(ភ្នំពេញ)៖ នៅរសៀលថ្ងៃទី២៤ ខែមេសា ឆ្នាំ២០១៨នេះ ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានចេញមុខ អំពាវនាវដល់មហាជន សូមឲ្យមានការប្រុងប្រយ័ត្នខ្ពស់ ចំពោះល្បិចកល់ជនខិលខូច ក្នុងសម័យទំនើប បន្ទាប់ពីអាវុធហត្ថរាជធានីភ្នំពេញ ធ្វើការបង្ក្រាបករណីឆបោក ០២ករណី ផ្ទួនៗគ្នា ដែលធ្វើឲ្យជនរងគ្រោះបានខាតបង់ប្រាក់ជាង១លានដុល្លារ។

សូមពិនិត្យករណី ដែលអាវុធហត្ថរាជធានីភ្នំពេញ បង្ក្រាបបាន @នៅថ្ងៃទី១៨ ខែមេសា ឆ្នាំ២០១៨ អាវុធហត្ថរាជធានីភ្នំពេញ បានទទួលពាក្យបណ្តឹងពី ជនរងគ្រោះម្នាក់ សុំមិនបញ្ចេញអត្តសញ្ញាណ បានប្តឹងពីជនសង្ស័យ០៨នាក់ ដែលបានរៀបគម្រោងឆបោកជាប្រព័ន្ធ មកលើរូបគាត់ រហូតធ្វើឲ្យខាតបង់ប្រាក់អស់ចំនួន ៨៣ម៉ឺនដុល្លារ ដោយជនរងគ្រោះបានរៀបរាប់ថា៖ ក្នុងអំឡុងខែធ្នូ ឆ្នាំ២០១៧ មានបុរសម្នាក់ឈ្មោះ ប្រុស ម៉ៅ បានទំនាក់ទំនងគាត់ ឲ្យជួយលក់ដីមួយកន្លែងទំហំ ៥៨០ម៉ែត្រការ៉េ ដែលមានវិញ្ញាបនបត្រ សម្គាល់ម្ចាស់អចលនវត្ថុលេខ 12040808-0033 ចុះថ្ងៃទី០៧ ខែកញ្ញា ឆ្នាំ២០១៧ ចេញដោយមន្ទីរសុរិយោដីត្រឹមត្រូវ មានទីតាំងនៅភូមិ៨ សង្កាត់បឹងកក់២ ខណ្ឌទួលគោក រាជធានី ភ្នំពេញ លក់ក្នុងតម្លៃទាបជាងទីផ្សារ។

ក្រោយពេលទទួលបានព័ត៌មាន ជនរងគ្រោះ បានឲ្យក្រុមការងារចុះទៅ ជួបជាមួយម្ចាស់ដីឈ្មោះផាន ដើម្បីពិនិត្យប្លង់ដី និងផ្ទៀងផ្ទាត់អត្តសញ្ញាណម្ចាស់កម្មសិទ្ធិករ អត្តសញ្ញាណប័ណ្ណ និង សៀវភៅគ្រួសារ ឃើញថាមានភាពត្រឹមត្រូវទាំងអស់ ទើបជនរងគ្រោះ បានសម្រេចចិត្តទិញដីនោះ ដោយ ខ្លួនឯង និងបានកក់ប្រាក់លើកទី១ចំនួន១៥ម៉ឺនដុល្លារ, លើកទី២ ចំនួន១០ម៉ឺនដុល្លារ និងលើកទី៣ ចំនួន១៥ម៉ឺនដុល្លារ សរុបចំនួន៤០ម៉ឺនដុល្លារ។ ក្នុងអំឡុងពេលដំណើរការផ្ទេរកម្មសិទ្ធិ ក្រុមជនសង្ស័យខាងលើបានណែនាំម្ចាស់ដី០៣ក្រុម ផ្សេងទៀត មកជួបជាមួយជនរងគ្រោះ ដើម្បីឲ្យជួយទិញដី ក្នុងនោះរួមមាន៖

