រាជធានីភ្នំពេញ៖ នៅថ្ងៃទី២៦ ខែមីនា ឆ្នាំ២០១៨នេះ សមត្ថកិច្ចបានបញ្ជូនខ្លួនបុរស០២នាក់ដែលបានបន្លំខ្លួនប្រើប្រាស់ ស្ថាប័នកងយោធពលខេមរភូមិន្ទ និងប្រើប្រាស់ប្រាក់ដុល្លារក្លែងក្លាយព្រមទាំងកាន់កាប់ ឬដឹកជញ្ជូនអាវុធដោយគ្មានការអនុញ្ញាត ទៅកាន់សាលាដំបូងរាជធានីភ្នំពេញ ដើម្បីចាត់ការបន្ដតាមនីតិវិធី។

សមត្ថកិច្ចបានបញ្ជាក់ថា ៖ ជនសង្ស័យទី១ឈ្មោះ ឡូត ហេង ហៅអាម៉េង ភេទប្រុស អាយុ២៩ឆ្នាំមានទីលំនៅផ្ទះជួល សង្កាត់ផ្សារថ្មី២ ខណ្ឌដូនពេញ មុខរបរយោធាតែក្លែងបំន្លំ ( ម្ចាស់អាវុធ និងលុយដុល្លារក្លែងក្លាយ )
និងទី២ឈ្មោះ សន ប៊ុនថេង អាយុ២៥ឆ្នាំ មានទីលំនៅផ្ទះជួលភូមិឃ្លាំង សង្កាត់ឬស្សីកែវ មុខរបរយោធា ក្លែងបន្លំ ( ជាអ្នកកាន់អាវុធ ) ។

ប្រភពសមត្ថកិច្ចមូលដ្ឋានដដែលបានបន្តទៀតថា ការឃាត់ខ្លួនពួកគេនៅវេលាម៉ោងប្រមាណ ១១៖៤៥នាទី យប់ថ្ងៃទី២៣ ខែមីនា ឆ្នាំ២០១៨ ស្ថិតនៅចំណុចផ្លូវជាតិលេខ០៥ ក្រុមទី០៤ ភូមិឃ្លាំងសាំង សង្កាត់ឬស្សីកែវ ខណៈដែលកម្លាំងសមត្ថកិច្ចចំរុះ ចុះរឹតបណ្តឹងច្បាប់ចរាចរណ៍ផ្លូវគោក។

នៅវេលាព្រឹកស្រាងៗ មានមនុស្សចាស់ប្រុុសស្រីពីរទៅបីនាក់ បានមកនិមន្តលោកអោយទៅសូត្រមន្តនៅផ្ទះមួយក្នុងភូមិ

ព្រះអង្គក៏ព្រមព្រៀងនិមន្តទៅផ្ទះបុណ្យ, ហើយគ្រប់អង្គក៏ឡើងលើផ្ទះនោះ សូត្រធម៌ធម្មតា, មនុស្សទាំងនោះអង្គុយស្តាប់លោកសូត្រធម៌ ហើយបុរសចាស់ជាងគេនោះបានប្រាប់លោកថា កុំអោយសូត្រធម៌ករណីយមត្ថកុសលេន… (ធម៌សម្រាប់សូត្រដេញខ្មោច) អោយសោះ ប៉ុន្តែព្រះសង្ឃគ្រប់អង្គក៏មានការសង្ស័យ ហើយក៏ចាប់ផ្តើមសូត្រស្រាប់តែបាត់មនុស្សអស់រលីង ហើយព្រះសង្ឃទាំង៣អង្គស្រាប់តែជាប់នៅលើចុងឬស្សីទាំងបីអង្គ ហើយអ្នកស្រុុកក៏មានការងឿងឆ្ងល់ ក៏នាំអ្នកភូមិទៅជួយលោក លោកបានប្រាប់ថា អាត្មាមកសូត្រមន្តគេនៅភូមិនេះឯង អ្នកស្រុកក៏ប្រាប់តបទៅវិញថា ទីនេះគ្មានភូមិទេ មានតែកន្លែងកប់ខ្មោច ។

លោកបានប្រាប់ទៅអ្នកស្រុកវិញថាអាត្មាមកនេះឃើញផ្ទះធំៗណាស់ អាត្មាឡើងតាមជណ្តើរ ជណ្តើរនោះស្អាតៗណាស់ ។

