កំពង់ធំ៖ ហេតុការណ៍គ្រោះថ្នាក់ចរាចរមួយបានកើតឡើងកាលពី​ថ្ងៃ២៥ ខែសីហា ឆ្នាំ២០១៨ លើផ្លូវ​ទំនប់ ចំណុច​ទឹក​វឹល ភូមិ​ផ្លុ​ង ឃុំ​ទីពោ​ធិ៍ ស្រុក​សន្ទុក ខេត្តកំពង់ធំ បណ្ដាល​ឲ្យ​ក្មេងប្រុស២នាក់​ស្លាប់ភ្លាមៗ។

គ្រោះថ្នាក់​ចរាចរណ៍ រវាង​រថយន្ត កិន​ម៉ូតូ បើកបរ​ក្នុង​ទឹ​សដៅ​ផ្ទុយគ្នា បណ្តាល​ឲ្យ​ស្លាប់​មនុស្ស ២នាក់ ។ អ្នកបើកបរ​ម៉ូតូ​ម៉ាក ហុងដា C125 ពណ៌​ខ្មៅ ស្លាក​លេខ កំពង់ធំ 1J.5120 បើកបរ​ទិសដៅ​ពី​លិចទៅ​កើត ដោយ​ឈ្មោះ​គង់ មករា ភេទ​ប្រុស អាយុ១៨ឆ្នាំ នៅ​ភូមិ​តាំងក្រសាំង ឃុំ​តាំងក្រសាំង ស្រុក​សន្ទុក ខេ​ត្តំ​ពង់​ធំ ពាក់មួក​សុវត្ថិភាព ស្លាប់​នៅ​កន្លែងកើតហេតុ អ្នករួមដំណើរ​ឈ្មោះ​ហេង.គឹម ហាន ភេទ​ប្រុស​អាយុ១៩ឆ្នាំ ភូមិ​វាំង​ខាងត្បូង ឃុំ​តាំងក្រសាំង ស្រុក​សន្ទុក ខេត្តកំពង់ធំ ស្លាប់​នៅ​កន្លែងកើតហេតុ (មិន​ពាក់មួក​សុវត្ថិភាព) ។

ចំណែក​អ្នកបើកបរ រថយន្ត​ម៉ាក​ឡិច​ស៊ី​ចLx470 ពណ៌​ស ផ្លាកលេខ កំពង់ធំ 2B.0601 បើកបរ​ទិសដៅ​ពី​កើ​តទៅ​លិច ដោយ​ឈ្មោះ សួស សុ​វណ្ណា ភេទ​ប្រុស អាយុ៤៩ឆ្នាំ នៅ​ភូមិ​កំពង់ធំ សង្កាត់​កំពង់​រទេះ ក្រុង​ស្ទឹងសែន ខេត្តកំពង់ធំ បញ្ជាការ​ងកងអាវុធហត្ថ​ស្រុក​សន្ទុក និង​ជា​ប្រធាន​ស្នាក់ការ​សន្តិសុខ៦០១ បើក​គេចខ្លួន​ពី​កន្លែងកើតហេតុ ។

មូលហេតុ​ជាបឋម​បង្ករឡើង​ដោយ​អ្នកបើកបរ​ម៉ូតូ​ដួល​លើ​ទ្រូងផ្លូវ ហើយ​ត្រូវបាន​រថយន្ត​បើកបរ​ផ្ទុយ​ទិស​ដែលមាន​ល្បឿន​លឿន​ផង​បណ្ដាល​ឲ្យ​បើក​កិន​ស្លាប់​នៅ​កន្លែងកើតហេតុ​តែម្ដង បន្ទាប់ពី​កិន​មនុស្ស​ស្លាប់ ហើយ អ្នកបើកបរ​រថយន្ដ​បាន​គេចខ្លួន​បាត់ស្រមោល ៕

ប្រភព៖

ភ្នំពេញ៖ បើមិនមានការប្រែប្រួលទេ នឹងមានសិល្បករប្រុសស្រីល្បីឈ្មោះនៅកម្ពុជា៦រូប នឹងបង្ហាញវត្តមានចាប់ពីព្រឹកថ្ងៃទី០៩ខែសីហា ឆ្នាំ២០១៨នេះ នៅក្នុងហាងលក់កាហ្វេយីហោម៉ាខាត់កាហ្វេ ដើម្បីស្វែងរកថវិកាបន្ថែម លើគម្រោងប្រគំតន្ត្រីនៅចុងសប្តាហ៍នេះ ជួយដល់ប្រជាជនរងគ្រោះដោយទឹកជំនន់នៅខេត្តស្ទឹងត្រែង និងខេត្តក្រចេះ ។

