នៅលើលោកយើងនេះមានរឿងនិងអាថ៍កំបាំងច្រើនអនេក ហើយមនុស្សម្នាក៏មានចិត្ត និង ការតស៊ូខុសៗគ្នាដែរ ពិសេសមនុស្សម្នាក់ៗមានចំណុចពិសេសរៀងៗខ្លួន ដូចជាបុរសម្នាក់ឈ្មោះ សា វង្ស កើតក្នុងគ្រួសារកសិករមួយក្នុងខេត្តសៀមរាប ទោះពិការជើងទាំងពីរតែលោកនៅតែអាចបោះជំហ៊ានទៅមុខបាន ដោយពុះពារការសើចចំអករបស់ក្មេងដ៏ទៃខាងក្រោមនេះជាឃ្លារទាំង ៥ ដែលគាត់តែងតែទន្ទេញជាប់មាត់ និង ប្រតិបត្តិតាមដើម្បីចាកចេញផុតពីភាពអស់សង្ឃឹមនិងពិការភាព។

១-កើតមកក្រលំបាកជីវិតមិនរីករាយទេ តែសប្បាយចិត្តជាមួយការតស៊ូ។

២-អ្នកដ៏ទៃមើលងាយខ្ញុំពិការ តែខ្ញុំយកពិការភាពធ្វើជាគន្លឹះដើម្បីអភិវឌ្ឍន៍ខ្លួន។

៣-ពិការរាង្គកាយ តែបេះដូងមិនពិការនោះទេ។

៤-ពិការមិនមែនជាឧបសគ្គរារាំងមិនអោយខ្ញុំសំរេចគោលបណងរបស់ខ្ញុំឡើយ។

៥-កុំមើលលើសភាពគួរអោយអាណិតរបស់ខ្ញុំ សូមក្រឡេកមើលលើសមត្ថភាពរបស់ខ្ញុំវិញ។

សព្វថ្ងៃនេះ សា វង្ស ជាបុគ្គលិកបំរើការនៅស្ថានីយ៍ទូរទស្សន៍មួយ ថ្ងៃអនាគតសា វង្ស ចង់ឃើញអ្នកពិការកាយសម្បទាទាំងឡាយ មានអាជីពរស់នៅដោយរីករាយ ដោយគ្មានការរើសអើង លោកបន្តថាសូមជួយធ្វើជាភ្នែកសំរាប់អ្នកពិការភ្នែក ធ្វើជាដៃដល់អ្នកពិការដៃ និង ធ្វើជាជើងសំរាប់អ្នកពិការជើងនោះសង្គមជាតិនិងគ្មានជនពិការ៕

ប្រភព ៖ ៣០ដេលី
https://www.facebook.com/plugins/video.php?href=https%3A%2F%2Fwww.facebook.com%2F30daily%2Fvideos%2F2028148894106517%2F&show_text=0&width=317

សិល្បះខ្មែរ ៖ តារាចំរៀង រ៉េប និងជាអ្នកតែងនិពន្ធដែលមានឈ្មោះល្បីល្បាញផងដែរនោះបានទទួលស្គាល់ថាក្រោយពីជួបទុក្ខឪពុកស្លាប់ពិតជាធ្វើអោយលោកអស់សង្ឃឹមចង់បញ្ចប់អាជីពជាអ្នកនិពន្ធពិតមែន ព្រោះថាការតស៊ូជាង ៩ឆ្នាំលើវិធីនេះលោកធ្វើដើម្បីឪពុកទាំងអស់។

យ៉ាងណាក៏ដោយឌីជេក្តឹបរូបនេះបានបន្តថា រឿងរ៉ាវមួយទៀតដែលធ្វើអោយលោកចង់បោះបង់អាជីពនេះព្រោះលោកផ្តាច់មិនបានពីគ្រឿងញៀន ដែលធ្វើអោយលោកបាត់បង់ពីទំនុកចិត្តអ្នកនៅជុំវិញខ្លួន។

