ក្រុមកីឡាករក្មេងៗថៃដែលបានរួចជីវិតចេញពីរូងភ្នំ មិនអាចចូលរួមទស្សនាការប្រកួតវគ្គផ្ដាច់ព្រ័ត្រពាន World Cup បានទេ ព្រោះ…

សហព័ន្ធកីឡាបាល់ទាត់អន្តរជាតិ ដែលហៅកាត់ថា FIFA បានប្រកាសថាសមាជិកនៃក្រុមបាល់ទាត់ប្រទេសថៃ Wild Boars ទាំង ១២ រូប និងរួមទាំងគ្រូបង្វឹករបស់ពួកគេមួយរូបដែរនោះនឹងមិនបានចូលរួមទស្សនាការប្រកួតវគ្គផ្ដាច់ព្រ័ត្រនៃការប្រកួតពានរង្វាន់បាល់ទាត់ពិភពលោកឆ្នាំ ២០១៨ នេះទេ ព្រោះសុខភាពរបស់ពួកគេមិនទាន់ល្អប្រសើរគ្រប់គ្រាន់ក្នុងការធ្វើដំណើរទៅកាន់ប្រទេសរុស្ស៊ីដើម្បីចូលរួមដោយផ្ទាល់នៅក្នុងព្រឹត្តិការណ៍បាល់ទាត់លំដាប់ពិភពលោកដ៏ធំមួយនេះ។

ក្រុមកីឡាករថៃដែលមានគ្នា ១២ នាក់ និងគ្រូបង្វឹករបស់ពួកគេម្នាក់ដែរនោះបានធ្វើឲ្យកក្រើកដល់ពិភពលោក បន្ទាប់ពីពួកគេបានចូលទៅលេងនៅក្នុងរូងភ្នំមួយនៅឯភាគខាងជើងនៃប្រទេសថៃ និងបានជាប់នៅក្នុងរូងនោះអស់រយៈពេល ១៧ ថ្ងៃទើបចេញមកវិញរួច ក្រោយមានការជួយយ៉ាងស្វិតស្វាញពីសំណាក់អ្នកជំនាញជាច្រើននាក់ ខណៈដែលនៅក្នុងប្រតិបត្តិការសង្គ្រោះនេះដែរបានធ្វើឲ្យបាត់បង់ជីវិតអតីតកងទ័ពជើងទឹកថៃម្នាក់។

ហើយនៅពេលដែលគេបានរកឃើញក្រុមកីឡាករក្មេងៗទាំងនោះនៅក្នុងរូងភ្នំ និងដឹងថាពួកគេនៅមានជីវិត ពេលនោះក៏មានសេចក្ដីរាយការណ៍មកថាពួកគេនឹងត្រូវបានអញ្ជើញឲ្យចូលរួមទស្សនាដោយផ្ទាល់នូវការប្រកួតវគ្គផ្ដាច់ព្រ័ត្រពាន World Cup ដែលនឹងត្រូវបានធ្វើឡើងនៅថ្ងៃអាទិត្យ ១៥ កក្កដា ខាងមុខនាទីក្រុងមូស្កូ ប្រទេសរុស្ស៊ី។ តែទោះជាយ៉ាងណា បន្ទាប់ពីពួកគេទាំង ១៣ នាក់នោះត្រូវបានជួយសង្គ្រោះចេញពីរូងភ្នំបានដោយសុវត្ថភាព ស្រាប់តែ FIFA ប្រកាសថាពួកគេនឹងជួបជាមួយសហព័ន្ធកីឡាបាល់ទាត់របស់ថៃ ប៉ុន្តែចំណែកក្រុមកីឡាករក្មេងៗទាំង ១២ រូប និងគ្រូបង្វឹករបស់ពួកគេនឹងមិនអាចធ្វើដំណើរទៅចូលរួមទស្សនាការប្រកួតពាន World Cup វគ្គផ្ដាច់ព្រ័ត្របានទេ ក្រោមហេតុផលបញ្ហាសុខភាព។ “FIFA ចង់បង្ហាញនូវសេចក្តីរីករាយយ៉ាងខ្លាំងចំពោះព័ត៌មាននៃការជួយសង្គ្រោះកីឡាករបាល់ទាត់វ័យក្មេងចំនួន ១២ នាក់ និងគ្រូបង្វឹករបស់ពួកគេ។” សេចក្ដីថ្លែងការណ៍មួយរបស់ FIFA បានសរសេរ។ “យើងសូមថ្លែងអំណរគុណយ៉ាងជ្រាលជ្រៅចំពោះអ្នកទាំងអស់ដែលចូលរួមក្នុងប្រតិបត្តិការជួយសង្គ្រោះដែលជាអកុសលបានឆក់យកជីវិតអ្នកមុជទឹកម្នាក់។ ហើយយើងត្រូវបានប្រកាសឲ្យដឹងជាមុនដោយសហព័ន្ធកីឡាបាល់ទាត់របស់ថៃថាដោយសារបញ្ហាសុខភាព ដូច្នេះក្រុមកីឡាករក្មេងៗទាំងនោះនឹងមិនអាចធ្វើដំណើរទៅកាន់ទីក្រុងមូស្កូដើម្បីចូលរួមទស្សនាការប្រកួតពាន World Cup វគ្គផ្ដាច់ព្រ័ត្របានទេ។ ប៉ុន្តែយើងនឹងស្វែងរកឱកាសផ្សេងទៀតដើម្បីអញ្ជើញពួកគេចូលរួមក្នុងព្រឹត្តិការណ៍របស់ FIFA ។ យើងក៏នឹងមានជំនួបមួយជាមួយសហព័ន្ធបាល់ទាត់ថៃនៅថ្ងៃប្រកួតផ្ដាច់ព្រ័ត្រនោះផងដែរ។”