តារាប្រុសស្រីល្បីឈ្មោះទាំងនោះមានដូចជា លោក ជ័យ សុវ៉ាត កញ្ញា នាង គន្ធា នាយ ចឺម កញ្ញា វីរៈ និច្ច កញ្ញា បាន មុនីលក្ខណ៍ កុមារា ធួន ដាណុច កញ្ញា ចាបសក្ខណា កញ្ញា សោភា ទេពី DJ ពុយនុយ លោក សយ រតនា លោក MC Bull ជាដើម។ណ

លោកឈួនសុខលីម អ្នកសម្របសម្រួលកម្មវិធីប្រគំតន្ត្រីខាងលើនេះបានបញ្ជាក់ថា សិល្បករខាងលើបានស្ម័គ្រចិត្តចូលរួមចេញមុខលក់កាហ្វេ រត់តុ ដោយផ្ទាល់ដើម្បីជាការលើកទឹកចិត្ត និងអរគុណសម្រាប់សប្បុរសជនដែលបានជួយថវិកា ក៏ដូចជាការទិញសំបុត្រចូលទស្សនាកម្មវិធីប្រគំតន្ត្រីក្នុងតម្លៃ១ម៉ឺនរៀល ដែលនឹងធ្វើឡើងនៅថ្ងៃទី១១ខែសីហានេះនៅភោជននីយដ្ឋានសេវេនប្រាយជិតផ្សារមាន់អាំង។

លោកថាសិល្បករខាងលើបានបង្ហាញពីអារម្មណ៍សប្បាយរីករាយ និងស្ម័គ្រចិត្តចេញលក់ដោយមិនគិតកម្រៃ ហើយក៏ជាឱកាសពួកគាត់អាចជួបអ្នកគាំទ្រពួកគេដោយផ្ទាល់ និងអាចអំពាវនាវស្វែងរកថវិកាបន្ថែមសម្រាប់ជយយដល់ប្រជាជនរងគ្រោះដោយទឹកជំនន់។

លោកថាសម្រាប់សប្បុរសជន ឬអ្នកគាំទ្រសិល្បករខាងលើអាចជួបជាមួយវត្តមានពួកគាត់បាននៅហាងកាហ្វេម៉ាខាត់ផ្លូវ៤៣២បាន។ លោករំពឹងដែរថានឹងមានសប្បុរសជន និងអ្នកគាំទ្រសិល្បករជាច្រើននឹងចូលរួមជួយ ក៏ដូចជាចេញទៅជួបសិល្បករក្នុងដួងចិត្តរបស់ពួកគេផ្ទាល់នៅថ្ងៃទី០៩ខែសីហានេះផងដែរ។ លោកក៏សម្តែងការសោកស្តាយដែលខណៈពេលនេះមិនទាន់មានសប្បុរសជនច្រើន និងអ្នកឧបត្ថម្ភកម្មវិធីចូលរួមសកម្មភាពសង្គមមួយនេះនៅឡើយ។

គួរបញ្ជាក់ដែរថា នេះគឺជាទិដ្ឋភាពនៃមួយជ្រុងនៃការស្ម័គ្រចិត្តរបស់សិល្បៈ៨នាក់ក្នុងចំណោមសិល្បករប្រុសស្រីល្បីឈ្មោះ ប្រមាណ៦៦នាក់ដែលបានស្ម័គ្រចិត្តចូលរួមកម្មវិធីប្រគំតន្ត្រីសប្បុរសធម៌មួយមានឈ្មោះថា ”ការប្រគំតន្ត្រីចែករំលែកក្តីសង្ឃឹម” ដែលនឹងត្រូវរៀបចំឡើងនៅចុងសប្តាហ៍នេះ៕

