ឥណ្ឌូនេស៊ី៖ ប្រិយមិត្តដែលតែងតែតាមដាន និងលេងបណ្តាញសង្គមភាគច្រើនប្រាកដជាបានស្គាល់ហើយថា តារាហ្វេសប៊ុក Peypey Dy បានសាងកេរ្តិ៍ឈ្មោះតាមរយៈការបង្ហោះវីដេអូប្លែកៗជាច្រើន រហូតទទួលបានការចាប់អារម្មណ៍ និងមានអ្នកចូលទស្សនាយ៉ាងច្រើន។

មកទល់នឹងពេលនេះឃើញថា តារាប្រុសរូបនេះ ហាក់ដូចជាស្ងាត់នូវការបង្ហាញវីដេអូប្លែកៗដូចមុនហើយ ក៏ប៉ុន្តែលោកក៏ងាកមកចាប់យកអាជីពរកស៊ីនៅលើបណ្តាញសង្គមម្តង ដែលទទួលបានការគាំទ្រពីភ្ញៀវជាច្រើនផងដែរ។

បន្ទាប់ពីចំណាយពេលរកស៊ី រកពេលសម្រាកមិនចង់បាននេះឃើញថា តារាហ្វេសប៊ុកដ៏មានប្រជាប្រិយភាពរូបនេះក៏មិនភ្លេច នាំខ្លួនឯង ដើម្បីបង្ហាញភាពសប្បាយរីករាយ នៅក្នុងដំណើរកម្សាន្តមួយ ជាមួយសកម្មភាពយ៉ាងមានក្តីសុខ នៅកោះបាលី។

ទន្ទឹមនឹងភាពរីករាយនេះ អ្នកគាំទ្រក៏បានចាប់អារម្មណ៍ទៅលើរូបភាពស្អាតៗ ទាក់ភ្នែកជាច្រើនរបស់លោក ដែលមើលទៅគួរឲ្យសប្បាយរីករាយ និងគួរឲ្យចង់ទៅលេងកម្សាន្តតែម្តង៕

សូមទស្សនារូបភាពស្អាតនៅលើកោះបាលី របស់ Peypey Dy ខាងក្រោមនេះ៖

ថៃ៖ ធម្មតាបេះដូងជាអ្នកម្តាយ តែងតែព្រួយបារម្ភពីកូនជានិច្ចទោះបីជាកូនធំ ក៏នៅក្នុងចិត្តអ្នកម្តាយនៅតែគិតថាកូននៅតូចគ្រប់ពេល។ ជាក់ស្តែងតារាស្រីទាំងប៉ុន្មានដួងនេះ ទោះជាធំពេញវ័យយ៉ាងណាក្តី ក៏ម្តាយរបស់ពួកគេនៅតែតាមថែរក្សាជានិច្ច ជាពិសេសគឺរឿងស្លៀកពាក់មិនថាទៅណា ឬមកណាម្តាយតែងតែសំណូមពរថា សូមកុំឱ្យស្លៀកសម្លៀកបំពាក់ស៊ិចស៊ីបញ្ចេញសាច់ខ្លាំងពេក ទោះបីជាតារាល្បីក៏ដោយ។ ក្នុងនោះដែរយើងឃើញរួមមានដូចជា៖

១) តារាសម្តែងស្រី Green Ausadaporn៖ ទោះបីជាដឹងថាកូនស្រីមានរាងស្អាត ប៉ុន្តែម្តាយរបស់តារាស្រីរូបនេះមិនបានពេញចិត្តឱ្យកូនស្លៀកពាក់ខោអាវបែបស៊ិចស៊ីៗជ្រុលហួសហេតុពេកនោះទេ ហើយកញ្ញាក៏ស្តាប់តាមសម្តីម្តាយ ព្យាយាមកាត់បន្ថយភាពស៊ិចស៊ីតាមដែលនាងអាចធ្វើទៅបាន៕

