តួឯកស្រីសាន់ឆាយ ជំនាន់ថ្មីត្រូវគេសរសើរថាមុខស្អាត តែជើងអាក្រក់ជាងគេក្នុងប្រវត្តិរឿង F4

តារាសម្ដែងទើបនឹងរះ Shen Yue ដែលត្រូវបានគេស្គាល់ថាជាតួឯកស្រីរឿងF4ជំនាន់ថ្មី ទោះបីជាមានសម្រស់ស្រស់ស្អាតយ៉ាងណាក៏ដោយ ប៉ុន្តែនាងនៅតែត្រូវរងការរិះគន់ដោយសារតែមានជើងខ្លី មិនស្រឡូន។ មួយរយៈចុងក្រោយនេះ ខ្សែភាពយន្តភាគដែលត្រូវយកមកផលិតឡើងវិញរឿង “ស្នេហាបួនដួង” ជំនាន់ថ្មី កំពុងតែទទួលបានការចាប់អារម្មណ៍យ៉ាងខ្លាំងខណៈជិតដល់ពេលចាក់ផ្សាយតាមទូរទស្សន៍ និងប្រព័ន្ធផ្សព្វផ្សាយផ្សេងៗ។ ទន្ទឹមជាមួយគ្នានេះដែរ ដើម្បីទាក់ទាញទស្សនិកជនអោយបានកាន់តែច្រើន ក្រុមការងាររបស់រឿង “ស្នេហាបួនដួង” ថ្មី ក៏បានធ្វើសន្និសីទកាសែត ផ្សព្វផ្សាយពីរឿងរបស់ខ្លួនកាលពីថ្ងៃទី៩ ខែកក្កដាកន្លងទៅថ្មីៗនេះ។ សន្និសីទនេះគឺជាបង្ហាញមុខរបស់ប្រុសសង្ហារទាំង៤រូបរបស់ក្រុម F4 និងសាន់ឆាយជំនាន់ថ្មី ដែលសម្ដែងដោយតារាស្រី Shen Yue។ ស្រីស្អាតវ័យ២១ឆ្នាំរូបនេះ បានធ្វើឲ្យគេអត់នឹងមិនសរសើរមិនបានជាមួយសម្រស់ដ៏ស្រស់ផូរផង់របស់នាង។ យ៉ាងណាក្ដី ដោយសារតែស្លៀកខ្លី នាងបានអចេតនាបង្ហាញជើងខ្លី សាច់ដុំ និងមិនស្រឡូនរបស់ខ្លួន។ ទស្សនិកជនបានលាន់មាត់ថា ក្នុងចំណោមសាន់ឆាយគ្រប់ជំនាន់ទាំងអស់អាចនិយាយបានថា ស្រីស្អាតកើតឆ្នាំ ១៩៩៧រូបនេះ មានជើងអាក្រក់ជាងគេ៕

ក្ដៅៗ : BTS នឹងត្រឡប់មកវិញជាមួយនឹងអាល់ប៊ុមថ្មីក្នុងខែសីហានេះ

ថ្មីៗនេះតាមរបាយការណ៍ក្នុងប្រទេសកូរ៉េបានបញ្ជាក់ថា BTS នឹងចេញអាល់ប៊ុមថ្មីមួយដែលមានចំណងជើងថា “Love Yourself” នៅខែសីហា! នេះមានន័យថាការត្រឡប់មកវិញរបស់ BTS នឹងកើតឡើងត្រឹមតែ ៣ ខែប៉ុណ្នោះបន្ទាប់ពីចេញអាល់ប៊ុមទី ៣ របស់ពួកគេកាលពីខែឧសភាកន្លងទៅនេះ។ សមាជិកទាំងអស់ត្រូវបានរាយការណ៍ថាស្ថិតនៅដំណាក់កាលចុងក្រោយនៃការផលិតអាល់ប៊ុមថ្មី ហើយបានខិតខំប្រឹងប្រែងដើម្បីបន្ថែមអ្វីថ្មីៗ ដែលមិនធ្លាប់មានពីមុនទៅក្នុងបទចម្រៀងថ្មីរបស់ពួកគេ។ អ្នកគាំទ្រជាច្រើនមានការរំពឹងទុកខ្ពស់សម្រាប់ BTS ថានឹងវាយលុកទីផ្សាជាថ្មីម្តងទៀតនូវតារាង Billboard ក៏ដូចជាកំណត់ត្រាផ្សេងៗជាច្រើនទៀត ជាមួយនឹងអាល់ប៊ុមថ្មីរបស់ពួកគេ។ ទន្ទឹមនឹងនេះផងដែរខាងផលិតកម្ម BigHit Entertainment បានឆ្លើយតបថា សេចក្តីរាយការណ៍ខាងលើមិនទាន់ច្បាស់លាស់អាចយកជាការបានទេ ព្រោះថាពួកយើងមិនទាន់អាចកំណត់បានទេនូវថ្ងែ ខែពិតប្រាកដដែលពួកគេ (BTS) នឹងចេញបទចម្រៀងថ្មីនេះ៕