សូមបងប្អូនពិចារណា បើអោយលោកឡើងដើមឬស្សីនេះតាមធម្មតា ប្រាកដជាឡើងពុំរួចឡើយ…..។

ដោយ៖​ SVD

ប្រភព៖​ ទំព័រអប់រំចិត្ត

ភ្នំពេញ ៖ លោកឧកញ៉ា ម៉ុង ឫទ្ធី គឺជាសេដ្ឋីកសិកម្មដ៏ល្បីឈ្មោះម្នាក់នៅប្រទេសកម្ពុជា ពិសេសលោកមិនដែលធ្វើខ្លួនជាសេដ្ធីម្តងណានោះទេ លោកតែងហូបចុក រស់នៅ និងធ្វើគ្រប់សកម្មភាពក្នុងនាមជាមនុស្សសាមញ្ញ។

ថ្មីៗនេះនៅលើបណ្តាញទំនាក់ទំនងសង្គមយើងបានទទួលពត៍មានហួសចិត្តមួយដែលបានកើតមានឡើង។ បើតាមការបញ្ជាក់របស់លោកឧកញ៉ាបណ្ឌិត ម៉ុង ឬទ្ធី នៅលើទំព័រហ្វេសប៊ុករបស់លោកឧកញ៉ាថា “ខ្ញុំ​ជួយ​យកអាសា​មនុស្ស​រាប់មុឺននាក់​មានជួប​បញ្ហា​បន្តិចបន្តួច​តែមិន​ធ្ងន់ធ្ងរ​ពេក ជាចុងក្រោយ​នេះមានក្មេង​ប្រុស​ម្នាក់​ចេះតែ​ឆាត​មកសុំ​ រកការងារ​ធ្វើ​ដោយ​សុំតែបាយហូប​ ស្នាក់នៅ​មិនយកប្រាក់ខែទេ​ពេលនេះកំពង់តែ​ដាច់បាយ​ជិត​ស្លាប់​ហើយ​ ដោយក្តី​មេត្តា​អាណិត​អាសូរ​ក៏​សម្រេច​ចិត្ត​ទទួល​យកមក​អោយចូលបំរើការងារ​ ខាងផ្នែកកសិកម្ម​នៅភ្នំសែនដី​ខេត្ត​កំពង់​ស្ពឺ​ ដោយផ្ត​ល់អាហារហូបចុកបីពេល​ ផ្ទះ​ស្នាក់នៅ​ ប្រាក់150$មួយខែ​ថែមទៀត​ បានតែ​រយៈ​ពេល​៧ថ្ងៃ​ពី​ថ្ងៃ​ទី​១៨ដល់​ថ្ងៃ​ទី​២៤វេលា​ម៉ោង១រសៀល​ លោកវី​ហ្គោបាន​ខ្ចីម៉ូតូ​មាកលែតតម្លៃ1.450$​របស់​កម្មករ​ដូចគ្នា​យកទៅបាត់​ស្រម៉ោល​ ។ ដំណឹង​នេះ​ខ្ញុំ​សុំ​ប្តឹង​ទៅសមត្ថកិច្ច​បើស្គាល់ឬ​ឃើញ​មុខមាត់​​ដូច​ក្នុង​រូប​ថត​នេះ​ ​ចាប់វាមក​ផ្តន្ទា​ទោស​ខ្ញុំ​និង​ជូន​រង្វាន់​ ១,០០០$ បន្ថែម​ជា​មួយ​ម៉ូតូ​ដែល​វា​ឆបោកនេះផងដែ​រ”៕

Vigo Vigo

ភ្នំពេញ​ ៖ ក្រុមហ៊ុន​ឆ្នោត សេដ្ឋី​ដែលជា​ការវិនិយោគ​​រប​ស់ជន​ជាតិចិន​​បាន​បើកសម្ពោធ ដាក់​ដំណើរការ​​ជា​ផ្លូវការ​នៅក្នុង​ប្រទេស​កម្ពុជា​​ហើយ​កាល​ពី​ព្រឹក​ថ្ងៃទី​២៤ ខែមីនា ឆ្នាំ​២០១៨ នា​សណ្ឋាគារ ហ៊ី​ម៉ា​វា​រី បន្ទាប់ពី​ទទួលបាន​អាជ្ញាប័ណ្ណ​ពី​រាជរដ្ឋាភិបាល​កម្ពុជា​។​

