ខេត្តកោះកុង៖ មានករណីគ្រោះថ្នាក់ចរាចរណ៍មួយបានកើតឡើង ( ម៉ូតូដួលដោយខ្លួនឯង ) បណ្តាលឲ្យរងរបួសធ្ងន់ស្រាលចំនួន២ នាក់ ស្រី១ នាក់ កាលពីថ្ងៃទី៣០ ខែកក្កដា ឆ្នាំ ២០១៨  ស្ថិតនៅចំណុចអង់តែន៥ ស្ថិតក្នុងភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។

ហើយម៉ូតូដែលដយលនោះម៉ាក Suzuki  Nex ពាក់ស្លាកលេខ GZ.6044 បើកបរដោយឈ្មោះ ម៉ាន ចាន់ថន ភេទប្រុស អាយុ២១ឆ្នាំ មុខរបរកម្មករ រស់នៅភូមិកំឡូត ឃុំជីផាត ស្រុកថ្មបាំង របួសបាក់ភ្លៅខាងឆ្វេង និងអ្នករួមដំណើរឈ្មោះ ឯម សុខចាន់រភេទស្រី អាយុ១៨ ឆ្នាំ មុខរបរ កម្មកររោងចក្រ រស់នៅភូមិ៣ សង្កាត់ស្មាច់មានជ័យ រងរបួសត្រង់មាត់ ។

បើតាមសម្តីអ្នកដែលនៅក្បែរនោះបានឲ្យដឹងថា ករណីដួលនេះមកពីអ្នកបើកបរបើកក្នុងល្បឿនលឿន (ហើយណាមួយផ្លូវមានសភាពសើមផងនោះ ដែលទើបតែភ្លៀងរួច) ក៍បណ្តាលឲ្យរអិលដួលទាំងកំរោលតែម្តងទៅ ។

បច្ចុប្បន្នជនរងគ្រោះទាំងពីរ កំពុងសំរាកព្យាបាលនៅមន្ទីពេទ្យខេត្ត ។

ប្រភព៖ FB

ខេត្តពោធិ៍សាត់៖ ផ្អើលអស់អ្នកភូមិមួយក្នុងខេត្តពោធិ៍សាត់ ប្រទះឃើញបុរសម្នាក់ដែលគេបានស្គាល់ថាឈ្មោះ ធឹម ហេង ភេទប្រុសអាយុ ៣៩ ឆ្នាំ ជនជាតិខ្មែរ មុខរបរលក់ដូរ បានសម្រេចចិត្តចងកសម្លាប់ខ្លួនទាំងជើងនៅជាប់នឹងគ្រែ បង្កឲ្យអ្នកលេងបណ្តាញសង្គមហ្វេសប៊ុក មិនជឿទាល់តែសោះថា «ជាអតឃាត» តែសង្ស័យលើអំពើឃាតកម្មច្រើនជាង ហេតុការណ៍ដ៍ភ្ញាក់នេះបានកើតឡើងវេលាម៉ោង ៤ទៀបភ្លឺថ្ងៃទី៣០ ខែកក្កដា ឆ្នាំ២០១៨ ។

បើតាមសម្តីលោក វ៉ាន់ដេត ទៀង បានលើកឡើងថា “មនុស្សចងកសម្លាប់ខ្លួន ជើងត្រូវផុតពីដីឬគ្រែ ហេតុដូចម្តេចបានជាបុរសនេះជើងអង្កុញទៅវិញ? ឃាតកម្មទេដឹង?”។ តែយ៉ាងណា ករណីស្លាប់បុរសអ្នកលកដូរនៅភូមិទួលគ្រួស សង្កាត់ចំរើនផល ក្រុងពោធិសាត់ ខេត្តពោធិ៍សាត់នោះ ត្រូវក្រុមគ្រូពេទ្យជំនាញខេត្តបានបញ្ជាក់ក្រោយធ្វើ​កោល្យវិច្ច័យថា «ពិតជាស្លាប់ដោយសារចងកពិតប្រាកដមែន» ចំពោះសាកសពសមត្ថកិច្ចបានធ្វើកំណត់ហេតុនិងប្រគល់សពអោយគ្រួសារយកធ្វើបុណ្យតាមប្រពៃណី។