– នៅថ្ងៃទី២២ ខែធ្នូ ឆ្នាំ២០១៧ ជនរងគ្រោះបានកក់ប្រាក់ចំនួន១៥ម៉ឺនដុល្លារ ដើម្បីទិញដីមួយប្លង់ ទំហំ២៨៤៩ ម៉ែត្រការ៉េ មានឯកសារគ្រប់គ្រាន់ និងមានវិញ្ញាបនបត្រសម្គាល់អចលនវត្ថុលេខ 12051008-0071 ចុះថ្ងៃទី២២ ខែធ្នូ ឆ្នាំ២០១១ ចេញដោយមន្ទីរសុរិយោដីត្រឹមត្រូវ មានទីតាំងនៅភូមិធម្មត្រ័យ សង្កាត់ព្រៃស ខណ្ឌដង្កោ រាជធានីភ្នំពេញ។
– នៅថ្ងៃទី១១ ខែមករា ឆ្នាំ២០១៧ ជនរងគ្រោះបានកក់ប្រាក់ចំនួន១៨ម៉ឺនដុល្លារ ដើម្បីទិញដីមួយប្លង់ ទំហំ៤០៩ ម៉ែត្រការ៉េ មានឯកសារគ្រប់គ្រាន់ និងមានវិញ្ញាបនបត្រសម្គាល់អចលនវត្ថុលេខ 12080102-0474 ចុះថ្ងៃទី០៦ ខែកក្កដា ឆ្នាំ២០១២ ចេញដោយមន្ទីរសុរិយោដីត្រឹមត្រូវ មានទីតាំងនៅភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
– នៅថ្ងៃទី០៩ ខែកុម្ភៈ ឆ្នាំ២០១៨ ជនរងគ្រោះបានកក់ប្រាក់ចំនួន១០ម៉ឺនដុល្លារ ដើម្បីទិញដីមួយប្លង់ ទំហំ៦១៥៥ ម៉ែត្រការ៉េ មានឯកសារគ្រប់គ្រាន់ និងមានវិញ្ញាបនបត្រសម្គាល់អចលនវត្ថុលេខ 12050605-0285 ចុះថ្ងៃទី១៦ ខែមិថុនា ឆ្នាំ២០១០ ចេញដោយមន្ទីរសុរិយោដីត្រឹមត្រូវ មានទីតាំងនៅភូមិចំការឪឡឹក សង្កាត់កាកាប ខណ្ឌពោធិសែនជ័យ រាជធានីភ្នំពេញ។

លុះក្រោយមក ឯកសារផ្ទេរកម្មសិទ្ធិដីទី១ ដែលជនរងគ្រោះកំពុងដំណើរការ ត្រូវបានភូមិបាលខណ្ឌទួលគោក រកឃើញថា ជាប្លង់ដីក្លែងក្លាយ ជនរងគ្រោះក៏ទំនាក់ទំនងទៅម្ចាស់ដីនោះវិញ តែមិនអាចទំនាក់ទំនងបាន ទើបជនរងគ្រោះដឹងថារូបគាត់ត្រូវបានជនសង្ស័យខាងលើបោកប្រាស់។ ខណៈនោះ ជនរងគ្រោះ នឹកឃើញថា គាត់នៅមានដី០៣ប្លង់ផ្សេងទៀត ដែលគាត់កំពុងរត់ឯកសារទិញជាបន្តបន្ទាប់ តាមរយៈការចង្អុលបង្ហាញ ពីក្រុមជនសង្ស័យខាងលើ គាត់ក៏សើរើយកមកពិនិត្យឡើងវិញ ទើបដឹងថាសុទ្ធតែជាឯកសារ ក្លែងក្លាយទាំងអស់ ហើយម្ចាស់ដីទាំងនោះ ក៏មិនអាចទំនាក់ទំនងបានទៀតដែរ ។ នៅទីបំផុតជនរងគ្រោះ ត្រូវខាតបង់ប្រាក់អស់ចំនួន៨៣ម៉ឺនដុល្លារ ក្នុងការទិញដី ក្រោមឯកសារផ្លូវច្បាប់ក្លែងបន្លំ ដែលជនរងគ្រោះនឹកស្មានមិនដល់ ទើបជនរងគ្រោះមកដាក់ពាក្យបណ្តឹងនៅបញ្ជាការដ្ឋាន កងរាជអាវុធហត្ថរាជធានីភ្នំពេញ ។