២) តារាសម្តែងស្រី Patricia Good៖ ពេលទៅដើរលេងកម្សាន្តនៅមាត់សមុទ្រគេតែងតែឃើញតារាស្រីរូបនេះស្លៀកឈុតប៊ីគីនីបញ្ចេញសាច់សខ្ចី ប៉ុន្តែរាល់លើកនាងក៏តែងប្រាប់ថាម្តាយមិនបានពេញចិត្តឱ្យនាងស្លៀកបែបនេះឡើយ ដូច្នេះពេលខ្លះ Patricia Good ក៏មិនសូវជាហ៊ានស៊ិចស៊ីខ្លាំងប៉ុន្មានដែរ ព្រោះតែមិនចង់ជំទាស់ចិត្តអ្នកម្តាយ។ តែឱ្យធ្វើយ៉ាងម៉េចបានបើកើតមកជាស្រីស្អាតទៅហើយ ត្រូវតែមានពេលស៊ិចស៊ីខ្លះ។​

៣) តារាសម្តែងស្រី Bella Ranee ៖ តាំងពីចូលប្រឡូកនៅក្នុងវិស័យសិល្បៈគេសឹងតែមិនដែលឃើញតារាស្រីរូបនេះ ស្លៀកពាក់ស៊ិចស៊ីក្នុងឈុតប៊ីគីនីបង្ហាញអ្នកគាំទ្រទេ នេះក៏ព្រោះតែនាងធ្លាប់ប្រាប់ថាម្តាយមិនពេញចិត្តឱ្យស្លៀកពាក់ស៊ិចស៊ីជ្រុលព្រោះមើលទៅមិនសមរម្យ។

៤) តារាសម្តែងស្រី Yaya Urassaya៖ ទោះធំពេញវ័យអាយុជាង ២០ ឆ្នាំហើយក៏ដោយ ក៏ប៉ុន្តែនៅក្នុងខ្សែភ្នែកអ្នកម្តាយ តារាស្រីរូបនេះនៅតែជាកូនក្មេងដដែល ព្រោះនាងជាកួនពៅនៅក្នុងគ្រួសារ។ ហើយរឿងស្លៀកពាក់វិញម្តាយនាងរឹតតែសំណូមពរថាកុំឱ្យស៊ិចស៊ីជ្រុលពេល ព្រោះមើលទៅដូចជាមិនសមភ្នែកអ្នកគាំទ្រជាច្រើននាក់ ដែលតែងតែតាមដានរូបភាពនៅក្នុងបណ្តាញសង្គម។

៥) តារាសម្តែងស្រី Pun Pun Sutatta៖ គេសង្កេតឃើញតារាស្រីរូបនេះតែងតែស្លៀកពាក់ស៊ិចស៊ីជាប្រចាំ រហូតដល់អ្នកម្តាយនាងមិនសូវជាសប្បាយចិត្តប៉ុន្មាននោះទេ ពេលឃើញកូនស្រីរបស់ខ្លួនលេងខ្លួនស៊ិចស៊ីលើសអាយុដូច្នេះ។ ក្រោយមកកញ្ញា Pun Pun ក៏បានចេញមុខមកសុំទោសអ្នកម្តាយពីការតែងខ្លួនរបស់នាង។

(ភ្នំពេញ) នៅថ្ងៃទី១៧ ខែវិច្ឆិកា ឆ្នាំ ២០១៨នេះ រដ្ឋបាលរាជធានីភ្នំពេញ ចេញសេចក្តីជូនដំណឹង ស្តីពីការបញ្ចៀសចរាចរ ក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ដោយ ឯកឧត្តម ឃួង ស្រេង អភិបាលរាជធានីភ្នំពេញ បានចេញសេចក្តីណែនាំចំនួន១០ចំណុច ក្នុងនោះមិនឲ្យរថយន្តក្រឡុកស៊ីម៉ង់ត៍ រថយន្តដឹកទំនិញគ្រប់ប្រភេទ រថយន្តឈ្នួលដឹកអ្នកដំណើរ និងម៉ូតូសណ្តោងរ៉ឹម៉ក់ចរាចរចូលរាជធានីភ្នំពេញ។

ជាមួយគ្នានេះរដ្ឋបាលរាជធានីភ្នំពេញ ក៏បានណែនាំដល់ម្ចាស់ការដ្ឋានសំណង់ទាំងអស់ ក្នុងរាជធានីភ្នំពេញ ត្រូវផ្អាកសំណង់របស់ខ្លួនចាប់ពីថ្ងៃទី២០ ដល់ថ្ងៃទី២៤ ខែវិច្ឆិកា ឆ្នាំ២០១៨។