ប្រភព៖ FB

បងប្អូនប្រជាជនកម្ពុជាទាំងអស់មានកាប្រុងប្រយ័ត្ន ទទួលបានសារមកពីប្រិយមិត្ដសូមជួយស៊ែរផង
សូមមិត្តទាំងអស់គ្នាត្រូវចាំថា បើមនុស្សដែលយើងមិនស្គាល់យកល្អកុំconfirmអី ហើយសំរាប់ជនឆរបោកប្រភេទនេះគឺមានfacebookច្រើនណាស់ រូបprofileខុសៗគ្នា តែស្តាយបោកគឺតែមួយទេសំរាប់ជនទាំងអស់នោះព្រោះនេះក៏ធ្លាប់ផ្ញើរchatមកខ្ញុំដែរតែខ្ញុំមិនតបទេ។

គួឲ្យសោកស្តាយ និងរន្ធត់ចិត្តខ្លាំងណាស់! ក្រោយពីមានបុរសម្នាក់សម្រេចចងក សម្លាប់ខ្លួន ដោយសារតែខ្លួនចាញ់បោក គេតាមឆាត មកប្រាប់ថា”មាន លុយពីប្រទេសឥណ្ឌូណេសុី ដោយ បោកកុហក់ថាជាលុយ សប្បុរស ធម៍ ជូនគាត់ ដេីម្បីជួយក្មេងកំព្រា នឹងជនក្រីក្រ ដោយបោកឲគាត់ យកឯកសារផ្ទាល់ខ្លួនខ្ចីបុលធានាគារ ដេីម្បីរត់ការណ៍យកលុយ ជំនួយនោះ” ចុងក្រោយត្រូវបុរស ចាញ់បោកគេ ជំពាក់ធានាគារ ច្រេីនធ្ងន់ធ្ងរ ដោយជីវភាពក្រ មាន តែឳពុក ឣត់ម្តាយ ឣត់លុយសង ធានាគារ សម្រេចចិត្តផ្តាច់ជីវិត ដោយការចងក សម្លាប់ខ្លួនឯង ៕

ប្រភព៖ កូន ខ្លាតូច

ភ្នំពេញ៖ ក្រុមចោរប្លន់ម៉ូតូពេលរាត្រី ចំនួន៥នាក់ ក្រោយពីកម្លាំងសមត្ថកិច្ចខណ្ឌពោធិសែនជ័យ បង្ក្រាបចាប់ខ្លួនបានកាលពីវេលាម៉ោង៩និង៣០នាទីយប់ថ្ងៃទី២៤ ខែកក្កដា ឆ្នាំ២០១៨ ហើយនាំទៅសាកសួរ នៅផ្នែកជំនាញអធិការដ្ឋានខណ្ឌពោធ៍សែនជ័យរួចមក រហូតដល់ព្រឹកថ្ងៃទី២៥ ខែកក្កដា ឆ្នាំ២០១៨ បងធំចោរប្លន់ ត្រូវបានសមត្ថកិច្ចនាំខ្លួនទៅឆែកឆេបន្ទប់ជួល គ្រាន់តែបើកទ្វារឃ្វាំង ពុទ្ធោ ក្នុងបន្ទប់ស្តុកសុទ្ធតែដាវ និងកាំបិត សម្ភារៈពាក់ព័ន្ធប្រព្រឹត្របទល្មើស ។

តាមប្រជាពលរដ្ឋបានឲ្យដឹងថា អិញ្ចឹងតើ បានក្រុមចោរប្លន់មួយក្រុមនេះ កាប់ វាយប្លន់ ប្រជាពលរដ្ឋគ្មានញញើតដៃសោះ ស្តុកសុទ្ធតែអាវុធ (ដាវ) សុឹងរាល់យប់ទៅហើយ ក្រុមខាងលើ ដើរអុកឡុក កាប់ វាយ ប្លន់ក្នុងរាជធានីភ្នំពេញ ឥឡូវត្រូវបានសមត្ថកិច្ច ចាប់ខ្លួនបានមួយក្រុមតែម្តង ពួកគាត់សាទ រាល់កិច្ចការងារ បង្ក្រាបបទល្មើស របស់សមត្ថកិច្ច មិនបានទាំងស្រុង ក៏បានធូរមួយកម្រឹតដែរ ។