​បើតាម​លោក ច​ន​នី វង់ (Johnnie Wong)​អគ្គនាយក​ក្រុមហ៊ុន ឆ្នោត​សេដ្ឋី បាន​មានប្រសាសន៍​នៅ​ក្នុងឱកាស​បើកសម្ពោធ​ជា​ផ្លូវការ​ថា​ក្រុមហ៊ុន​ឆ្នោត​សេដ្ឋី​ទទួលបាន​អាជ្ញាប័ណ្ណ​ពី​រាជរដ្ឋាភិបាល​កម្ពុជា​ហើយ​គោលបំណង​នៃ​ការបង្កើត​ឆ្នោត​សេដ្ឋី​នេះ​នៅ​កម្ពុជា​គឺ​ដើម្បី​ជួយ​បង្កើន​ភាពសប្បាយ​រីករាយ​ក្នុង​ជីវ ភាព​រស់នៅ ប្រចាំថ្ងៃ​របស់​ប្រជាជន ក៏ដូចជា​ចូលរួមចំណែក លើកកម្ពស់​សេដ្ឋកិច្ច ក្នុងប្រទេស​កម្ពុជា​ផងដែរ​។

​លោក​បាន​បន្ត​ថា ​«​ក្រុមហ៊ុន​មាន​គោល​គំនិត​មួយ គឺ​យក​អតិថិជន​ជាធំ គ្រប់គ្រង​ប្រកប ដោយ​ភាពស្មោះត្រង់ និង​ប្រកាន់ខ្ជាប់​នូវ​គោលការណ៍ សុច្ចរិត យុត្តិធម៌ និង​ធានាថា មានការ​ផ្តល់ជូន​ជា​រង្វាន់ ពិតៗ ទៅដល់​អតិថិជន ដែល​បានឈ្នះ​រង្វាន់​ឆ្នោត​ពី​ក្រុមហ៊ុន​ឆ្នោត សេដ្ឋី​» ។​

យ៉ាងណាក៏ដោយ លោក​អគ្គនាយក ក្រុមហ៊ុន​បាន​អះអាង​ថា ក្រុមហ៊ុន​ឆ្នោត សេដ្ឋី​និង ធ្វើខ្លួន​ជា​ក្រុមហ៊ុន​ឆ្នោត​មួយ ដែល​ផ្តល់​សេវាកម្ម ឲ្យបាន​ល្អ ជូន​អតិថិជន ដើម្បី​ទទួល​បាន​ការស្រលាញ់​ចូលចិត្ត និង គាំទ្រ​ដ៏​ច្រើន​លើសលប់ ពី​អតិថិជន​គ្រប់រូប នៅក្នុង​ប្រទេស​កម្ពុជា​។​

លោក ច​ន​នី វង់ បានបញ្ជាក់​បន្ថែមទៀត​ថា ក្រុមហ៊ុន​មាន​សេវាកម្ម​ទិញ និង​ប្ដូរ​រង្វាន់​តាមរយៈ អន​ឡាញ ដែល​អាច​ទិញ តាមរយៈ​ទូរស័ព្ទ​ដៃ​ផ្ទាល់ និង​តាមរយៈ​ភ្នាក់ងារ របស់​ក្រុមហ៊ុន សេដ្ឋី ជាច្រើន​កន្លែង​នៅក្នុង​ប្រទេស​កម្ពុជា​។ ដោយ​ជំហាន​ដំបូង ក្រុមហ៊ុន​ឆ្នោត​សេដ្ឋី បាន​សហការ ជាមួយ ក្រុមហ៊ុន អ៊ី​ម៉ា​នី ដែល​អាច​ឲ្យ​អតិថិជន បញ្ចូល​ទឹកប្រាក់ ក៏ដូចជា​ប្ដូរ​យក​រង្វាន់ ជា​សាច់ប្រាក់​ផ្ទាល់ តាមរយៈ​ក្រុមហ៊ុន អ៊ី​ម៉ា​នី ហើយ​ជំហាន​បន្ទាប់ ក្រុមហ៊ុន​ឆ្នោត សេដ្ឋី នឹង​សហការ​ជាមួយ​ក្រុមហ៊ុន ផ្តល់​សេវាកម្ម​ផ្ញើ​ប្រាក់​ដទៃ​ទៀត ឲ្យ​អតិថិជន កាន់​តែ​មាន​ភាព​ងាយស្រួល​៕

