ប្លែកៗពីនេះៗ ៖ នាងខ្ញុំត្រូវបង្ហូរទឹកភ្នែក ហើយពត់ពែនដងខ្លួនតាមលំញ័រនៃម៉ូទ័រសាក់រូប យូរៗម្តងជាងសាក់បានហៅនាងខ្ញុំអោយអង្គុយអោយត្រង់ នៅអោយស្ងៀម,,, និយាយតាមត្រង់វាឈឺ វាស្រៀវ តែដោយសារចង់ស្អាត និងស្រលាញ់រូបសាក់នៅលើដងខ្លួនទើបព្រមទ្រាំឈឺទៅ, , , !

ប្រទេសថៃ ៖ មានរឿងគួរអោយអស់សំណើចមួយបានកើតឡើងនៅប្រទេសថៃ ក្នុងស្រុក Mae Ramat ភាគខាងជើងខេត្ត Tak ហើយក៏ជារឿងដែលគេនិយាយពីមាត់មួយទៅមាត់មួយផងដែរ។ កាលដើមឡើយផ្លូវមួយខ្សែរក្នុងភូមិប្រមាណ ២០គីឡូម៉ែត្ររងការខូចខាត ដាច់ជង្ហុក ដក់ទឹកពាសវាល ជាហេតុនាំអោយអ្នកភូមិ មានការលំបាកក្នុងការដឹកជញ្ជូនកសិផលជាពន់ពេក រហូតដល់មានការស្នើរជាច្រើនដងទៅកាន់គណភូមិ ប៉ន្តែមិនមានការជួសជុលនោះទេ។

នៅពេលនោះហើយដែលនារីដ៏ស្រស់ស្អាតម្នាក់ គឺនាង Palmy បានសំដែងការរីះគន់ដោយ ចោមពុង ងូតទឹក នៅទីទឹកថ្លុក ហើយថតបង្ហោះក្នុងបណ្តាញសង្គម រហូតដល់មានការចាប់អារម្មណ៍យ៉ាងខ្លាំង ល្បីរន្ទឺទូទាំងប្រទេសថៃ។ អ្វីដែលជាការទទួលបាននោះ ក្រោយពីមានរូបថតបង្ហោះយ៉ាងសុះសាយនោះ ធ្វើអោយអាជ្ញាធរខ្លាចបាក់មុខ ហើយចាក់ដីបំពេញថ្លុកយ៉ាងតក់ក្រហល់ផងដែរ ហើយធ្វើរួចរាល់តែក្នុងរយះពេល ៣ថ្ងៃតែប៉ុណ្ណោះ៕

រាជធានីភ្នំពេញ ៖ ដោយមានការយល់ច្រឡំរបស់មហាជន និង មិនមែនជាពាក្យដែលមានក្នុងវចនានុក្រម និងដើម្បីចូលរួមយកចិត្តទុកដាក់របស់ថ្នាក់ដឹកនាំផងនោះ ក្រសួងទេសចរណ៍បានចេញសេចក្តីប្រកាសមួយ នៅរសៀលថ្ងៃទី ២២ ខែមករា ឆ្នាំ ២០១៨ នេះអំពីការកំណត់ការហៅ <<ទុកទុក>> មកជា រឺុម៉ក វិញ។

បើតាមសេចក្តីជូនដំណឹងរបស់ក្រសួងបានអោយដឹងថា ៖ ក្រសួងទេសចរណ៍សូមជូនដំណឹងដល់សាធារណជន និងទេសចរជាតិ អន្តរជាតិទាំងអស់អោយបានជ្រាប់ថា ៖ បច្ចុប្បន្នមានការកើនឡើងឥតឈប់ឈរពីមួយថ្ងៃទៅមួយថ្ងៃនៃទេសចរជាតិ និងអន្តរជាតិ ហើយប្រភេទសេវាកម្មទេសចរណ៍មួយចំនួនកំពុងមានការពេញនិយមសំរាប់ភ្ញៀវផងដែរ។ ទន្ទឹមនិងនេះយើងបានកត់សម្គាល់ឃើញថាសាធារណជនមួយចំនួនកំពុងមានការយល់ច្រឡំដោយប្រើពាក្យ “ទុកទុក” (Tuk Tuk) ចំពោះមធ្យោបាយដឹកជញ្ជូនជាលក្ខណះរ៉ឺម៉ក។ ដើម្បីរក្សានូវពាក្យដែលយើងធ្លាប់ប្រើប្រាស់ជាយូរយារមកហើយ យើងត្រូវនាំគ្នាប្រើពាក្យ “រ៉ឺម៉ក” ជំនួសពាក្យ “ទុកទុក” វិញជាប្រការល្អជាង។

