ទីបំផុតក្រុមតោខៀវ Chelsea និងលោក Antonio Conte បានឈានដល់ការចែកផ្លូវគ្នា

ក្រុមតោខៀវ Chelsea ទីបំផុតបានឈានដល់ការចែកផ្លូវគ្នាជាមួយគ្រូបង្វឹកលោក Antonio Conte ខណៈដែលមានសេចក្ដីរាយការណ៍ខ្លះបានខ្សឹបប្រាប់ឲ្យដឹងថាបុរសជនជាតិអ៊ីតាលីរូបនេះត្រូវបានគេរំសាយកុងត្រាចោលតាំងពីថ្ងៃព្រហស្បតិ៍មកម្ល៉េះ ដោយលោក Maurizio Sarri នឹងមកកាន់តំណែងអ្នកចាត់ការជំនួសគាត់។

ទន្ទឹមនឹងនោះក្រុមកីឡាកររបស់ Chelsea បានជូនពរទៅកាន់លោក Conte លាយឡំជាមួយនឹងសារលាគ្នា មុនពេលដែលក្រុមនៃលីកកំពូលរបស់អង់គ្លេសមួយនេះចេញសេចក្ដីថ្លែងការណ៍មួយយ៉ាងដូច្នេះថា ៖ “អំឡុងពេលនៃការដឹកនាំរបស់លោក Antonio Conte ក្លិបរបស់យើងបានឈ្នះ Premier League ជាលើកទី ៦ និងឈ្នះពាន FA Cup ជាលើកទី ៨ ។ ហើយនៅរដូវកាលដែលយើងបានលើកពាន Premier League គឺក្លិបរបស់យើងបានបំបែកកំណត់ត្រាជាមួយនឹងការទទួលបានជ័យជម្នះ ៣០ ប្រកួតនៃ ៣៨ ប្រកួតក្នុងលីក។ លើសពីនោះពួកយើងទទួលបានកំណត់ត្រាឈ្នះ ១៣ ប្រកួតជាប់ៗគ្នានៃការប្រកួតក្នុងលីក។ តែទោះជាយ៉ាងណាយើងសូមជូនពរគាត់(Conte)ឲ្យទទួលបានជោគជ័យកាន់តែខ្លាំងក្នុងអាជីពរបស់គាត់នាថ្ងៃអនាគត។”

លោក Maurizio Sarri ដែលនឹងក្លាយជាគ្រូបង្វឹកថ្មីរបស់ Chelsea ឆាប់ៗនេះ

ប្រែសម្រួល ៖ ភក្ដី

មូលហេតុដែល Juventus បានលុបចោលនូវផែនការនៃការបង្ហាញខ្លួន Ronaldo ជាសាធារណៈត្រូវបានលាតត្រដាង

ក្រុម Juventus បានលុបចោលផែនការក្នុងការបង្ហាញខ្លួនជាសាធារណៈរបស់ខ្សែប្រយុទ្ធចំណូលថ្មី គឺកីឡាករ Cristiano Ronaldo នៅចំពោះមុខអ្នកគាំទ្ររបស់ពួកគេ។ កីឡាករដែលជាវីរបុរសរបស់ក្រុមជម្រើសជាតិព័រទុយហ្គាល់រូបនេះបានបញ្ចប់ការផ្ទេររបស់គាត់ពីក្លិបយក្សអេស្ប៉ាញ Real Madrid មកកាន់ទឹកដីរបស់ក្រុម Juventus ក្នុងតម្លៃខ្លួនផ្ទេរ ១០៥ លានអឺរ៉ូកាលពីថ្ងៃអង្គារកន្លងទៅ ប៉ុន្តែពេលនេះគាត់នឹងបង្ហាញខ្លួនជាសាធារណៈក្នុងនាមជាកីឡាកររបស់ Juventus នៅក្នុងសន្និសីទកាសែតនាថ្ងៃច័ន្ទសប្ដាហ៍ក្រោយ។

កាលពីថ្ងៃព្រហស្បតិ៍កន្លងទៅថ្មីៗ Juventus បានប្រកាសថានៅកីឡដ្ឋាន Allianz របស់ពួកគេនឹងប្រារព្ធពិធីធំមួយដោយរួមបញ្ចូលនូវការសម្ដែងភ្លើងពណ៌ ការប្រគុំតន្ត្រី និងបាញ់កាំជ្រួញផងដែរដើម្បីស្វាគមន៍ Ronaldo ម្ចាស់ពាន Ballon D’or ប្រាំសម័យកាលរូបនេះមកកាន់ទីក្រុងតូរីន។ ប៉ុន្តែផែនការរបស់គេត្រូវបានលុបចោលវិញដោយសារការហាត់ស៊ាំជួបការលំបាកច្រើន ដូច្នេះហើយអ្នកគាំទ្ររបស់ពួកគេទំនងជានឹងត្រូវបន្តការរង់ចាំយូរបន្តិចទៀតដើម្បីបានឃើញ Ronaldo ពាក់អាវ Juventus ក៏ដូចជាបង្ហាញខ្លួនជាផ្លូវការក្នុងនាមជាកីឡាកររបស់ក្រុមនៃលីកកំពូលរបស់អ៊ីតាលីមួយនេះ។ Ronaldo ត្រូវបានគេរំពឹងទុកថាគាត់នឹងចូលរួមជាមួយ Juventus សម្រាប់យុទ្ធនាការប្រកួតត្រៀមបើករដូវកាលនៅសហរដ្ឋអាមេរិក ប៉ុន្តែបុរសវ័យ ៣៣ ឆ្នាំរូបនេះទំនងជានឹងមិនចូលលេងទេ នៅពេលក្លិបថ្មីរបស់ខ្លួនប្រកួតជាមួយក្លិបចាស់ Real Madrid នាទីក្រុងវ៉ាស៊ីងតោននៅថ្ងៃទី ០៤ សីហា ២០១៨ ។