ប្រភព៖ FB

(បន្ទាយមានជ័យ)៖ នាយឧត្តមសេនីយ៍សន្តិបណ្ឌិត សុខ ផល អគ្គនាយក នៃអគ្គនាយកដ្ឋានអន្តោប្រវេសន៍ បានប្រាប់ នៅរសៀលថ្ងៃទី២៨ ខែកក្កដា ឆ្នាំ២០១៨នេះថា ក្នុងរយៈពេល២ថ្ងៃនេះ តាមរបាយការណ៍ និងតាមការសង្កេតជាក់ស្តែង ប្រជាពលរដ្ឋខ្មែរដែលចាក​ចេញពីប្រទេសថៃ ចូលមកប្រទេសកម្ពុជានោះ ហាក់មានការកើនឡើងខុសពីពេលសព្វដង។

បើតាមនាយឧត្តមសេនីយ៍ ចំពោះប្រជាពលរដ្ឋ និងពលករខ្មែរដែលធ្វើដំណើរមកកាន់ស្រុកកំណើតនេះ គឺភាគច្រើនដំដៅមកបោះឆ្នោតដែលត្រូវធ្វើឡើងនៅថ្ងៃស្អែកនេះ។ តែយ៉ាងណាក៏ដោយនោះ សម្រាប់ចំនួនពិតប្រាកដដែលប្រជាពលរដ្ឋ និងពលករខ្មែរដែលចេញពីថៃនោះ លោកមិនក្តាប់រួមនោះទេ ដោយខាងអង្គភាពរបស់លោក គ្រប់គ្រងតែតាមច្រកទ្វារអន្តរជាតិតែប៉ុណ្ណោះ ខណៈនៅតាមច្រក របៀងផ្សេងទៀត ជាការទទួលខុសត្រូវរបស់ស្នងការដ្ឋាននគរបាលតាមខេត្តទាំងនោះ។
តាមរបាយការណ៍របស់នាយឧត្តមសេនីយ៍សន្តិបណ្ឌិត សុខ ផល បានបង្ហាញថា កាលពីថ្ងៃទី២៧ ខែកក្កដាម្សិលមិញ នៅតាមច្រកទ្វារអន្តរជាតិចំនួន៨ មានពលរដ្ឋខ្មែរចូលមកកាន់ប្រទេសកម្ពុជា មានចំនួនសរុប២០២៦៦នាក់ ក្នុងនោះស្រីមានចំនួន៩៩៤៨នាក់ ខណៈនៅថ្ងៃទី២៨ ខែកក្កដា ឆ្នាំ២០១៨ គិតត្រឹមវេលាម៉ោង១២ មានអ្នកធ្វើដំណើរចូលមានចំនួន១៣០៦៤នាក់ ក្នុងនោះស្រី ៦៨៩០នាក់។

នៅឯច្រកទ្វារអន្ដរជាតិដូង ស្រុករវៀង ខេត្ដបាត់ដំបង លោកឧត្តមសេនីយ៍ត្រី សៅ ប៊ុនរិទ្ធ នាយប៉ុស្តិ៍នគរបាលច្រកទ្វារព្រំដែនអន្តរជាតិដូង បានថ្លែងប្រាប់នៅរសៀលថ្ងៃទី២៨ ខែកក្កដា ឆ្នាំ២០១៨នេះ ឲ្យដឹងថា ប្រជាពលរដ្ឋខ្មែរដែល​ធ្វើការនៅប្រទេសថៃ បានធ្វើដំណើរចូលមកប្រទេសកម្ពុជាដែរ ក្នុងរយៈពេល២ថ្ងៃនេះ មានជាង១០០០នាក់ ពោលកាលពីថ្ងៃម្សិលមិញ មានចំនួន៧៧២នាក់ ហើយនៅថ្ងៃនេះ គិតត្រឹមម៉ោង១២ថ្ងៃត្រង់ មានចំនួន៤០៧នាក់ ដែលនឹងមានមកជាបន្ដបន្ទាប់។