ប្រែសម្រួល ៖ ភក្ដី

ដំណឹងល្អ! ពេលនេះក្រុមក្មេងៗទាំង១២នាក់ និងគ្រូបង្វឹកកំពុងសំរាកតាមដាន និងពិនិត្យសុខភាពនៅមន្ទីពេទ្យខេត្ដឈាងរ៉ៃ..

ថៃ៖ តាមរយៈវីដេអូខ្លីដែលបង្ហោះដោយទំព័រហ្វេសប៊ុកមួយហាក់បានធ្វើឲ្យប្រជាជនទូទាំងពិភពលោកពិសេស ប្រជាជនខ្មែរយើងបានបង្ហាញការសាទរខ្លាំង ដោយពួកគេហាក់មាន ភាពរឹងមាំឡើងវិញ ពិសេសនោះពួកគេបានបង្ហាញពីភាពសប្បាយរីករាយផ្ញើជូនចំពោះ ក្រុម ក៏ដូចជាអ្នកទាំងអស់គ្នាដែលបារម្មណ៍ពីសុខទុក្ខពួកគេ។

ទំព័រហ្វេសប៊ុកដដែលបានឲ្យដឹងថា «វីដេអូក្រុមក្មេងៗទាំង១២នាក់ និងគ្រូបង្វឹកកំពុងសំរាកតាមដាន និងពិនិត្យសុខភាពនៅមន្ទីពេទ្យខេត្ដឈាងរ៉ៃ។ ពួកគេទាំងអស់គ្នារឹងមាំឡើងវិញហើយ បន្ទាប់ពីបានជាប់ក្នុងរូងភ្នំអស់រយៈពេល10ថ្ងៃកន្លងមក។ ពួកគេកំពុងត្រូវបានតាមដានសុខភាពយ៉ាងដិតដល់ពីសំណាក់គ្រូពេទ្យទោះខណៈពេលនេះពួកគេមានកាយសម្បទារឹងមាំក៏ដោយ»។

ស្របពេលរូបភាព និងវីដេអូ សកម្មភាពរបស់ក្មេងៗ និងគ្រូបង្វឹកនៅក្នុងមន្ទីរពេទ្យនេះបានចែកចាយលើបណ្តាញសង្គមនោះ ក្រៅពីភាពរីករាយ និងសាទរ បណ្តាអ្នកលេងបណ្តាញសង្គមគ្រប់គ្នាក៏បានជូនពរឲ្យពួកគេឆាប់មានសុខភាពរឹងមាំដូចដើម ពិសេសនោះលោកគ្រូបង្វឹកដែលគ្មានសាច់ញាតិក៏ត្រូវបានទទួលការលើកទឹកចិត្តខ្ពស់ពីសំណាក់មហាជន៕

ប្រភព៖ FB

តួឯកស្រីសាន់ឆាយ ជំនាន់ថ្មីត្រូវគេសរសើរថាមុខស្អាត តែជើងអាក្រក់ជាងគេក្នុងប្រវត្តិរឿង F4