សូមអានសេចក្តីជូនដំណឹងរបស់សាលារាជធានីភ្នំពេញ ខាងក្រោមនេះ៖

ពិភពភ្ញាក់ផ្អើលមួយបានលាតត្រដាងអោយដឹងថា បុរស​ម្នាក់ដែលជាជនជាតិ​ជប៉ុន​អាយុប្រមាណ 35 ឆ្នាំ​ម្នាក់​បាន​បោះបង់ចោល​ទំនាក់ទំនង​ស្នេហា​ជាមួយ​នារី​ពិតប្រាកដទាំងស្រុង បន្ទាប់ពីរូបគេ​ទទួលបាន​ភាពអាម៉ាស​ពី​មនុស្ស​ស្រី និង​ ក្រោយមក​បានសំរេចចិត្ត​រៀបការ​ជាមួយ​តុក្កតា​ឈ្មោះ Hatsune Miku ដែលជា​តារា​ល្បី​ក្នុង​កម្មវិធី​កំ​ព្យូ​ទ័​រ​បែប Virtual ទៅវិញ​។

​តាមប្រភពពីលោក Akihiko Kondo ជាសាមីខ្លួនបានអោយដឹងថា ការរៀបចំ​ពិធីមង្គលការ​តាម​ក្តី​សុ​បិ​នក្នុង​ជីវិត​របស់គាត់​កាលពី​ថ្ងៃទី ៤ ខែវិច្ឆិកា​កន្លងទៅនេះ នៅក្នុង​ទីក្រុង​តូ​ក្យូ ដោយមាន​ភ្ញៀវ​ជា​មិត្តភក្តិ​ចំនួន ៤០​នាក់​បាន​ចូលរួម ប៉ុន្តែ​គ្មាន​វត្តមាន​ឪពុកម្តាយ​របស់លោក​នោះទេ ព្រោះ​ពួកគេ​មិន​យល់ស្រប​។ចំពោះ​ថ្ងៃ​មង្គលការ​បែបនេះ វា​គួរ​ណាស់​តែមាន​ការចូលរួម​ពី​ឪពុកម្តាយ ​និង ​សាច់ញាតិ ប៉ុន្តែ​ពួកគេ​មិនអាច​ទទួលយកបាននោះទេ ចំពោះ​មង្គលការ​ខុសពី​ការពិត និង​ មានកូន​ក្រមុំ​មិន​ពិត​បែបនេះ​។

គួរ​បញ្ជាក់ដែរថា លោក Akihiko Kondo បាន​រៀបការ​ជាមួយ​កូនក្រមុំ​តុក្កតា​ឈ្មោះ Hatsune Miku ដែលមាន​អាយុ​16 ឆ្នាំមាន​ភ្នែក​ធំៗ​និង​ កន្ទុយ របស់​កម្មវិធី holograph (​រួប​ភាព​មើល​ផុស​អណ្តែត​ដោយ​ប្រើ​ឧបករណ៍​ពាក់​មើល​) នេះ​គឺ​ដោយសារ​លោក​មិនចាប់អារម្មណ៍​នឹង​ស្ត្រី​ពិត​នោះឡើយ ដែលជាហេតុផលមួយលោកសំរេចចិត្តធ្វើបែបនេះ ហើយវាជាសញ្ញាមួយមិនល្អផងដែរចំពោះមនុស្សជាតិព្រោះបើគ្រប់គ្នាខកចិត្តរឿងស្នេហាហើយងាកទៅរៀបការជាមួយតុក្កតាតើបានអ្នកណាជាអ្នកបន្តពូជមនុស្សជាតិ?

(ភ្នំពេញ)៖ ប្រតិបត្តិ​ចាប់ខ្លួន​ជនសង្ស័យ២នាក់​ប្តី​ប្រពន្ធ​នេះ ធ្វើឡើង​នៅ​ថ្ងៃទី១៤ ខែវិច្ឆិកា ឆ្នាំ២០១៨នេះ នៅ​ផ្លូវ​បេ​តុ​លេខ​៩៣z ភូមិ​ផ្សារ​តូច សង្កាត់​ទួល​សង្កែ១ ខណ្ឌឫស្សីកែវ រាជធានី​ភ្នំពេញ។