តាមសមត្ថកិច្ចបានឲ្យដឹងថា ជនសង្ស័យទាំង៥នាក់ ទី​១ ឈ្មោះ​ នុត​ សិត ហៅអា​វែង ភេទប្រុស​ ជា​បងធំ ប្រចាំក្រុម អាយុ​​២១ឆ្នាំ ​មុខរបរ​​ កម្មករ​សំណង់ ពេលថ្ងៃ ពេលយប់ដើរប្លន់ ​ ស្នាក់នៅភូមិ​ទួល​ពង្រ​ សង្កាត់​ចោមចៅ​១ ខណ្ឌ​ពោធិសែនជ័យ​ មាន​ភូមិ​កំណើត​ភូមិ​ព្រៃ​ធំ​ ឃុំព្រៃធំ​ ស្រុក​កំពងរោទ៍​ ខេត្ត​ស្វាយ​រៀង​ ។ ទី​២ ឈ្មោះ​ សៀម​ វណ្ណរី ភេទប្រុស អាយុ​១៧ឆ្នាំ​ មុខរបរ​ ជាង​ពិដាន​ ស្នាក់នៅ សង្កាត់​អូរបែក​ក្អម​ ខណ្ឌសែនសុខ មាន​ស្រុក​កំណើត​នៅ​ភូមិ​គៀន​តាសៀវ ឃុំ​ស្វាយ​យ៉ា​ ស្រុក​ស្វាយ​ជ្រុំ​ ខេត្ត​ស្វាយ​រៀង​។

ទី​៣​ ឈ្មោះ សៀម​ វណ្ណរ៉ា ហៅឆាង​ ភេទ​ប្រុស ​អាយុ​២២ឆ្នាំ ​មុខរបរ​ ធ្វើចោរ​ ស្នាក់នៅភូមិ​ត្រពាំង​ឈូក​ សង្កាត់​អូរបែក​ក្អម​ ខណ្ឌសែនសុខ មាន​ស្រុក​កំណើត​គៀន​តាសៀវ ឃុំ​ស្វាយ​យ៉ា​ ស្រុក​ស្វាយ​ជ្រំ​ ខេត្ត​ស្វាយ​រៀង​។ ទី​៤​ ឈ្មោះ​ ម៉ៅ​ ថែល ភេទប្រុស អាយុ​២៥ឆ្នាំ​ មុខរបរ​ ទើបចូលរួមជាសមាជិកក្រុមខាងលើ ​ មាន​ស្រុកកំណើត ​ភូមិ​ ចំការ​គួយ​ ឃុំដំរី​ពួន​ ស្រុក​ស្វាយ​អន្ទរ​ខេត្ត​ព្រៃវែង​ ។ ទី​៥ ឈ្មោះ​ លៀប​ អុី​សា​ ភេទប្រុស អាយុ២២ឆ្នាំ មុខរបរ សមាជិកក្រុមប្លន់ ​ស្នាក់នៅផ្ទះឡ​ ភូមិ​ត្រពាំង​ថ្លឹង​ សង្កាត់​ចោមចៅ​១ ខណ្ឌ​ពោធិ​សែនជ័យ​មាន​ស្រុកកំណើតនៅ​ភូមិ​ព្រៃ​លាន​ ឃុំ​រំលេច​ ស្រុក​សុីធរកណ្តាល​ ខេត្ត​ព្រៃវែង​ ។

ក្រោយពីចាប់ខ្លួន បន្ទាប់ពីក្រុមជនសង្ស័យធ្វើសកម្មភាពវាយប្លន់ យកម៉ូតូកាលពីយប់ថ្ងៃទី២៤ ខែកក្កដា រួចមក លុះដល់ព្រឹក ថ្ងៃទីនាំបងធំ ប្រចាំក្រុម ទៅឆែកបន្ទប់ជួល នៅភូមិទួលពង្រ រកឃើញ កាំបិត ដាវច្រើនដើម ស្លាកលេខ ដែលជនសង្ស័យដោះចេញ ក្រោយប្លន់ម៉ូតូបាន ចំនួន៩បន្ទះ និងសម្ភារៈពាក់ព័ន្ធមួយចំនួនទៀត ហើយសមត្ថកិច្ចឃាត់ស្រ្តីម្នាក់ជាប្រពន្ធរបស់ បងធំចោរប្លន់ ម្នាក់ទៅសាកសួរដែរ ៕