ប្រែសម្រួល ៖ ភក្ដី

តារាទាំងនេះ សុទ្ធតែត្រូវបានបដិសេធន៍ដោយផលិតកម្ម SM, JYP និង YG

គ្រប់គ្នាបានដឹងហើយថា SM, JYP និង YG គឺសុទ្ធតែជាផលិតកម្មយក្សប្រចាំប្រទេសកូរ៉េ។ តារាចម្រៀងស្ទើរតែទាំងអស់ គឺសុទ្ធតែមានក្ដីប្រាថ្នាចង់ជ្រកកោនក្នុងផលិតកម្មទាំងបីនេះ ដើម្បីទទួលបានប្រជាប្រិយភាព ក៏ដូចជាភាពល្បីល្បាញ។ ប៉ុន្ដែក្ដីស្រម៉ៃរបស់មនុស្សគ្រប់រូប គឺមិនអាចក្លាយជាការពិតបានទាំងអស់នោះទេ តួយ៉ាងដូចជាតារាទាំង៦រូបនេះ សុទ្ធតែធ្លាប់បានដាក់ពាក្យស្នើរចូលផលិតកម្មទាំងបីនេះ ប៉ុន្តែពួកគេត្រូវបានបដិសេធន៍។ ទោះបីត្រូវបានបដិសេធន៍ក៏ដោយ ប៉ុន្តែតារាទាំង៦រូបនេះបានប្រឹងប្រែងពុះពារ និងទទួលបានជោគជ័យលើវិថីសិល្បៈរបស់ពួកគេ។ ខាងក្រោមនេះជាបញ្ជីរាយឈ្មោះតារាទាំង៦រូបនេះ

១. Bang Jae Min

Jae Min ត្រូវបានបដិសេធផលិតកម្ម YG Entertainment និងផលិតកម្ម SM Entertainment ដោយសារគាត់មិនពូកែរាំ។ ប៉ុន្តែពេលនេះគាត់បានក្លាយជា Rapper ដ៏ល្បីម្នាក់ក្នុងកម្មវិធីHigh School Rapper។

២. Clara

តារាម៉ូដែលនិងតារាសម្តែងស្រីរូបនេះត្រូវបានការបដិសេធពីផលិតកម្ម JYP Entertainment និង SM Entertainment ។ ប៉ុន្តែរឿងនេះមិនមែនជាបញ្ហាសំរាប់នាងនោះទេ ព្រោះពេលនេះនាងជោគជ័យខ្លាំងក្នុងអាជីពជាតារាសម្ដែង។ រឿងចុងក្រោយរបស់នាងមានចំណងជើងថា Meloholic ដែលនាងត្រូវសម្ដែងជាតួស្រីឈ្មោះ Yun Kyung Ae។

៣. Park Hyung Sik

Park Hyung Sik ត្រូវបានបដិសេធដោយផលិតកម្ម SM Entertainment និង YG Entertainment នៅពេលគាត់រៀននៅវិទ្យាល័យ។ ក្រោយមកទៀតលោកបានប្រឡងចូលផលិតកម្ម Star Empire Entertainment និងបានជាប់ក្លាយជាសមាជិករបស់ក្រុម ZE: A ។ នៅឆ្នាំ 2012 លោកបានចាប់ផ្តើមអាជីពជាអ្នកសម្ដែង។ ចាប់តាំងពីពេលនោះមកលោកត្រូវបានគេស្គាល់កាន់តែច្រើនហើយមានភាពមមាញឹកខ្លាំងទាំងការសម្ដែង និងការច្រៀង។

៤. Vivian Cha

Vivian Cha ត្រូវបានគេស្គាល់ថាជាបងជីដូនមួយរបស់ Yuri សមាជិកក្រុម Girls ‘Generation។ នាងជាតារាម៉ូដែលដែលទទួលបានជោគជ័យខ្លាំងណាស់ ទោះបីជាមិនបានចូលក្នុងផលិតកម្ម SM Entertainment និង JYP Entertainment ក៏ដោយ ។ ដើមឡើយនាងរៀនច្រៀងបុរាណប៉ុន្តែបានឈ្នះការប្រកួតម៉ូដែលមួយនៅពេលនាងមានអាយុ 21 ឆ្នាំហើយបានបន្តអាជីពតាំងពីពេលនោះមក។