ដំណឹងល្អ : សមាជិក BTOB ទាំងអស់យល់ព្រមបន្តកិច្ចសន្យាជាមួយផលិតកម្មCube Entertainment

កាលពីពេលថ្មីៗនេះ សារពត័មានក្នុងប្រទេសកូរ៉េបានផ្សាយថា ក្រុមតារាចម្រៀងបុរស BTOB បានយល់ព្រមបន្តកិច្ចសន្យារបស់ពួកគេជាមួយផលិតកម្ម Cube Entertainment ។ គួរបញ្ជាក់ផងដែរថា BTOB គឺជាក្រុមចម្រៀងបុរសមានសមាជិក៧នាក់ ដែលបានបង្ហាញខ្លួនដំបូងនៅក្នុងឆ្នាំ ២០១២ ហើយបានទទួលភាពជោគជ័យក្នុងវិស័យ K-Pop រយៈពេល ៦ ឆ្នាំហើយ។ យោងតាមរបាយការណ៍របស់ផលិតកម្ម Cube Entertainment បានបញ្ជាក់ថា សមាជិកទាំងអស់របស់ក្រុម BTOB បានយល់ព្រមបន្តកិច្ចសន្យា នឹងនៅជាមួយគ្នាហើយនេះគឺជាការប្តេជ្ញាចិត្តរបស់ពួកគេក្នុងការរក្សាពាក្យសន្យាដែលពួកគេបានសន្យាជាមួយអ្នកគាំទ្ររបស់ពួកគេ (ថាពួកគេនឹងនៅជាមួយគ្នាជារៀងរហូត) ដែលនេះជាការសម្រេចចិត្តដ៏ត្រឹមត្រូវរបស់ពួកគេ។ “សមាជិក BTOB ទាំងអស់បានយល់ព្រមស្នាក់នៅជាមួយគ្នាជារៀងរហូត ហើយហេតុផលធំបំផុតគឺត្រូវរក្សាការសន្យាដែលពួកគេបានសន្យាជាមួយអ្នកគាំទ្រ” ផលិតកម្ម Cube Entertainmentបន្ថែម។ សូមចូលរួមអបអរសាទរដល់អ្នកគាំទ្រ BTOB ទាំងអស់ សំរាប់ដំណឹងល្អមួយនេះ៕

ប្លែកម្យ៉ាង!! ទេវតា ជិះសុីក្លូ លំហែកាយក្នុងទីក្រុងភ្នំពេញ…(ចុចអានបន្ត)

ភ្នំពេញៈ កញ្ញា ស៊ូ ដាណេ សាងការភ្ញាក់ផ្អើលខ្លាំង ក្រោយជិះស៊ីក្លូ តែងតួទេវតាចូលរួមកម្មវិធីសិល្បៈប្រចាំឆ្នាំ ដើម្បីចូលរួមលើកកម្ពស់តម្លៃសិល្បៈបុរាណ ដែលតម្រូវឲ្យសិល្បកររំលេចអ្វីជាទម្រង់សិល្បៈបុរាណកញ្ញា ស៊ូ ដាណេ តារាចម្រៀងសំឡេងស្រដៀងអ្នកស្រី ប៉ែន រ៉ន បានជិះស៊ីក្លូដោយតុបតែងកាយជាឈុតទេវតាស្រីផ្អើលតាមផ្លូវ និងមហាជននៅទីនោះ ព្រោះជាការប្លែកភ្នែកចំពោះគំនិតច្នៃប្រឌិតមួយនេះ។