បើតាមលោកឧត្តមសេនីយ៍ត្រី សៅ ប៊ុនរិទ្ធ បន្ទាប់ពីការសាកសួរពលករខ្មែរ បានបញ្ជាក់ថា ពួកគាត់ភាគច្រើនមកប្រទេសកម្ពុជា គឺដើម្បីចូលរួមបោះឆ្នោតនៅថ្ងៃទី២៩ ខែកក្កដា ឆ្នាំ២០១៨ ស្អែកនេះ ក៏ដូចជាការជួបជុំក្រុមគ្រួសារផងដែរ។

ដោយឡែកលោកឧត្តមសេនីយ៍ត្រី ស៊ឹម សំអាត នាយប៉ុស្ដិ៍ច្រកទ្វារអន្ដរជាតិប៉ោយប៉ែតក៏បានប្រាប់ឲ្យដឹងដែរថា ប៉ុន្មានថ្ងៃនេះប្រជាពលរដ្ឋខ្មែរ ដែលធ្វើការនៅប្រទេសថៃ ក៏បានចាកចេញពីប្រទេសថៃ ចូលមកកម្ពុជាតាមច្រកទ្វារអន្ដរជាតិប៉ោយប៉ែត ដែលតាមការសាកសួរទៅ គឺភាគច្រើនមកដើម្បីចូលរួមការបោះឆ្នោតដែរ។

លោកឧត្តមសេនីយ៍ត្រី សឹម សំអាត បានគូសបញ្ជាក់ថា ដោយនៅថ្ងៃម្សិលមិញ មានចំនួនជាង២ពាន់នាក់ហើយថ្ងៃនេះគិតត្រឹមវេលាម៉ោង១រសៀលមានចំនួនជាង៨០០នាក់។

សូមជម្រាបថា ការបោះឆ្នោតជ្រើសតាំងតំណាងរាស្ដ្រ នីតិកាលទី៦ ដែលនឹងប្រព្រឹត្តទៅនៅថ្ងៃទី២៩ ខែកក្កដា ឆ្នាំ២០១៨ស្អែកនេះ មានគណបក្សនយោបាយចំនួន២០ ដែលចូលរួមប្រកួតប្រជែង៕​

ប្រភព៖ FB

ប្រទេសថៃ ៖ សាកសពករណីខាងលើ ​ត្រូវ​បាន​បញ្ជូន​ត្រឡប់​មក​ឲ្យ​សាច់​ញាតិ​តាម​ច្រក​ទ្វារ​អន្តរជាតិ​ប៉ោយ​ប៉ែ​ត កាលពី​ព្រឹក​ថ្ងៃ​ទី​២៥ ខែកក្កដា​ឆ្នាំ២០១៨ កន្លង​ទៅនេះ ។

ជន​រង​គ្រោះ​ទាំង​៣​នាក់​មាន ១-​ឈ្មោះ ស៊ុន​ឈិ​ន ភេទ​ប្រុស អាយ​២២​ឆ្នាំ ២-​ឈ្មោះ​ភ​ន ស៊ា​ប​ភេទ​ប្រុស អាយុ​២៧​ឆ្នាំ និង​៣-​ឈ្មោះ លឹ​ម នី​តា ភេទ​ប្រុស អាយុ​៤៣​ឆ្នាំ ។ ពួក​គេ​ទាំង​៣​នាក់​ជា​កម្មករ​ធ្វើ​ឡូ​ហ្គោ​នៅ​ខេត្ត​ឧប៊ុ​ន​រាជធានី ប្រទេស​ថៃ និង​មាន​ទីលំនៅ​ក្នុងភូមិ​ចាម​រអា ឃុំ​ព្រៃ​ស្វាយ ស្រុក​មោងឫស្សី​ខេត្តបាត់​ដំបង ។