ក្នុងករណីនេះ អាវុធហត្ថរាជធានីភ្នំពេញ បានស្រាវជ្រាវឃាត់ខ្លួនជនសង្ស័យចំនួន០៤នាក់ កសាងសំណុំរឿងបញ្ជូន ទៅតុលាការ ក្នុងថ្ងៃទី២៤ ខែមេសា ឆ្នាំ២០១៨ និង បានរកឃើញថាក្រុមនេះ ក៏ជាប់ពាក់ព័ន្ធជាមួយ ជនសង្ស័យ០៣នាក់ ដែលបានឆបោកដោយប្រើរូបមន្តតែមួយ ធ្វើឲ្យជនរងគ្រោះផ្សេងទៀតខាតបង់ប្រាក់អស់៣០ម៉ឺនដុល្លារ ហើយត្រូវបានអាវុធហត្ថរាជធានីភ្នំពេញទើបតែបង្ក្រាបបានកាលពីថ្ងៃទី០៧ ខែមីនា ឆ្នាំ២០១៨ ។ ក្រៅពីនេះនៅមាន ជនជាប់ពាក់ព័ន្ធចំនួន ០៦នាក់ផ្សេងទៀត ដែលអាវុធហត្ថរាជធានីភ្នំពេញ កំពុងស្នើសុំដីកាស្វែងរកចាប់ខ្លួនពីតុលាការ។ តាមព័ត៌មានរបស់អាវុធហត្ថរាជធានីភ្នំពេញទទួលបាន ចំពោះករណីឆបោកដូចគ្នានេះ គឺកំពុងកើតមានជាច្រើនផ្សេងទៀត ដូច្នេះសូមមហាជនទាំងអស់ មុននឹងទទួលទិញអចលនៈទ្រព្យ ចូរបង្កើនការប្រុងប្រយ័ត្នឲ្យបានខ្ពស់បំផុតចៀសវាងខាតបង់ទ្រព្យសម្បត្តិ៕

ភ្នំពេញ ៖ សមត្ថកិច្ចនគបាលព្រហ្មទណ្ឌខណ្ឌច្បារអំពៅ បានបញ្ជូនជនសង្ស័យម្នាក់ឈ្មោះ សៀង សុជាតិ អាយុ៣៨ឆ្នាំ ទៅកា​ន់តុលាការ ដើម្បីចាត់ការតាមនីតិវិធីច្បាប់ ពាក់ព័ន្ធករណីចាប់រំលោភក្មេងស្រីអាយុ១៤ឆ្នាំ នៅក្នុងសាលាបឋមសិក្សាច្បារអំពៅ ភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញបានសំរេចជាបន្តបន្ទាប់។

ប្រភពពីសមត្ថកិច្ចបានអោយដឹងថា ៖ ឈ្មោះ សៀង សុជាតិ អាយុ៣៨ឆ្នាំ មុខរបរលក់ការ៉េម ស្នាក់នៅភូមិអូរអណ្តូង សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។ តំបូងឡើយកាលពីថ្ងៃទី១៣ ខែមេសា ឆ្នាំ២០១៨ នៅពេលដែលកុមារីរងគ្រោះ បានមកលេងនៅក្នុងសាលាបឋមសិក្សាច្បារអំពៅ ភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ ហើយពេលនោះក៏បានជួបជនសង្ស័យ។

បន្ទាប់មកជនសង្ស័យបានឲ្យការ៉េមកី០១កែវ ទៅកុមារីរងគ្រោះហូប ហើយបើកទូរស័ព្ទឲ្យកុមាររីរងគ្រោះមើលរឿងអាសអាភាស បន្ទាប់មកជនសង្ស័យ ក៏បាននាំកុមារីរងគ្រោះចូលទៅក្នុងបន្ទប់ទឹក សាលា (ចំណុចកើតេហតុ) រួចចាប់រំលោភកុមារីរងគ្រោះ បានសម្រេចម្តង និងគម្រាមថា បើហ៊ាននិយាយរឿងប្រាប់គេ នឹងអាកសម្លាប់ចោល។

លុះដល់ថ្ងៃទី២៤ ខែមេសា ឆ្នាំ២០១៨ ម៉ោង១២និង០០នាទី កុមារីរងគ្រោះមានសភាពស្លេកស្លាំង មិនសូវហូបបាយ ម្តាយក៏បានសួរ រួចកុមារីរងគ្រោះក៏និយាយរឿងហេតុ ទាំងអស់ប្រាប់ម្តាយ ពេលនោះម្តាយក៏នាំទៅពិនិត្យសុខភាពនៅមន្ទីរពេទ្យបង្អែកខេត្តកណ្តាល ហើយគ្រូពេទ្យប្រាប់ថា កុមារីរងគ្រោះមានស្នាមដាច់រលាត់ប្រដាប់ភេទ។