អាស្រ័យដូចបានជំរាបជូនខាងលើ ក្រសួងទេសចរណ៍សូមសំណូមពរដល់សាធារណជន និងទេសចរជាតិ អន្តរជាតិទាំងអស់មេត្តាជួយផ្សព្វផ្សាយដើម្បីលើកតម្កើងការប្រើប្រាស់ពាក្យ ” រ៉ឺម៉ក ” ៕

ដោយ ៖ Sing Ly

ស្រុខ្សាច់កណ្តាល៖ មានករណីបុរសម្នាក់បានឆក់ខ្សែភ្លើងបណ្តាលអោយស្លាប់បាត់បង់ជីវិតបន្ទាប់ពីរូបគាត់បានយកម៉ូទ័របូមទឹកដាក់អាង និងពាងដើម្បីប្រើប្រាស់ ។

កាលពីថ្ងៃទី ២២ ខែមករា ឆ្នាំ ២០១៨ វេលាម៉ោង ៧:៣០នាទី មានករណីបុរសម្នាក់បានស្លាប់ដោយសាឆក់ខ្សែភ្លើងម៉ូទ័របូមទឹក ហើយករណីនេះបានកើតឡើងនៅក្នុងភូមិភូមិពុកឬស្សីក្រោម ឃុំពុកឬស្សី ស្រុកខ្សាច់កណ្តាល ខេត្ត‌កណ្ដាល‌ ជនរងគ្រោះ‌ឈ្មោះ‌​អ៊ូ ង៉ែត ភេទ‌​ប្រុសអាយុ ​៥៨ ឆ្នាំ​ ជនជាតិ​ ខ្មែរ​ មុខរបរ​កសិករ មានមានទីលំនៅភូមិពុកឬស្សីក្រោម ឃុំពុកឬស្សី ស្រុក​ខ្សាច់កណ្តាល ខេត្តកណ្តាល មាន ប្រពន្ធឈ្មោះហេង ថោ អាយុ ៦០ ឆ្នាំជនជាតិខ្មែរ មុខរបរ កសិករមានទីលំនៅភូមិឃុំជាមួយគ្នា។

 

តាមសម្តីប្រពន្ធជនរងគ្រោះបានប្រាប់សមត្ថកិច្ចថា៖ រៀងរាល់ថ្ងៃជនរងគ្រោះឈ្មោះអ៊ូ ង៉ែតនៅភូមិឃុំកើតហេតុ តែងតែយកម៉ូទ័របូមទឹកដាក់អាង និងពាងដើម្បីប្រើប្រាស់នៅឯក្រោយផ្ទះដូចថ្ងៃធម្មតា។ ចំណែកគាត់ (ប្រពន្ធ) បោសសំអាតផ្ទះ លុះបានបន្តិចក្រោយមកស្រាប់តែឮ សំឡេងជនរងគ្រោះស្រែកឲ្យគេជួយ ឮដូច្នេះឈ្មោះ ហេង ថោ ជាប្រពន្ធបានរត់ទៅសំឡេងជនរងគ្រោះស្រែកឲ្យគេជួយ ឮដូច្នេះឈ្មោះ ហេង ថោ ជាប្រពន្ធបានរត់ទៅក្រោយផ្ទះមើល ពេលទៅដល់ឃើញជនរងគ្រោះដេកលើដីក្បែរម៉ូទ័រ ហើយដៃស្តាំកាន់ព្រីខ្សែភ្លើងជាប់ឃើញដូចនេះឈ្មោះ ហេង ថោ បានយកឈើឬស្សីមកផ្ទាត់ខ្សែភ្លើងចេញហើយប្រពន្ធជនរងគ្រោះបានស្រែកឆោឡោឲ្យអ្នកជិតខាងជួយតែជនរងគ្រោះបានស្លាប់បាត់បង់ជីវិតបាត់ទៅហើយ។

បន្ទាប់មកកម្លាំងជំនាញសហការជាមួយ ក្រុមប្រឹក្សាឃុំ មេភូមិគ្រូពេទ្យពិនិត្យឃើញថា៖ ជនរងគ្រោះមានស្នាមដាច់រលាត់ស្បែកម្រាមដៃខាងស្តាំមួយកន្លែងក្រៅពីនេះពុំមានស្លាកស្នាមអ្វីឡើយ ដូចនេះសមត្ថកិច្ចបានសន្និដ្ឋានជនរងគ្រោះពិតជាស្លាប់ដោយឆក់ខ្សែភ្លើងពិតប្រាកដមែន។

បញ្ជាក់៖ សពបានប្រគល់ជូនអោយក្រុមគ្រួសារធ្វើបុណ្យតាមប្រពៃណី ។

ដោយ៖ Vann Deth

 

 