ប្រភពអត្ថបទ៖ កម្ពុជាថ្មី

ក្រុមអន្តរាគមន៍ បង្ការ បង្ក្រាបនៃស្នងការដ្ឋាននគរបាលខេត្តបាត់ដំបង បង្ក្រាបករណីអំពើលួចមានស្ថានទម្ងន់ទោស ចោរកាច់សោរ ក ម៉ូតូ យ៉ាងសកម្មនៅក្នុងក្រុងបាត់ដំបង

ខេត្តបាត់ដំបង៖ ដោយអនុវត្តន៍តាមការណែនាំ បញ្ជាផ្ទាល់ពីឯកឧត្តម ឧត្តមសេនីយ៍ទោ អ៊ុច សុខុន ស្នងការនគរបាលខេត្តបាត់ដំបង ក៏ដូចជាលោកឧត្តមសេនីយ៍ត្រី ជេត វណ្ណនី ស្នងការរងនគរបាលទទួលបន្ទុកផែនព្រហ្មទណ្ឌ ជាក់ស្ដែង ថ្ងៃព្រហស្បតិ៍ ៦ កើត ខែចេត្រ ឆ្នាំរកា នព្វស័ក ពុទ្ធសករាជ ២៥៦១ ត្រូវនឹង ថ្ងៃទី២២ ខែមីនា ឆ្នាំ២០១៨ វេលាម៉ោង១៦និង ៣០ នាទី នៅចំណុចក្រុមទី ១៨ ភូមិស្រះកែវ ឃុំកំពង់ព្រះ ស្រុកសង្កែ ខេត្តបាត់ដំបង លោកវរៈសេនីយ៍ត្រី ឈឿង គឹមសុង បានដឹកនាំ ក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណីអំពើលួច ( ចោរកាច់សោរម៉ូតូ )  ១ករណី ឃាត់ខ្លួនបានជនសង្ស័យចំនួន៣ នាក់ ។

ទី១ឈ្មោះ ឡាំ បូរី ហៅ ពៅ ភេទប្រុស អាយុ ២៥ ឆ្នាំ មានទីលំនៅភូមិក្រាំងដូង ឃុំសំរោង ស្រុកបន្ទាយមាស ខេត្តកំពត ។
ទី២ឈ្មោះ ឡាំ សុភ័ក្រ ហៅឡុយភេទប្រុស អាយុ៣៥ ឆ្នាំ មានទីលំនៅភូមិក្រាំងដូង ឃុំសំរោងស្រុកបន្ទាយមាស ខេត្តកំពត។
ទី៣ឈ្មោះភឹម ពៅ ភេទប្រុសអាយុ ៣៥ ឆ្នាំមានទីលំនៅភូមិព្រៃពោន ឃុំព្រៃពោន ស្រុកកំពង់ត្របែកខេត្តព្រៃវែង ។
📍វត្ថុតាងដកហូតរួមមាន៖
– សោរម៉ូតូម៉ាកហុងដាចំនួន ៣
– សោរសម្រាប់កាច់សោរម៉ូតូចំនួន៧
– ដែករាងអក្សរ T សម្រាប់កាច់សោរម៉ូតូចំនួន 1
– សោរសម្រាប់ដោះស្លាកលេខចំនួន២
– គ្រាប់សម្រាប់កិបស្លាកលេខចំនួន៤ គ្រាប់
– ស្លាកលេខចំនួន ២ សន្លឹក
– រថយន្តមួយគ្រឿងម៉ាកកាមរីបាឡែនពណ៌ ស ស៊េរីឆ្នាំ ២០០៣ ពាក់ស្លាកលេខ ភ្នំពេញ ២O ០៩៨០

បច្ចុប្បន្នការិយាល័យជំនាញកុំពុងតែធ្វើការកសាងសំណុំរឿងដើម្បីបញ្ជូនទៅតុលាការដើម្បីផ្តន្ទាទោសតាមច្បាប់។

បើចង់ជ្រាបច្បាស់សូមទស្សនាវិដេអូ

https://www.facebook.com/plugins/video.php?href=https%3A%2F%2Fwww.facebook.com%2FbattambangPL%2Fvideos%2F819347694919547%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2FbattambangPL%2Fvideos%2F819353681585615%2F&show_text=0&width=560