បន្ទាប់មកម្តាយកុមារីរងគ្រោះក៏ទៅឃាត់ខ្លួនជនសង្ស័យ នៅភូមិដើមអំពិល សង្កាត់ច្បារអំពៅ១ ខណ្ឌច្បារអំពៅ ប្រគល់ឲ្យសមត្ថកិច្ច ចាត់ការតាមច្បាប់។

សៀមរាប៖ ទីបំផុតឃាតកដែលចាក់សម្លាប់បុរសដែលជាម្ចាស់​អាជីវកម្ម​លក់​គ្រឿងបន្លាស់​រថយន្តនៅសៀមរាប ពេលត្រូវកម្លាំងប៉ូលិសខេត្តសៀមរាបចាប់បានហើយ កាលពី​ល្ងាច​ថ្ងៃទី ២៥ ខែមេសា ឆ្នាំ២០១៨ នៅ​ចំណុច​ក្បែរ​រង្វង់​មូល​ភូមិ​ព្រៃ​គុយ ឃុំ​អំពិល ស្រុក​ប្រាសាទបាគងខេត្តសៀមរាប។

ជន​សង្ស័យដែលឃាត់ខ្លួននោះឈ្មោះ​ ព្រហ្ម សុ​ព្រឹក្ស ហៅថា​ន ភេទ​ប្រុស​ អាយុ២៨ឆ្នាំ មាន​ទីលំនៅ​ភូមិ​ចា​ន់ស ឃុំ​ចា​ន់ស ស្រុក​សូទ្រនិគម ខេត្តសៀមរាប មានមុខ​របរ គួ​ជេរ​ដី(ជំនួញ​ដីធ្លី)។

ចំណែកជនរងគ្រោះ​មាន ឈ្មោះ​ ពិត បារាំង អាយុ៤៥ឆ្នាំ រស់នៅ​ផ្ទះកើតហេតុ ស្ថិតក្នុង​ភូមិ​គ្រួស​សង្កាត់​ស្វាយដង្គុំ ក្រុង​សៀមរាប ត្រង់ចំណុច​ខាងត្បូង​ស្តុ​ប​សណ្ឋាគារ​ស៊ី​ធី​អង្គរ ត្រូវ​បានឃាតករ​ចាក់​សម្លាប់​ដោយ​កាំបិត​ចុង​ស្រួច នា​អំឡុង​ម៉ោងជាង ៩ យប់​ថ្ងៃទី២៣ ខែមេសា ឆ្នាំ២០១៨ ហើយ​ទើប​ភ្ញាក់ផ្អើល​នា​ម៉ោងជាង៧ព្រឹក ថ្ងៃទី២៤ខែ មេសា ឆ្នាំ២០១៨។

ក្រោយ​ធ្វើ​សកម្មភាព ឃាតករ​បាន​ដោះកាមម៉េរ៉ាសុវត្តិភាព រត់គេច​ខ្លួន​បាត់ ករណីនេះ​សមត្ថកិច្ច​អះអាងថា ជា​អំពើ​ឃាតកម្ម ប្លន់​សម្លាប់។

ទន្ទឹមនិងនោះសមត្ថកិច្ច​ក៏បាន​នាំខ្លួន បុរស​ម្នាក់​ដែលជា​កម្មករ​បំរើការ​នៅផ្ទះ​ខាងលើ យកទៅ​សាកសួរ​ផងដែរ ដែលមាន​ឈ្មោះ​លឿ ភិ​រ៉ូ ឆ្នាំ​កំណើត១៩៨៣ មាន​ទីលំនៅ​ភូមិ​ធិបតី ឃុំ​ត្រី​ញ័រ ស្រុក​ពួក​ខេត្តសៀមរាប។
ករណីឃាតកម្ម​ខាងលើ ហាក់បីដូចជា​មានការ​រៀប​គំរោង​ទុក ពីព្រោះ​កាមេរ៉ា​សុវត្ថិភាព​ត្រូវបាន​ដោះចេញ​ជាមុន ឯ​ទូរ​សព្ទ័​ដៃ​របស់​ជនរងគ្រោះ ក៏ត្រូវ​ឃាតករ​យកទៅ​បាត់​ផងដែរ ៕