ប្រភព៖ FB

គ្រប់​គ្នា​បាន​ដឹង​ហើយ​ថា SM, JYP និង YG គឺ​សុទ្ធ​តែជា​ផលិត​កម្មយក្ស​ប្រចាំ​ប្រទេស​កូរ៉េ។ តារា​ចម្រៀង​ស្ទើរតែ​ទាំង​អស់ គឺ​សុទ្ធ​តែ​មាន​ក្ដី​ប្រាថ្នា​ចង់​ជ្រកកោន​ក្នុង​ផលិត​កម្ម​ទាំង​បី​នេះ ដើម្បី​ទទួល​បាន​ប្រជាប្រិយ​ភាព ក៏​ដូចជា​ភាព​ល្បីល្បាញ។ ប៉ុន្ដែក្ដីស្រម៉ៃ​របស់​មនុស្ស​គ្រប់រូប គឺ​មិន​អាច​ក្លាយ​ជាការ​ពិត​បាន​ទាំង​អស់​នោះ​ទេ តួ​យ៉ាង​ដូចជា​តារា​ទាំង​៦រូប​នេះ សុទ្ធ​តែ​ធ្លាប់​បាន​ដាក់​ពាក្យ​ស្នើរ​ចូល​ផលិត​កម្ម​ទាំង​បី​នេះ ប៉ុន្តែ​ពួក​គេ​ត្រូវ​បាន​បដិសេធន៍។ ទោះ​បី​ត្រូវ​បាន​បដិសេធន៍​ក៏​ដោយ ប៉ុន្តែ​តារា​ទាំង​៦រូប​នេះ​បាន​ប្រឹង​ប្រែង​ពុះពារ និង​ទទួល​បាន​ជោគ​ជ័យ​លើវិថីសិល្បៈ​របស់​ពួក​គេ។ ខាង​ក្រោម​នេះ​ជាបញ្ជីរាយ​ឈ្មោះ​តារា​ទាំង​៦រូប​នេះ​

១. Bang Jae Min

Jae Min ត្រូវ​បាន​បដិសេធ​ផលិត​កម្ម YG Entertainment និង​ផលិត​កម្ម SM Entertainment ដោយ​សារ​គាត់​មិន​ពូកែ​រាំ។ ប៉ុន្តែ​ពេល​នេះ​គាត់​បាន​ក្លាយជា Rapper ដ៏​ល្បីម្នាក់​ក្នុង​កម្មវិធី​High School Rapper។

២. Clara

តារាម៉ូ​ដែល​និង​តារា​សម្តែង​ស្រីរូប​នេះ​ត្រូវបានការបដិសេធពីផលិតកម្ម JYP Entertainment និង SM Entertainment ។ ប៉ុន្តែ​រឿងនេះមិនមែនជាបញ្ហាសំរាប់​នាងនោះទេ ​ព្រោះពេលនេះនាងជោគជ័យខ្លាំងក្នុងអាជីពជាតារាសម្ដែង។ រឿង​ចុង​ក្រោយ​របស់​នាង​មានចំណងជើងថា Meloholic ដែល​នាងត្រូវ​សម្ដែង​ជាតួស្រីឈ្មោះ Yun Kyung Ae។

៣. Park Hyung Sik

Park Hyung Sik ត្រូវបាន​បដិសេធ​ដោយផលិត​កម្ម SM Entertainment និង YG Entertainment នៅ​ពេល​គាត់​រៀន​នៅ​វិទ្យា​ល័យ។ ក្រោយ​មក​ទៀត​លោកបានប្រឡងចូលផលិតកម្ម Star Empire Entertainment និងបានជាប់​ក្លាយជា​សមាជិក​របស់ក្រុម ZE: A ។ នៅ​ឆ្នាំ 2012 លោកបាន​ចាប់​ផ្តើម​អាជីពជា​អ្នក​សម្ដែង។ ចាប់​តាំង​ពី​ពេល​នោះ​មក​លោកត្រូវ​បាន​គេ​ស្គាល់កាន់​តែ​ច្រើន​ហើយ​មានភាពមមា​ញឹកខ្លាំង​ទាំងការ​សម្ដែង​ និងការ​ច្រៀង​។

៤. Vivian Cha

Vivian Cha ត្រូវ​បាន​គេ​ស្គាល់​ថាជាបងជីដូនមួយ​របស់​ Yuri សមាជិកក្រុម Girls ‘Generation។ នាង​ជាតារាម៉ូ​ដែល​ដែល​ទទួល​បាន​ជោគ​ជ័យ​​ខ្លាំង​ណាស់​ ទោះបីជាមិនបានចូលក្នុងផលិតកម្ម SM Entertainment និង JYP Entertainment ក៏ដោយ ។ ដើម​ឡើយ​នាង​រៀន​ច្រៀង​បុរាណ​ប៉ុន្តែ​បាន​ឈ្នះ​ការ​ប្រកួត​ម៉ូ​ដែល​មួយ​នៅ​ពេល​នាង​មាន​អាយុ 21 ឆ្នាំ​ហើយ​បាន​បន្ត​អាជីព​តាំង​ពី​ពេល​នោះ​មក។