ប្រភព៖ ស្នងការដ្ឋាននគរបាលខេត្តបាត់ដំបង

ថ្មីៗនេះយើងឃើញថា តាមផលិតកម្មជាច្រើនកំពុងតែត្រៀមចេញបទចម្រៀងថ្មីៗដើម្បីឲ្យ បងប្អូន ពូមីង ពុកម៉ែ យាយតា ស្តាប់កុំសាន្តនិងរាំ​លេងក្នុងពិធីបុណ្យចូលឆ្នាំខ្មែរនាពេលខាងមុខនេះ ។

ដោយឡែកក្នុងចំណោមបទថ្មីៗល្បីៗសម្រាប់រាំលេងក្នុងពិធីបុណ្យចូលឆ្នាំខ្មែរនាពេលខាងមុខ គេសង្កេតឃើញបទ “មាន់ស្រេែ” របស់តារាចម្រៀងស្រីក្នុងផលិតកម្មថោន គឺកញ្ញា រ៉ាប៊ី ហាក់កំពុងតែទទួលបានការគាំទ្រខ្លាំងលើសលុប ដោយមានចំនួនអ្នកចូលទស្សនាដល់ទៅខ្ទង់លានដងឯនោះ ព្រោះតែទាំងសម្លេង ភ្លេង និងចង្វាក់រាំ ពិតជាមិនធម្មតា ឃើញហើយក៏ចង់រាំដែរ។

សូមទស្សនា វិដេអូទាំងអស់គ្នា វិដេអូទី១

មិនតែប៉ុណ្ណោះ​បទចម្រៀងខ្មែរមួយបទនេះ កំពុងទទួលបានការគាំទ្រជាខ្លាំង នៅឯប្រទេសថៃ ដោយមានការយកទៅរាំ cover បង្ហោះពេញបណ្តាញសង្គមថៃ។

វិដេអូទី២

វិដេអូទី៣

https://www.facebook.com/plugins/video.php?href=https%3A%2F%2Fwww.facebook.com%2Fahta.mimo%2Fvideos%2F2123588937920569%2F&show_text=0&width=267

ដោយ៖ SVD

ប្រភព៖ FB

ប្រាសាទបាពួន បានលាក់សម្ងំខ្លួន កណ្តាលវង់ធំ ទាក់ភ្នែកទេសចរណ៍ ឱ្យមកផ្តុំ ទស្សនាវិលជុំ មិនខ្លាចហត់កាយ…

ខេត្តសៀមរា៖ ខេត្តសៀមរាបគឺជាខេត្តមួយដ៍ពិសេស មិនថាតែប្រជាជនខ្មែរបានដឹងបានស្គាល់នោះទេថែមទាំងល្បីរន្ទឺដល់ឯក្រៅប្រទេសផងដែរ ដែលខេត្តនេះសម្បូរទៅដោយប្រាង្គប្រាសាទដែលបុព្វបុរសខ្មែរបានបន្សល់ទុកជាច្រើន ។

ថ្ងៃនេះខ្ញុំលើកយកប្រាសាទ បាពួន​ រឺ បាភួន មកសសេរនឹងនិយាយចំនុចខ្លះៗដើម្បីឲ្យកូនខ្មែរគ្រប់រូបបានដឹងបានស្គាល់ពីប្រាសាទនេះ ប្រាសាទ បាពួន រឺ បាភួន មានទីតាំងស្ថិតនៅផ្លូវចូលទៅកាន់ទ្វារដីឆ្នាំង ស្ថិតនៅបន្ទាប់ពី ប្រាសាទបាយ័ន និងក្បែរ ព្រលានជល់ដំរី ។

ប្រាសាទបានកសាងឡើងនៅក្នុងសម័យអង្គរ នាសតវត្សរ៍ទី១១ ឆ្នាំ១០៦០ ដោយព្រះបាទ ឧទ័យាទិត្យវរ្ម័នទី២ ដើម្បីឧទ្ទិសថ្វាយដល់ ព្រហ្មញ្ញសាសនា ។ ប្រាសាទនេះបានចម្លាក់ឡើងខុសពីប្រាសាទផ្សេងៗដទៃទៀត គឺឆ្លាក់នៅលើថ្មតូចៗ ស្រដៀងនិងឥដ្ឋ ហើយចម្លាក់នេះនៅសល់តិចតួចប៉ុណ្ណោះ ប្រាសាទភ្នំនេះមានរាងដូច សាជី មានប្រាំថ្នាក់ សំណង់ធ្វើពីថ្មភក់ថ្មបាយក្រៀម និង មានគោបុរះ នៅទាំងបួនទិស ព្រមទាំងមានរូបចម្លាក់ក្បូក្បាច់រចនា ល្អឆើតទាក់ទងទៅនិង រឿងរាមកេរ្តិ៍​ខ្មែរ និងមានក្បាច់ចម្លាក់ផ្សេងទៀតទាក់ទងទៅនឹង ល្បែងកីឡា នឹងរូបព្រះពុទ្ធចូលព្រះនិពាន្ធ ដែលគេទើកសាឡើងនា សម័យលង្វែក ៕

