ព្រះវិហារ៖ កាលពី​ថ្ងៃទី១ ខែកក្កដា ឆ្នាំ២០១៨ នៅ​ចំណុច​ភូមិ​អន្លង់វែង ឃុំ​កន្ទួត ស្រុក​ជាំ​ក្សាន្ត ខេត្តព្រះវិហារ កម្លាំង​កងរាជអាវុធហត្ថ​ស្រុក​ជាំ​ក្សាន្ត សហការ​ជាមួយ​កម្លាំង​អាវុធហត្ថ​ស្នាក់ការ​សន្តិសុខ​ធម្មជាតិ​សម្តេច​តេ​ជោ បាន​ចុះបង្ក្រាប និង​ឃាត់ខ្លួន​បុរស​ម្នាក់ ដែលជា​ជនសង្ស័យ​ប្រើប្រាស់ រក្សាទុក និង​ចែកចាយ​ថ្នាំញៀន។ ជនសង្ស័យ​ដែល​ឃាត់ខ្លួន​ឈ្មោះ ទន់ ឈាន ភេទ​ប្រុស អាយុ៣៥ឆ្នាំ មុខរបរ​មិន​ពិតប្រាកដ បច្ចុប្បន្ន​ស្នាក់នៅ​ភូមិ​ឃុំ​កើតហេតុ​ខាងលើ។

កម្លាំង​កងរាជអាវុធហត្ថ​ស្រុក​បាន​ដកហូត​ថ្នាំញៀន​ប្រភេទ​ម្សៅ​ក្រាម​ពណ៌​ស​ថ្លា (ម៉ា​ទឹកកក) ចំនួន១០កញ្ជប់​តូច, កាំភ្លើង​ច្នៃ២ដើម គ្រាប់ AK៤៧ ចំនួន៣២គ្រាប់, សាក់​កាដូ​រដាក់​កាំភ្លើង​មួយ, ថវិការ​មួយចំនួន, ម៉ូតូ១គ្រឿង ព្រមទាំង​សម្ភារ​សម្រាប់​វេច​ខ្ចប់​ថ្នាំញៀន​មួយចំនួនទៀត ៕

(ស្វាយរៀង) ពិតជាមានការសោយស្តាយយ៉ាងខ្លាំងចំពោះទារក ដែលទើបនឹងកើតបានអាយុ៦ខែ បានស្លាប់កាលពីចុងខែមិថុនា ឆ្នាំ ២០១៨នេះ មួយម៉ោងក្រោយ បន្ទាប់ពីបុគ្គលិកមួយរូប ក្នុងគន្លីកឯកជនឈ្មោះ សុវណ្ណចំរើន សុខ ស្ថិតក្នុងខេត្តស្វាយរៀ ង បានចាក់ថ្នាំក្មេង ទាំងមិនបានទទួលការវិនិច្ឆ័យជម្ងឺច្បាស់នៅឡើយ។ បើតាមការឲ្យដឹងរបស់ក្រុមគ្រួសាររងគ្រោះបានរៀបរាប់ថា កូនរបស់ខ្លួនមានជំ ងឺក្អក និង ក្ដៅខ្លួន និងបានបញ្ជូនទៅគ្លីនិ កខាងលើ និងបើកថ្នាំខ្លះមកលេបបន្ថែម។ តែពេលទៅដល់ក៏គ្មានពេទ្យប្រចាំការ មានតែបុ គ្គលិកពីរ បីនាក់ គ្មានពាក់ស្លាកឈ្មោះត្រឹមត្រូវចេញមុខធានាព្យាបាលទៅវិញ។​