៥. Jessi

​នៅ​ឆ្នាំ 2016 Jessi បាន​ប្រាប់ថានាង​ជាសិក្ខាកាម​ក្រោម​ការ​ដឹក​នាំ​​របស់ផលិតកម្ម SM Entertainment ។ នាង​បាន​សារភាពថា​នាង​បាន​ឆ្លង​កាត់​ការ​សាកល្បង​ ប៉ុន្តែ​ក្រោយមកក៏ត្រូវបានបដិសេធវិញ។ ក្រោយមកនាង​បាន​បង្កើត​ឈ្មោះ​ដ៏​ល្បីល្បាញ​ដោយខ្លួន​ឯងនៅ​ក្នុង​ពិភព​តន្ត្រី​ហ៊ីបហប​ហើយ​ថែម​ទាំង​បាន​ចេញ​អាល់ប៊ុម​ដំបូង​របស់​នាង​កាលពី​ឆ្នាំ​មុន។ ថ្មីៗ​នេះ​នាង​បាន​ធ្វើ​ការ​សហការ​ជា​មួយ Flowsik ។ វីដេអូ​នេះ​មាន​ទស្សនិកជន 500.000ដង ក្នុងរ​យៈ​ពេលតែ 5 ថ្ងៃ​ប៉ុណ្ណោះ​។

៦. Ryu Hyun Kyung

មិនខុសពីតារាខាងលើទេ Ryu Hyun Kyung ត្រូវបានបដិសេធដោយផលិតកម្មYG Entertainment។ បន្ទាប់មក​នាង​បានចាប់​អាជីពជា​អ្នក​សម្ដែង។ ចាប់​តាំង​ពី​ពេល​នោះ​មក​នាង​បាន​សម្ដែង​ក្នុង​ខ្សែ​ភាពយន្ត​ជា​ច្រើន។ ហើយ​នាង​ក៏​បាន​ទទួលជោគជ័យក្នុងវិស័យសិល្បៈសម្ដែងមកទល់សព្វថ្ងៃនេះ៕

កាលពី​ពេល​ថ្មីៗ​នេះ កម្លោះសង្ហារ Lay ដែល​ជា​សមាជិក​របស់​ក្រុម EXO បាន​បើក​គណនី Twitter ជា​លើក​ដំបូង​ចាប់​តាំង​ពីការ​បង្ហាញ​ខ្លួន​របស់​គាត់ ដែល​មាន​ឈ្មោះ​ជា​ផ្លូវ​ការថា LAY_zhang_!។ គណនី​នេះ​បាន​បើក​ឡើង​តាំង​ពីខែមិថុនាឆ្នាំ ២០១៨​មកម្ល៉េះ តែ​ពេល​នោះ​វា​មិន​ទាន់​បាន​ប្រើ​ប្រាស់ជា​ផ្លូវ​ការ​នៅ​ឡើយ​ទេ។ អ្នក​គាំទ្រ​ជា​ច្រើន​បាន​ឆ្ងល់ និង​សង្ស័យ​ចំពោះ​ពត័​មាន​មួយ​នេះ ព្រោះ​ពួក​គេ​គិត​ថា​វាអាចជា​គណនី​ក្លែង​ក្លាយ។ ប៉ុន្តែ​ភាពមន្ទិល​សង្ស័យ​ទាំង​នេះ​ត្រូវ​បាន​ស្រាយ​បញ្ជា​ក់​ទៅ​វិញ នៅ​ពេល​ដែល Lay បាន​Follow Baekhyun នៅ​លើ Twitter ហើយ Baekhyun បាន​Follow គាត់​វិញ។ គួរ​បញ្ជា​ក់​ផង​ដែរ​ថា Baekhyun គឺជា​សមាជិក EXO តែម្នាក់​គត់​ដែល​មាន​គណនី Twitter ផ្លូវ​ការ ដែល​បាន​បើក​ដំណើរ​ការកាល​ពីឆ្នាំ​២០១៧៕