ប្រភព៖ ដើមរាំង-Dermrang

ភ្នំពេញ ៖ កន្លងទៅថ្មីៗ កាលពីថ្ងៃទី ២៥ ខែ មេសា ឆ្នាំ ២០១៨ នេះមានបណ្តាញសារពត៍មាន ក៏ដូចជាពាក្យចរចាមអារ៉ាមមួយបានចែកចាយបន្តយ៉ាងផុសផុលដែលថា ៖ បុត្រីត្រកូលស្តេចប្រដាល់ក្រកូល អេ គឺកញ្ញា អេ យ៉ានុត ត្រូវបានភ្ជាប់ពាក្យហើយ ពិសេសកូនកំលោះជាបុរសរូបសង្ហា និង ជាបុគ្គលិកបំរើការនៅស្ថានីយ៍ទូរទស្សន៍ CTN មានឈ្មោះថា អ៊ិន សុខហៃទៀតផង។

ពត័មាននេះមហាជនមានការចាប់អារម្មណ៍ជាខ្លាំង រហូតដល់មានការចែករំលែកយ៉ាងផុសផុល ហើយបានលេចលឺដល់សាមីខ្លួន ហើយគាត់បានចេញមុខបកស្រាយតបថា ៖

សួស្តីពុកម៉ែបងផ្អូនអ៊ុំពូមីងអ៊ុំប្រុសអ៊ុំស្រី ពិសេសអ្នកដែលស្រលាញ់គាំទ្រវិស័យកីឡារទាំងអស់អោយបានជ្រាបថា ខ្ញុំបាទសុំធ្វេីការកែប្រែទៅលេីបណ្តាសារព៏តមានមួយចំនួនដែលបានចុះផ្សាយលេចលឺថា កាលពីម្សិលមិញ ថ្ងៃទី 25-04-2018 បានលេចលឺ ខ្ញុំបាទ និង មិត្តស្រីរបស់ខ្ញុំដែលបងផ្អូនគ្រប់ៗគ្នាប្រហែលជាធ្លាប់ស្គាល់គាត់ហេីយ កញ្ញា អេ យ៉ានុត ត្រូវបានខាងប្រុសចូលទៅស្តីដណ្តឹង ឬក៏ បណ្តាព៏តមាននៅអង្គភាពផ្សេងៗទៀត បានសរសេររហូតធ្លោយដល់មានពិធីភ្ជាប់ពាក្យកេីតឡេីងទៀតផងនុះ ! ខ្ញុំបាទជាសមីខ្លួន សូមធ្វេីការអះអាងថា នេះពុំមែនជាព៏តមានពិតប្រាកដដែលគ្រប់ជ្រុងគ្រប់ជ្រោយនៅឡេីយទេ ពួកយេីងពុំទាន់ឈានដល់ដំណាក់កាលភ្ជាប់ពាក្យទេ សូមពុកម៉ែបងផ្អូនកុំយយល់ច្រឡំ ផ្ទុយទៅវិញគ្រាន់តែជាឱកាសដែលចាស់ទុំទាំងសងខាងបានជួបជុំនិងពិសារអាហាររួមគ្នាដេីម្បីពួកគាត់បានស្គាល់គ្នានិងជជែកគ្នាលេងបែបធម្មតាប៉ុណ្ណោះ អាចនឹងរឿងទុកដាក់កូនចៅនាពេលខាងមុខ…ល.! #សូមជម្រាបថា ប្រសិនបេីមានពិធីចូលស្តីដណ្តឹងឬក៍ភ្ជាប់ពាក្យជាដេីម រវាងខ្ញុំនិងមិត្តស្រី ច្បាស់ណាស់ គឺត្រូវតែមានការចូលរួមចំណែកពីសាច់ញ្ញាតិក្រុមគ្រួសារទាំងសងខាងយ៉ាងច្រេីន និងមានការដឹងលឺជាសាធារណៈដោយបេីកចំហផងដែរ ពុំមែនចេះតែធ្វេីបានទៅដោយស្ងាត់ៗបែបកាត់ៗដោយគ្មានការដឹងលឺពីសាច់ញ្ញាតិក្រុមគ្រួសារទាំងសងខាងឬក៍មហាជនបាននោះទេ ព្រោះសម្រាប់បុគ្គលគ្រប់ៗរូប អ្វីដែលសំខាន់បំផុតនោះគឺ កេរ្ត៍ឈ្មោះ និង កិត្តយល ជាចម្បង ដូចជាពេលនេះអញ្ចឹង រូបប៉ុន្មានសន្លឹកនេះហេីយដែលធ្វេីអោយពុកម៉ែបងផ្អូនភាគច្រេីនមានការភាន់ច្រឡំថា ខ្ញុំនិង មិត្តស្រីរបស់ខ្ញុំបានភ្ជាប់ពាក្យនិងគ្នារួចទៅហេីយ សូមបញ្ជាក់ថាមិនទាន់ទេ ជាចុងក្រោយក៏សូមអគុណអ្នកទាំងអស់គ្នាដែលតែងតែស្រលាញ់នឹងគាំទ្រពួកខ្ញុំទាំងពីនាពេលកន្លងមក ៕”