បន្ទាប់ពីនោះ បុគ្គលិកពេទ្យរូបនេះបានចាក់ថ្នាំឲ្យកូនគាត់ច្រើនស៊ឺរ៉ាំង រួចព្យួរសឺរ៉ូមមួយប្លោកទៀត ដោយពុំបានដឹងថាជាថ្នាំអ្វីខ្លះឡើយ ស្រាប់តែប៉ុន្មាននាទីក្រោយមក កូនគាត់បែរជាក្លាយទៅ ជាស្វាយសាច់ទាំងមូល ត្រជាក់ចុង ដៃចុងជើង និងបែក ញើសពេញចិញ្ចើម បាត់ស្មារតីលែងយំ រហូតបាត់បង់ជីវិតតែម្ដង។ បន្ថែមលើសពីនេះទៅទៀត អ្នកជាម្ដាយបានធ្វើការដាក់ពាក្យបណ្ដឹងទៅខាងអធិការដ្ឋាន នគរបាលក្រុ ងស្វាយរៀង ប៉ុន្តែបែរជាគ្មានអ្នកអើពើ ថែមទាំងជួយលាក់បាំងទៀត ធ្វើឲ្យរូបគាត់ឈឺចាប់ជាខ្លាំង អង្វរសមត្ថកិច្ច និងថ្នាក់លើទាំងអស់ជួយដោះស្រាយផងដែរ៕ ប្រភពនគរបាលជាតិ

ភ្នំពេញ៖ សំណង់​អគារ​ខុន​ដូ Mekong View Tower 6 ដែល​កំពុងដំណើរការ​សាងសង់​នៅក្នុង​ខណ្ឌ​ជ្រោយចង្វារ បាន​ឆក់យក​ជីវិត​កម្មក២នាក់ភ្លាមៗ និង​បង្ក​ឲ្យ​កម្មករ៥នាក់​ផ្សេងទៀត រងរបួស​ធ្ងន់​ស្រាល ករណី​បាក់​បេតុង​ប្លង់​សេនេះ​នៅ​ជា​ន់ទី២៣ សង្កត់​លើ​កម្ម​ករ ខណៈ​កំពុងធ្វើការ ហេតុការណ៍នេះកើតឡើងកាល​ថ្ងៃអាទិត្យ ទី១ ខែកក្កដា ឆ្នាំ២០១៨ នៅ​ចំណុច​ការដ្ឋាន​សំណង់​អគារ​ខុន​ដូ Mekong View Tower 6 ស្ថិត​ក្នុងភូមិ២ សង្កាត់​ជ្រោយចង្វារ ខណ្ឌ​ជ្រោយចង្វារ រាជធានី​ភ្នំពេញ។

ជនរងគ្រោះ​ចំនួន៥នាក់ ត្រូវបាន​បញ្ជូនទៅ​សង្គ្រោះបន្ទាន់ភ្លាមៗ ក្រោយ​កើតហេតុ​បាក់​ប្លង់​សេ​ខាងលើនេះ ខណៈ​មនុស្ស២នាក់ បាន​ស្លាប់ក្រោមបេតុងនោះ។
ជនរងគ្រោះ ដែល​រងរបួស​ទាំង៥ រួមមាន ទី១.ជាង នឿន របួស​ជើង, ទី២.ជាង ផាត របួស​ជើង, ទី៣.ជាង រិ​ទ្ធ របួស​ស្មា, ទី៤.ស្រី លន ភេទ​ស្រី របួស​ស្មា និង​ទី៥.ស្រី របួស​កែងដៃ។

ដោយឡែក ជនរងគ្រោះ២នាក់​ដែល​ស្លាប់ក្រោម​បេតុងនៅនោះ ​សមត្ថកិច្ច ​បានប្រើពេល​អស់​ប្រហែល​ជិត១០ម៉ោង​ទើបយកសាកសពបាន រួមមាន៖
ទី១ឈ្មោះ បាន លាស់ ភេទ​ប្រុស អាយុ៤៨ឆ្នាំ រស់នៅ​ភូមិ​តា​ពុំ ឃុំ​ល្វេ ស្រុក​កោះសូទិន ខេត្តកំពង់ចាម និង​ទី២ឈ្មោះ នាម ហ៊ីង ភេទ​ប្រុស អាយុ៣៨ឆ្នាំ រស់នៅ​ភូមិ​គោក​រុន ឃុំ​ប៉ុប​ប៉ែន ខេត្តសៀមរាប។