សូមទស្សនាវិដេអូ

https://www.facebook.com/plugins/video.php?href=https%3A%2F%2Fwww.facebook.com%2Fsophoit%2Fvideos%2F1582165988547716%2F&show_text=0&width=560

ដោយ៖ SVD

ប្រភព៖ ម៉ាន់ សុភ័ទ្ធ

នៅពេលកន្លងទៅថ្មីៗនេះបណ្តាញផ្សព្វផ្សាយប្រទេសថៃបានបានចែកចាយព្រោងព្រៀតដោយស្ត្រី​ជា​ភ្ញៀវទេសចរ​ជនជាតិ​បរទេស​ម្នាក់ បានថត​រូប​ភាពមិន​សមរម្យរ​បស់​នាង ដែល​បាន​អង្គុយ​ថត​នៅក្នុង​ទីកន្លែង​ពិសិដ្ឋ​មួយកន្លែង​នៅក្នុង​ប្រទេស​ថៃបានធ្វើ​ឲ្យ​ប្រជាជន​ថៃ​ផ្ទុះ​កំហឹង​យ៉ាងខ្លាំង​ក្លា ។​

​តាមរយៈ​រូបភាព​១​សន្លឹក​ដែល​ត្រូវបាន​បង្ហោះ​ឡើង​នៅលើ​ផេ​ក​ហ្វេ​ស​ប៊ុ​ក​ឈ្មោះ Aditha But Adit កាលពី​ថ្ងៃទី​២១ មីនា បានបង្ហាញ​ឲ្យ​ឃើញ​ស្ត្រី​បរទេស​មិន​ស្គាល់​អត្តសញ្ញាណ​ម្នាក់ ឡើងទៅ​អង្គុយ​នៅលើ​បង្កាន់ដៃ​វិហារ​នៃ​វត្ត Phra Kaew ក្នុង​កាយវិការ​អង្គុយបញ្ឈរជង្គង់ ស្ថិតក្នុង​សម្លៀកបំពាក់​សិច​ស៊ី ខណៈ​មិត្ត​ប្រុស​របស់​នាង​ថតរូប​ភាព ។​

​នៅក្នុង​រូបភាព ឃើញថា​ស្ត្រី​បរទេស​រូបនោះ បាន​ថតរូប​ដោយ​គ្មាន​ការប្រុងប្រយ័ត្ន​ថា​ខ្លួន​នឹង​លេចចេញ​តំបន់​កេរ្តិ៍ខ្មាស ដោយ​មិន​ខ្វល់ខ្វាយ​នឹង​ភ្នែក​របស់​ភ្ញៀវ​ដទៃទៀត នៅ​ជុំវិញ​នាង​ឡើយ ។​

បើទោះបីជា​រូបភាព​នេះ ត្រូវបាន​ផេ​ក​ខាងលើនេះ​លុបចេញ​វិញ​ក៏ដោយ តែ​វា​ត្រូវបាន​គេ​យកទៅ​បង្ហោះ​ចែករំលែក​តៗ​គ្នា​យ៉ាង​ព្រោងព្រាត​ទៅហើយ ដែល​បង្ក​ឲ្យ​មានការ​រិះគន់​យ៉ាង​ខ្លាំងក្លា ពី​សំណាក់​ជនជាតិ​ថៃ​ជាច្រើន ។​

​ម្ចាស់​រូបថត​ដើម​នេះ បានសរសេរថា​៖ «​ខណៈ​កំពុង​ចូលទៅ​បួងសួង​នៅក្នុង​វត្ត ក្នុងចំណោម​ភ្ញៀវទេសចរ​ជនជាតិ​ជាច្រើន​នាក់ ខ្ញុំ​ពិតជា​រន្ធត់​ជាខ្លាំង នៅពេល​ក្រឡេក​ទៅ​ឃើញ​ស្ត្រី​នេះ​អង្គុយ​មិន​សមរម្យ​បែបនេះ​» ។​