កម្មករ​រួមការ​ងារ​ជាមួយ​គ្នា​និង​ជា​សាច់ញាតិ​ដែល​វិល​ត្រឡប់​មក​ជាមួយ​សព​បាន​ប្រាប់​ថា​ដំបូង​ជន​រង​គ្រោះ​បាន​ស្ទូច​ឡូ​ហ្គោ លុះ​ដាក់​ដងសន្ទូច​ចុះ​វិញ​ស្រាប់តែ​ប៉ះ​ចំ​ខ្សែភ្លើង បណ្តាល​ឲ្យ​ឆក់​ឈ្មោះ ស៊ុន ឈិ​ន ដែល​ជា​អ្នកបញ្ជា​ដងសន្ទូច ។ ពេល​នោះ ជន​រង​គ្រោះ​២​នាក់​ទៀត​ឃើញ​នាំ​គ្នា​ស្ទុះ​ទៅ​ជួយ ក៏​ឆក់​ស្លាប់​ទាំង​៣​នាក់​នៅ​នឹង​កន្លែង​តែ​ម្តង ។សព​ត្រូវ​បាន​សាច់ញាតិ​ជួល​រថយន្ត​៣​គ្រឿង​ដឹក​ទៅ​លំនៅ​ឋាន ដើម្បី​ធ្វើបុណ្យ​តាម​ប្រពៃណី​៕

ប្រភព​៖ FB

កណ្តាល៖ ជនសង្ស័យម្នាក់ត្រូវ បានត្រូវបាននគរបាល ឃាត់ខ្លួនតាម ដីកាលេខ៤៩៤ ដកបចខ ចុះថ្ងៃទី២៨ ខែកញ្ញា ឆ្នាំ២០១៦
របស់លោក សាយ សម្ផស្សសេរី ចៅក្រមស៊ើបសួរនៃសាលាដំបូង ខេត្តកណ្ដាល ពីបទរំលោភ សេពសន្ថវៈ កាលពីថ្ងទី២១ ខែមិថុនា ឆ្នាំ២០១៦ នៅចំណុច ភូមិទួលងោក ឃុំកំពង់លួង ស្រុកពញាឮ ខេត្ដកណ្ដាល ។

ការឃាត់ខ្លួននេះបានធ្វើឡើងកាល ពីថ្ងៃទី២៧ ខែកក្កដា ឆ្នាំ២០១៨ វេលាម៉ោង១៧ជាង នៅចំណុចភូមិ ឃុំកើតហេតុខាងលើ។
នគរបាលបានអោយដឹងថា ជនត្រូវ ចោទដែលនគរបាលឃាត់ខ្លួនឈ្មោះ សារី បូរ៉ាហាន ភេទប្រុស អាយុ២៨ឆ្នាំ ជនជាតិខ្មែរអីស្លាម មុខរបរមិនពិតប្រាកដ មានទីលំនៅ ភូមិឃុំកើតហេតុខាងលើ ។

បច្ចុប្បន្នជនសង្ស័យខាងលើត្រូវបានបញ្ជូន មកអធិការស្រុកពញ៉ាឮដើម្បី កសាង សំណុំរឿងបញ្ជូនទៅ តុលាការចាត់ការតាមនីតិវិធី៕

ប្រភព៖ FB

កណ្ដាល៖ ឪពុកបង្កើតរំលោភកូនស្រីខ្លួនឯង ទើបតែអាយុ៨ឆ្នាំ លុះម្ដាយទាន់ប្ដឹងសមត្ថកិច្ចឲ្យឃាត់ខ្លួន ហេតុការណ៍នេះបានកើតឡើងនៅចំណុចក្នុងបង្គន់អនាម័យរបស់ឈ្មោះ ធូ ចាន់ថុល​ ស្ថិតភូមិកោះគរឃំុរកាខ្ពស់ ស្រុកស្អាង ខេត្តកណ្តាល កាលពីវេលាម៉ោង១រសៀលថ្ងៃទី២៦ ខែកក្កដា ឆ្នាំ២០១៨ ។

កុមារីរគ្រោះឈ្មោះ វ ជ យ ចន្រ្ទា អាយុ៨ឆ្នាំ ជនជាតិខ្មែរ សិស្សថ្នាក់ទី២ ម្តាយឈ្មោះ ធី សុជាតិ អាយុ២៩ឆ្នាំ ជនជាតិខ្មែរ មុខរបរ កសិករ មាទីលំនៅភូមិ ឃុំ កើតហេតុខាងលើ ជាមួយគ្នា រីជនសង្ស័យជាឪពុកកំណាច ឈ្មោះ សុធី វិជ័យ ចិត្រា ហៅធៀម ភេទប្រុសអាយុ២៩ឆ្នាំជនជាតិខ្មែរ មុខរបរ នេសាទត្រី មានទីលំនៅភូមិខាងលើ ត្រូវបានឃាត់ខ្លួន និងធ្លាប់ជាប់ពន្ធនាគារម្ដងរួចមកហើយ។