មេក្លោង​ចោរប្លន់​ប្រដាប់អាវុធ​ម្នាក់ ជា​អតីតមន្ត្រី​យោធា និង​ប្រពន្ធ ដែល​ធ្លាប់ធ្វើ​សកម្មភាព​ជាច្រើន​ករណី ត្រូវ​នគរបាល​ការិយាល័យ​ព្រហ្ម​ណ្ឌ​កម្រិតធ្ងន់​រាជធានី​ភ្នំពេញ សហការ​ជាមួយ​ស្នងការដ្ឋាន​នគរបាល​ខេត្តកំពង់ស្ពឺ ក្រោម​ការសម្របសម្រួល​ពី​លោក អ៊ុំ សុ​ភ័​ក្រ ព្រះរាជអាជ្ញារង​អម​សាលាដំបូង​រាជធានី​ភ្នំពេញ ចាប់ខ្លួន​តាម​ដីកា​បង្គាប់​ឲ្យ​ចូលខ្លួន​របស់​សាលាដំបូង​ខេត្តកំពង់ស្ពឺ។

ជនសង្ស័យ​ឈ្មោះ ហាត់ ឆាយ ហៅ​ហាក់ ឆាយ មុខរបរ​ជា​អតីតមន្ត្រី​យោធា អាយុ៤២ឆ្នាំ ស្នាក់​នៅផ្ទះ​លេខ៣៦៩ ផ្លូវ​៩៣z ភូមិ​សាមគ្គី សង្កាត់​ឫស្សីកែវ ខណ្ឌឫស្សីកែវ ស្រុកកំណើត​នៅ​ភូមិ​កំពង់ក្តី ឃុំ​កំពង់​រាប ស្រុក​កោះសូទិន ខេត្តកំពង់ចាម។

ឃាត់ខ្លួន​ជនសង្ស័យ​ពីរ​ប្តី​ប្រពន្ធ​ខា​លើ ធ្វើឡើង​តាម​ដីកា​បង្គាប់​ឲ្យ​ចូលខ្លួន​លេខ៤២២១ ចុះ​ថ្ងៃទី០៩ ខែវិច្ឆិកា ឆ្នាំ២០១៨ ចេញ​ដោយ​លោក អ៊ូ ផាត តំណាង​អយ្យការ​អម​សាលាដំបូង​ខេត្តកំពង់ស្ពឺ ពាក់​ព​ន្ធ័​នឹង​ករណី​លួច​មាន​ស្ថាន​ទំងន់ទោស នៅ​ខេត្តកំពង់ស្ពឺ។

ការចាប់ខ្លួន​ជនសង្ស័យ​នេះ ខណៈ​ជនសង្ស័យ​កំពុង​ជិះ​រថយន្ត CRV ២នាក់​ប្តី​ប្រពន្ធ នៅ​ផ្លូវ​បេ​តុ​លេខ​៩៣z ភូមិ​ផ្សារ​តូច សង្កាត់​ទួល​សង្កែ១ ខណ្ឌឫស្សីកែវ បាន​ដកហូត​អាវុធខ្លី មួយ​ដើម ម៉ា​កឡុក​ចិន ពណ៌​ខ្មៅ គ្រាប់​មួយចំនួន ទូរស័ព្ទ២គ្រឿង និង​ឯកសារ​ពាក់ព័ន្ធ​មួយចំនួន ហើយ​នាំខ្លួន​ទៅ​ឆែកឆេ​ផ្ទះ​បន្តទៀត សមត្ថកិច្ច​បាន​រកឃើញ​ម៉ូតូ PCX មួយគ្រឿង អាវុធ​ខ្លីម៉ាកK54 មួយ​ដើម​ទៀត គ្រាប់​ជាច្រើន​គ្រាប់ កាត​គ្រី​រថយន្ត និង​ម៉ូតូ១៤ ស្លាក​លេខ​រថយន្ត មួយគ្រឿង និង​សម្ភារ​ពាក់ព័ន្ធ​មួយចំនួន។

ឃាត់ខ្លួន​ជនសង្ស័យ​ទាំង២នាក់​ប្តី​ប្រពន្ធ​នេះ សមត្ថកិច្ច​បាន​ឲ្យ​ប្រពន្ធ​ទៅផ្ទះ​វិញ ព្រោះ​គ្មាន​ការពាក់ព័ន្ធ​នៅក្នុង​ដីកា​បង្គាប់​ឲ្យ​ចាប់​នោះទេ ហើយ​ចំណែក​ជនសង្ស័យ ត្រូវ​បញ្ជូនទៅ​ស្នងការដ្ឋាន​នគរបាល​ខេត្តកំពង់ស្ពឺ​វិញ ដែលជា​ម្ចាស់​ករណី៕ ប្រភព៖ Heng Ly

