នេះហើយគឺជាលទ្ធផលចុងក្រោយដែលអ្នកខំព្យាយាមប្រើប្រាស់វា សុំមេត្តាភ្ញាក់ខ្លួនឡើងវិញទៅ វាសម្លាប់អ្នកទាំងរស់ ហ្នឹងបំផ្លាញអនាគតរបស់អ្នកទៀត មើលចុះមនុស្សមិនចំមនុស្ស ខ្មោចមិនចំខ្មោច ពិតជាអាក្រក់មើលណាស់ ។

យើងទាំងអស់គ្នាប្រាកដជាដឹងហើយថា ឥទ្ធិពលនៃគ្រឿងញៀន វាគ្មានបានជួយអីអ្នក ក្រៅពីបំផ្លាញជីវិតអ្នកនុះទេ ឈប់បានឈប់ទៅ សុំអាណិតដល់គ្រួសាអ្នកផង ។

មានបុរសម្នាក់ មកដេកប្រកាច់ននៀលដីពេញផ្លូវ បង្ករឲ្យមានការភ្ញាក់ផ្អើលពីសំណាក់អ្នកដែលរស់នៅក្បែរនោះ ព្រមទាំងសមត្ថកិច្ចផងដែរ ហើយបុរសម្នាក់នេះគេមិនទាន់ស្គាល់អត្តសញ្ញាណច្បាស់លាស់នៅឡើយទេ ហេតុការណ៍កើតឡើងនៅជិតក្រុមហ៊ុន BIC (ប៊ី អាយ ស៊ី ) ផ្លូវព្រះមនីវង្ស សង្កាត់បឹងត្របែក ខណ្ឌចំកាមន រាជធានីភ្នំពេញ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Ftep.solida.79%2Fvideos%2F309037059676071%2F&show_text=0&width=560

ប្រភព៖ កូន ខ្លាតូច

ព្រះវិហារ៖ ប្រាសាទព្រះវិហារមានចម្ងាយ៤០៥គីទ្បូមែត្រពីទីក្រុងភ្នំពេញ តែបើគេធ្វើដំណើរចេញពីទីរួមខេត្តព្រះ វិហារ វិញមានចម្ងាយត្រឹមតែ១០៨គីឡូម៉ែត្រប៉ុណ្ណោះ ដោយធ្វើដំណើរតាមផ្លូវលេខ២១១ ទៅកាន់ស្រុកជាំខ្សាន្ត។

ប្រាសាទព្រះវិហារគឺជា តំបន់ប្រវត្តិសាស្ត្រមួយ ដែលមានឈ្មោះថា សេការីស្វារៈ មានន័យថា អំណាចនៃភ្នំ ហើយត្រូវបានសាងសង់ឡើង នៅក្នុងអំលុងចុងសតវត្សទី៩ និងដើមសតវត្សទី១០ ដោយព្រះមហាក្សត្រ៤អង្គព្រះនាម៖ ព្រះបាទយសោវរ្ម័នទី១ (សាងសង់ក្នុងគ.ស ៨៨៩-៩១០) ព្រះបាទសូរ្យវរ្ម័នទី១(សាងសង់ក្នុងគ.ស ១០០២-១០៥០) ព្រះបាទសូរ្យវរ្ម័នទី២ (សាងសង់ក្នុងគ.ស ១១១៣-១១៥០) និងព្រះបាទជ័យវរ្ម័នទី៦ (សាងសង់ក្នុងគ.ស ១០៨០-១១០៩)។

ប្រាសាទព្រះវិហារបានប្រគល់ឲ្យប្រទេសថៃដោយពួកអាណានិគមបារាំង ក្នុងឆ្នាំ១៩៥៤ តែត្រូវទាមទារបានមកវិញដោយ ការកាត់សេចក្ដីពីតុលាការអន្តរជាតិក្រុងទ្បាអេ ១៥ មិថុនា ១៩៦២ ក្រោមព្រះរាជកិច្ចដឹកនាំរបស់ព្រះមហាក្សត្រខ្មែរ។

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fsophoit%2Fvideos%2F1786598858104427%2F&show_text=0&width=560

សរសេរដោយ៖ Mann Sophoit

មន្រ្ដីជាន់ខ្ពស់ក្រសួងវប្បធម៌ និងវិចិត្រសិល្បៈ បានបង្ហាញក្តីសង្ឃឹមថា អង្គការយូណេស្កូ (UNESCO) នឹងចុះបញ្ជីល្ខោនខោលជាសម្បត្តិវប្បធម៌តាមសំណើរបស់កម្ពុជា ក្នុងការផ្តល់ នូវផលប្រយោជន៍យ៉ាងច្រើន សម្រាប់ការអភិរក្សសម្បតិ្តអរូបីរបស់កម្ពុជា។