សមត្ថកិច្ចបានឲ្យដឹងថា វេលាម៉ោងកេីតហេតុខាងលេី ជនសង្ស័យ បានចូលទៅក្នុងបង្គន់របស់ ឈ្មោះធូ ចាន់ថុល ពេលនោះ កូនស្រីខ្លួនឈ្មោះ វ ជ យ ចន្ទ្រា ក៏បានចូលមកក្នុងបង្គន់នេះដែរដេីម្បីបត់ជេីងធំក៏ត្រូវបានឪពុកនៅក្នុងបង្គន់ចាក់គន្លឹះពីខាងក្នុងជាប់ ហេីយបានដោះខោអាវនាងចេញពីខ្លួនរួចឲ្យកូនស្រីមេីលរឿង សិចអះអាភាសផងនិងមើលហ្គេមស្វិតផងតាមទូរសព្ទ័ជាមួយខ្លួនជាឪពុក។
បន្ទាប់មកឈ្មោះ សុធី វិជ័យចិត្រា បានយកអណ្ដាតលិឍខ្លួន លិឍប្រដាប់ភេទកូនស្រី និងយកលិង្គខ្លួន ប្រឹងបុកចូលរន្ធគូថនាង ខណៈពេលដែលកូនស្រីអង្គុយពីលេីភ្លៅខ្លួនជាឪពុក។

ប៉ុន្តែពេលនោះម្តាយ(ធី សុជាតិ)បាត់កូនយូពេកក៏ ដេីរទៅលបមេីលឃេីញដូច្នេះ ទើបបាននាំកូនប្រុសឈ្មោះ វិជ័យ យូហាន អោយហៅឈ្មោះ វិជ័យ ចន្រ្ទា ចេញមកក្រៅបង្គន់អនាម័យ។
ចំណែកឈ្មោះ សុធី វិជ័យចិត្រា នៅក្នុងបង្គន់រយៈពេល២០នាទីក្រោយ មកទេីបចេញពីបន្ទប់អនាម័យ។
លុះនៅវេលាម៉ោង១០ព្រឹកថ្ងៃទី២៧ខែកក្កដាឆ្នាំ២០១៨ ឈ្មោះធី សុជាតិ មកប្ដឹងសមត្ថកិច្ចនគរបាលប៉ុស្ដិ៍រកាខ្ពស់ អំពីរឿងហេតុខាងលើនេះតែម្ដង។

ក្រោយពេលទទួលបានព័ត៌មាន នេះភ្លាមសមត្ថកិច្ចនគរបាលប៉ុស្តិ៍បានទៅដល់កន្លែងកើតហេតុអន្ដរាគមន៍ ដោយឲ្យម្ដាយនាំកូនស្រីទៅពេទ្យជ័យជំនះខេត្តកណ្ដាល។
ចំណែកឈ្មោះ សុធី វិជ័យចិត្រា បាននាំខ្លួនមកប៉ុស្ដិ៍រដ្ឋបាលដើម្បីសាកសួរនិងឃាត់ខ្លួន។

បច្ចុប្បន្នជនសង្ស័យបានឃាត់ខ្លួននៅអធិការដ្ឋាននគរបាលស្រុកស្អាងដើម្បីបន្ដអនុវត្ដតាមនីតិវីធី៕

ប្រភព៖ FB

បុរសនារី២នាក់ជាសង្សារនឹងគ្នា ជិះ​ម៉ូតូ​ឌុបគ្នាក្នងល្បឿនលឿន ខ្វះការប្រុងប្រយ័ត្ន​ និងមិនពាក់មួកសុវត្ថិភាពផងនោះ បើកបរជ្រុលជិះឡើង​ទួល បណ្ដាល​ឲ្យ​ដួល​បោក​ទៅ​នឹង​ថ្នល់​ រងរបួសធ្ងន់បែកមុខឈាមស្រោចពេញខ្លួនទាំង២នាក់ ។