តារាសម្ដែងទើបនឹងរះ Shen Yue ដែលត្រូវបានគេស្គាល់ថាជាតួឯកស្រីរឿងF4ជំនាន់ថ្មី ទោះបីជាមានសម្រស់ស្រស់ស្អាតយ៉ាងណាក៏ដោយ ប៉ុន្តែនាងនៅតែត្រូវរងការរិះគន់ដោយសារតែមានជើងខ្លី មិនស្រឡូន។ មួយរយៈចុងក្រោយនេះ ខ្សែភាពយន្តភាគដែលត្រូវយកមកផលិតឡើងវិញរឿង “ស្នេហាបួនដួង” ជំនាន់ថ្មី កំពុងតែទទួលបានការចាប់អារម្មណ៍យ៉ាងខ្លាំងខណៈជិតដល់ពេលចាក់ផ្សាយតាមទូរទស្សន៍ និងប្រព័ន្ធផ្សព្វផ្សាយផ្សេងៗ។ ទន្ទឹមជាមួយគ្នានេះដែរ ដើម្បីទាក់ទាញទស្សនិកជនអោយបានកាន់តែច្រើន ក្រុមការងាររបស់រឿង “ស្នេហាបួនដួង” ថ្មី ក៏បានធ្វើសន្និសីទកាសែត ផ្សព្វផ្សាយពីរឿងរបស់ខ្លួនកាលពីថ្ងៃទី៩ ខែកក្កដាកន្លងទៅថ្មីៗនេះ។ សន្និសីទនេះគឺជាបង្ហាញមុខរបស់ប្រុសសង្ហារទាំង៤រូបរបស់ក្រុម F4 និងសាន់ឆាយជំនាន់ថ្មី ដែលសម្ដែងដោយតារាស្រី Shen Yue។ ស្រីស្អាតវ័យ២១ឆ្នាំរូបនេះ បានធ្វើឲ្យគេអត់នឹងមិនសរសើរមិនបានជាមួយសម្រស់ដ៏ស្រស់ផូរផង់របស់នាង។ យ៉ាងណាក្ដី ដោយសារតែស្លៀកខ្លី នាងបានអចេតនាបង្ហាញជើងខ្លី សាច់ដុំ និងមិនស្រឡូនរបស់ខ្លួន។ ទស្សនិកជនបានលាន់មាត់ថា ក្នុងចំណោមសាន់ឆាយគ្រប់ជំនាន់ទាំងអស់អាចនិយាយបានថា ស្រីស្អាតកើតឆ្នាំ ១៩៩៧រូបនេះ មានជើងអាក្រក់ជាងគេ៕

ក្ដៅៗ : BTS នឹងត្រឡប់មកវិញជាមួយនឹងអាល់ប៊ុមថ្មីក្នុងខែសីហានេះ

ថ្មីៗនេះតាមរបាយការណ៍ក្នុងប្រទេសកូរ៉េបានបញ្ជាក់ថា BTS នឹងចេញអាល់ប៊ុមថ្មីមួយដែលមានចំណងជើងថា “Love Yourself” នៅខែសីហា! នេះមានន័យថាការត្រឡប់មកវិញរបស់ BTS នឹងកើតឡើងត្រឹមតែ ៣ ខែប៉ុណ្នោះបន្ទាប់ពីចេញអាល់ប៊ុមទី ៣ របស់ពួកគេកាលពីខែឧសភាកន្លងទៅនេះ។ សមាជិកទាំងអស់ត្រូវបានរាយការណ៍ថាស្ថិតនៅដំណាក់កាលចុងក្រោយនៃការផលិតអាល់ប៊ុមថ្មី ហើយបានខិតខំប្រឹងប្រែងដើម្បីបន្ថែមអ្វីថ្មីៗ ដែលមិនធ្លាប់មានពីមុនទៅក្នុងបទចម្រៀងថ្មីរបស់ពួកគេ។ អ្នកគាំទ្រជាច្រើនមានការរំពឹងទុកខ្ពស់សម្រាប់ BTS ថានឹងវាយលុកទីផ្សាជាថ្មីម្តងទៀតនូវតារាង Billboard ក៏ដូចជាកំណត់ត្រាផ្សេងៗជាច្រើនទៀត ជាមួយនឹងអាល់ប៊ុមថ្មីរបស់ពួកគេ។ ទន្ទឹមនឹងនេះផងដែរខាងផលិតកម្ម BigHit Entertainment បានឆ្លើយតបថា សេចក្តីរាយការណ៍ខាងលើមិនទាន់ច្បាស់លាស់អាចយកជាការបានទេ ព្រោះថាពួកយើងមិនទាន់អាចកំណត់បានទេនូវថ្ងែ ខែពិតប្រាកដដែលពួកគេ (BTS) នឹងចេញបទចម្រៀងថ្មីនេះ៕