ឯកឧត្តម ថៃ នរៈសត្យា រដ្ឋលេខាធិការ និងជាអ្នកនាំពាក្យក្រសួងវប្បធម៌ និងវិចិត្រសិល្បៈ បានបញ្ជាក់ឱ្យដឹងនៅថ្ងៃទី៣០ ខែសីហា ឆ្នាំ២០១៨នេះថា កម្ពុជាគ្មានការព្រួយបារម្ភឡើយ ដោយសារកម្ពុជាមានឯកសារជាមូលដ្ឋានគ្រប់គ្រាន់ដែលបញ្ជាក់ថា ល្ខោនខោលជារបស់ខ្មែរ ជាពិសេសកម្ពុជាបានដាក់ពាក្យស្នើសុំទៅអង្គការយូណេស្កូមុនប្រទេសថៃ។

ឯកឧត្តមបាន អះអាងថា ល្ខោនខោលខ្មែរ មានលក្ខណៈខុសគ្នាស្រឡះពីល្ខោនខុនរបស់ថៃ ដោយសារ លក្ខណៈរាំ និងក្បាច់ មានភាពខុសគ្នា ឬគ្រាន់តែស្រដៀងគ្នាតិចតួចតែប៉ុណ្ណោះ។

ការលើកឡើងរបស់មន្រ្ដីជាន់ខ្ពស់ក្រសួងវប្បធម៌ និងវិចិត្រសិល្បៈនេះគឺធ្វើឡើង បន្ទាប់ពីមាន ការផ្សព្វផ្សាយនៅលើបណ្តាញសង្គមហ្វេសប៊ុកបានបំផុសព័ត៌មានដែលបង្កការព្រួយបារម្ភ ខ្លាចប្រទេសថៃចុះបញ្ជីល្ខោនខោលរបស់ខ្មែរធ្វើជារបស់ខ្លួន។

ឯកឧត្ដម ថៃ នរៈសត្យា បានលើកឡើងថា ការបង្ហោះព័ត៌មានតាមបណ្ដាញទំនាក់ ទំនងសង្គមបែបនេះ គឺជាព័ត៌មានគ្មានមូលដ្ឋាន ហើយអ្នកបង្ហោះព័ត៌មានទាំងនោះ គ្រាន់តែ ចង់បានការចាប់អារម្មណ៍ ឬចង់បានការចែកចាយឱ្យបានច្រើនដើម្បីផលប្រយោជន៍ផ្ទាល់ខ្លួន តែប៉ុណ្ណោះ។

ឯកឧត្ដមបានបន្ថែមទៀតថា ចំពោះបញ្ហាការសម្រេចចិត្តរបស់អង្គការ យូណេស្កូ លើល្ខោនខោលថា ជារបស់ប្រទេសណាមួយនោះ សូមបងប្អូនប្រជាពលរដ្ឋខ្មែរទាំងអស់ ត្រូវមានការស្ងប់ស្ងាត់ និងសូមរង់ចាំលទ្ធផលផ្លូវការជាក់ស្ដែងជាលាយលក្ខណ៍អក្សរ​ចេញ ពីអង្គការ យូណេស្កូ នោះទើបមានអាចយកជាការបាន និងមានតម្លៃពិតប្រាកដ។

ពាក់ព័ន្ធទៅនឹងការប្រកាសផ្លូវការរបស់អង្គការយូណេស្កូលើការស្នើសុំចុះបញ្ជីល្ខោនខោលនេះ នឹងត្រូវសម្រេចជាផ្លូវការនៅចុងឆ្នាំ២០១៨នេះ។

សូមរម្លឹកថា កន្លងមក ល្ខោនស្បែកធំ របស់កម្ពុជាត្រូវបានចុះក្នុងបញ្ជីបេតិកភណ្ឌ វប្បធម៌អរូបីនៅអង្គការយូណេស្កូ កាលពីថ្ងៃទី២៥ ខែវិច្ឆិកា ឆ្នាំ២០០៥ និងល្បែងទាញព្រ័ត្រ ដាក់បញ្ជូនកាលពីថ្ងៃ០២ ខែធ្នូ ឆ្នាំ២០១៥។

ទន្ទឹមនេះ កាលពីឆ្នាំ២០១៥ ក្រសួងវប្បធម៌ និងវិចិត្រសិល្បៈ ក៏បានបញ្ជូនឯកសារចាប៉ីដងវែងដែលបានរៀបចំចប់សព្វគ្រប់ទៅ អង្គការ យូណេស្កូ កាលពីឆ្នាំ២០១៦។

ចំណែកក្បាច់គុណល្បុក្កតោ ភ្លេងអារក្ស និងល្ខោនខោល ក៏បានស្នើចុះក្នុងបញ្ជីបេតិកភណ្ឌវប្បធម៌ផងដែរ៕