កញ្ញាបានចួលរួមប្រារព្ធកម្មវិធីខួបគម្រប់២ឆ្នាំនៃការបង្កើត “គ្រួសារតារាកម្ពុជា” ហើយរាត្រីនោះក្រៅពីមានអ្នកមុខអ្នកមាត់ឃើញសរសើរ សូម្បីតែសិល្បករមួយចំនួនក៏បាននិយាយពីចំណុចល្អៗរបស់តារាសិល្បៈបច្ចុប្បន្នចេះរួមគ្នាជួយសង្គម និងការងារសប្បុរសធម៌។

កញ្ញា ស៊ូ ដាណេ ដែលមានជំនាញសិល្បៈពេញខ្លួនដូចជា អាចរាំរបាំបុរាណ និងប្រពៃណី ច្រៀងបាសាក់ មហោរី និងសម័យ បាននិយាយថា មិនត្រឹមតែនាងម្នាក់ទេ ដែលគ្រងឈុតបែបបុរាណ សូម្បីតែបងប្អូនសិល្បករទាំងមូលក៏នាំគ្នាចូលរួមលើកតម្លៃដូចគ្នា ធ្វើឲ្យសប្បាយចិត្ត។ ដើម្បីឲ្យប្លែកនាងបានព្យាយាមរិះរកអ្វី ដែលប្លែកហើយនឹកឃើញស៊ីក្លូក៏រកជួលមកចូលរួមតែម្តង។

ស៊ូ ដាណេ ឧស្សាហ៍ឡើងច្រៀងតាមទូរទស្សន៍មួយចំនួនដូចជា បាយ័ន និងស៊ីធីអិនជាងដើម។ នាងមានជំនាញសិល្បៈច្រើនណាស់ ជាញឹកញាប់នាងបានចេញទៅសម្តែងនៅក្រៅប្រទេស ដូចជា អាមេរិក បារាំង និងប្រទេសមួយចំនួនទៀត៕

ប្រភព៖ Heng Ly

Song Hye Kyo និង Park Bo Gum នឹងរួមគ្នាសម្ដែងរឿងភាគថ្មីមានចំណងជើងថា “Boyfriend”

ថ្មីៗនេះកំពូលតារាសម្ដែងស្រី Song Hye Kyo និងតារាសម្ដែងវ័យក្មេងលោក Park Bo Gum បានព្រមព្រៀងនិងចុះកិច្ចសន្យាសម្ដែងរឿងភាគថ្មីរបស់ពួកគេដែលមានចំណងជើងថា “Boyfriend”។ ពួកគេទាំងពីរនាក់ត្រូវបានទាក់ទងអោយសម្ដែងខ្សែភាពយន្តនេះ ហើយឥឡូវពួកគេត្រូវបានអោយសម្ដែងជាតួឯក។ Song Hye Kyo នឹងត្រូវដើរតួជាស្រីម្នាក់ឈ្មោះ Cha Soo Hyun ដែលធ្លាប់ជាកូនប្រសាររបស់គ្រួសារស្ដុកស្ដម្ភមួយ។ ចំណែកឯ Park Bo gum នឹងត្រូវដើរតួជាបុរសសាមញ្ញមម្នាក់ឈ្មោះថា Kim Jin Hyuk ដែលជាមនុស្សស្ងៀមស្ងាត់ ប៉ុន្តែស្វាហាប់ និងពូកែដោះស្រាយគ្រប់បញ្ហា។ “Boyfriend” គឺជារឿងភាគបែបមនោសញ្ចេតនា ដែលរៀបរាប់ពីរឿងរ៉ាវរបស់នារីម្នាក់ដែលនាងហាក់ដូចជាមានអ្វីៗគ្រប់យ៉ាង តែមកមានទំនាក់ទំនងស្នេហាជាបុរសធម្មតាម្នាក់ដែលមិនមានអ្វីទាំងអស់។ រឿងនេះផងដែរត្រូវបានសរសេរដោយលោក Yoo Young Ah ដែលជាអ្នកនិពន្ធរឿង “My Annoying Brother” និង “No Threat”។ ខ្សែភាពយន្តនេះនឹងចាក់ផ្សាយតាមទូរទស្សន៍ប៉ុស្ដន៍ TVN ដែលនឹងមានគម្រោងចាប់ផ្ដើមនៅពាក់កណ្តាលឆ្នាំក្រោយនេះ៕