តារាសម្តែងដ៏ស្រស់ស្អាត់ថៃ កញ្ញា បេឡា ក្នុងរឿង បុព្វេសន្និវេស ចូលក្រាបថ្វាយបង្គំគាល់ ព្រះវររាជមាតាជាតិខ្មែរ

នៅព្រឹកថ្ងៃពុធទី ៧រោច ខែ អាសាឍ ឆ្នាំ ច ត្រូវនឹងថ្ងៃទី ១១ ខែ កក្តដា ឆ្នាំ ២០១៨ កញ្ញា បេឡា គឺតារាសម្តែងតួឯកក្នុងសាច់រឿង បុព្វេសន្និវាស ហើយគឺជាតួដ៏ស្រស់ស្អាត់ប្រចាំប្រទេសថៃ ដែលបានមកដល់កម្ពុជា។ ក្នុងដែរសម្តេចព្រះមហាក្សត្រី ព្រះវររាជមាតាជាតិខ្មែរ បានសព្វព្រះរាជហឫទ័យប្រោសព្រះរាជទាន ឯកឧត្ដមឯកអគ្គរាជទូតថៃ ប្រចាំព្រះរាជាណាចក្រកម្ពុជា ដឹកនាំក្រុមការងារប៉ុស្ដិ៍ទូរទស្សន៍PNN និងតារាសម្តែង កញ្ញាបេឡា ចូលក្រាបថ្វាយបង្គំគាល់ សម្តែងការគួរសម ថ្វាយព្រះពរ នាព្រះរាជដំណាក់គន្ធបុប្ផា ព្រះបរមរាជវាំង៕

ដោយ ប្រភពFB

ខ្យល់កន្ទ្រាក់មួយកើតឡើងបណ្តាលឲ្យ រលំផ្ទះឈើមួយខ្នង ធ្វើឲ្យម្ចាស់ផ្ទះរងរបួស៣នាក់…(ចុចអានបន្ត)

ស្រុកព្រៃនប់ ៖ នៅវេលាម៉ោង 0៨ព្រឹកថ្ងៃ១១កក្កដា២០១៨នេះ នៅភូមិ បឹងរាំង ឃុំសាមគ្គី ស្រុកព្រៃនប់ ខេត្តព្រះសីហនុ មានគ្រោះថ្នាក់ ខ្យល់កន្ទ្រាក់មួយកើតឡើង បណ្តាលឲ្យ រលំផ្ទះឈើមួយខ្នង ទំហំ 4គុណ5ម៉ែត្រ ដំបូលប្រក់ស័ង្កសី ជញ្ជាំងស័ង្កសី បណ្តាលឲ្យម្ចាស់ផ្ទះរងរបួស៣នាក់៖
១.ឈ្មោះ កែវ ភេទស្រី អាយុ 25ឆ្នាំ របួសធ្ងន់ ២.ឈ្មោះ ទី ដូច ភេទប្រុស អាយុ 29ឆ្នាំ របួសមធ្យម ៣.ឈ្មោះ ដូច សម ភេទប្រុស អាយុ 5 ឆ្នាំ របួសស្រាល។ អ្នករងគ្រោះបានបញ្ជូនទៅសង្គ្រោះនៅមន្ទីពេទ្យខេត្តកំពត។ករណីនេះ លោកនេនចំរើន នាយខ័ណ្ឌរដ្ឋបាលជលផលកំពង់សោមរួមជាមួយអាជ្ញាធរបានចុះទៅជួយជនរងគ្រោះភ្លាមៗដែរ ក្នុងនោះបានជួយឧបត្ថមថវិការ20ម៉ឺនរៀលជាបណ្តោះអាសន្ន និងត្រៀមជួយជុសជុលផ្ទះនេះឡើងវិញផងដែរ៕

មុខសញ្ញាដែលជាជនសង្ស័យមួយក្រុមកំពុងតែបានដាក់ប្រកាសពេញបណ្ដាញសង្គមហ្វេសប៊ុកដើម្បីឲ្យអ្នកលេងបណ្ដាញសង្គមមួយចំនួនមានការប្រុងប្រយ័ត្ន