ក្រសួងកសិកម្ម គឺត្រូវបានរដ្ឋាភិបាលចាត់ទុកជាក្រសួងអទិភាពមួយ ក្នុងចំណោមក្រសួងទាំងអស់ ។ ប៉ុន្មានឆ្នាំចុងក្រោយចុងនេះ យើងសង្កេតឃើញថា ដំណាំកសិកម្ម តម្លៃកសិផលរបស់ប្រជាពលរដ្ឋមានកាធ្លាក់ថ្លៃខ្លាំង កង្វះទីផ្សារ ដែលបង្កឲ្យមានការិះគន់ច្រើនចំពោះស្ថាប័នមួយនេះ។ ទន្ទឹមនឹងនេះដែរប្រជាពលរដ្ឋ ក្រសួងកសិកម្មក៍ដូចជារដ្ឋាភិបាល នឹងស្ថាប័នដែលពាក់ព័ន្ធផ្សេងៗ បានបន្តខិតខំប្រឹងប្រែងរកវិធីកែច្នៃដើម្បីឲ្យមានភាពប្រសើរឡើងសម្រាប់កសិកម្មនៅកម្ពុជា។

យ៉ាងណាមិញមកដល់ពេលនេះ យើងឃើញ ប្រជាពលរដ្ឋ និងកសិករមានទំនុកចិត្ត និងជឿជាក់ទៅលើកាដឹកនាំរបស់ស្ថាប័ន និងវិស័យកសិកម្មនេះនៅកម្រិតទាបនៅឡេីយ។ ដោយឡែកកាលពីថ្ងៃទី១៨ ខែតុលា ឆ្នាំ២០១៨កន្លងទៅថ្មីៗនេះ មានការផ្ទុះការិះគន់យ៉ាងខ្លាំងចំពោះមតិរបស់រដ្ឋមន្រ្តីក្រសួងកសិកម្ម ដែលលោកបានមានប្រសាសន៍ថា “កសិករ កម្ពុជា កំពុងប្រែក្លាយទៅជា កសិ-ពាណិជ្ជករ “។

នៅក្នុងនោះដែរយើងសង្កេតឃើញថា ការបញ្ចេញសារលេីបណ្តាញសង្គមរបស់បងប្អូនប្រជាពលរដ្ឋ ជាង៣០០សារ សុទ្ធតែមានភាពអវិជ្ជមាន មិនគាំទ្រ ព្រមទាំងបានលើកយកហេតុផលផ្សេងៗដូចជាកា ធ្លាក់ថ្លៃទំនិញ កង្វះទីផ្សារ សព្វគ្រប់បែបយ៉ាងថែមទាំងចោតសួរទៅរដ្ឋមន្ត្រីវិញតាមរយៈហ្វេសប៊ុក ៕ (អត្ថបទរបស់ការសែតហ្រេស ញូស៍)

សូមមើល ខំមិន ខាងក្រោមនេះ ៖

(ភ្នំពេញ) នៅថ្ងៃទី១៦-១៧ ខែតុលា ឆ្នាំ២០១៨  បន្ទាប់ពីមានការសហការគ្នា រវាងមន្ទីរពេទ្យព្រះអង្គឌួង និងក្រុមគ្រូពេទ្យជំនាញពីប្រទេសកូរ៉េ បានធ្វើការវះកាត់ អ្នកជំងឺគ-ថ្លង់ចំនួន៤នាក់ ដែលប្រើប្រាស់ជាមួយម៉ាស៊ីនទំនើប របស់ប្រទេសអូទ្រីស ទទួលបានជោគជ័យ១០០% ។