កម្លោះសង្ហាទាំង ៥ រូបនេះសុទ្ធតែធ្លាប់ជួបស្នេហ៍បរាជ័យមុនពេលបានក្លាយជាតារាល្បី

មនុស្សគ្រប់រូបដែលកើតមកនៅលើផែនដីនេះគឺតែងតែប្រាថ្នាចង់សាងស្នេហាមួយដែលស្មោះ និងគង់វង្សយូរអង្វែង គ្មាននរណាចង់បានស្នេហាដែលបរាជ័យនោះទេ ប៉ុន្តែបើជួបនឹងស្នេហ៍ដែលមិនសមបំណងហើយនឹងធ្វើឲ្យពួកគេមានអារម្មណ៍មួយថាលែងចង់មានស្នេហា។ តួយ៉ាងតារាចម្រៀងកូរ៉េល្បីៗចំនួន ៥ រូបខាងក្រោមនេះស្ទើរតែរាងចាលនឹងស្នេហា ព្រោះធ្លាប់ភ្លក់រសជាតិល្វីងជូរចត់នៃស្នេហ៍គ្រាដំបូងរបស់ពួកគេ ៖

១. តារាចម្រៀង Sunggyu សមាជិកក្រុម INFINITE

ស្នេហ៍គ្រាដំបូងរបស់តារាចម្រៀងរូបនេះ គឺជាសមាជិកក្រុមតន្ត្រីប្រចាំសាលារបស់លោក។ កាលនោះ តារាចម្រៀង Sunggyu បានចាប់ផ្ដើមចេញពីមិត្តភាព រហូតដល់លង់ស្រលាញ់ភាគីខាងស្រីដកចិត្តមិនរួច។ រឹតតែពិសេស តារាក្នុងក្រុម INFINITE រូបនេះ ក៏បានសារភាពស្នេហ៍តាមរយៈបទចម្រៀង Dream of a Doll ទៀតផង។ ទោះខំប្រឹងយ៉ាងណា ក៏ស្នេហ៍គ្រាដំបូងរបស់តារាប្រុសសង្ហានេះ មិនបានឋិតថេរដែរ។

២. តារាចម្រៀង Hoya

តារារូបនេះ ស្គាល់ស្នេហ៍គ្រាដំបូងនៅក្នុងថ្នាក់បញ្ចប់មធ្យមសិក្សា។ លោក Hoya បាននាំមនុស្សដែលលោកស្រលាញ់ទៅលេងសមុទ្រ ដើម្បីឆ្លៀតឱកាសសារភាពស្នេហ៍។ យ៉ាងណាមិញ គូស្នេហ៍នេះ ទីបំផុតក៏នៅតែចែកផ្លូវគ្នា។

៣.តារាចម្រៀង Minhyuk សមាជិកក្រុម BTOB

តារាចម្រៀង Minhyuk ធ្លាប់លួចស្រលាញ់នារីម្នាក់អស់រយៈពេល៤ឆ្នាំ ហើយក៏បានសេពគប់គ្នាមែន។ តែទីបំផុត លោកក៏ដាច់ចិត្តសុំបែកគ្នា ព្រោះវាជាស្នេហាដែលស្រលាញ់តែម្ខាង។

៤. តារាចម្រៀង Henry សមាជិកក្រុម Super Junior M

តារាប្រុសសង្ហា Henry ធ្លាប់ស្រលាញ់ និងសេពគប់ជាមួយនារីសញ្ជាតិកាណាដាកាលពី៧ឆ្នាំមុន តែនារីម្នាក់នោះបែរជាក្បត់លោក ដោយទៅសេពគប់ជាមួយមិត្តសម្លាញ់របស់លោកទៅវិញ។