៥. Jessi

នៅឆ្នាំ 2016 Jessi បានប្រាប់ថានាងជាសិក្ខាកាមក្រោមការដឹកនាំរបស់ផលិតកម្ម SM Entertainment ។ នាងបានសារភាពថានាងបានឆ្លងកាត់ការសាកល្បង ប៉ុន្តែក្រោយមកក៏ត្រូវបានបដិសេធវិញ។ ក្រោយមកនាងបានបង្កើតឈ្មោះដ៏ល្បីល្បាញដោយខ្លួនឯងនៅក្នុងពិភពតន្ត្រីហ៊ីបហបហើយថែមទាំងបានចេញអាល់ប៊ុមដំបូងរបស់នាងកាលពីឆ្នាំមុន។ ថ្មីៗនេះនាងបានធ្វើការសហការជាមួយ Flowsik ។ វីដេអូនេះមានទស្សនិកជន 500.000ដង ក្នុងរយៈពេលតែ 5 ថ្ងៃប៉ុណ្ណោះ។

៦. Ryu Hyun Kyung

មិនខុសពីតារាខាងលើទេ Ryu Hyun Kyung ត្រូវបានបដិសេធដោយផលិតកម្មYG Entertainment។ បន្ទាប់មកនាងបានចាប់អាជីពជាអ្នកសម្ដែង។ ចាប់តាំងពីពេលនោះមកនាងបានសម្ដែងក្នុងខ្សែភាពយន្តជាច្រើន។ ហើយនាងក៏បានទទួលជោគជ័យក្នុងវិស័យសិល្បៈសម្ដែងមកទល់សព្វថ្ងៃនេះ៕

បុរសជនជាតិចិនគ្នា៣នាក់ ប្រដាប់ដោយដែកគាស់ ជិះរថយន្តមួយគ្រឿង មកធ្វើសកម្មភាព វាយបណ្តាលឲ្យរងរបួសធ្ងន់និងវាយរថយន្តជនរងគ្រោះ ខ្ទេច បង្កឲ្យភ្ញាក់ផ្អើល…(ចុចអានបន្ត)

ភ្នំពេញ៖ ស្រ្តីខ្មែរម្នាក់ក្នុងចំណោមគ្នា២នាក់ ត្រូវបានបុរសជនជាតិចិនគ្នា៣នាក់ ប្រដាប់ដោយដែកគាស់ ជិះរថយន្តមួយគ្រឿងបិទស្លាកលេខ មកធ្វើសកម្មភាព វាយបណ្តាលឲ្យរងរបួសធ្ងន់និងវាយរថយន្តជនរងគ្រោះ ខ្ទេច បង្កឲ្យភ្ញាក់ផ្អើល ប៉ូលីសមួយចំហៀងខណ្ឌពោធិសែនជ័យ ប្រដេញតាមចាប់ ផ្អើលតាមផ្លូវ កាលពីវេលាម៉ោង១១និង៤៥នាទីព្រឹក ថ្ងៃទី១៣ ខែកក្កដា ឆ្នាំ២០១៨ មុខហាងកាហ្វេតេស្ត ផ្លូវវេងស្រេង ភូមិចោមចៅ២ សង្កាត់ចោមចៅ២ ខណ្ឌពោធិសែនជ័យ ។

ស្រ្តីរងគ្រោះឈ្មោះ ហង់ ចាន់នី អាយុ២៦ឆ្នាំ មុខរបរ បុគ្គលិករោងចក្រស្បែកជើង មានទីលំនៅ ផ្ទះ165Eoz ផ្លូវ93 សង្ហាត់មនោរម្យ ខណ្ឌ7មករា រងរបួសធ្ងន់ ត្រូវបានបញ្ជូនចូលសង្រ្គោះនៅគ្លីនិកភ្លាមៗ គ្រាន់តែដឹងថា បម្រើការងារនៅរោងចក្រស្បែកជើង ។ ជនរងគ្រោះជិះរថយន្តជិះរថយន្តមួយគ្រឿងម៉ាក កាមរីបាឡែន ពណ៌ស ពាក់ស្លាកលេខ ភ្នំពេញ 2AN-1659 ។ ចំណែកជនបង្ក ជាជនជាតិចិន គ្នា៣នាក់ ក្នុងនោះមានឈ្មោះ ចូ ហ្វីលីប អាយុ៤២ឆ្នាំ ធ្លាប់មានគុំនុំជាមួយជនរងគ្រោះផងដែរ ។ ទាំង៣នាក់ជិះរថយន្តមួយគ្រឿង ម៉ាកកាមរីឆ្លាម ពណ៌ស្ករ យកទឹកលុប គូសបិទស្លាកលេខបាត់ ។