ថ្ងៃកើតហេតុ​ខាងលើ ក្រុម​ជាង​ប្រមាណ​ជាង១០នាក់ បាននាំគ្នា​ចាក់​ប្លង់​សេ​នៅ​ជា​ន់ទី២៣ ប៉ុន្តែ​មិនទាន់​បញ្ចប់​នោះទេ។ លុះ​វេលា​រសៀល ក៏​បន្ត​បាញ់​បេតុង​ចាក់​ប្លង់​សេ​បន្តទៀត ស្រាប់តែ​បាក់​រន្ទារ​ធ្លាក់​ប្លង់​សេ​សង្កត់​ក្រុមកម្មករ និង​ជាង បណ្ដាល​ឲ្យ​រងរបួស៥នាក់ និង​បាត់​ខ្លួន២នាក់ ដោយ​ជាប់​នៅក្រោម​ប្លង់​សេ​នោះ​តែម្ដង។

អាជ្ញា​ធរមាន​សមត្ថកិច្ច មាន​ទាំង​អភិបាលក្រុង​ភ្នំពេញ លោក ឃួ​ង ស្រេង និង​ចៅហ្វាយខណ្ឌ​ជ្រោយចង្វារ លោក ឃ្លាំង ហួត រួម​នឹង​មន្ត្រី​តុលាការ បាន​ចុះទៅពិនិត្យ​កន្លែងកើតហេតុ​ផងដែរ ហើយ​ក្រុម​ជាង​បាននាំគ្នា​ដាប់​គាស់​បេតុង ដើម្បី​រុករ​កជាង​ដែល​បាត់​ខ្លួន​នោះ​អស់​ជាច្រើន​ម៉ោង រហូតដល់​ម៉ោង​ប្រមាណ១០យប់​ថ្ងៃ​ដដែល ទើប​រកឃើញ​សាកសព​ជនរងគ្រោះ។

ក្រោយពេល​រកឃើញ​សាកសព និង​ធ្វើ​កោសល្យវិច័យ​លើ​សាកសព​រួចរាល់ សម​កិច្ច​ជំនាញ​ឲ្យ​ដឹងថា ជនរងគ្រោះ​ទាំង២នាក់ ពិតជា​ស្លាប់​ដោយសារ​ប្លង់​សេ​បាក់​សង្កត់​លើ​ប្រាកដ​មែន។ សាកសព​ក៏ត្រូវ​បានប្រគល់​ឲ្យ​សាច់ញាតិ ដឹកយក​ទៅធ្វើ​បុណ្យ​តាម​ប្រពៃណី នៅ​ស្រុកកំណើតរៀងៗខ្លួន៕

ភ្នំពេញ ៖ យ៉ាងហោចណាស់មានកម្មករពីរូបបានបាត់ខ្លួន ក្រោយចាក់បេតុងប្លង់ស្សេ លើអាគារខុនដូរមេគង្គវីយូ៦ ហើយបាក់ធ្លាក់សង្កត់លើ ដែលមានទីតាំងស្ថិតក្នុងក្នុងសង្កាត់ជ្រោយចង្វា ខណ្ឌជ្រោយចង្វា នាកាលពីរសៀលថ្ងៃទី១ ខែកក្កដា ឆ្នាំ២០១៨ ។

ក្រៅពីមានមនុស្សបាត់ខ្លួន២នាក់ ក្នុងនោះមានគេថា មានអ្នករងរបួសផងដែរ។

ក្រោយកើតហេតុ សមត្ថកិច្ចជំនាញខណ្ឌជ្រោយចង្វា និងកម្លាំងជំនាញក្រុង សហការជាមួយ ម្ចាស់ការដ្ឋាន បានយកអេស្កា កាយរុករកកម្មករ២នាក់ ដែលបានបាត់ខ្លួន ក្នុងហេតុនោះ ប៉ុន្តែនៅពុំទាន់បានរកឃើញ កម្មករដែលបាត់ខ្លួន នោះនៅឡើយទេ៕