៥.តារាចម្រៀង Chanyeol សមាជិកក្រុម EXO

តារាក្នុងក្រុម EXO រូបនេះ បានស្រលាញ់នារីនៅឯព្រះវិហារម្នាក់។ ហើយបើទោះជាតារាសង្ហា Chanyeol មានចរិតលេងច្រើន រួសរាយរាក់ទាក់ ប៉ុន្តែគាត់បែរជាខ្វះភាពក្លាហានក្នុងការសារភាពស្នេហ៍ប្រាប់នាង។ ទីបំផុតគាត់បានត្រឹមតែលួចស្រលាញ់គេតែម្នាក់ឯង(Crush)។

អ្នកស្រែចម្ការដ៏សិចស៊ី កញ្ញា សួង សុខារ៉ានីត ចោមពុងសារុងសាច់ទ្រូងសខ្ចី អ្នកគាំទ្រក្តៅខ្លួនគ្រប់គ្នា!

(ភ្នំពេញ) ជារឿយៗនៅលើបណ្ដាញសង្គមរបស់តារាសម្តែងស្រី សួង សុខារ៉ានីត ដែលជាតារាស៊ិចស៊ីតែងតែបង្ហោះរូបបង្ហាញសម្រស់ដើមទ្រូង និងសាច់ខ្ចីរបស់នាងជានិច្ច។ បើគន់មើលលើរូបភាពរបស់តារាសម្តែងកាចឆ្នាស់ សួង សុខារ៉ានីត គឺបង្ហាញរូបភាពត្រពាំងបឹងឈូករបស់អ្នកស្រែចម្ការ។ ប៉ុន្តែស្ទីលចោមពុងសារ៉ុងរបស់នាងពិតជាសម្ញែងគល់ទ្រូងធំស្បឹងរបស់នាងសាហាវតែម្តង ក្រោយមួយរយៈធំ សុខារ៉ានីត ស្ងាត់យូរមកហើយរឿងលេងស្ទីលសិចស៊ីថតរូបបង្ហាញជាសាធារណៈបែបនេះ។

តារាសម្តែងស្រីដែលមហាជនស្គាល់នាង ហើយឃើញចេញមុខតួសម្តែងឆ្នាស់ឆ្នើម ឬតួស្រីអ្នកមាន រាល់ដងលើកញ្ចក់ទូរទស្សន៍នានានោះ បានបង្ហោះរូបថតជាច្រើនសន្លឹកក្នុងសភាពចុះលេងស្រះផ្កាឈូក ដោយចោមពុងបញ្ចេញសាច់ដើមទ្រូងយ៉ាងសខ្ចី ក្នុងសភាពសប្បាយចិត្ត បង្កឱ្យអ្នកគាំទ្រ ជាពិសេសបុរសៗពេញចិត្តយ៉ាងខ្លាំងនាំគ្នាចុច Like និង Share ចំពោះ កញ្ញា សួង សាខារ៉ានីត។

រូបភាពរបស់នាងបង្ហាញទាំងដុលស្ទើររបូតចេញបង្ហាញសាច់ធម្មជាតិ នោះពិតជាធ្វើឲ្យប្រុសៗទាំងឡាយសប្បាយមើលជញ្ជក់មាត់ណាស់ហើយ ខ្លះស្រួលមិនស្រួលអាចបាត់បង់អារម្មណ៍ស្មុគស្មាញផងក៏ថាបាន ក្រោយតារាសម្តែងស្រីរូបនេះចិត្តល្អកាដូជូន។

កញ្ញា សួង សាខារ៉ានីត ហៅ “ភីងភីងរូស” ត្រូវបានមហាជនស្គាល់នាងនិងល្បី ដោយសារនាងពូកែដើរឆ្នាស់ឆ្នើម តួកាច និងកាន់តែចាំច្បាស់សម្រាប់រូបនោះគឺ នៅពេលដើរតួជាម្តាយ ឬ តួជាជំទាវ។ តារាសម្តែងសិចស៊ីរូបនេះនៅតែទទួលការគាំទ្រ និង ការសរសើរចំពោះរូបសម្រស់របស់នាង ខណៈនាងនៅតែឈរជាតារាស្រីមានសម្រស់ឆើតឆាយជាមួយការបញ្ចេញភាពសិចស៊ី៕