ភ្នំពេញ ៖ នៅព្រឹកថ្ងៃទី២២ ខែមករា ឆ្នាំ២០១៨នេះ លោក វរសេនីយ៍ឯកយឹម សារ៉ាន់ អធិការខណ្ឌពោធិសែនជ័យ និងលោក ឃឹម ស៊ុនសូដា អភិបាលរងខណ្ឌ រួមដំណើរជាមួយមន្រ្តីក្រោមឱវាទ បានអញ្ជើញទៅចូលរួមរំលែកទុក្ខ ដ៏ក្រៀមក្រមដល់ជនរងគ្រោះម្នាក់ បានស្លាប់ក្នុង ក្នុងករណីផ្ទុះអាវុធ ក្នុងប្រតិបត្តិការបង្ក្រាបទីតាំងមាន់ជល់ និងបៀរអប៉ោង មួយកន្លែង ខាងក្រោយផ្សារកាណាសុីធី ភូមិ
ចោមចៅ សង្កាត់ចោមចៅ២ ខណ្ឌពោធិសែនជ័យកាលពីព្រឹកថ្ងៃទី២១ ខែមករា ម្សិលមុិញ ។

តារាចម្រៀងស្រីប្រចាំផលិតកម្មរស្មីហង្សមាស កញ្ញា រ៉េត ស៊ូហ្សាណា  ពិតជាមានទឹកដមពិរោះ និងមានស្រស់ស្អាត ជាហេតុធ្វើឲ្យតារាស្រីរូបនេះ មានអ្នកស្រលាញ់ចូលចិត្តមិនតិចនោះទេ។ ជាក់ស្ដែងថ្មីៗ កញ្ញា រ៉េត ស៊ូហ្សាណា បានទៅប្រគុំតន្រ្តីនៅប៉ោយប៉ែតទទួលបានការស្រលាញ់រាប់អានពីអ្នកនៅទីនោះជាខ្លាំង ថែមទាំងត្រូវគេ Surprise  ខួបកំណើតឲ្យមុនថ្ងៃ នៅក្រោមឆាកទៀតផង។

ទទួលបានការ  Surprise   ពីហ្វេនបែបនេះ  កញ្ញា រ៉េត ស៊ូហ្សាណា មានចិត្តរំភើបជាខ្លាំងរហូតបានបង្ហោះសារអរគុណថា៖ «អរគុណ #Pizzana ប៉ោយប៉ែតចំពោះការ surprise birthdayមុនថ្ងៃ ចង់ប្រាប់ថា ស្រលាញ់ណាស់ អរគុណណាស់ រំភេីបណាស់ Thank you my beloved #pizzana for this early birthday surprised. I love you all so so much »៕

រាជធានីភ្នំពេញ ៖ កាលពីកន្លងទៅថ្មីៗនេះ កម្មវិធីមង្គលសេរីនៃអាពាហ៍ពិពាហ៍មង្គលរបស់ការប្អូនស្រីពៅ របស់តារាជើងចាស់ អ្នកនាង ចនច័ន្ទ លក្ខិណា ប្រធានសមាគមន៍សិល្បះមានការអញ្ជើញចូលរួមយ៉ាងកុះករពីសំណាក់ តារាប្រុសស្រីពីធីករពិធីការនី ឈានមុខជាច្រើនដួង ក្នុងនោះផងដែរ ពិធីករសង្ហាលោក ជា វណ្ណារិទ្ធ ក៏មានវត្តមាននៅពិធីនោះដូចគ្នាដែរ។ស្របពេល ឃើញកម្រមានឱកាសជួបជុំគ្នាល្អបែបនេះ លោក ក៏បានបង្កើតជាវីដេអូខ្លីមួយ បង្ហាញពីសកម្មភាព ញុំាម្ជូរជាមួយ (ផ្លែតាឡឹងតឹង) របស់តារាទាំងនោះ។

តែអ្វីដែលជាលក្ខ័ណនោះគឺញាុំហើយហាមធ្វើមុខជូរ តស់ទស្សនាដោយរីករាយទាំងអស់គ្នា៕ (វីដេអូនៅចុងបង្អស់នៃរូបភាព)

តារា

ដោយ ៖ Sing Ly

 

សិល្បះខ្មែរ ៖ តារាកំប្លែងដែលនាំមកនូវអារម្មណ៍ប្លែកៗសំរាប់លោកអ្នក ពេលនេះបង្ហាញភ្លើងខៀវនៃការឈានជើងចូលរោងការហើយ នេះបើតាមការបញ្ជាក់ថ្ងៃ ខែ និងរូបថត Pre-wedding របស់គាត់ផងនោះ។