ខេត្តកំពត៖ កាលពីវេលាម៉ោង៩ព្រឹក ថ្ងៃទី១ ខែកក្កដា ឆ្នាំ២០១៧ កម្លាំងជំនាញខេត្តកំពត សហការជាមួយកម្លាំងនាយកដ្ឋាន
អន្តោប្រវេសន៍ ដឹកនាំដោយលោកវរសេនីយ៍ឯក ព្រាប បូរី ប្រធានការិយាល័យអនុវត្តនីតិវិធី ក្រោមការសម្របសម្រួលដោយលោកព្រះរាជអាជ្ញារង ខាន់ សុផល បានចុះត្រួតពិនិត្យជនបរទេសនៅតាមផ្ទះជួលចំនួន២ គោលដៅ ។

លទ្ធផលសមត្ថកិច្ចឃាត់ខ្លួនបានជនជាតិចិនចំនួន ៣៨ នាក់ ក្នុងនោះមានស្រីចំនួន ១១ នាក់ ពីបទចាប់ជំរិតតាមប្រព័ន្ធអ៊ីនធឺណេត រួមមាន៖
គោលដៅទី ១ : នៅផ្ទះជួល ក្នុងភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ឃាត់ខ្លួនបានចំនួន ២០ នាក់ ក្នុងនោះមានស្រីចំនួន ០៦ នាក់។
គោលដៅទី ២ : នៅផ្ទះជួល ក្នុងភូមិត្រពាំងធំ ឃុំជុំគ្រៀល ស្រុកទឹកឈូ បានចំនួន ១៨ នាក់ ស្រីចំនួន៥ នាក់ ។
បច្ចុប្បន្នសមត្ថកិច្ចយើងបានបញ្ជូនទៅនាយកដ្ឋានអន្តោប្រវេសន៍រួចហើយដើម្បីចាត់ការតាមច្បាប់បន្តទៀត ៕

ខេត្ត​ព្រះសីហនុ៖ នៅ​វេលា​ម៉ោង៩:០០ ព្រឹក​ ថ្ងៃទី​១ ខែ​កក្កដា​​ ឆ្នាំ២០១៨ នេះ​ រថយន្ត​ដឹក​ដែក​មួយ​គ្រឿង​បាន​ចុះ​ចំណោត​ រអិល​ធ្លាក់​ផ្លូវ​ទៅ​ខាង​ស្តាំ​ដៃ​ ហើយ​បាន​ក្រ​ឡាប់​ នៅ​ផ្លូវ​បេតុង​ (ផ្លូវ​បំបែក​ផ្លូវ​ជាតិ​លេខ​៤ ចុះ​មក​អូរត្រេះ​ចាស់​ ) សង្កាត់​លេខ​៤​ ក្រុង​/ខេត្ត​ព្រះសីហនុ។សមត្ថកិច្ចបញ្ជាក់ថា​ រថយន្តនេះ​ម៉ាក​ HYUNDAI ពណ៌ស​ ផ្លាក​លេខ​កំពង់​ធំ​3A-1815 សណោ្តងរុឺម៉ក​ដឹក​ដែក​សរសៃ​​ ​បើកបរ​ដោយឈ្មោះ​ នូ​ ប៊ុនថា​ ភេទ​ ប្រុស​ អាយុ​ ២៨ឆ្នាំ​ មុខរបរបើកបរ មានទីលំនៅ​ខណ្ឌ​សែនសុខ​ រាជធានីភ្នំពេញ​ មានអ្នករួមដំណើរ​ម្នាក់ឈ្មោះ​យា​ ប៊ុនធឿន​ ភេទ​ប្រុស​ អាយុ​ ៥៣ឆ្នាំ​ មុខរបរ​ ថៅកែ​រថយន្ត​ មានទីលំនៅ​ឃុំ​/ស្រុក​កំពង់លាវ​ ខេត្ត​ព្រៃវែង​។

រថយន្ត​នេះដឹកដែក​មកពី​ភ្នំពេញ​ ឆ្ពោះ​មក​ខេត្ត​ព្រះសីហនុ​ លុះដល់ចំណុចខាងលើ​ ត្រង់ផ្លូវ​ចុះ​ចំណោត​ មក​អូរត្រេះ​ ក៏រអិល​មក​ខាង​ស្ដាំ​ដៃ​ធ្លាក់​ផ្លូវ​ក្រឡាប់​តែ​ម្ដង​ បណ្ដាល​ឲ្យ​ឈ្មោះ​ យា​ ប៊ុនធឿន​ អ្នករួម​ដំណើរ​លើ​រថយន្ត​ រងរបួស​ជើង​ខាង​ស្ដាំ​ធ្ងន់ធ្ងរ បានបញ្ជូនទៅ​សង្គ្រោះ​នៅ​គ្លីនិក​មិត្តភាព​ឃ្លាំង​លើ​៕

ភ្នំពេញ៖សង្សយ័ស្រវឹង ! ​បុរស២នាក់បើករថយន្តបាឡែន
បុក​របាំង​ថ្ម​ចែក​ទ្រូងផ្លូវបាក់​អស់៣កង់ ហេតុការណ៍​នេះ កើតឡើង​នៅវេលា​ម៉ោង១២៖១០នាទី​រំលងអធ្រាត្រ ឈានចូល​ថ្ងៃទី១ ខែកក្កដា ឆ្នាំ២០១៨ ស្ថិត​តាម​បណ្ដោយ​ផ្លូវ​សហព័ន្ធរុស្ស៊ី ចំណុច​ដង​នង្គ័ល ជាប់​របង​ព្រលានយន្តហោះ​អន្តរជាតិ​ភ្នំពេញ (ពោធិ៍ចិនតុង) ស្ថិតក្នុង​សង្កាត់​ចោមចៅ៣ ខណ្ឌ​ពោធិ៍​សែន​ជ័យ រាជធានី​ភ្នំពេញ។

បុរស​ម្នាក់ និង​អ្នករួមដំណើរ​ពីរ​នាក់​ទៀត បាន​បើករថយន្ត​បោះពួយ​យ៉ាង​លឿង ដោយ​មិន​ប្រយ័ត្ន​បាន​ជ្រុល​ចង្កូត​ទៅបុក​របាំង​ថ្ម​ចែក​ទ្រូងផ្លូវ​បាក់​អស់៣កង់ និង​ខ្ទាត​ចេញពី​ជួរ២កង់។ រីឯ​រថយន្ត​រង​ការខូចខាត​មួយ​កំណត់​មុខ​ស្ទើរតែ​ទាំងស្រុង ទើប​រថយន្ត​មិនអាច​បន្ត​ទៅមុខទៀត​បា​ន។

មុនពេល​កើតហេតុ គេ​ឃើញ​បុរស៣នាក់ ជិះ​រថយន្ត​មួយគ្រឿង​ម៉ាក កាមរី​បា​ឡែ​ន ពណ៌​ស ពាក់​ស្លាក​លេខ ភ្នំពេញ 2Y-5361 បើក​ពី​កើ​តទៅ​លិច​ក្នុង​ល្បឿន​លឿន​ដូច​ហោះ។ ខណៈ​មកដល់​ចំណុចកើតហេតុ​ខាងលើ ដោយ​របាំង​ផ្លូវ​កោង​ផង​នោះ រថយន្ត​បាន​ចាប់​ហ្វ្រាំង​មិនទាន់ ក៏​ជ្រុល​ទៅបុក​របាំង​ថ្ម​ចែក​ទ្រូងផ្លូវ​បាក់​អស់៣កង់ ហើយ​រថយន្ត​ខ្ទេច​មួយ​កំណាត់​មុខ​មិនអាច​បន្តដំណើរ​ទៀត​បា​ន តែ​ក្នុង​គ្រោះ​ចរាចរណ៍​នេះ សំណាងល្អ​មិន​បង្ក​ឲ្យ​អ្នកធ្វើដំណើរ​រងរបួស ៕

ស្រុកព្រៃនប់៖ មានរថយន្ត​៣គ្រឿង​បុក​ប៉ះគ្នា​ រួចក៍ប៉ះទៅនឹងម៉ូតូមួយគ្រឿងទៀត កាលពីម៉ោងជាង៥ល្ងាច ថ្ងៃ​ទី​៣០ ខែ​មិថុនា​​​ ឆ្នាំ​២០១៨​ លើផ្លូវ​ជាតិ​លេខ​៤​ ចន្លោះ​គីឡូម៉ែត្រ​ ២១១-២១២​ មុខ​តំបន់​រោងចក្រ​សេដ្ឋកិច្ច​ពិសេស​ ឃុំ​បិតត្រាំ​ង​​ ស្រុក​ព្រៃនប់​ ខេត្ត​ព្រះសីហនុ​ ។

បើយោងតាមរបាយការណ៍ពីសមត្ថកិច្ចអោយដឹងថា គ្រោះថ្នាក់ចរាចរណ៍នេះកើតឡើង​ រវាង​ រថយន្ត​ ០១គ្រឿង​ម៉ាក​ HYUNDAI ពណ៌ ស ពាក់ផ្លាកលេខ​កំពង់ស្ពឺ 3A 0471​( អ្នកបើកបរ​មិន​ស្គាល់​អត្តសញ្ញាណ​ )មានទិសដៅចេញពី​ក្រុង​ព្រះសីហនុ​​ ​បាន​បុក​ពីខាង​ក្រោយ​រថយន្ត​ដឹក​កម្មករ​ ០១គ្រឿង​ម៉ាក​ SANGYONG ពណ៌ ស្លែ​ ពាក់ផ្លាកលេខ​ព្រះសីហនុ​2A-3624 បើកបរ​ដោយ​ឈ្មោះ​ ង៉ែត​ ផល្លា​ ភេទ​ ប្រុស​ អាយុ​ ៣៥ឆ្នាំ​​ មានទីលំនៅ​ភូមិ​អូរឧកញ៉្ញាហេង​ ឃុំ​អូរឧកញ៉្ញាហេង​ ស្រុក​ព្រៃនប់​ ខេត្ត​ព្រះសីហនុ​ ដឹក​កម្មករ​ចំនួន​ ៣៥នាក់​ មានទិសដៅ​ស្របគ្នា​ រួច​បន្តទៅបុក​ប៉ះរថយន្ត​សណោ្តងរុឺម៉ក​ដឹក​ស៊ីទែន​ស៊ីម៉ងត៍​ ០១គ្រឿង​ពណ៌​ ស​ ពាក់ផ្លាកលេខ ​ព្រះសីហនុ ​3A-6425​ របស់​ក្រុមហ៊ុន​ យ៉ុង​ វៃ បើកបរ​ដោយ​ឈ្មោះ​ អេង​ វាសនា​ ភេទ​ ប្រុស​ អាយុ​ ៤៤ឆ្នាំ​ មានទីលំនៅ​ស្រុក​ច្បារមន​ ខេត្ត​កំពង់ស្ពឺ​ មានទិសដៅ​ផ្ទុយ​គ្នា​ ក្នុងនោះក៍បានប៉ះនឹងម៉ូតូមួយគ្រឿងទៀតដែរ។

គ្រោះថ្នាក់​នេះ​បណ្ដាល​ឲ្យ​រងរបួសធ្ងន់និងស្រាល​មនុស្ស​ចំនួន​ ០៨នាក់​ ស្រី​ ០៥នាក់​ មានកម្មករ​រួមដំណើរ​លើ​រថយន្ត​ SANGYONG ​ និង​បុរសម្នាក់​ អ្នករួម​ដំណើរ​លើ​រថយន្ត​ HYUNDAI ​ ​ បានបញ្ជូនទៅ​សង្គ្រោះ​នៅ​គ្លីនិក​មិត្តភាព​ឃ្លាំង​លើ​ ចំណែក​អ្នកបើកបរ​រថយន្ត​ម៉ាក​ HYUNDAI រត់​គេច​ខ្លួន​បាត់​ក្រោយ​ពេល​កើតហេតុ​៕

ភ្នំពេញ ៖សប្បាយក្លាយជាទុក្ខ!! ដើម្បីញុំាង កម្មវិធី ផឹកសុីអោយកាន់តែប្លែក បុរស​មួយក្រុម បានយកកូនគ្រែ ផ្ងារជើងដាក់លើ​ស្នោ​បណ្តែតទឹកបឹង ​ជិះអង្គុយ​ផឹកស្រា ស បណ្តើរ​ច្រៀង​លេង​បណ្តើរ ស្រាប់តែ​ក្រឡាប់​ លិច​បាត់មនុស្សម្នាក់​ រក​សាកសព​មិនទាន់ឃើញ ហេតុការណ៍នេះកើតឡើងស្ថិតនៅក្នុង​ត្រពាំង​អង្គ ភូមិ​ជ្រេស​ខាងជើង សង្កាត់​គោក​ឃ្លាង ខណ្ឌ​សែន​សុខ រហូតមកដល់​វេលា​រសៀល​ថ្ងៃទី២៩ ខែមិថុនា ឆ្នាំ២០១៨នេះ​ទៅហើយ នៅតែ​រក​សាកសព​មិនទាន់​ឃើញ សាច់ញាតិ ក្រុមគ្រួសារ ប្រជាពលរដ្ឋ បន្ត​ចុះ​រាវរក ។

បុរស​ចំណាស់​ម្នាក់​ខណៈជិះ​ស្នោអង្គុយ​ផឹកស្រា ស បណ្តើរ​ច្រៀង​លេង​បណ្តើរ បែ​ជា​ក្រឡាប់​ធ្លាក់ចូល​ទឹក​លង់​លិច​បាត់​ស្លាប់រក​សាកសព​មិនឃើញ​តាំងពី​វេលា​ម៉ោង៥និង៣០នាទី​ល្ងាច​ថ្ងៃទី២៨ ខែមិថុនា ឆ្នាំ២០១៨។ ជនរងគ្រោះ​ឈ្មោះ ប៊ូ ឡាំ ភេទ​ប្រុស អាយុ៥៤ឆ្នាំ មុខរបរ​នៅផ្ទះ ភូមិ សង្កាត់​កើតហេតុ​ខាងលើ ។

តាម​សាច់ញាតិក្រុមគ្រួសារបានឱ្យដឹងថា កាលពី​ល្ងាច​ថ្ងៃទី២៨ខែមិថុនា ឆ្នាំ២០១៨ ជនរងគ្រោះ ចុះ​ជិះ​លើ​ស្នោបណ្តែត​ទឹកនិង​ផឹកស្រា ស ច្រៀង​លេង”ជិះទូក​លេង​តាម​គង្គា” ។តែ​ជា​ចៃដន្យ ដុំ​ស្នោ​នោះបាន​ក្រឡាប់ ធ្វើ​ឲ្យ​ជនរងគ្រោះ​ដាំដូង​ធ្លាក់ចូល​ទៅក្នុង​ទឹក​លិច​បាត់​តែម្តង ។

ប្រជាពលរដ្ឋចុះ​រាវរកភ្លាមៗតែ​រក​មិនឃើញហើយ​ដឹងថាជនរងគ្រោះ​ពិតជា​ស្លាប់​ហើយដោយសារ​លង់​ស្លាប់លិច​បាត់​ក្នុង​ទឹករក​សព​មិនទាន់​ឃើញក្រុមគ្រួសាររៀបចំ​ទីកន្លែងមាត់​ត្រពាំងទឹក​នោះ​តែម្តង។

ត្រៀម​រង់ចាំ​ធ្វើបុណ្យ​នៅ​រោងបុណ្យ​រួម​មាត់​ត្រពាំងទឹក ប៉ុន្តែ​រហូតមកដល់​វេលា​ម៉ោង៣រសៀល​នេះ​ទៅហើយសព​នៅ​មិនទាន់​រកឃើញសូម្បីតែ​អណ្តែតក៏​មិនទាន់​តែក្រុមគ្រួសារបន្ត​ចុះ​រាវនិង​រងចាំ​សាកសព៕

(ព្រៃវែង)៖ ជនសង្ស័យ២នាក់ ត្រូវបាននគរបាលឃាត់ខ្លួន បន្ទាប់ពីពួកគេលួចម៉ូតូ ដែលម្ចាស់យកមកផ្ញើនៅផ្ទះរបស់ខ្លួន ពេលលក់បានលុយហើយយកទៅចាយម៉ត់គ្មានសល់។
ការឃាត់ខ្លួននេះបានធ្វើឡើង កាលពីវេលាម៉ោង២រសៀលថ្ងៃទី២៩ខែមិថុនាឆ្នាំ២០១៨ នៅចំណុចភូមិ កំពង់ពពិល ឃំុកំពង់ពពិល ស្រុក
ពារាំង ខេត្តព្រៃវែង ។

លោក ស៊ឹម កុសល អធិការស្រុកពារាំងបានឲ្យដឹងថា ជនសង្ស័យទាំង២នាក់ ទី១ឈ្មោះ គីម សុខនី ភេទប្រុស អាយុ៣១ឆ្នាំ
នៅភូមិកំពង់ពពិល ឃំុកំពង់ពពិល ស្រុកពារាំង។
២ ឈ្មោះ ហេង គីមសាន ភេទប្រុស អាយុ ២៦ឆ្នាំនៅភូមិកំពង់ពពិល ឃំុកំពង់ពពិល ស្រុកពារាំង។
ចំណែកម្ចាស់ម៉ូតូ ឈ្មោះ ពំុ សាត ភេទប្រុស អាយុ៣៨ឆ្នាំ នៅភូមិ
ព្រៃសម្លាញ ឃំុ រកា ស្រុកពារាំង។

ប្រភពពីកន្លែងកើតហេតុបានឲ្យដឹងថា ដើមចមដំបូងនៅព្រឹកថ្ងៃទី១៦ខែមិថុនាឆ្នាំ២០១៨ ជនរងគ្រោះបានមកផ្ញើម៉ូតូ នៅកន្លែងលាងម៉ូតូនៃផ្ទះជនសង្ស័យស្នាក់នៅនិងធ្វើការ ព្រោះខ្លួនរវុលបើកឡានដឹកដីជិតនោះ។ លុះដល់ម៉ោង១១ថ្ងៃត្រង់ក្នុងថ្ងៃដដែលជនសង្ស័យទាំង២នាក់បានយកម៉ូតូនោះបើកចេញទៅលក់យកលុយចែកគ្នាអស់។

ភ្លាមៗនោះ ជនរងគ្រោះមកប្ដឹងសមត្ថកិច្ច ឲ្យធ្វើកាស្រាវជ្រាវរកម៉ូតូរបស់ខ្លួនម៉ាក C125 ពណ៌ខ្មៅស៊េរី 015 ពាក់ស្លាកលេខ ភ្នំពេញ 1FE 4767ដែលជនសង្ស័យមិនស្គាល់អត្តសញ្ញាណ លួចយកនៅចំណុចភូមិ កំពង់ពពិល ឃំុកំពង់ពពិល ស្រុកពារាំង ខេត្តព្រៃវែង។
ជាមួយគ្នានោះនៅថ្ងៃទី២០ខែដដែលសមត្ថកិច្ចបានមកឆែកមើលកាម៉េរា សុវត្តិភាព ផ្ទះទល់មុខឃើញសកម្មភាពជនសង្ស័យលួចម៉ូតូ ទើបឈានដល់ឃាត់ខ្លួនជនសង្ស័យទាំង២នាក់នៅវេលាម៉ោងខាងលើ។

បច្ចុប្បន្នសមត្ថកិច្ចកំពុងបំពេញសំណំុរឿងដើម្បីចាត់ការតាមនីតិវិធី៕