(សូមទស្សនាវិដេអូខាងក្រោមនេះ)

https://www.facebook.com/plugins/video.php?href=https%3A%2F%2Fwww.facebook.com%2F202339057029182%2Fvideos%2F423550674837126%2F&show_text=0&width=560

ប្រភព៖ ក្រសួងវប្បធម៌

ក្រុងព្រះសីហនុ៖ កាលពីយប់ថ្ងៃទី២៩ ខែសីហា ឆ្នាំ២០១៨នេះនៅចំនុច ឆ្នេរអូរឈើទាល ក្បែរកំពងផែដឹកភ្ញៀវទេសចរណ៍ ក្រុមជនជាតិចិនមួយក្រុមបានបង្កភាពអនាធិបតេយ្យកាលពីយប់ថ្ងៃទី២៩ ខែសីហា ឆ្នាំ២០១៨។

បន្តិចក្រោយមក ទើបកំលាំងនគរបាលបានចុះមកអន្តរាគមន៍ តែជនជាតិចិនទំនើងទាំងនោះបានតដៃទៅលើសមត្ថកិច្ចវិញ ទើបសមត្ថកិច្ចសម្រេចចិត្តបាញ់ឡើងលើដើម្បីបង្រ្កាប ជនជាតិចិនទំនើងទាំងនោះ។

នេះបើតាមនគរបាលប្រាប់អោយដឹងថា កំលាំងនគរបាលបាញ់ឡើងលើ គឺដើម្បីបំបែកហ្វូងដែលជនជាតិចិន ដែលប្រហើនបំរុង ចង់ធ្វើការតដៃជាមួយសម្ថកិច្ចតែប៉ុននោះ។

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fkhmerlerdigital%2Fvideos%2F296228401157217%2F&show_text=0&width=560

ប្រភព៖ ហ្ចេសបុក ឡេង​ ស៊

ភ្នំពេញ៖​ ករណី​បុរស​ម្នាក់​ជិះ​ម៉ូតូ​ទឹក​ហើយ​បាន​ធ្លាក់ទឹក​បាត់​ខ្លួន តាំងពី​ល្ងាច​អាទិត្យ ថ្ងៃទី២៦ ខែសីហា ឆ្នាំ២០១៨នៅ​ចំណុច ដង​ទន្លេមេគង្គ​ ក្នុងភូមិល្វា
សង្កាត់​កោះដាច់ ​ខណ្ឌ​ជ្រោយចង្វារ រហូតមកដល់​វេលាម៉ោង៦ព្រឹក ថ្ងៃទី៣០ ខែសីហា ឆ្នាំ២០១៨នេះទើបប្រទះឃើញ​។

សាកសព​ត្រូវបាន​សាច់ញាតិយកមក​តម្កល់ទុក​នៅ​វត្ត​បាក់​ខែង ខណ្ឌ​ជ្រោយចង្វារ រាជធានី​ភ្នំពេញ ធ្វើបុណ្យតាមប្រពៃណី។

ជនរងគ្រោះ​ដែល​ធ្លាក់ទឹក​បាត់​ខ្លួន​នោះ​ឈ្មោះ ហុក ប៊ុន ហ៊ុយ ហៅ​តា​ហ៊ុយ ភេទ​ប្រុស​អាយុ ប្រមាណ​ជាង៤០ឆ្នាំ ជា​អតីត​ថៅកែ​សណ្ឋាគារ​ឆាយ​ហុង និង​បច្ចុប្បន្ន ជា​ថៅកែ​ហាង​គុយទាវ​មួយកន្លែង នៅក្នុង​ភូមិ​ព្រែកលៀប សង្កាត់​ព្រែកលៀប ខណ្ឌ​ជ្រោយចង្វារ ។

គួរ​រំលឹក​ផងដែរ​ថាកាលពីល្ងាច​ថ្ងៃអាទិត្យអតីត​ថៅកែសណ្ឋាគារ​រូបនោះបាន​បើក​ម៉ូតូ​ទឹកខ្លះ​ហៅថា អូ​ប៊័រដែល​ទើបតែ​ទិញ​ក្នុងតម្លៃ​ជិត២ម៉ឺន​ដុល្លារ លំហែរ​កាយ​តាម​ដង​ទន្លេ ។

មិនដឹង​ជា​មូលហេតុអ្វី​នោះទេនៅពេល​បើកបរក៏បាន​ធ្លាក់ទឹក​លិច​បាត់ហើយ​ម៉ូតូ​ទឹកក៏បាន​អណ្តែតតាម​ទឹក​ចូល​ខាង​ហើយនគរបាល​ក៏បាន​រក្សាទុក ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2FSamnangburry%2Fvideos%2F1353790371424196%2F&show_text=0&width=267