​គួរ​បញ្ជាក់ថា ជនបរទេស​ជារឿយៗ តែង​បង្ក​ការរិះគន់​នេះ​ឡើង នៅក្នុង​ទឹកដី​នៃ​ប្រទេស​ថៃ ដែលជា​ទីកន្លែង​មួយ ពុំ​ត្រូវបាន​អនុញ្ញាត​ឲ្យ​ជនបរទេស​ណា​ម្នាក់​នាំគ្នា​ទៅ​ប្រព្រឹត្ត​រឿង​ផ្តេសផ្តាស ឬ ប្រមាថ​ចំពោះ​ទីកន្លែង​ស័​ក្ខិ​សិទ្ធ​របស់​ពួកគេ​ឡើយ ៕ ចន្ទី

ដោយ៖​ ចន្ទី

ប្រភព៖ ​Cambodia Express News

រាជធានីភ្នំពេញ៖ ថ្មីនេះក្រោយផ្ទុះនៅព្រឹត្តិការណ៍ជជែកវែកញែក និង ស៊ែរបន្តគ្នាអំពីករណី ស្រីម្នាក់ស្រវឹងឈប់រថយន្តដេក ជាមួយអ្នកសារពត៍មានដែលបានថតបង្ហោះពេញបណ្តាញសង្គម Facebook

នៅថ្ងៃទី២២ ព្រឹកមិញនេះដែរ ឯកឧត្តម ខៀវ កញ្ញារិទ្ឋ រដ្ឋមន្រ្តីក្រសួងព័ត៌មាន ប្រតិកម្មនឹងការថតផ្សាយ រឿងនារីស្រវឹងដេកក្នុងរថយន្តតាមចិញ្ចើមផ្លូវថា ខ្វះសីលធម៌ក្នុងនាមជាអ្នកសារព័ត៌មាន ។

​ដឹង​ខ្លួន​ស្រវឹង​ឈប់​ដេក​ក្នុង​ឡាន​គឺ​គួរ​អាណិត​និង​សរសើរ​ព្រោះ​យល់​ពី​កំរិត​សមត្ថភាព​ខ្លួន​ តែ​បើ​យើង​នាំ​គ្នា​ទៅ​ថត​ចុះ​ផ្សាយ​តើ​ដើម្បី​ជំរុញ​អោយ​គាត់​បើក​បុក​គេ​ឯង​ដើម្បី​ខ្លួន​ឯង​មាន​អត្ថបទ​ផ្សាយ​ឬ​យ៉ាង​ណា​ ? បើមិន​និយាយ​ដល់​វិជ្ជាជីវៈ​ទេ​ យ៉ាង​ហោចណាស់​យើង​គិត​ពី​កំរិត​សីលធម៌​ សុជីវធម៌​ និង​ ការ​អប់រំ​ទៅ​ចុះ​ ។

ពាក់ព័ន្ធនឹងករណីនេះដែរឆ្លើយតបទៅនឹងសំនួរដែលមហាជនជាច្រើនចង់ដឹង ចំពោះសំនួរដែរថា៖ ​

លោកពូ តើអ្នកកាសែតពិតជាមានសិទ្ធិក្នុងការថតផ្សាយរឿងបែបនេះដែរឬអត់បើគិតតាមផ្លូវច្បាប់ ?

​ ឯកឧត្តម Kanharith Khieu​ បានថ្លែងតបទៅនឹងសំនួរមហាជនថា៖​ អត់​ទេ​ បើគិត​តាម​វិជ្ជាជីវៈ​

ជាចុងក្រោយសំុសំនូមពរឲ្យអ្នកសារពត៍មានទាំងអស់ត្រូវតែមាន​វិជ្ជាជីវៈ យ៉ាង​ហោចណាស់​យើង​គិត​ពី​កំរិត​សីលធម៌​ សុជីវធម៌​ និង​ ការ​អប់រំទៅថ្ងៃក្រោយ ៕

ប្រភព៖  ឯកឧត្តម ខៀវ កញ្ញារិទ្ឋ រដ្ឋមន្រ្តីក្រសួងព័ត៌មាន