ភ្នំពេញ៖ យុវជន យុវតី ស្ថិតនិងរូបឆោមសម្ផស្ស មើលទៅស្អាត់ស្រស់និងមានរូបសង្ហា សាច់ឈាមក៏ស្រស់ថ្លាទំនងជាកូនអ្នកមានទ្រព្យធុនធូរធាផង ចំនួនជិត១០នាក់ ត្រូវបានអ្នកប្រើប្រាស់បណ្តាញ យករូបថតបង្ហាញពីមុខមាត់យ៉ាងច្បាស់ក្រឡែក ជាមួយសារទទួចឲ្យគ្រប់មជ្ឈដ្ឋានសង្គម ចំណាំមុខ និងប្រុងប្រយ័ត្ន និងអះអាងថា ពួកគេហ្វូងមុខសញ្ញា ចោរឆក់ យ៉ាងសកម្ម នៅក្នុងទីក្រុងភ្នំពេញបានប្រទះឃើញនៅម្ដុំសំណង់១២នឹងផ្លូវកោសដូងនឹងគ្រុបទីកន្លែងទាំងអស់។

មុខសញ្ញាដែលជាជនសង្ស័យមួយក្រុមកំពុងតែបានដាក់ប្រកាសពេញបណ្ដាញសង្គមហ្វេសប៊ុកដើម្បីឲ្យអ្នកលេងបណ្ដាញសង្គមមួយចំនួនមានការប្រុងប្រយ័ត្ន។ខណៈដំណឹងនេះបានដាក់នៅលើបណ្ដាញង្គមហ្វេសប៊ុកឈ្មោះ Cambodia Hot News ប្រកាសឲ្យដឹងថា«សូមបងប្អូនប្រជាពលរដ្ឋទាំងអស់ប្រុងប្រយ័ត្នចំពោះក្រុមជនសង្ស័យទាំងនេះដែលទាំងតែងធ្វើសកម្មភាពឆក់ប្លន់នៅម្តុំសំណង់១២នឹងផ្លូវកោសដូងនឹងគ្រុបទីកន្លែងទាំងអស់»។យ៉ាងណាមិញសូមបងប្អូនប្រជាពលរដ្ឋទាំងអស់ប្រុងប្រយ័ត្នអោយបានច្រើនព្រោះបច្ចុប្បន្ននេះពិតជាមានក្រុបឆក់ប្លន់ច្រើននៅតាមបណ្ដោយដងផ្លូវ។

ចាយប្រាក់ដុល្លារ សែនឆេងម៉េង ត្រូវប៉ូលីសចាប់ដាក់ខ្នោះ..(ចុចអានបន្ត)

កំពង់ស្ពឺ៖ សមត្ថកិច្ចស្រុកសំរោងទង ឃាត់ខ្លួនជនសង្ស័យម្នាក់ ដែលប្រើប្រាស់ក្រដាសប្រាក់ ដុល្លារក្លែងក្លាយ ចាយវាយក្នុង ផ្ទះសំណាក់យីហោ ធីធី កុម្ភះ ត្រូវបានម្ចាស់ផ្ទះសំណាក់ ផ្តល់ ព័តិមានឲ្យសមត្ថកិច្ច ចុះធ្វើអន្តរាគមន៍នឹងបានឃាត់ខ្លួនយកមកសាកសួរ ថ្ងៃទី១០ ខែកក្កដា ឆ្នាំ២០១៨ វេលាម៉ោង១៩ និង ៣៥នាទី នៅភូមិឡត៍ធ្យូង ឃុំសំបូរ ស្រុកសំរោងទង ខេត្តកំពង់ស្ពឺ ។

មន្ត្រីនគរបាលបានឲ្យដឹងថា ជនសង្ស័យ ឈ្មោះ ឌឹម សារ៉ុម ភេទប្រុសអាយុ ៤១ឆ្នាំ បច្ចុប្បន្នស្នាក់នៅផ្ទះជួល ភូមិព្រៃព្រីង ខាងត្បូង សង្កាត់ ចោមចៅ ខ័ណ្ឌពោធិសែនជ័យ រាជធានីភ្នំពេញ បានប្រើប្រាស់ក្រដាស់ប្រាក់ដុល្លារក្លែងក្លាយ ក្រដាស ៥០$ ( ហាសិបដុល្លា ) មកអោយថ្លៃបន្ទប់ជួល តែត្រូវបាន ឈ្មោះ ស្រេង រតនា ភេទប្រុស អាយុ ៥៦ឆ្នាំ រស់នៅភូមិ ឡត៍ធ្យូង ឃុំសំបូរ ស្រុកសំរោងទង ខេត្តកំពង់ស្ពឺ ជាម្ចាស់ផ្ទះសំណាក់ យីហោ ធី ធី កុម្ភ: បានទៅប្តឹង កម្លាំងនគរបាលស្រុកសំរោងទង ឲ្យឃាត់ខ្លួន និងបន្តធ្វើការឆែកឆេរបន្តរកឃើញ លុយដុល្លារក្លែងក្លាយមួយចំនួនទៀតនៅជាប់នឹងខ្លួនសរុបចំនួន ៣៣០$ (បីរយ សាមសិប ដុល្លា) ក្នុងនោះក្រដាស ៥០$ ចំនួន ៥សន្លឹក ក្រដាស ១០$ ចំនួន ៨សន្លឹក ។ ករណីខាងលើជនសង្ស័យ ត្រូវបានសួរនំាសាកសួរ និងកសាងសំណុំរឿងចាត់ការ តាមនីតិវិធីច្បាប់ ៕