តាមប្រភពបានឲ្យដឹងថា មុនកើតហេតុ ស្រ្តីរងគ្រោះបើករថយន្ត រួមដំណ់រជាមួយស្រ្តីម្នាក់ទៀត ចូលបំរ៉ុងហូបបាយនៅហាងកាហ្វេតេស្ត ហើយគ្រាន់តែជនរងគ្រោះចុះពីលើរថយន្ត ស្រាប់តែក្រុមជនបង្ក ប្រដាប់ដោយដែកគាស់ ចំនួន២ដើម បើករថយន្តកាមរីឆ្លាម ទៅដល់ ធ្វើសកម្មភាពវាយទៅលើស្រ្តីរងគ្រោះ បណ្តាលឲ្យដេកដួលរងរបួសធ្ងន់ ហើយវាយ រថយន្តជនរងគ្រោះ បណ្តាលឲ្យបែកកញ្ចក់ខ្ទេចជុំវិញ ។ ក្រោយពីធ្វើសកម្មភាពរួចក្រុមជនដៃដល់បើករថយន្ត រត់គេចផ្អើលអស់សមត្ថកិច្ច មួយចំហៀងខណ្ឌពោធិសែនជ័យ ចេញអន្តរាគមន៍ ប្រដេញតាមចាប់ជនបង្ក រហូតដល់ផ្លូវសហព័ន្ធរុស្សីមុខព្រលានយន្តហោះពោធិចិនតុង ទើបសមត្ថកិច្ចចាប់ឃាត់ខ្លួនបាន៣នាក់ ដកហូតបានវត្ថុតាង ដែកគាស់២ដើម ។

តាមប្រភពផ្សេងមួយទៀតបានឲ្យដឹងថា ករណីខាងលើ ជារឿងគំនុំ ពីមុនមក ស្រ្តីរងគ្រោះត្រូវបាន ថៅកែចិនរោងចក្រ ឈ្មោះចូ ហ្វីលីប គម្រាមកំហែងប៉ុនប៉ង ចាប់រំលោភ តែមិនបានសម្រេច ត្រូវបានជនរងគ្រោះប្តឹង ហើយថៅកែចិននោះត្រូវបានបញ្ឈប់ពីការងារ លុះរហូតមកដល់ព្រឹកកើតហេតុនេះ គេសង្ស័យ ថៅកែចិនរូបនោះ នាំបក្ខពួកជនជាតិចិនដូចគ្នា សរុប៣នាក់ខាងលើ មកប៉ុនប៉ងសម្លាប់ ជនរងគ្រោះចោល ទើបរៀបគម្រោង បិទស្លាកលេខរថយន្ត ជាស្រេច មកធ្វើសកម្មភាព វាយជនរងគ្រោះ និងវាយកម្ទេចរថយន្ត ជនរងគ្រោះខ្ទេច ។

តែទោះជាយ៉ាងណាក្តី ក្រោយពីសកម្មភាពហឹង្សាខាងលើ ជនដៃដល់ត្រូវបានចាប់ខ្លួន រួមជាមួយវត្ថុតាង នាំទៅសាកសួរនៅផ្នែកជំនាញ ។ ចំណែក ស្រ្តីរងគ្រោះត្រូវបានបញ្ជូនទៅសង្រ្គោះនៅគ្លីនិក សមត្ថកិច្ចបន្តធ្វើការសាកសួរ និងចំណាត់ការតាមនីតិវិធី ៕

លោកចោរនេះ ពិតជាលួចលឿនមែន សូមបងប្អូនទាំងអស់មេត្តាប្រុងប្រយ័ត្នទាំងអស់គ្នា…(មានវិដេអូ)

ភ្នំពេញ៖ រយពាន់ករណីហើយដែលលោកចោរឆ្លៀតឱកាសបានធ្វើសម្មភាពលួចម៉ូតូគ្មានញញើត គ្រាន់តែម្ចាស់ម៉ូតូយួឥវ៉ាន់ដើរចូលក្នុងផ្ទះមិនទាន់ផុតផង បុរសដែលជនសង្ស័យបានដើរសំដៅទៅកាន់ម៉ូតូ និងលោតជិះចេញទៅខាងក្រៅបានយ៉ាងឆាប់ជាទីបំផុត ខណៈស្ត្រីម្ចាស់ម៉ូតូទំនងជាភ្លេចសោរនៅជាប់ម៉ូតូ។

ជុំវិញរឿងនេះម្ចាស់ម៉ូតូបានរៀបរាប់ថា «ថ្ងៃនេះពិតជាសំណាងអាក្រក់ ក្រុមគ្រួសារខ្ញុំណាស់។ ព្រឹកម៊ិញនេះ ថ្ងៃទី13 ខែកក្កដា ឆ្នាំ2018 នៅចន្លោះម៉ោង 8:00 – 9:00 នាទីព្រឹក ត្រូវចោលមានគ្នា2នាក់ ចូលលួចម៉ូតូ ផ្លាក់លេខ PP-1AX-9450 ហុងដាសង់ 016 បានសម្រេច! បើបងប្អូនណា ឃើញភិនភាគម៉ូតូ ឬ ក៏សង្ស័យនៅម្តុំណា ជួយរាយការណ៍ ឬផ្តល់ព័ត៌មានតាមលេខទូរស័ព្ទខ្ញុំផ្ទាល់ 070 / 077 383 067»។