លោកសាស្ត្រាចារ្យ លូ លីឃាង នាយកមន្ទីរពេទ្យព្រះអង្គឌួង បានថ្លែងក្នុងឱកាសបើកវះកាត់ជំងឺ គ-ថ្លង់ជាផ្លូវការថា ការវះកាត់អ្នកជំងឺគ-ថ្លង់នេះ ទើបតែមានជាលើកដំបូងតែប៉ុណ្ណោះនៅកម្ពុជា សម្រាប់ប្រសិទ្ធិភាពវិញ ធានាថា អាចស្ដាប់ និងនិយាយបានដូចមនុស្សធម្មតា រីឯតម្លៃគឺថោកជាងនៅក្រៅប្រទេស រហូតដល់តែបីដង ដូចនេះបងប្អូនប្រជាពលរដ្ឋយើង ដែលមានសមាជិក គ-ថ្លង់ នឹងទទួលបានឱកាសល្អសម្រាប់ពួកគាត់ហើយ ។

នាយកមន្ទីរពេទ្យព្រះអង្គឌួង បានថ្លែងបន្ដថា «ជាក់ស្ដែងនៅថ្ងៃទី១៦-១៧ ខែតុលាម្សិលមិញនេះ មន្ទីរពេទ្យយើង សហការជាមួយក្រុមគ្រូពេទ្យកូរ៉េ ធ្វើការវះកាត់ ដល់កុមារ គ-ថ្លង់ចំនួន៤នាក់ ដោយឥតគិតថ្លៃផងដែរ សម្រាប់ប្រសិទ្ធិភាពក្រោយពេលវះកាត់វិញ គឺបានធ្វើឲ្យឪពុកម្ដាយ និងគ្រួសារ របស់កុមារទាំង៤នាក់នោះ ត្រេកអរយ៉ាងខ្លាំង ពេលឃើញកូនគាត់អាចស្ដាប់បាន នឹងអាចឈាននិយាយបាន ក្នុងពេលឆាប់ៗខាងមុខនេះ»។

លោកសាស្ដ្រាបន្ដថា បន្ទាប់ពីធ្វើការវះកាត់ហើយ គាត់អាចស្ដាប់ តែចំពោះការនិយាយមិនទាន់បាននោះទេ ព្រោះគាត់មិនធ្លាប់និយាយ ចឹងគាត់ក្រលាស់អណ្ដាតមិនទាន់ បាន ដូចនេះបន្ទាប់ពីវះកាត់ហើយ យើងនឹងបញ្ជូនគាត់ទៅដាក់សាលារៀន គ-ថ្លង់ ដើម្បីឲ្យគ្រូជួយបង្រៀនក្រលាស់អណ្ដាតបន្ដិចម្ដង រហូតដល់និយាយបានដូចមនុស្សទូទៅ ដោយប្រើប្រាស់ពេលក្រលាស់និយាយ យ៉ាងយូរបំផុត៦ខែ ទៅតាមការហាត់រៀន។

លោកសាស្ត្រាចារ្យ លូ លីឃាង បន្ដទៀតថា «កុមារដែលមានជំងឺគ-ថ្លង់ អាចបង្រៀនឆាប់ចេះនិយាយ ជាងមនុស្សចាស់ ដោយសារតែកុមារងាយស្រួលហាត់ពុតសំលេង ផ្ទុយពីមនុស្សចាស់ ដែលមានជំងឺគ-ថ្លង់ ត្រូវការពេលវេលាយូរក្នុងការហាត់ពុតអណ្តាត។

ទន្ទឹមនឹងនោះ លោកសាស្ត្រាចារ្យ ក៏បានអំពាវនាវដល់បងប្អូនប្រជាពលរដ្ឋ ដែលមានសាច់ញាតិមានជំងឺគ -ថ្លង់ ត្រូវមកកាន់មន្ទីរពេទ្យព្រះអង្គឌួង ដើម្បីធ្វើការវះកាត់ឲ្យស្ដាប់ និងនិយាយបាន ដូចមនុស្សទូទៅ ក្នុងរយៈពេលខ្លី និងទទួលជោគជ័យ១០០% ។

នេះជាឱកាសនៃក្ដីសង្ឃឹមរបស់គ្រួសារ និងអ្នកជំងឺផ្ទាល់ ហើយនេះក៏ជាសេចក្ដីសប្បាយរីករាយ ដែលក្រុមគ្រូពេទ្យកម្ពុជា បានខិតខំ និងទទួលបានជោគជ័យក្នុងការជួយព្យាបាលប្រជាពលរដ្ឋយើង បានស្គាល់ពីវិថីជីវិតថ្មីមួយសំរាប់ក្នុងឆាកជិវិតរបស់ពួកគេ ដែលគេគិតថាមិនអាចទៅរួច ៕