Jaehyun របស់ក្រុម Golden Child និយាយថា V គឺជាតារាគំរូក្នុងចិត្តខ្លួន

កាលពីពេលថ្មីៗនេះតារាចម្រៀងវ័យក្មេង Jaehyun សមាជិកក្រុម GoldenChild បានសម្តែងការកោតសរសើរចំពោះតារារៀមច្បងVរបស់ក្រុម BTS ។ Jaehyun និង Bomin ដែលជាសមាជិករួមក្រុមចម្រៀងបុរសវ័យក្មេង GoldenChild ស្ថិតក្រោមការគ្រប់គ្រងរបស់ផលិតកម្ម Woollim Entertainment បានបង្ហាញពីភាពទាក់ទាញដ៏គួរឱ្យស្រលាញ់របស់ពួកគេនៅក្នុងរូបភាពផ្ទាំងពាណិជ្ជកម្ម Ceci ។ នៅក្នុង កិច្ចសម្ភាសន៍សមាជិកទាំងពីរត្រូវបានគេសួរអំពីក្ដីស្រម៉ៃ ដែលពួកគេចងបានបំផុតតាំងពីក្មេងមកទល់ពេលនេះ។ Bomin បានឆ្លើយតបថា “ក្ដីស្រម៉ៃរបស់ខ្ញុំគឺឺចង់ក្លាយជា Maknae (សមាជិកក្មេងជាងគេក្នុងក្រុម) ហើយថ្ងៃនេះផងដែរវាបានក្លាយជាការពិតហើយ។ បន្ទាប់មក Jaehyun បាននិយាយពីក្ដីស្រម៉ៃរបស់ខ្លួនគឺចង់ក្លាយជាអ្នកលេងច្នៃម៉ូតសម្លៀកបំពាក់ដ៏ជំនាញម្នាក់។ Jaehyun បានថ្លែងថា V គឺជាតារាមួយរូបដែលជាគំរូនៅក្នុងចិត្តខ្ញុំ។ “ពេលដែលខ្ញុំឃើញការតុបតែងខ្លួនរបស់គាត់(V) នៅអាកាសយានដ្ឋាន គាត់មើលទៅទាន់សម័យខ្លាំងណាស់ ប្រៀបដូចជាអ្នកជំនាញខាងច្នៃម៉ូតអញ្ចឹង។ ខ្ញុំបានសម្លឹងមើល និងថតរូបគាត់ទុក ហើយខ្ញុំគិតថាថ្ងៃណាមួយខ្ញុំនឹងតុបតែងខ្លួនដូចគាត់ដែរ”៕

តើ Liam Payne របស់ក្រុម One Direction និយាយអ្វីខ្លះពី BTS?