ហេតុការណ៍គ្រោះថ្នាក់​នេះ​មាន​ទីតាំង​ស្ថិត​នៅ​តាម​បណ្ដោយ​ផ្លូវ​មុនីរ៉េត មុខធនាគារខ្មែរមេគង្គ ស្ថិត​ក្នុង​សង្កាត់​បឹង​សាឡាង ​ខណ្ឌ​ទួលគោក ​រាជធានី​ភ្នំពេញ​ នាវេលា​ម៉ោង​១២យប់​រំលង​អាធ្រាត្រ​ឈាន​ចូល​ថ្ងៃ​ទី​២៨ ខែ​កក្កដា ​ឆ្នាំ​២០១៨។

ជនរងគ្រោះ​ម៉ូតូ Suzuki Nex ពណ៍ស ស្លាកលេខភ្នំពេញ​ 1CT-9954 ត្រូវបានរថយន្តគិលានសង្គ្រោះគ្លីនិកឯកជនដឹកយកទៅសង្គ្រោះភ្លាមៗ។

(វិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Femergencysocailnews%2Fvideos%2F2044045338999530%2F&show_text=0&width=560

ប្រភព៖ FB

ព្រះវិហារ៖ នៅ​ម៉ោង៧យប់ ថ្ងៃទី២៧ ខែកក្កដា ឆ្នាំ២០១៨ យុវជន៤នាក់ បាន​យក​គ្រាប់បែកដៃ​មួយគ្រា​ប់​ចូលក្នុង​ការិយាល័យ​បោះឆ្នោត​លេខ០៣១៧ ស្ថិតនៅក្នុង​សាលារៀន​ចំរើន​ផល ភូមិ​ចំរើន​ផល ឃុំ​ឈានមុខ ស្រុក​ត្បែងមានជ័យ ខេត្តព្រះវិហារ ប៉ុន្តែ​ត្រូវបាន​កម្លាំង​សន្តិសុខ​ការពារ​នៅ​ទីនោះ ធ្វើការ​ឃាត់ខ្លួន រួច​បញ្ជូន​ទៅកាន់​នគ​របាល​ប៉ុស្តិ៍​ធ្វើការ​សាកសួរ និង​កសាង​សំណុំរឿង​ចាត់ការ​តាម​នីតិវិធី​ច្បាប់។

យុវជន​ទាំង៤អ្នកនោះ ទី១ ឈ្មោះ យូ វ៉ាន់​លុច ភេទ​ប្រុស អាយុ២២ឆ្នាំ ២ឈ្មោះ រួម ហុច ភេទ​ប្រុស អាយុ២៤ឆ្នាំ ៣ ឈ្មោះ សំ វិត​សុ​ផា ភេទ​ប្រុស អាយុ២៤ឆ្នាំ ៤ ឈ្មោះ ជន យ៉ា​រិត ភេទ​ប្រុស អាយុ១៧ឆ្នាំ អ្នក​ទាំង៤មាន​ទីលំនៅ​ភូមិ​ចំរើន​ផល​ជាមួយគ្នា ។

ឃាត់ខ្លួន​សមត្ថកិច្ច បាន​ដកហូត​គ្រាប់បែកដៃ​ក្រឡា​ទៀប​ផលិត​នៅ​សហភាពសូវៀត១គ្រាប់ និង​ម៉ូតូ២គ្រឿង។ ជុំវិញ​ករណីនេះ សមត្ថកិច្ច​មិនទាន់បាន​បញ្ជាក់​ពី​គោលបំណង​នៃ​ការនាំយក​គ្រាប់បែក​ចូលក្នុង​ការិយាល័យ​បោះឆ្នោត​របស់​យុវជន​ទាំង៤នោះ​នៅឡើយ​ទេ ដោយ​រង់ចាំ​សាកសួរ និង​ស្រាវជ្រាវ​បន្តទៀត៕

ប្រភព៖ FB