គួរបញ្ជាក់ផងដែរថា នាយចយ តែងតែបង្ហាញភាពភ្ញាក់ផ្អើលនៅលើបណ្តាញសង្គមជានិច្ចផងដែររវាងលោកនិងអនាគតភរិយាលោក ហើយជាភាពផ្អែមល្ហែមដែលអ្នកគាំទ្រភាគច្រើនអបអរ និងមានអ្នកខ្លះលួចច្រណែនដោយមិនដឹងខ្លួនផងដែរ។ រួមជាមួយរូបភាពដ៏ស្រស់សង្ហាទាំងនោះក៏មានពាក្យមួយឃ្លារសំរាប់ផ្ញើរជូនហ្វេនរបស់គាត់ផងដែរ ដោយបានសរសេរថា ៖ «នៅមានរូបភាពផ្អែមល្ហែមច្រើនជាងនេះទៀត នឹងមានបង្ហាញជូនពុកម៉ែបងប្អូនញាត្តិមិត្តនៅថ្ងៃពិសេសរបស់ពួកខ្ញុំ ថ្ងៃអង្គារ ១៣ កើត ខែផល្គុន ឆ្នាំរកា នព្ធស័ក ព.ស ២៥៦១.. 27/02/2018.» ។

ដោយ ៖  Sing Ly

ហ្វេសប៊ុក ៖ នាពេលថ្មីៗនេះមានគណនីហ្វេសប៊ុកមួយឈ្មោះថា A Houy Single បានបង្ហោះសារគួរអោយមាក់ងាយមួយឃ្លាថា ៖ ប្តីគេមានអីមិនល្អ? មកពីប្រពន្ធគាត់ចាស់ អត់ស្អាត ទើបគាត់មករកយើងតាស់ 😄 ជាតិក្រោយសុំធ្វើប្រពន្ធស្របច្បាប់របស់បងណាប្តីសម្លាញ់ 😍 ពេលខ្លះអូនច្រណែនហ្នឹងគ្រួសាររបស់បងណាស់ 😭 មើលបានហាមShare

ទោះយ៉ាងណាក៏ដោយ Status មួយនេះត្រូវបានមនុស្សម្នាជាច្រើន Comment ថាអោយកប់ៗមាត់រាប់ពាន់នាក់ និងបានចែករំលែកយ៉ាងច្រើនរហូតដល់រាប់លាននាក់ផងដែរ ពិសេសរាល់ Commentនីមួយៗគ្មានមតិណាគាំទ្រ ឬនិយាយល្អនោះទេ មានទាំងពាក្យតិះដៀលជេរប្រមាថគ្រប់ៗគ្នា។ ឆ្លងតាមរយះការសង្កេតមើលនិងតាមដានយ៉ាងយកចិត្តទុកដាក់យើងឃើញថាអាខោនមួយនោះមិនមែនជាអាខោនពិតប្រាកដនោះទេ ហើយក៏គ្មានមនុស្សស្រីណាម្នាក់ហ៊ានចេញមុខបកអាក្រាតខ្លួនឯងចំពោះមហាជននោះទេ ព្រោះធម្មជាតិជាមនុស្សស្រីមានភាពខ្មាស់អៀន។

ប្រិយមិត្តអ្នកអានជាទីគោរព ជាសំណូមពរសូមប្រិយមិត្តអ្នកអានគ្រប់ៗមុននិងជឿ មុននិងទទួលយកពត៏មានណាមួយសូមពិចារណាអោយបានដិតដល់ផង ដើម្បីកុំអោយធ្លាក់ក្នុងឧបាយណាមួយរបស់ជនខិលខូច៕

ដោយ ៖ Sing Ly
ប្រភព ៖ Facebook

 

 

 

ប្រមូលផ្តុំដោយតារាជើងចាស់ប្រុសស្រីល្បីៗតាំងពីទសវត្សរ៍ ១៩៩០-២០០០ បន្ទាប់ពីពួកគាត់បាត់មុខពីសិល្បៈអស់រយៈពេលយ៉ាងយូរ ឥឡូវនេះពួកគាត់បានវិលត្រលប់មកកាន់វិថីសិល្បៈសារជាថ្មី ហើយក៏មានវត្តមាននៅក្នុងក្រុម តារាខ្មែរpopular ដោយបានបង្កើតនិងរៀបចំដោយអ្នកនាង សុិន ឧត្ដមផល្លា រួមជាមួយអ្នកនាង ចិន្ដា រ៉ាវី ចង់ដឹងថាតើមានតារាណាខ្លះ ? ? ?

១- លោក ម៉េង ប៊ុនឡូ គឺជាតារាឯកប្រុសនៅក្នុងរឿង ចៅពស់កេងកង បន្ទាប់ពីបាត់មុខមួយរយៈ ដោយសារតែលោកជាប់រវល់ ជាមួយមុខរបរ បើកស្ទូឌីយោ និងបង្កើតវង់ភ្លេង បច្ចុប្បន្ននេះលោកវិលមកវិញ ហើយក៏មានវត្តមានរបស់លោកនៅក្នុងក្រុម តារាខ្មែរpopular ។