ប្រភព៖ Sam Nang

រន្ធត់ណាស់ បុរសម្នាក់បានប្រឡែងលេងជាមួយសត្វពស់ថ្លាន់ដ៍ធំមួយ ដែលយើងមើលទៅគួរស្រៀវខ្លាំងមេនទែន បើយើងមើលទៅបុរសនោះវិញ ហាក់បីដូចជាមិនខ្លាចញញើតសត្វពស់នោះអីបន្តិចសោះឡើយ ។

តែអ្វីដែលយើងនឹកស្មានមិនដល់ គឺសត្វពស់ដែលគាត់កំពុងតែប្រឡែងលេងជាមួយនោះ ស្រាប់តែហក់ខាំក្បាលរបស់គាត់គួរឲ្យរន្ធត់យ៉ាងខ្លាំង ហើយខាំយ៉ាងជាប់ ទោះបីគាត់ព្យាយាមទាញសត្វពស់នោះចេញយ៉ាងណាក៍ដោយក៍នៅតែទាញមិនចេញឡើយ ។

ក្នុងវិដេអូនេះដែលយើងបញ្ជាក់ឲ្យយើងឃើញថា គឺជាមេរៀនមួយ ដែលមនុស្សយើងគ្រប់ៗគ្នាគួរតែចងចាំទុក កុំទុកចិត្តសត្វសាហាវ ដូចជាសត្វពស់នេះអី ពីព្រោះវាអាចបង្ករឲ្យយើងមានគ្រោះថ្នាក់គ្រប់ពេលវេលា និងអាចឈានដល់បាត់បង់អាយុជីវិតផងក៍អាចថាបាន ៕

(សូមទស្សនាវិដេអូខាងក្រោមនេះ) ៖

https://www.facebook.com/plugins/video.php?href=https%3A%2F%2Fwww.facebook.com%2Fwera.tabtub%2Fvideos%2F10211494220926394%2F&show_text=0&width=261

ដោយ៖ សុវណ្ណ ដេត 

ជាក់ស្ដែងណាស់ កញ្ញា ភីយ៉ា បានអះអាងថា គ្រាន់តែនាងគ្រងឈុត ព្រះនាង ឥន្ទ្រទេវី ហើយភ្លាមនោះ ស្រាប់តែរូបនាងចេះតែមានអ្វីម្យ៉ាង មកបញ្ជារាងកាយនាងអោយធ្វើសកម្មភាពប្លែកៗនិងអោយរាំជាច្រើនលើកមកហើយប៉ុន្តែបណ្ដាលមកពីនាងចេះតែបន់ និងចេះតែប្រឹងទប់អារម្មណ៍ ទើបអាការៈនោះមិនធ្វើឲ្យឆោរឡោក្នុងពេលដំបូងៗ ។

យ៉ាងណាមិញ នៅពេលដែលនាងរៀបចូលថត ហើយកំពុងសារ៉េជាយសំពត់ ស្រាប់តែវិញ្ញាណចម្លែកធ្វើអោយនាងបង្វិលខ្លួនរាំរែកទាល់តែបាន ដោយនាងមិនអាចបញ្ជារ រាងកាយរបស់ខ្លួនមិនបានតែម្ដង។

នាងត្រូវគេឃើញបង្ហាញទឹកមុខស្លេកស្លាំង និងភ័យយ៉ាងខ្លាំង បន្ទាប់ពីអ្នករៀបចំកម្មវិធី និងក្រុមការងារចាប់ដៃចាប់ជើង និងជួយបន់អោយនាងបានដឹងស្មារតីឡើងវិញ។

នាងថាខ្លួនតែងតែភ័យអោយតែគ្រងឈុតបុរាណ តែសម្រាប់សភាពលើកនេះ គឺនាងមានអារម្មណ៍ភិតភ័យជាងមុន ដោយសារតែតាំងពីតែងឈុតព្រះនាងឥន្ទ្រទេវីហើយភ្លាម ក៏ចង់តែអោយនាងលើកដៃរាំដូចអប្សរា ដល់ថ្នាក់នាងខំទប់ស្មារតី មិនហ៊ានទាំងផឹកទឹក និងញាំអី ដើម្បីកុំអោយភ្លេចខ្លួន ហើយបណ្ដោយវិញ្ញាណដែលសណ្ឋិតបញ្ជាខ្លួនបាន។

នាងថាក្រោយពេលគេចាប់អោយដឹងស្មារតី រូបនាងភ័យចង់ស្លន់តែម្ដង ដោយសារតែនាងខ្លាចមានអាការៈបែបនេះ ហើយថតមិនកើត។

(សូមទស្សនាវិដេអូខាងក្រោមនេះទាំងអស់គ្នា )

https://www.facebook.com/plugins/video.php?href=https%3A%2F%2Fwww.facebook.com%2Ftep.solida.79%2Fvideos%2F308297006416743%2F&show_text=0&width=560

ប្រភព៖កូន ខ្លាតូច