កាលពីបពេលថ្មីៗនេះ Liam Payne សមាជិករបស់ក្រុមចម្រៀងអាមេរិក One Direction បានចូលរួមកម្មវិធី Ask Anything Chat របស់ប៉ុស្តន៍វិទ្យុ iHeartRadio ហើយត្រូវបានគេសួរពីសំណួរដែលពាក់ព័ន្ធជាមួយក្រុមចម្រៀងកូរ៉េ BTS ដែលធ្វើអោយលោកនឹកដល់ពេលវេលារបស់លោកជាមួយ One Direction ដែលបានរំសាយក្រុមក្នុងឆ្នាំ 2016 ។ លោក Liam Payne បាននិយាយថា “ខ្ញុំមិនអាចប្រៀបធៀបរវាង BTS និង One Direction បានទេ ព្រោះក្រុមទាំងពីរមានភាពខុសគ្នា និងមានលក្ខណៈពិសេសរៀងៗខ្លួន ប៉ុន្តែពេលដែលនិយាយដល់ពួកគេ(BTS) វាពិតជាធ្វើអោយខ្ញុំនឹកដល់អតីតកាលខ្លាំងណាស់”។ លោកបានថ្លែងថា “ជាការពិតណាស់ BTS គឺជាក្រុមចម្រៀងដ៏ល្បីល្បាញមួយនាពេលបច្ចុប្បន្ន។ ពួកគេមានបទចម្រៀងពិរោះៗ ស្តាយ៍ប្លែកៗ ជាពិសេសក្បាច់រាំដ៏រស់រវើក និងស្វិតស្វាញ”។ បន្ទាប់មកលោកបានបង្ហើបថា លោកពិតជាចង់សហការជាមួយពួកគេ ប៉ុន្ដែលោកប្រហែលគ្មានឪកាសទេ។ “ខ្ញុំគិតថាពួកគេពិតជាអស្ចារ្យណាស់។ ខ្ញុំពិតជាចង់ធ្វើអ្វីមួយជាមួយនឹងពួកគេ ប៉ុន្តែខ្ញុំប្រហែលជាគ្មានឪកាសនោះទេ ទោះយ៉ាងណាក៏ខ្ញុំនៅតែជាអ្នកគាំទ្រម្នាក់របស់ពួកគេដែរ” លោក Liam Payne បន្ថែម៕

Yugyeom ក្រុម GOT7 ភ្លាត់ស្នៀតដួលបោកក្បាលយ៉ាងដំណំពេលសម្ដែងលើឆាក

កាលពីពេលថ្មីៗនេះ ក្រុមតារាចម្រៀងកូរ៉េ GOT7 បានប្រារព្ធធ្វើកម្មវិធី Tour Concert ដែលមានឈ្មោះថា Eyes On You នៅក្នុងប្រទេសរបស់ខ្លួន។ ក្នុងខណៈពេលដែលកម្មវិធីកំពុងដំណើរការ ស្រាប់តែមានសមាជិកម្នាក់ឈ្មោះ Yugyeom បានធ្វើឲ្យអ្នកគាំទ្រព្រួយបារម្ភយ៉ាងខ្លាំង នៅពេលដែលតារាចម្រៀងរូបនេះ រាំភ្លាត់ស្នៀត ដួលបោកក្បាលមួយទំហឹង នៅលើឆាកខណៈពេលកំពុងរាំម្នាក់ឯង។ គេសន្និដ្ឋានថាអំឡុងពេលដួលនោះ អាចនឹងធ្វើឲ្យ Yugyeom ប៉ះទង្គិចក្បាលយ៉ាងខ្លាំង ព្រោះថាលោកបានចំណាយពេល ៥ ទៅ ១០វិនាទី ទម្រាំអាចងើបក្រោកឈររាំម្តងទៀតបាន។ ទោះជាយ៉ាងណាក្តី បន្ទាប់ពីធ្វើការសម្តែងលើឆាករួចមក Yugyeom ដែលជាសមាជិកក្មេងជាងគេនៅក្នុងក្រុម GOT7រូបនេះ ក៏បានផ្ញើសារសុំទោសដល់អ្នកគាំទ្ររបស់ខ្លូន ផងដែរថា៖ “ខ្ញុំពិតជាមានអារម្មណ៍មិនល្អនោះទេ នៅពេលដែលខ្ញុំធ្វើឲ្យមានកំហុសលើឆាកបែបនេះ។ ខ្ញុំគ្រាន់តែចង់សម្តែងឲ្យល្អខ្លាំងតែប៉ុណ្ណោះ។ សុំទោសដែលខ្ញុំធ្វើវាមិនបានល្អ”។ មិនត្រឹមតែប៉ុណ្ណោះ ខាងផលិតកម្ម JYP ក៏បានចេញមុខបញ្ជាក់បន្ថែម ដើម្បីឲ្យអ្នកគាំទ្រអស់ក្តីបារម្ភថា នៅពេលនេះ Yugyeom មិនមានបញ្ហាអ្វីនោះទេ គឺគេអាចសម្ដែង និងអាចចូលរួមដំណើរ Tour Concert បន្តទៀតបាន៕