គាត់បានបន្តទៀតថា គាត់ពិតជាចង់ឈប់តែងនិពន្ធ និងចង់ត្រលប់ទៅធ្វើជាអ្នកចំរៀងតាមរង្គសាលដូចពីមុនណាស់ តែម្ចាស់ភោជនីដ្ធាននានាដែលលោកធ្លាប់ច្រើនហាក់មិនផ្តល់ឱកាសអោយលោកទៀតឡើយ។ អ្នកនិពន្ធនិងជាតារាចំរៀងប្រចាំផលិតកម្មរស្មីហង្សមាសរូបនេះបន្តថា លោកនិងព្យាយាមផ្តាច់ពីគ្រឿងញៀនអោយបានដើម្បីមនុស្សជាទីស្រលាញ់និងមនុស្សនៅជុំវិញខ្លួនជាពិសេសកូនរបស់លោកផ្ទាល់តែតែម្តង។

ឌីជេក្តឹបបានផ្តែផ្តាំទៅកូនរបស់លោកនិងយុវវ័យដែលធ្លាប់សេពគ្រឿងញៀនថា៖ ពេលកូនធំឡើងចូរចងចាំថា ទោះកូនបានរៀនសូត្រជ្រៅជ្រះច្រើនប៉ុណ្ណាក៏ដោយ អោយតែកូនរស់នៅក្នុងសង្គមដែលអោយតំលៃលុយខ្លាំងជាងសមត្ថភាពជីវិតនិងសំដីរបស់កូននឹងថោកទាបស្មើសូន្យ ក៏ប៉ុន្តែផ្ទុយទៅវិញបើកូនមានចំណេះដឹងឬអាចរកលុយជួយអោយអ្នកដ៏ទៃសល់ច្រើនប៉ុណ្ណាក៏ដោយ កូនមានកិត្តិយសច្រើនប៉ុណ្ណាក៏ដោយ សល់លុយច្រើនប៉ុណ្ណាក៏ដោយ តែកូនហ៊ានបណ្តោយខ្លួនជាមួយគ្រឿងញៀនអ្វីៗនឹងរលាយសូន្យ ព្រោះពេលដែលកូនទាល់គ្មាននរណាជួយកូនជាដាច់ខាត៕

ប្រភព ៖ ៣០ដេលី

ហ្វីលីពីន ៖ ប៉ូលីសមន្រ្តីជាន់ខ្ពស់ប្រទេសហ្វីលីពីន ដែលទើបឡើងទទួលតំណែងបានប្រកាសនិងបន្តសង្រ្គាមប្រយុទ្ធប្រឆាំងជាមួយគ្រឿងញៀនដ៏ខ្លាំងបំផុតក្នុងរបបដែលដឹកនាំដោយប្រធានាធិបតី រ៉ូឌ្រីហ្គោ ឌុយទែតេ អូសបន្លាយជិត២ឆ្នាំនិងសម្លាប់មនុស្សរាប់ពាន់នាក់។

ថ្លៃក្នុងពិធីនោះដែរលោក ដេឡារ៉ូហ្សា អតីស្នងការប៉ូលីសហ្វីលីពីនបានទទួលស្គាល់ថាករណីឃាតកម្មនានាដែលសំលាប់ដោយក្រុមប៉ូលីសបង្រ្កាបគ្រឿងញៀនគឺជាសកម្មភាដ៏ឃោឃៅរក្នុងអំឡុងពេលលោកកាន់អំណាច។ ចាប់តាំងពីហ្វីលីពីនប្រកាសសង្រ្គាមប្រយុទ្ធប្រឆាំងជាមួយគ្រឿងញៀនតាំងពីឆ្នាំ ២០១៦មក មនុស្សយ៉ាងហោចណាស់ ៤១០០ នាក់ត្រូវបានប៉ូលីសបាញ់សំលាប់ ខណះជាង ២៣០០នាក់ផ្សេងទៀតត្រូវបានគេលួចសំលាប់ដែលត្រូវប៉ូលីសបង្ហាញថាជាស្នាដៃឃាតករលាក់មុខ៕

