392%2F&show_text=0&width=560

ប្រភព៖ FB

មិនចាញ់បរទេសទេ! ប៉ូលិសខេត្តរតនគិរី ឆ្មក់បង្ក្រាបគ្រឿងញៀន ក្នុងបន្ទប់ខារ៉ាអូខេ “រ៉ូម” នៅក្រុងបានលុង ឃាត់ខ្លួនប្រុសស្រី៨នាក់..

ការិយាល័យប្រឆាំងគ្រឿងញៀនខេត្តរតនគិរី៖ នៅថ្ងៃទី០៣ ខែកញ្ញា ឆ្នាំ២០១៨ វេលាម៉ោង ១៨ និង០០នាទី កំលាំងជំនាញបានចុះបង្រ្កាបករណី ជួញដូរនិងប្រើប្រាស់ដោយខុសច្បាប់នូវសារធាតុញៀន ចំណុចបន្ទប់ខារ៉ាអូខេរ៉ូម ស្ថិតនៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី ។