ភ្នំពេញ៖​​ កុំចេះតែហ៊ានចោរឆក់ទូរស័ព្ទ ប៉ះចំនារីក្លាហាន ជិះម៉ូតូដេញបុកផ្តួលក្របួចជាប់ ហេតុកានេះបានកើតឡើងកាលពីម៉ោងប្រមាណ៨យប់ ថ្ងៃទី៦ខែកក្តដា ឆ្នាំ២០១៨ នៅចំណុចមុខធនាគារកាណាឌីយ៉ា ផ្លូវមុនីវង្ស ក្នុងសង្កាត់វត្តភ្នំ ខណ្ឌដូនពេញ។

ចោរឆក់ម្នាក់ត្រូវបានកម្លាំងសមត្ថកិច្ចប៉ុស្តិ៍ស្រះចក ដែលនៅក្បែរនោះរត់ចេញពីប៉ុស្តិ៍ មកឃាត់ខ្លួនភ្លាមៗ ក្រោយពីរូបគេបានឆក់ទូរស័ព្ទ នារីក្លាហានម្នាក់ បានសម្រេច ត្រូវនារីរូបនោះ បើកម៉ូតូដេញបុកឲ្យដួលមន្ត្រីនគរបាលប៉ុស្តិ៍ស្រះចកបានឲ្យដឹងថាជនសង្ស័យដែលឃាត់ខ្លួននេះឈ្មោះប្រាក់ កុសល អាយុ២៩ឆ្នាំ មុខរបររត់ម៉ូតូឌុប ស្នាក់នៅភូមិកៀនឃ្លាំង សង្កាត់ព្រែកលៀប ខណ្ឌជ្រោយចង្វារ។ ដកហូតវត្ថុតាងទូរស័ព្ទម៉ាកសាំស៊ុង១គ្រឿង ជារបស់ជនរងគ្រោះមកវិញ រួមទាំងម៉ូតូ១គ្រឿង ម៉ាកហុងដា C១២៥ ពណ៌ខ្មៅ ពាក់ស្លាកលេខ ភ្នំពេញ 1BA-0539។ ចំណែកជនរងគ្រោះឈ្មោះវន វឌ្ឍនាវត្តី អាយុ២១ឆ្នាំ មុខរបរនិស្សិត ស្នាក់នៅសង្កាត់ដេប៉ូ២ ខណ្ឌទួលគោក។

ប្រភពព័ត៌មានពីអ្នកដែលឃើញហេតុការណ៍នោះបានឲ្យដឹងថា នៅមុនពេលកើតហេតុ គេឃើញនារីរងគ្រោះគាត់ជិះម៉ូតូចេញពីសាលាន័រតុនត្រើយម្ខាង ពេលមកដល់ចំណុចខាងនុខស្ថានទូតបារាំង ផ្លូវមុនីរង្សក៏ស្រាប់តែជនសង្ស័យរូបនោះ បានតាមឆក់ទូរស័ព្ទរបស់នារីរងគ្រោះដែលដាក់នៅហោប៉ៅខោរខាងស្តាំ ដាក់កាសត្រចៀកបានសម្រេច ហើយខំព្យាយាមបើកគេចខ្លួនឆ្ពោះមកទិសខាងត្បូង ក៏ត្រូវនារីរងគ្រោះរូបនោះគាត់បើកម៉ូតូដេញតាមទាន់ ហើយបុកម៉ូតូជនសង្ស័យរូបនោះ ឲ្យដួលនៅខាងមុខធនាគារកាណាឌីយ៉ា ព្រមទាំងស្រែកឆោរឡោថាចោរៗផងនោះ ក៏ត្រូវបានកម្លាំងនគរបាលប៉ុស្តិ៍ស្រះចកដែលនៅក្បែរនោះរត់ចេញមកឃាត់ខ្លួនបានភ្លាមៗផងដែរ។

បច្ចុប្បន្នជនសង្ស័យត្រូវឃាត់ខ្លួនកសាងសំណុំរឿងបញ្ជូនទៅអធិការនគរបាលខណ្ឌដូនពេញចាត់ការតាមនិតិវិធី៕

(តារា) លោក សំ តារារឹទ្ធី ធ្លាប់ជាតួសម្តែងក្នុងរឿង “បក្សីចាំក្រុង”, រឿង “ព្រះបាទត្រសក់ផ្អែម” រឿង “មាយើង និងរឿងផ្សេងទៀតដែលភាគច្រើនដើរជាតួអង្គស្តេច ។ រូបលោកបានបាត់មុខពីវិស័យសិល្បៈជាង១០ឆ្នាំហើយ ក៏ធ្លាប់មានពាក្យចចាមរ៉ាមថា លោក សំ តារារឹទ្ធី បានទៅរស់នៅក្រៅប្រទេស ឬមានដំណឹងថាលោកទទួលមរណភាព។ នេះគឺជាពាក្យចចាមរ៉ាមដែលមិនពិត ដោយសព្វថ្ងៃលោកនៅមានជីវិត និងរស់នៅតែលើទឹកដីស្រុកខ្មែរ ហើយរាល់ថ្ងៃនេះមានជីវភាពលំបាកខ្វះខាត និងកំពុងបម្រើការងារជាសន្តិសុខ ។ ប្រសិនបើសប្បុរសជន មានបំណងចង់ជួយសុំទាក់ទងតាមរយៈលេខទូរស័ព្ទរបស់លោកផ្ទាល់គឺ 088 5700169″។

មួយរយៈចុងក្រោយនេះ យើងសង្កេតឃើញថាសិល្បករខ្មែរជើងចាស់ជាច្រើន​ បានលាចាកម្តងម្នាក់ៗ ដោយបន្សល់នូវស្នាដៃដល់កូនខ្មែរជំនាន់ក្រោយ។ ដោយឡែក ក្រៅពីលាចាកហើយ ក៏មានសិល្បករជំនាន់ដើមជាច្រើនមានជីវិតរស់នៅដល់ពេលបច្ចុប្បន្ន តែបែរជាជួបប្រទះនឹងភាពខ្វះខាតគួរឲ្យអាសូរ។ ជាក់ស្ដែងដូចជាលោក សំ តារារឹទ្ធី ដែលជាតួកុនជើងចាស់មានឈ្មោះល្បីមួយរូប ក៏បានធ្លាក់ខ្លួនគួរឲ្យស្រណោះផងដែរ៕

(វិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fchanna.davy%2Fvideos%2F2076041659299426%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2Fchanna.davy%2Fvideos%2F2075876095982649%2F&show_text=0&width=267

ប្រភព៖ ច័ន្ទណា ដាវី

យោងតាមគណនីហ្វេសប៊ូក របស់លោក តាន់ គឹមសួរ បង្ហោះមុននេះបន្តិច បានសរសេរថា វត្តមានរបស់កំពូលតារាកំប្លែង ពែកមី និងតារាសម្តែងលោក ប៉ែន ចំរ៉ុង ប្អូនស្រី ស្រមោចខ្មៅ និងតារាចម្រៀងម្ចាស់បទ អតីត គឺលោក Pao Ploy បានរួមគ្នា ជាមួយក្រុមការងារ ដែលមាន អាចារ្យធំ នគររាជ លោក Sovanna Kem លោក ចាន់ទី សុធី កញ្ញា SieYa Gmm និងកញ្ញា Ping Ing ចូលរួមសំណេះសំណាល អំពីការអភិរក្សព្រៃឈើ របស់ Sharyn Davis ជាជនជាតិបរទេស ដែលចំណាយពេល26ឆ្នាំ រស់នៅលើទឹកដីកម្ពុជា និងសាងភាពសប្បាយរីករាយ ដល់ប្រជាជនក្នុងភូមិ នៅតំបន់ភ្នំត្នោត។

វត្តមានរបស់អ្នកទាំងអស់គ្នាខាងលើនេះ ជាពិសេសក្រុមការងារដែលមាន អាចារ្យធំ នគររាជ លោក Sovanna Kem លោក ចាន់ទី សុធី កញ្ញា SieYa Gmm និងកញ្ញា Ping Ing បានចំណាយពេលវេលា សំណេះសំណាលពីការអភិរក្សព្រៃឈើ របស់លោក Sharyn Davis (ហៅ បេន) ជាជនជាតិបរទេស ដែលបានចំណាយពេលអស់រយៈពេល២៦ឆ្នាំ រស់នៅលើទឹកដីនៃប្រទេសកម្ពុជា ហើយបានសាងភាពសប្បាយរីករាយ ជាពិសេសភាពកក់ក្តៅ ដល់ប្រជាជនក្នុងភូមិទាំងអស់ នៅតំបន់ភ្នំត្នោតនេះ ។

ទោះជាយ៉ាងណា វត្តមានរបស់អ្នកទាំងអស់គ្នា បានធ្វើឲ្យលោកបេន និងក្រុមគ្រួសាររបស់លោក មានភាពសប្បាយរីករាយឥតឧបមា ដោយពួកគាត់មានកម្លាំងចិត្ត និងគិតថា ពួកគាត់លែងឯការទៀតហើយ។ ចំណែកឯប្រជាជននៅក្នុងភូមិ មួយចំនួនដែលមិនពេញចិត្ត ជាមួយលោកបេននោះ ពួកគេមានការគិតសារជាថ្មីឡើងវិញ អំពីការអភិរក្ស របស់ក្រុមគ្រួសារលោកបេនផងដែរ ។

វត្តមានរបស់អ្នកទាំងអស់គ្នាខាងលើ បានធ្វើឲ្យប្រជាជនមានការគោរពកោតស្ញប់ស្ញែង និងកាត់បន្ថយការស្អប់លោកបេន និងគ្រួសាររបស់គាត់ និងបានចូលរួមចំណែកយ៉ាងខ្លាំង ដើម្បីផ្លាស់ប្តូរការគិតមិនល្អ របស់ប្រជាជនក្នុងភូមិចំពោះលោកបេន និងគ្រួសារ ។

ជាមួយគ្នានោះដែរ លោកតាន់ គឹមសួរ បាននិយាយថា “អ្នកទាំងអស់គ្នា នឹងអាចចូលរួមជាមួយការងារ ដែលមិនទទួលបានផលកម្រៃ ហើយថែមទាំងត្រូវចំណាយ ថវិកាផ្ទាល់ខ្លួននេះឡើយ ព្រោះថាអ្នកទាំងអស់គ្នា គឺរវល់ខ្លាំងណាស់។ នេះហើយជាអ្វីដែលល្អសម្រាប់ សិល្បករដទៃទៀតយកជាគំរូ។ ទឹកចិត្តរបស់អ្នកទាំងអស់គ្នា ចំពោះបេននិងក្រុមគ្រួសារ ពិតជាមានទំហំធំធេងណាស់។ សូមទទួលយកការគោរពពីពួកយើងផង” ៕

ខេត្ត​កោះកុង​៖ កាលពី​រសៀល​ថ្ងៃទី​០៤ កក្កដា ម្សិលមិញ​ស្ថិត​ក្នុងភូមិ បឹង​ព្រាវ ឃុំ​បឹង​ព្រាវ ស្រុកស្រែ​អំបិល ខេត្តកោះកុង មានហេតុការណ៏ភ្ញាក់ផ្អើលមួយ ដោយបុរស​ម្នាក់ ឡើង​ជួសជុល​ដំបូង​ពេល​មេឃ​ធ្លាក់ភ្លៀង ត្រូវ​ខ្សែភ្លើង​គង​លើដំបូល​ឆ្លង​ចរន្ត​ ឆក់​ស្លាប់​នៅនឹងកន្លែង។

សមត្ថកិច្ច​ឲ្យ​ដឹងថា ជនរងគ្រោះ​ឈ្មោះ ដឹក ឌឹ​ម ភេទ​ប្រុស អាយុ​៣១​ឆ្នាំ ទីលំនៅ​ភូមិ​សាលា​ម្នាង ឃុំ​បឹង​ព្រាវ ស្រុកស្រែ​អំបិល​។ មុន​កើតហេតុ​ជនរងគ្រោះ​ឡើង​ជួសជុល​ដំបូង​ផ្ទះ​ពេល​មេឃ​កំពុង​ភ្លៀង ទើប​ឆ្លង​ចរន្ត​ពី​ខ្សែភ្លើង​ដែល​គង​លើដំបូល​ផ្ទះ ឆក់​ស្លាប់​ភ្លាមៗ​តែម្តង​។​​ ក្រោយ​កើត​ហេ​តុ សមត្ថកិច្ច​ប៉ុស្តិ៍ បាន​ពិនិត្យ​នឹង​ប្រគល់​សព​ជនរងគ្រោះ​ទៅ​ឲ្យ​ក្រុមគ្រួសារ យកទៅ​ធ្វើបុណ្យ​តាម​ប្រពៃណី​៕

សៀមរាប ៖ កាលពី​រសៀល​ថ្ងៃទី០៤ ខែកក្កដា ឆ្នាំ២០១៨ នារី​វ័យក្មេង​អាយុ១៥ឆ្នាំ​ម្នា​ក់បាន​ដាច់ចិត្ត​ធ្វើអត្តឃាត​ដោយ​ចងក​សម្លាប់ខ្លួន​នៅ​បន្ទប់​ជួល ចោល​ប្តី​និង​ក្រុមគ្រួសារ​បង្កឱ្យមាន​ការ​ភ្ញាក់ផ្អើល​ឡើង។ហេតុការណ៍​ធ្វើអត្តឃាត​នេះ បាន​កើតឡើង​ស្ថិតនៅ​ចំណុច​បន្ទប់​ជួល​លេខ២ ក្នុងភូមិ​ជន្លង់ សង្កាត់​សាលា​កំរើក ក្រុង​សៀមរាប ខេត្តសៀមរាប ។

សមត្ថកិច្ច​បាន​ចុះ​មកដល់​កន្លែងកើតហេតុ​រួច​ធ្វើ​កោសល្យ​វិ​ច្ច័​យ​លើ​សព​ហើយ​សន្និដ្ឋានថា​ជននេះ​ចងក​សម្លាប់ខ្លួន​ពិតប្រាកដ​មែន ពុំ​ពាក់ព័ន្ធ​និង​ករណី​ឃាតកម្ម​ឡើយ។សមត្ថកិច្ច​បាន​បន្តថា នារី​អត្តឃាត​មានឈ្មោះ ជិត ម៉ា​ឡា អាយុ១៥ឆ្នាំ មុខរបរ​នៅផ្ទះ ស្នាក់នៅ​បន្ទប់​ជួល​ភូមិ​ជន្លង់ សង្កាត់​សាលា​កំរើក ក្រុង​សៀមរាប ខេត្តសៀមរាប។ ប្តី​ឈ្មោះ សុខ ណា​ង អាយុ២៤ឆ្នាំ មុខរបរ​បើកបរ​ដឹក​ដី ។

បើតាម​ការរៀបរាប់​ពី​ប្តី​របស់​សព​នារី​រងគ្រោះ​បាន​និយាយថា នៅមុន​ពេល​កើត​ហេតុរូប​ខ្លួន(ប្តី) មិនមាន​ការឈ្លោះប្រកែក​ជាមួយ​ប្រពន្ធ(សព)នោះទេ គឺធម្មតាៗ ។ដល់​ម៉ោង​ទៅធ្វើ​ការ​រូប​ខ្លួន​ក៏​ចេញទៅ​ធ្វើការ​ដូច​សព្វមួយដង។ លុះដល់​ពេល​ចប់​ពី​ការងារ​ក៏​ត្រលប់​មកពី​ធ្វើការ​វិញ ស្រាប់តែ​ឃើញ​ប្រពន្ធ​របស់ខ្លួន​បាន​ចងក​សម្លាប់ខ្លួន​បាត់ទៅហើយ ដោយ​មិនដឹង​មូលហេតុ​អ្វី​សោះ​ដែល​បណ្តាលឱ្យ​រូបនាង​ដាច់ចិត្ត​សម្លាប់ខ្លួន។សាកសព​ត្រូវបាន​សមត្ថកិច្ច​ប្រគល់ជូន​ក្រុមគ្រួសារ​យកទៅ​ធ្វើបុណ្យ​តាម​ប្រ​ពៃណី៕

ខេត្តស្ទឹងត្រែង ៖ កាលពី​ថ្ងៃ​ទី​៤ ខែកក្កដា ឆ្នាំ២០១៨ កម្លាំង​គរបាល​ព្រហ្មទណ្ឌ័ក្រុង​ស្ទឹង​ត្រែង បាន​ធ្វើការ​ឃាត់ខ្លួន​យុវជន​ម្នាក់ ពាក់​ព័ន្ធ​លើ​បណ្តឹង​របស់​អាណាព្យាបាល​ក្មេង​ស្រី​ជា​អនីតិជន​ម្នាក់​ ពី​បទ​​រំលោភ​សេព​សន្ថវៈ ។

តាមប្រភពសមត្ថកិច្ចបានអោយដឹងថា ៖ ​ជន​សង្ស័យខាងលើ ​ឈ្មោះ ឌៀប ផុង អាយុ​២២ឆ្នាំ ​ជនជាតិខ្មែរ​កម្ពុជា​ក្រោមនិង​ជា​កម្មករ​ធ្វើ​ឥ​ដ្ឋ ស្នាក់​នៅ​ឡ​​ឥ​ដ្ឋិ ក្នុងភូមិ​គី​ឡូរ​លេខ​៨ សង្កាត់​ស្ទឹងត្រែង ។ រីឯក្មេងស្រីរង​គ្រោះ​មាន​អាយុ​៧ឆ្នាំ ។

 

យោង​​ពាក្យបណ្តឹងរបស់​​ឪពុក​ក្មេង​រង​គ្រោះ​បាន​ប្តឹង​​​​ថា កាលពី​វេលា​ម៉ោង០​២ និង១០នាទី​​រសៀល​ថ្ងៃ​ទី​២៩ មិថុនា ​កន្លងមក ជនសង្ស័យ​រូបនេះ​បាន​លួងលោម​កូនស្រី​គាត់​ឱ្យ​ចូល​ក្នុង​រោង​កម្មករ​ស្នាក់​នៅ (ទីតាំង​​ឡ​ឥ​ដ្ឋ) ហើយ​ក៏​បាន​​រំលោភ​​លើ​កូនស្រី​គាត់តែម្តង ។ ​ក្រោយឃាត់ខ្លួនសាកសួរ ជនសង្ស័យ​​​បានឆ្លើយ​​សារ​ភាព​ដែរ​ថា «ខ្លួន​ពិតជា​បាន​រួម​ភេទ​ជាមួយ​ក្មេង​ស្រី​ពិត​​ប្រាកដ​មែន ប៉ុន្តែ​មិន​បាន​សុី​ជម្រៅ​នោះ​​ទេ ។​​

ទោះ​ជា​យ៉ាងណា​ក្តី យោង​ទៅ​លើ​ពាក្យបណ្តឹង និង​ចម្លើយ​ជនសង្ស័យ​គ្រប់គ្រាន់ សមត្ថ​កិច្ច​បាន​កសាង​សំណុំ​រឿងបញ្ជូន​ជនសង្ស័យ​ទៅ​កាន់​សាលាដំបូង​ខេត្តហើយ ៕

ខេត្តកណ្ដាល​៖​ នៅព្រឹកថ្ងៃទី៥ ខែកក្កដា ឆ្នាំ២០១៨​នេះ លោក​សាយ​ សម្ផស្ស​សេរី​ ប្រធាន​ក្រុម​ប្រឹក្សា​ជំនុំជម្រះ​សាលាដំបូង​ខេត្ត​កណ្ដាល​ ប្រកាស​សាលក្រម​ផ្តន្ទា​ទោស​ស្ត្រី​ម្នាក់​ដាក់​ពន្ធនាគារ​៣០ឆ្នាំ​ ពី​បទ​ឃាតកម្ម​ ចាក់​សម្លាប់​ប្រុស​ស្នេហ៍​ប្លន់​ទ្រព្យសម្បត្តិ​ដើម្បី​លោះ​ប្តី​ចេញ​ពី​ពន្ធនាគារ​ ជនជាប់ចោទឈ្មោះ ផេង ណាន ហៅណា អាយុ៣៣ឆ្នាំ មុខរបរនារីម៉ាស្សា ស្នាក់នៅភូមិព្រៃបឹង សង្កាត់កន្ទោក ខណ្ឌពោធិ៍សែនជ័យ ។

ជនរងគ្រោះ​ឈ្មោះនួន សុភាព អាយុ៥៨ឆ្នាំ ជាម្ចាស់ហាងកោសជប់ម៉ាស្សាមួយ​កន្លែងផង ជាមន្ត្រីយោធានៅអង្គភាពកងពលតូច ទ័ពពិសេសឆត្រយោង៩១១ផង និងក៏ជាអ្នកសារព័ត៌មានសំឡេងប្រជាជនផងដែរ មានលំនៅក្នុងភូមិស្រែអំពិល សង្កាត់ស្នោរ ខណ្ឌពោធិ៍សែនជ័យ រាជធានីភ្នំពេញ ។

ចំពោះមុខ​សមត្ថកិច្ច ស្ត្រីជនសង្ស័យឆ្លើយសារភាពថា នៅមុនពេលកើតហេតុ ជនរងគ្រោះបានទូរស័ព្ទមកបបួលនាងទៅរួមភេទ ស្របពេលនោះដោយសារតែនាងកំពុងត្រូវការលុយចំនួន២៥០០ដុល្លារ ដើម្បីរត់ការដោះលែងប្តីដែលកំពុងជាប់ពន្ធនាគារព្រៃសផង ណាមួយ ឃើញជនរងគ្រោះមានគ្រឿងអលង្ការជាប់ខ្លួនច្រើន ក៏មានគំនិត​ចង់សម្លាប់ជនរងគ្រោះ ដើម្បីប្លន់យកទ្រព្យសម្បត្តិនោះតែម្តង ។

ស្ត្រីសង្ស័យបានឆ្លើយសារភាពទៀតថា ពេលនោះនាងបានទារតម្លៃខ្លួនក្នុងការរួមភេទចំនួន១០ម៉ឺនរៀល តែជនរងគ្រោះឱ្យតែ២០ដុល្លារប៉ុណ្ណោះ ហើយនាងក៏យល់ព្រមទៅជាមួយ ដោយបានរៀបចំគម្រោងទុកជាមុន និងបានយកកូនកាំបិត​ចុងស្រួចលាក់ទុកក្នុងកាបូបរួចជាស្រេច ។

លុះមកដល់វេលាម៉ោងប្រមាណ១១ព្រឹក ថ្ងៃទី២១ ខែមករា ឆ្នាំ២០១៨ ជនសង្ស័យបានទូរស័ព្ទដើម្បីណាត់គ្នារកកន្លែងរួមភេទ រហូតដល់ម៉ោងប្រហែល១២ថ្ងៃត្រង់ ទើបជនរងគ្រោះបានជិះម៉ូតូមកទទួលនាងនៅចំណុចមុខ​ច្រកចូលភូមិបូរីកម្មករ ឃុំបែកចាន ស្រុកអង្គស្នួល ដើម្បីទៅចូលដេកផ្ទះសំណាក់កើតហេតុ ដែលមានចម្ងាយប្រហែលកន្លះគីឡូម៉ែត្រប៉ុណ្ណេះពីកន្លែងដែលជនរងគ្រោះមកទទួលនាង ។

ស្ត្រីសង្ស័យជាឃាតករ បានសារភាពបន្ថែមថា ពេលចូលដល់ក្នុងបន្ទប់ផ្ទះសំណាក់ ជនរងគ្រោះបានផ្លាស់កន្សែងចូលងូតទឹកក្នុងបន្ទប់ទឹក ឆ្លៀតឱកាសនោះ នាងបានយកកូនកាំបិតពីក្នុងកាបូបលាក់ទុកក្រោមខ្នើយដេករួចជាស្រេច លុះពេលជនរងគ្រោះចេញមកវិញ នាងក៏ចាប់ផ្តើម រួមភេទជាមួយគ្នា ហើយនាងក៏ទាមទារនៅពីលើ លុះមានឱកាស​នាងក៏ទាញកាំបិតចាក់ទៅលើជនរងគ្រោះ បណ្តាលឱ្យជនរងគ្រោះរមៀលធ្លាក់ពីលើគ្រែ ទើបនាងស្ទុះទៅចាក់បន្ថែមសរុបចំនួន១៧កាំបិត បណ្តាលឱ្យជនរងគ្រោះស្លាប់ភ្លាមៗតែម្តង។ ក្រោយសម្លាប់ជនរងគ្រោះហើយ នាងបានចូលទៅងូតទឹកសម្អាតខ្លួនរួច ទើបប្រមូលយក​គ្រឿងអលង្ការ លុយ ទូរស័ព្ទ និងម៉ូតូរបស់ជនរងគ្រោះគេចខ្លួន ដោយបានយកម៉ូតូទៅលក់ នៅហាងបញ្ចាំមួយកន្លែងក្នុងខណ្ឌព្រែកព្នៅ រាជធានីភ្នំពេញ ក្នុងតម្លៃ១៤៥០ដុល្លារ​ ៕

ខេត្ត​ព្រះសីហនុ​៖កាលពីវេលាម៉ោង​ ១២:៣០នាទី​ថ្ងៃ​ទី​០៣​ ខែ​កក្កដា​​​​ ឆ្នាំ​២០១៨​នេះ លើផ្លូវ​ជាតិ​លេខ​៤​ ចន្លោះ​គីឡូម៉ែត្រ​ ១៩៥-១៩៦ ស្ថិត​នៅ​ក្នុង​ឃុំ​អូរឧកញ៉្ញាហេង​​ ស្រុក​ព្រៃនប់​ ខេត្ត​ព្រះសីហនុ​ កម្លាំង​នគរបាល​ចរាចរណ៍​ផ្លូវ​គោក​​ ចុះ​ត្រួត​ពិនិត្យ​រថយន្ត​លើស​ល្បឿន​កំណត់​ចេញ​ពី​ទី​ប្រជុំជន​ កំណត់​ ៤០គីឡូម៉ែត្រ​ក្នុង​មួយ​ម៉ោង​ រកឃើញ​រថយន្ត​ល្មើស​ចំនួន​ ១១គ្រឿង​ ក្នុង​នោះ​មាន​ រថយន្ត​ផ្លាកលេខ​ភ្នំពេញ​ ០៨គ្រឿង​ កំពត​ ០១គ្រឿង​ កណ្ដាល​ ០១គ្រឿង​​​ និង​ ក្នុង​មូលដ្ឋាន​ ០១គ្រឿង​ ។សកម្មភាពនេះធ្វើឡើងដើម្បីកាត់បន្ថយការបើកបរលើសល្បឿនកំណត់ ការពារកុំអោយមានគ្រោះថ្នាក់ចរាចរណ៍៕

ខេត្តព្រះសីហនុ ៖ កម្លាំង​នគរបាល​ក្រុងព្រះសីហនុ បាន​បង្ក្រាប​បទល្មើស​ជ​ន​ជាតិចិន​ចាប់​បង្ខាំង​ជន​ជាតិចិន​ដូចគ្នា ដើម្បី​ជំរិត​ទារប្រាក់ ដោយបាន​ធ្វើការ​ឃាត់ខ្លួន​ជនសង្ស័យ​ចំនួន៥នាក់ និង៣នាក់​ទៀត រត់គេចខ្លួន​បាត់ កាលពី​ថ្ងៃទី២ កក្កដា ២០១៨ ម្សិលមិញនេះ។

ជនសង្ស័យ​ទាំង៥នាក់​នោះមាន៖

១.ឈ្មោះ Yang Jun ភេទ​ប្រុស អាយុ៣៤ឆ្នាំ មុខរបរ​អ្នក​ទេសចរណ៍។

២.ឈ្មោះ Hou Jian ភេទ​ប្រុស អាយុ២៩ឆ្នាំ មុខរបរ​បុគ្គលិក​កាស៊ីណូ Golden City។

៣.ឈ្មោះ Jiu Fei Bin ភេទ​ប្រុស អាយុ៣៣ឆ្នាំ មុខរបរ​បុគ្គលិក​កាស៊ីណូ New Macau។

៤.ឈ្មោះ Wo Luo Yang ភេទ​ប្រុស អាយុ២៤ឆ្នាំ មុខរបរ​បុគ្គលិក​កាស៊ីណូ ជីន​ប៉ី។

៥. ឈ្មោះ Huang Wan Ying ភេទ​ប្រុស អាយុ២៥ឆ្នាំ មុខរបរ​អ្នក​ទេសចរណ៍ (ជនសង្ស័យ៨នាក់ តែ​រត់គេចខ្លួន៣នាក់)។

ករណី​បង្ក្រាប​ក្រុម​ជន​បង្ខាំង​មនុស្ស​ជំរិត​ទារប្រាក់​នេះ ត្រូវបាន​លោក​ឧ​ត្ត​ម​សេនីយ៍​ទោ ជួន ណា​រិន្ទ ស្នងការ​នគរបាល​ខេត្ត​ព្រះសីហនុ​ថ្លែង​ឲ្យ​ដឹងថា ៖ ក្រោយពីសមត្ថកិច្ច​មូល​ដ្នា​ន​ទទួលបាន​ព័ត៌មាន​ថា មាន​ជន​ជន​ចិន១ក្រុម​ពពាក់​ព​ពួន​គ្នា​ចេញចូល​ផ្ទះជួល​មួយកន្លែង​ស្ថិតនៅ​ក្រុម៣៣ ភូមិ៥ សង្កាត់​លេខ៤ ក្រុងព្រះសីហនុ អាច​កំណត់​បានជា​ក្រុម​មាន​សមាសភាព​មិនល្អ។

ក្រោយពេល​ទទួលបាន​ព័​ត៌​មាននោះ ក្នុងនាម​រូបលោក​ជា​ស្នងការ និង​មាន​ជំនាញ​ព្រហ្មទណ្ឌ​ច្រើន​ឆ្នាំ​ផង បាន​ប្រើប្រាស់​កម្លាំង​ការិយាល័យ​ជំនាញ ចុះទៅ​សហការ​ជាមួយ​អធិការដ្ឋាន​នគរបាល​ក្រុងព្រះសីហនុ និង​កម្លាំង​ប៉ុស្តិ៍​រដ្ឋបាល​សង្កាត់​លេខ៤ ក្រោម​ការសម្របសម្រួល​ពី​លោកស្រី​ព្រះរាជអាជ្ញា នៃ​អយ្យការ​អម​សាលាដំបូង​ខេត្ត បាន​ចូលទៅ​ធ្វើការ​ឆែកឆេរ​ផ្ទះជួល១កន្លែង​នោះ និង​បាន​ឃាត់ខ្លួន​ជនសង្ស័យ​ចំនួន៥នាក់ ដូច​មានឈ្មោះ​ខាងលើ ព្រមទាំង​បានធ្វើ​ការរំដោះ​ជនរងគ្រោះ​ជា​ជនជាតិ​ចិន៥នាក់ ដែល​ជនសង្ស័យ​បាន​ចាប់​យកទៅ​បង្ខាំង​ទុក​ដើម្បី​ជំរិត​ទារប្រាក់​ផងដែរ។

បន្ទាប់ពី​សមត្ថកិច្ច​បា​ន​ធ្វើការ​ឃាត់ខ្លួន​សង្ស័យ​ទាំ៥នាក់​នោះមក ពួកគេ​បាន​សារភាព​ប្រហាក់ប្រហែលគ្នា​ថា កាលពី​ថ្ងៃទី៣០ មិថុនា ២០១៨ ពួកគេ​ជនសង្ស័យ និង ជនរងគ្រោះ​បាន​ស្រុះស្រួល​គ្នា​ចូល​លេងល្បែង​ស៊ីសង​នៅកាស៊ី​ណូ​មួយ ហើយ​ជនរងគ្រោះ៥នាក់

១.ឈ្មោះ Chen Dong Qin ភេទ​ប្រុស អាយុ២៣ឆ្នាំ មុខរបរ​អ្នក​ទេសចរណ៍

២.ឈ្មោះ Jian Liang ភេទ​ប្រុស អាយុ២៩ឆ្នាំ មុខរបរ​អ្នក​ទេសចរណ៍

៣.ឈ្មោះ Zeng Zhi Quo ភេទ​ប្រុស អាយុ២៧ឆ្នាំ មុខរបរ​បុគ្គលិក​កាស៊ីណូ New Macau

៤.ឈ្មោះ Ling Yong Yong ភេទ​ប្រុស អាយុ២៩ឆ្នាំ មុខរបរ​អ្នក​ទេសចរណ៍

និង ៥.ឈ្មោះ Shi Hao Bo ភេទ​ប្រុស អាយុ៤៦ឆ្នាំ មុខរបរ​អ្នក​ទេសចរណ៍ បាន​ចាញ់ល្បែង​អស់ប្រាក់​ពី​ខ្លួន ហើយក៏​បាននាំគ្នា​ខ្ចីបុល​ពី​ជនសង្ស័យ ដើម្បី​បាន​លេង​បន្តទៀត ។

ខណៈ​ក្រុម​ជនសង្ស័យ​ក៏បាន​ចាញ់​អស់ប្រាក់​ពី​ខ្លួន​ដែរ ពួកគេ​បានទាមទារ​ប្រាក់​ពី​ជនរងគ្រោះ​វិញ ប៉ុន្តែ​ពេលនោះ​ជនរងគ្រោះ គ្មាន​ប្រាក់​សង​ទៅ​ជនសង្ស័យ​ទេ ព្រោះ​ចាញ់​អស់​ដូចគ្នា ទើបបាន​ក្រុម​ជនសង្ស័យ​បង្កើត​គំនិត​ចាប់​បង្ខាំង​ជនរងគ្រោះ ទុក​ជំរិត​ទា​ប្រាក់​ពី​ឪពុកម្តាយ​នៅឯ​ប្រទេស​ចិន ដើម្បី​ឲ្យ​ផ្ញើ​លុយ​មក​សង​ពួកគេ​វិញ និង​ដែលជា​ថ្នូរ​ក្នុង​ការដោះលែង​ជនរងគ្រោះ​ទាំង៥នាក់​នោះ៕

ខេត្តសៀមរាប:នៅថ្ងៃទី៣០ខែមិថុនាឆ្នាំ២០១៨ វេលាម៉ោង ១៨:០០នាទី នៅភូមិខ្នារ សង្កាត់ជ្រាវ ក្រុងសៀមរាប មានជនសង្ស័យមួយក្រុម បានធ្វើសកម្មភាពគាស់ផ្ទះជនរងគ្រោះឈ្មោះ ស.ផ.យភេទស្រី អាយុ៤៣ឆ្នាំ រស់នៅភូមិកើតហេតុខាងលើ ត្រូវបានអ្នកជិតខាងសង្ស័យនិង សហការណ៍​ជាមួយបងប្អូនប្រជាការពារភូមិ រាយការណ៍ មកកំលាំងនគរបាលប៉ុស្តិ៍រដ្ឋបាលសង្កាត់ជ្រាវ នៃអធិការដ្ឋាននគរបាលក្រុងសៀមរាបចុះទៅធ្វើការឃាត់ខ្លួនជនសង្ស័យជាបន្តបន្ទាប់ភ្លាមៗយកមកសាកសួរបានចំនួន០៣នាក់រួមមាន
ទី១-ឈ្មោះ ហឿន សរ ភេទ ប្រុស
អាយុ ១៧ឆ្មាំ ជនជាតិ ខ្មែរ សញ្ជាតិ ខ្មែរ
បច្ចុប្បន្នរស់នៅភូមិ ធ្លកអណ្ដូង សង្កាត់
ស្លរក្រាម ក្រុងសៀមរាប ខេត្តសៀមរាប។
ទី២-ឈ្មោះឆាយ វ៉ាន់ណែត ភេទប្រុស អាយុ៣៣ឆ្នាំ ជនជាតិខ្មែរ សញ្ជាតិខ្មែរ
រស់នៅភូមិខ្នារ សង្កាត់ជ្រាវ ក្រុង.ខេត្តសៀមរាប(ជនសមគំនិត)។
ទី៣-ឈ្មោះ កែវ បញ្ញា ភេទប្រុស អាយុ២៦ ឆ្នាំរស់នៅភូមិ ខ្នារ សង្កាត់ជ្រាវ (ពាក់ព័ន្ធនិងករណីអំពើលួចមានស្ថានទម្ងន់ទោស គាស់ទម្លុះទម្លាយ)

យោងតាមពាក្យបណ្តឹងរបស់ជនរងគ្រោះ និងក្រោយស្តាប់ចម្លើយរបស់ជនសង្ស័យខាងលើរួចមក​ ពួកគេបាន សារភាពថាខ្លួនពិតជាបានប្រព្រឹត្តសកម្មភាព លួចដូចការប្តឹងចោទប្រកាន់មែន។ ហើយរាល់ទ្រព្យសម្បត្តិដែលលួចបាន ជនសង្ស័យខាងលើបាន យកលក់អោយឈ្មោះឆាយ វ៉ាន់ណែត ។

យោងតាមការរៀបរាប់របស់ជនសង្ស័យឈ្មោះឆាយ វ៉ាន់ណែត និងដោយមានការចង្អុលបង្ហាញពីលោកវរសេនីយ៍ឯក ទេព​ ចាន់ណា​ អធិការនៃអធិការដ្ឋាននគបាលក្រុងសៀមរាប កំលាំងនគរបាលផ្នែកព្រហ្មទណ្ឌ ដឹកនាំដោយលោកវរសេនីយ៍ត្រី នួន​ សក្តិ័ចំរើនរិទ្ធ អធិការងទទួលផ្នែក​ មន្ត្រីនគរបាលយុត្តិធម៍ បានធ្វើការបន្តឆែកឆេរ កន្លែងដែលជនសង្ស័យយកវត្ថុតាងទៅលាក់ទុក។ បន្ទាប់ធ្វើការឆែកឆេរ នគរបាលក្រុងសៀមរាប បានសហការណ៍ជាមួយ​ នគរបាលការិយាល័យប្រឆាំងគ្រឿងញៀន បន្តនាំខ្លួនជនសង្ស័យ ដែលស្នាក់នៅក្នុងបន្ទប់​ដែលក្រុមជនសង្ស័យខាងលើយកវត្ថុតាងទៅលាក់ទុក ហើយមានពាក់ពន្ធ័នឹង​ ករណីប្រើប្រាស់នូវសារធាតុញៀនដោយខុសច្បាប់បានចំនួន០២នាក់​បន្ថែមទៀត​
ទី០១-ឈ្មោះងិន មាសរិទ្ធី ភេទប្រុស អាយុ៣៦ឆ្នាំរស់នៅភូមិគ្រួស សង្កាត់ស្វាយដង្កំ
ទី០២-ឈ្មោះកែវ ឡោះ ភេទប្រុស អាយុ១៩ឆ្នាំ រស់នៅភូមិដូនស្វា ឃុំសំរោងយា ស្រុកពួក។
+ដកហូតបានវត្ថុតាង៖ ម៉ូតូ០១គ្រឿងម៉ាកMSXពណ៌ខៀវ គ្មានផ្លាកលេខ លេខតួលេខម៉ាស៊ីន ៤០០៥២៩ ផ្លាកលេខចំនួន០២សន្លឹក មាន​ សៀមរាប 1Y-1361 និងកណ្តាល 1S-6480 ម្ស៉ៅគ្រើមពណ៏ស(ម៉ាទឹកកចំនួន១៥កញ្ចប់តូច ទូរសព្ទចំនួន០៣គ្រឿង(ខូច) ជារបស់ជនសង្ស័យ។
វត្ថុតាងរបស់ជនរងគ្រោះដកហូតពីជនសង្ស័យមាន៖ ទូរទស្សន៍ទំហំ ២១អ៉ិញ ០១គ្រឿង ម៉ាញ៉េរ០១គ្រឿង សាឡុងឈើ០១ តុតូច ០១ នាឡិកាឈើ០១គ្រឿង កៅអីផ្អែក ០១ ទូទឹកកក០១គ្រឿង ខោអាវមួយចំនួន។

បច្ចុប្បន្នជនសង្ស័យនិងវត្ថុតាង ត្រូវបាននគរបាលក្រុងសៀមរាប កសាងសំណុំរឿងបញ្ជូនទៅតុលាការដើម្បីចាត់ការតាមនិតិវិធីច្បាប់៕

ប្រភព៖ នគរបាលព្រហ្មទណ្ឌ នៃអធិការដ្ឋានគរបាលក្រុងសៀមរាប