ដោយ ៖ Sing Ly

ប្លែកៗ ៖ ប្រិយមិត្តដែលធ្វើតំណើរតាមផ្លូវជាតិលេខ ៦ កាត់តាមខេត្តកំពង់ធំ ត្រង់ចំណុចផ្លូវបំបែកក្នុងក្នុងសង្កាត់អាចារ្យល័ក្ខ ក្រុងស្ទឹងសែន កម្រររំលងភោជនីយ៍ដ្ធានគ្រួសាររីករាយណាស់ ព្រោះមានចំណុចដែលគួរអោយចាប់អារម្មណ៍ជាច្រើន។

ក្នុងបរិយាកាសស្ងប់ស្ងាត់ ខ្យល់អាកាសល្អបរិសុទ្ធ ហ៊ុំព័ទ្ធទៅដោយបន្លែចំរុះពណ៍បៃតងខ្ចី ភោជនីយ៍ដ្ធានគ្រួសាររីករាយចាប់ផ្តើមតំណើរការជាង ១០ឆ្នាំមកហើយ នឹងមានភ្ញៀវចេញចូលមិនចេះដាច់ព្រោះជាប់ចិត្តជាមួយនឹងរស់ជាតិសម្លរគ្រប់មុខ ជាពិសេសជាមួយនិងបន្លែដែលគ្មានជាតិគីមីតែម្តង។ ម៉ូលីកា ជាកូនស្រីរបស់ម្ចាស់ភោជនីយ៍ដ្ធានគ្រួសាររីករាយនេះ បានអោយដឹងថា ៖ បន្លែជាច្រើនប្រភេទបានដាំដោយគ្រួសារផ្ទាល់ ប្រើជីធម្មជាតិ ហើយអាចផ្គត់ផ្គង់បានស្ទើរតែទាំងស្រុង ពោលគឺនាំបន្លែមកពីផ្សារតិចតួចបំផុត។

បន្លែដែលបានដាំទាំងនោះមានដូចជា ត្រកួន ស្ពៃខ្មៅ ស្ពៃតឿ ស្ពៃចង្កឹះ ជី ស្បៃរឿង ប៉េងបោះ ត្រប់វែង ពោតបារាំង ត្រសក់ ម្ទេស ជាដើម។

គាត់បានបន្តទៀតថា ម្ហូមដែលពេញនិយមបំផុតសំរាប់ភ្ញៀវដែលអញ្ជើញមកពិសារនៅទីនេះមានដូចជា ទឹកគ្រឿងអន្លក់ខ្ចីស្រស់ៗ សម្លរកកូរ ត្រីស្រែអាំងគ្រប់ប្រភេទ ផ្អក ម្ជូរស្រែ ម្ជូរគ្រឿង ម្ជូរក្តាត និងសម្លរខ្មែរ ជាច្រើនមុខទៀត។ ចំណែកមាន់វិញទាល់តែមានមាន់ស្រែទើបលក់អោយភ្ញៀវ ពោលរងចាំទាល់តែទិញពីអ្នកស្រុកបាន។ រីឯតំលៃវិញចាប់ពី ១២ ០០០៛ ឡើងទៅគឺអាស្រ័យទៅលើមុខម្ហូប៕

https://www.facebook.com/plugins/video.php?href=https%3A%2F%2Fwww.facebook.com%2F30daily%2Fvideos%2F2030269153894491%2F&show_text=0&width=317

ដោយ ៖ Sing Ly

ប្រភពវីដេអូ ៖ 30ដេលី