ប្រភព ៖ ៣០ដេលី

សព្វថ្ងៃនេះបច្ចេកវិទ្យាមានការរីកចំរើនគួរអោយកត់សំគាល់ ពិសេសលើបណ្តាញទំនាក់ទំនងសង្គមនេះតែម្តងដែលអាចអោយមនុស្សមានការទំនាក់ទំនងទៅវិញទៅមកបានយ៉ាងឆាប់រហ័ស និងងាយស្រួលផងដែរ ទន្ទឹមនិងការរីកចំរើននេះផងដែរ យើងឃើញថាមានបញ្ហារជាច្រើនដែលកើតមានឡើងពិសេសគឺការលួចចូលក្នុងបណ្តាញ Email, Facebook, Line, Twitter, Instagram ជាដើមរបស់ជនខិលខូចមួយចំនួនដែលគេនិយមហៅថា Hacker. នៅតាមបណ្តាប្រទេសជឿនលឿនគេមានវិធានការពារនិងវិធីសាស្រ្តល្អៗជាច្រើនសំរាប់ការពារទិន្នន័យរបស់ខ្លួនផងដែរ នៅឡើងតែប្រទេសកំពុងអភិវឌ្ឍន៍នានាដូចជាកម្ពុជាជាដើម។ ប្រព័ន្ធសុវត្ថិភាពគឺពិតជា សំខាន់ណាស់ និងត្រូវការពារជានិច្ចផងដែរ ពិសេសថ្មីៗនេះមានករណីជាច្រើនបានកើតឡើងពាក់ព័ន្ធទៅនិងការលួចចូលរបស់ជនខិលខូច ទៅក្នុងគណនីផ្ទាល់របស់យើងមានដូចជា Facebook Account ជាដើមដែលជាប្រភពនៃបញ្ហា។ តើមានវិធីការពារដែរឬទេ? ពិតណាស់ពិតជាមាន គ្រាន់តែអ្នកទាំងអស់គ្នាមិនដឹងតែប៉ុណ្ណោះ !

Two-factor authentication ជាអ្វីដែលគ្រប់គ្នាមិនអាចខ្វះបាន ដើម្បីអោយកាន់តែមានសុវត្ថិភាពជាងនេះទៀតនោះគឺប្រើ FIDO U2F Security Key តែម្តង។

របៀបបើកដំនើរការមុខងារនេះ តាមកុំព្យូទ័រ៖ 

•    អ្នកអាចទៅកាន់ Security and Login Settings តាមរយៈការចុច សញ្ញាព្រួញបាញ់ចុះក្រោម នៅជ្រុងខាងលើផ្នែក ខាងស្តាំ ក្បែររង្វង់សញ្ញាសួរ ចាំបន្តចុច Settings > Security and Login
•    អូសចុះក្រោមបន្តិច សម្លឹងមើលក្រឡោន Use two-factor authentication រួចចាំចុច Edit ដែលនៅក្បែរនោះ
•    បន្តកំណត់តាមចិត្តចង់របស់អ្នក ដូចជាការដាក់លេខទូរសព្ទ ផ្ទាល់ខ្លួន, ដាក់ Log in តាមរយៈ USB ឬ NFC ជាដើម, ប្រើប្រាស់ Recovery code ដើម្បីប្រើប្រាស់ Facebook របស់អ្នក នៅពេលដែលធ្វើ ដំណើរទៅឆ្ងាយ ដោយមិនបានយក ស្មាតហ្វូនតាមខ្លួន និងមើលឧបករណ៍ ឬកម្មវិធីផ្សេងៗ ដែលធ្លាប់បាន Log in ជាមួយគណនីរបស់អ្នក ហើយមិនចាំបាច់ត្រូវការ កូដដើម្បី Log in ម្តងទៀត។