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2F100004858758299%2Fvideos%2F999171716921444%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2F100004858758299%2Fvideos%2F999172020254747%2F&show_text=0&width=560

អ្នកនាង ឈិន សុជាតា ឃើញក្មេងដែលម្តាយឪពុកបានសម្រេចចិត្តរត់ចោលកូនក្នុងមន្ទីរពេទ្យនោះ ក៍សំរេចចិត្តធ្វើរឿងបែបនេះ..(ទស្សនាវិដេអូ)

ភ្នំពេញ៖ វិដេអូដែលម្តាយឪពុករបស់ក្មេងដែលឃើញកូនខ្លួនឯងមានមាត់ឆែបហើយក៍បានរត់ចោលនោះ បានបង្ហោះជាសាធារណះនោះមក រំពេចពីឃើញវីដេអូទារកកម្សត់ តារាស្រីកូនភ្លោះ ២នាក់ ឈិត សុជាតា បានស្កាត់មកពីផ្ទះទាំងព្រលឹមថ្ងៃទី១៣ កក្កដានេះ ជួបក្មេងតូចនៅមន្ទីរពេទ្យកុមារជាតិ ខណៈអ្នកគ្រូពេទ្យនៅទីនោះមានយកចិត្តទុកដាក់ និងមើលថែ ២ខែមកហើយ តាំងពីម្តាយនិងឪពុកបានសម្រេចចិត្តរត់ចោលកូនក្នុងមន្ទីរពេទ្យ ក្រោយសម្រាលឃើញកូនមានមាត់ឆែប។

ឈិត សុជាតា ដែលស្រលាញ់កូនទាំងពីរស្មើជីវិតនោះ មានក្តីតក់ស្លុតបំផុតមិននឹកស្មានថា ម្តាយឃើញកូនអភ័ព្វហើយរត់ចោលកូនថែមទៀត តែទន្ទឹមនោះនាងបាននាំយកអាវ ខោទឹកនោម និងសម្ភារៈសម្រាប់ក្មេងប្រុសនេះមួយចំនួនទៀត។ អ្វីដែលកាន់តែអាសូរថែមទៀត ស្ត្រីម្ចាស់គណនីហ្វេសប៊ុកឈ្មោះ «Muoykeang Ly» បានប្រាប់ថា «អាណិតណាស់លោកអើយ ម្តាយបោះចោលនៅពេទ្យកុមារជាតិ ព្រោះកើតមកឆែបមាត់ពិការភ្នែកទាំងសងខាង ឥលូវគូថរលាកខ្លាំងឡើងដំបៅ យំរហូត»។

តារាកំប្លែងល្បីឈ្មោះ ពែកមី សប្បាយចិត្តពេលឃើញ អ្នករស់ស្រុកស្រែ នឹងបានផ្ទះស្អាត់បែបខ្មែរ នឹងតំលៃសមរម្យ

តារាកំប្លែងល្បីនៅកម្ពុជា គឺនាយពែកមី បាននឹករលឹកដល់ជីវិតជាកូនអ្នកស្រែ ហើយនឹកឃើញគ្រាលំបាកកាលពីអតីតកាល បើទោះបីជាបច្ចុប្បន្ន តារាកំប្លែងរូបនេះមានជីវភាពធូធារ រស់ស្រួលជាងមុនក្តី ក៏លោកមិនដែលភ្លេចពីភាពក្រនិងភាពលំបាកដែរ។ កាលពីថ្មីៗនេះដែរលោកនាយពែកមី ក៏បានឃើញវិដេអូមួយរៀបរាប់ពីគម្រោងសង់ផ្ទះបែបខ្មែរ តំលៃសមរម្យតែគុណភាពខ្ពស់តម្រូវសម្រាប់បងប្អូនប្រជាពលរដ្ឋ រស់នៅទីជនបទ ធ្វើអោយតារាកំប្លែងរូបនេះមានចិត្តសប្បាយរីករាយ ព្រោះអ្នកជនបទអាចមានផ្ទះសមរម្យរស់នៅស្រួលជាងមុន។

តារាកំប្លែងកើតចេញពីទឹកដីខេត្តស្វាយរៀង រូបនេះបានរៀបរាប់ថា៖ “ខ្ញុំកើតចេញពីកូនកសិករ ធ្លាប់រស់នៅផ្ទះតាមជនបទ ខ្ញុំយល់ពីការលំបាកមួយនេះ។ ពេលឃើញអ្នកទីក្រុងគេមានផ្ទះសមរម្យរស់នៅ ខ្ញុំក៏ចង់ឃើញពុកម៉ែបងប្អូនរស់នៅតាមជនបទដូចខ្ញុំពីមុន មានផ្ទះរស់នៅសមរម្យដែរ។ ខ្ញុំសប្បាយចិត្តដែលគេបានបង្កើតគម្រោងមួយនេះ ដើម្បីឲ្យពុកម៉ែបងប្អូននៅតាមទីជនបទអាចមានផ្ទះសមរម្យ និងរស់នៅបានប្រសើរជាងមុន។ សូមជួយ Like និង Share វីដេអូនេះដើម្បីឲ្យពុកម៉ែបងប្អូនផ្សេងៗទៀតបានស្គាល់ពីគម្រោងនេះផង។ អរគុណពុកម៉ែបងប្អូន សូមជូនពរសុខភាពល្អ និងសុខសប្បាយទាំងអស់គ្នា៕

Mahrez បង្ហើបឲ្យដឹងនូវមូលហេតុដែលគាត់សម្រេចចិត្តចុះចូលជាមួយ Man City

កីឡាករចំណូលថ្មីរបស់ក្រុមមេឃខៀវ Manchester City កីឡាករ Riyad Mahrez បានបង្ហើបឲ្យដឹងថាការផ្ទេររបស់ខ្លួនទៅកាន់ក្រុមម្ចាស់ជើងឯកលីកកំពូលរបស់អង់គ្លេសមួយនេះគឺដើម្បីលើកពានលីកកំពូលនៃទ្វីបអឺរ៉ុប Champions League ។ កីឡាករវ័យ ២៧ ឆ្នាំរូបនេះបានសម្រេចចាកចេញពីក្រុមកញ្ជ្រោងខៀវ Leicester City និងបញ្ចប់ការផ្ទេរចុះចូលជាមួយកីឡដ្ឋាន Etihad ជាមួយកុងត្រាដែលមានតម្លៃ ៦០ លានផោនដែលជាតម្លៃបំបែកកំណត់ត្រាក្រុម Man City ។

“Champions League គឺជាពានដែលបង្កើតឡើងសម្រាប់ក្លិបធំៗ។” Mahrez កីឡាករនៃក្រុមជម្រើសជាតិអាល់ហ្សេរីរូបនេះបាននិយាយ។ “ហើយ Man City គឺជាក្លិបធំមួយដែលមានគ្រប់យ៉ាងដើម្បីឈ្នះពានមួយនេះ។ កាលពីរដូវកាលមុនពួកគេបានបង្ហាញឲ្យឃើញនូវមហិច្ឆតាក្នុងការឡើងឲ្យបានខ្ពស់ជាងវគ្គ ៨ ក្រុមចុងក្រោយនៃការប្រកួតពាន Champions League ។ ហើយខ្ញុំបានសម្រេចចិត្តផ្លាស់មកទីនេះគឺដោយសារខ្ញុំចង់ក្លាយជាផ្នែកមួយនៅក្នុងការប្រកួតនោះ។”

ប្រែសម្រួល ៖ ភក្ដី

បង្គោលភ្លើងនៅកណ្តាលទ្រូងផ្លវ ដែលរងការរិះក្នុងបណ្តាញសង្គម ឥឡូវជួបគ្រោះថ្នាក់ទៀតហើយ !…(ចុចអានបន្ត)

ភ្នំពេញ៖ រថយន្តកុងទីន័រមួយគ្រឿង បានបើកបុកបង្គោលភ្លើងដែលនៅដាំកណ្តាលទ្រូងផ្លូវ ពេញទំហឹង បណ្ដាលឲ្យរថយន្តខ្ទេចផ្នែកខាងមុខស្ទើរតែទាំងស្រុង តែសំណាងល្អតៃកុងរងរបួសស្រាល ហេតុការណ៍នេះបានកើតឡើងនៅវេលាម៉ោង៣និង៤០នាទីទៀបភ្លឺ ឈានថ្ងៃទី១៣ ខែកក្កដា ឆ្នាំ២០១៨។

បង្គោលភ្លើងធំៗ ដែលបន្សល់ទុកចោលនៅចំកណ្តាលទ្រូងផ្លូវ ក្រោយការពង្រីកត្រង់តំបន់ផ្លូវណតប្រីត និងផ្លូវលេខ១០១៩ (ខាងមុខស្ថានីយទូរទស្សន៍អាស៊ីអាគ្នេយ៍ ឆ្ពោះមកសាលាណតប្រ៊ីត) ស្ថិតក្នុងសង្កាត់អូរបែកក្អម ខណ្ឌសែនសុខ ភ្នំពេញ ត្រូវបានសាធារណៈជនរិះគន់ធ្ងន់ៗ ពិសេសអ្នកប្រើប្រាស់បណ្ដាញសង្គមហ្វេសប៊ុក ដោយសារតែស្ថិតនៅចំកណ្ដាលផ្លូវ និងធ្លាប់បានបង្កឱ្យអ្នកដំណើរគ្រោះថ្នាក់រហូតបាត់បង់ជីវិតទៀតផង។ បើយោងតាមឯកសារដែលជ្រុះពីលើរថយន្តនោះ រថយន្តធុនធំសណ្ដោងកន្ទុយកុងទីន័រ ពាក់ស្លាកលេខភ្នំពេញ 3C-7071 ជារបស់ក្រុមហ៊ុនដឹកជញ្ជូន PH PLUS LOGISTICS Co.,Ltd បើកបរដោយឈ្មោះ យ៉ន ភេទប្រុស បានគេចខ្លួនបាត់ពីកន្លែងកើតហេតុ។

មុនពេលកើតហេតុ គេឃើញរថយន្តធុនធំមួយគ្រឿង ដែលសណ្ដោងកន្ទុយកុងទីន័រ ពាក់ស្លាកលេខភ្នំពេញ 3C-7071 បើកបរទិសដៅពីជើងទៅត្បូង តែដោយសារតែស្ថានភាពផ្លូវរៀងងងឹតផង មេឃកំពុងរលឹមភ្លៀងផង និងរថយន្តបើកបរក្នុងល្បឿនលឿន ក៏ជ្រុលទៅបុកបង្គោលភ្លើងពេញទំហឹង បណ្ដាលឲ្យរថយន្តបែកកញ្ចក់ជ្រុះធ្លាក់មកពេញផ្លូវ និងរងការខូចខាតខ្ទេចផ្នែកខាងមុខស្ទើរតែទាំងស្រុង តែសំណាងល្អតៃកុងរងរបួសបន្តិចបន្តួច ។ ឃើញសភាពមិនស្រួល អ្នកបើកបររថយន្ត បានគេចខ្លួនបាត់ពីកន្លែងកើតហេតុបាត់។

សមត្ថកិច្ចមូលដ្ឋាន បានចុះមកដល់ ហើយរាយការណ៍ទៅសមត្ថកិច្ចជំនាញផ្នែកចរាចរណ៍ ចុះមកធ្វើការវ៉ាស់វែង រួចយករថយន្តបង្កទៅរក្សាទុក នៅការិយាល័យចរាចរណ៍ជើងគោក នៃស្នងការនគរបាលរាជធានីភ្នំពេញ រង់ចាំភាគីម្ចាស់រថយន្តចូលខ្លួនទៅដោះស្រាយពេលក្រោយ។

សូមបញ្ជាក់ថា មន្ត្រីអាជ្ញាធរអគ្គិសនីសុំមិនបញ្ចេញឈ្មោះមួយរូប បានថ្លែងថា អ្នកបច្ចេកទេសមួយក្រុម បានចុះត្រួតពិនិត្យដល់ទីតាំងកាលពីថ្ងៃទី៣០ ខែមេសា ២០១៨ ដើម្បីឈានទៅធ្វើការអនុវត្ត និងរុះរើបង្គោលភ្លើងនៅដើមខែឧសភា ២០១៨នេះ ខណៈបណ្ដាញអគ្គិសនី ដែលគ្រោងរុះរើនោះ គឺជាបណ្ដាញតង់ស្យុងខ្ពស់ ១១៥គីឡូវ៉ុល ដូច្នេះអាចរងផលប៉ះពាល់ដល់ការផ្គត់ផ្គង់អគ្គិសនីនៅតាមបណ្ដាខណ្ឌមួយចំនួនក្នុងរាជធានីភ្នំពេញ។ ទោះយ៉ាងណាអ្នកបច្ចេកទេសកំពុងសិក្សារកប្រភពអគ្គិសនីជំនួសតំបន់ ដែលត្រូវបានកាត់ផ្ដាច់ ព្រោះការរុះរើបង្គោលបានខ្លះនៅខ្លះប៉ុណ្ណោះ។

គាត់ថា «យើងមិនអាចថា មិនមានប្រភពអគ្គិសនីជំនួសនោះទេ ប៉ុន្តែគ្រាន់តែថា ការកំណត់ និងបែងចែកប្រភពជំនួសប៉ុន្មានថ្ងៃខ្ញុំមិនទាន់ទទួលបានរបាយការណ៍នៅឡើយ។ ដូច្នេះជារួមយើងត្រូវយកចិត្តទុកដាក់ខ្ពស់ក្នុងការរក្សាស្ថិរភាពការផ្គត់ផ្គង់អគ្គិសនីដល់ប្រជាពលរដ្ឋ»។

អគ្គិសនីកម្ពុជានឹងមានការជូនដំណឹងលំអិតបន្ថែមទៀតដល់អតិថិជននៅមុនការកាត់ផ្ដាច់ចរន្តអគ្គិសនី។ កន្លងទៅថ្មីៗនេះ អ្នកប្រើប្រាស់បណ្ដាញសង្គមហ្វេសប៊ុកជាច្រើនបានរិះគន់ និងថតបង្ហោះរូបបង្គោលភ្លើង ដែលស្ថិតនៅចំកណ្ដាលផ្លូវធ្វើដំណើរ ហើយអ្នកខ្លះបានហៅថា បង្គោលភ្លើងមរណៈជាដើម។ ប៉ុន្តែត្រង់ចំណុចនេះមន្ត្រីក្រសួងសាធារណការ និងដឹកជញ្ជូនបកស្រាយថា ដើមឡើយបង្គោលភ្លើងនេះគឺស្ថិតនៅគៀនផ្លូវ ប៉ុន្តែដោយសារ មានការពង្រីកផ្លូវបន្ថែម ទើបបង្គោលភ្លើងនេះស្ថិតនៅចំទ្រូងផ្លូវទៅវិញ។

កន្លងមកលោក ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូនក៏បានសុំទោសដល់អ្នកដំណើរទាំងអស់ចំពោះករណីបង្គោលភ្លើងនេះ ហើយលោក នឹងផ្នែកពាក់ព័ន្ធបានពិភាក្សាគ្នារួចហើយ ដោយសម្រេចថា នឹងដកបង្គោលភ្លើងទាំងអស់នោះចេញចាប់ពីចន្លោះខែមេសា រហូតដល់ ខែ មិថុនា ឆ្នាំ២០១៨។ លោកថា អគ្គិសនីកម្ពុជា ត្រូវបង្កប់ខ្សែភ្លើង នៅក្រោមដីជាមុនសិន ហើយបន្ទាប់មក ទើបអាចដកបង្គោលភ្លើងទាំងនោះចេញបាន៕

រន្ធត់!! ម៉ូតូ២គ្រឿងបុកគ្នាពេញទំហឹង បណ្តាលឲ្យម្នាក់ស្លាប់ និងម្នាក់ទៀតរងរបួសធ្ងន់…(ចុចអានបន្ត)

បាត់ដំបង ៖ ម៉ូតូ២គ្រឿងបើកបរច្រាស់ទិសគ្នាក្នុងល្បឿនលឿន បានបុកគ្នាបណ្តាលឲ្យស្លាប់ ម្នាក់រងរបួសធ្ងន់ម្នាក់ នៅឃុំភ្នំសំពៅស្រុកបាណន់ខេត្តបាត់ដំបង ហេតុការណ៍នេះបានកើតឡើង នៅវេលាម៉ោង៤:៣០នាទីល្ងាច ថ្ងៃទី១១ ខែកក្តដា ឆ្នាំ២០១៨ ត្រង់ចំណុចតាមបណ្តោយផ្លូវជាតិលេខ៥៧ ក្នុងក្រុមទី១៤ ភូមិភ្នំសំពៅលិច ឃុំភ្នំសំពៅ ស្រុកបាណន់ ខេត្តបាត់ដំបង។

លោក ម៉ី ឆេងលី នាយប៉ុស្តិ៍រដ្ឋបាលឃុំភ្នំសំពៅបានឲ្យដឹងថា នៅមុនពេលកើតហេតុជនរងគ្រោះបានធ្វើដំណើរក្នុងទិសដៅពីកើតទៅលិច ដោយឡើងជែងគោយន្តមួយគ្រឿងក៏បានទើបប្រទះរ៉េចង្កូតជាមួយនិងម៉ូតូ១គ្រឿងទៀតបើកបរក្នុងទិសដៅផ្ទុយគ្នាហើយបានបុកគ្នាពេញទំហឹងបណ្តាលឲ្យស្លាប់ម្នាក់នៅវេលាម៉ោង៧យប់ពេលដឹកដល់មន្ទីរពេទ្យខេត្តបាត់ដំបង។

លោក ម៉ី ឆេងលី បានបញ្ជាក់ថា ជនរងគ្រោះឈ្មោះ រិទ្ធិ គឹមហឹង ភេទប្រុស អាយុ១៧ឆ្នាំ មុខរបរជាសិស្សរស់នៅភូមិក្រពើកើត ឃុំភ្នំសំពៅ បើកបរម៉ូតូម៉ាកហុងដាC១២៥ ស៊េរី២០១៥ ពណ៌ក្រហមពាក់ស្លាកលេខ បប១V-០៧៨៧។

រីឯជនរងគ្រោះដែលបានស្លាប់ម្នាក់ទៀតឈ្មោះយឿង សុភ័ក្រ ភេទប្រុស អាយុ២២ឆ្នាំ មុខរបរធ្វើស្រែរស់នៅភូមិធ្ងើ ឃុំចែងមានជ័យ ស្រុកបាណន់ជាមួយគ្នា បើកបរម៉ូតូម៉ាកហុងដាC១២៥ ស៊េរី២០១៨ ពណ៌ក្រហមគ្មានស្លាកលេខ។

បច្ខុប្បន្នមធ្យោបាយទាំង២គ្រឿងសមត្ថកិច្ចអូសយកមករក្សាទុកនៅអធិការស្រុកបាណន់ ឯសពជនរងគ្រោះត្រូវបានសាច់ញាតិយកទៅធ្វើបុណ្យតាមប្រពៃណី៕

ដោយ៖ សុវណ្ណ ដេត