វិធីនេះមិនអាចការពារបាន ១១០% ទេ ព្រោះ Hacker ដែលល្បីគេអាចជ្រៀតជ្រែកចូលបណ្តាញរបស់អ្នកតាម Email និង លេខទូរសព័្ទអ្នកបាន ដែលមនុស្សភាគច្រើនកំពុងបារម្មណ៍។ តែមិនមែនអត់វិធីការពារនោះទេ ដោយវិធីនេះដដែលលោកអ្នកអាចរកទិញ FIDO U2F Security Key សំរាប់ការពារដោយផ្ទាល់ វាមានភាពងាយស្រួល សុវត្ថិភាព និង ទំនុកចិត្តខ្ពស់។

•    អ្នកអាចទៅកាន់ Security and Login Settings តាមរយៈការចុច សញ្ញាព្រួញបាញ់ចុះក្រោម នៅជ្រុងខាងលើផ្នែក ខាងស្តាំ ក្បែររង្វង់សញ្ញាសួរ ចាំបន្តចុច Settings > Security and Login
•    អូសចុះក្រោមបន្តិច សម្លឹងមើលក្រឡោន Use two-factor authentication រួចចាំចុច Edit ដែលនៅក្បែរនោះ

•   បិទមុខងារ Text Message (SMS) ដើម្បីបញ្ជាក់ភាពជាកម្មសិទ្ធហើយតំឡើង Security Key ដើម្បីការពារវិញម្តង ដោត Security Key ចូលហើយយកដៃប៉ះនៅលើសញ្ញា Key ជាការស្រេច។ ពេលនោះហើយរាល់ពេលដែលមានការលួចចួលវាតែងតែទាមទាការបញ្ជាក់អំពី  FIDO U2F Security Key  ដែលនៅក្នុងដៃរបស់អ្នកជានិច្ច ហើយនេះជាសុវត្ថិភាពមួយដែលលោកអ្នកពេញចិត្តបំផុត៕

ទស្សនាវីដេអូដោយផ្ទាល់អំពី  FIDO U2F Security Key

ពត៍មានលំអិត 017 577 337

ដោយ ៖ Sing Ly

សេចក្តីរាយការណ៍លំអិតនៅខាងក្រោម 

ភាពតានតឹងរបស់ឧបទ្វីបកូរ៉េចាប់ផ្តើមស្បើយបន្ទាប់ពីមានកិច្ចជំនួបប្រជុំមួយរបស់ប្រធានាធិបតីសហរដ្ធអាមេរិកនិងថ្នាក់ដឹកនាំរបស់កូរ៉េទាំងពីកាលពីកន្លងទៅថ្មីៗនេះរូចមក។ បើតាមប្រសាសន៍លោក ម៉ូន ជេអ៊ីនប្រធានាធិបតីកូរ៉េខាងត្បូងបាននិយាយថា ៖ ប្រទេសកូរ៉េខាងជើងបានបង្ហាញពីការទាមទាដ៍យូរអង្វែងរបស់ខ្លួន ដែលចង់អោយសហរដ្ធអាមេរិកដកទ័ពចេញពីកូរ៉េខាងត្បូងជាថ្នូរនៃការរំសាយអាវុធនុយក្លែអ៊ែរ។

តាមរបាយការណ៍បច្ចុប្បន្នសហរដ្ធអាមេរិកមានកងទ័ពជិត ៣០ ០០០ នាក់ដែលកំពុងនឹងឈរជើងនៅកូរ៉េខាងត្បូងដែលកូរ៉េខាងជើងមានអារម្មណ៍ថាធុញទ្រាន់ និង រំខានយ៉ាងខ្លាំងទោះបីជាយ៉ាងណាក៏ដោយការទាមទារបស់កូរ៉េខាងជើងគឺជាហេតុផលដែលសហរដ្ធអាមេរិកពិបាកនិងទទួលយក តែទោះដូចនេះក្តីកិច្ចប្រជុំមួយនិងគ្រោងធ្វើឡើងនៅសប្តាហ៍ក្រោយដែលនឹងធ្វើឡើងនៅតំបន់គ្មានយោធាផងដែរ៕