លោកចាងហ្វាងកាសែតម្នាក់ត្រូវបានឃាត់ខ្លួន បន្ទាប់ពីបានបាញ់គំរាមមន្ត្រីយោធាម្នាក់…(ចុចអានបន្ត)

ខេត្តសៀមរាប៖ចាងហ្វាងកាសែត(ដំណឹងកម្ពុជា )ម្នាក់ត្រូវសមត្ថកិច្ចបានឃាត់ខ្លួនដោយមានការអនុញ្ញាតពីលោក កើត វណ្ណរ៉េត ព្រះរាជអាជ្ញាអមសាលាដំបូងខេត្តសៀមរាប ហេតុការណ៍បាញ់គំរាមនេះបានកើតឡើងកាលពីថ្ងៃទី១០ ខែកក្កដា ឆ្នាំ២០១៨ ស្ថិតនៅស្រុកស្វាយលើ ខេត្តសៀមរាប។

សមត្ថកិច្ចនគរបាលស្រុកស្វាយលើ បានឲ្យដឹងថា ជនរងគ្រោះដែលរងនៅការបាញ់គំរាមពីសំនាក់ចាងហ្វាងកាសែតដំណឹងកម្ពុជា មានឈ្មោះ ម៉ី ស៊ូ ភេទប្រុស អាយុ៤០ឆ្នាំ មុខរបរយោធា មានទីលំនៅភូមិ ដំណាក់ ឃុំកំពង់ប្រណាក ស្រុកព្រៈវិហារ ខេត្តព្រៈវិហារ។
រីឯជនសង្ស័យមានឈ្មោះ ឆោម ស៊ីថា ភេទប្រុស អាយុ៥៥ឆ្នាំ មុខរបរចាងហ្វាងកាសែតដំណឹងកម្ពុជា មានទីលំនៅភូមិបាយាប សង្កាត់ភ្នំពេញថ្មី ខណ្ឌ័សែនសុខ រាជធានីភ្នំពេញ ស្នាក់នៅសាខាស្នាក់ការកាសែត នៅភូម ទឹកលិច ឃុំបឹងមាលា ស្រុកស្វាយលើ ខេត្តសៀមរាប។

នៅមុនពេលកើតហេតុ វេលាម៉ោង១១ថ្ងៃត្រង់ ថ្ងៃទី១០ ខែកក្កដា ឆ្នាំ២០១៨នេះ ជនរងគ្រោះបានបើករថយន្តតាក់ស៊ីដឹកឥវ៉ាន់ពីខេត្តព្រៈវិហារមកខេត្តសៀមរាប លុះដល់វេលាម៉ោង១៥រសៀលបានដាក់ឥវ៉ាន់រួចត្រង់ចំនុចផ្លូវ៦០ម៉ែត្រ រួចបន្តទៅហូបបាយ។
ទន្ទឹមនិងនោះ ក៏ត្រឡប់មកខេត្តព្រះវិហារវិញ ដោយមានម៉ូយជិៈជាមួយគ្នាពីនាក់ ហើយបើកចេញពីខេត្តសៀមរាបឆ្ពោៈទៅខេត្តព្រះវិហារវិញ។
ស្រាប់តែបើកដល់ចំណុចខាងជើង ផ្សារស្វាយលើថ្មី ស្រុកស្វាយលើ ស្រាប់តែជនសង្ស័យ បានបើករថយន្ត ម៉ាកកាម៉ារី សេរីឆ្នាំ២០១៧ (ហាយព្រីត) ពណ៌ស ពាក់ស្លាកលេខ ភ្នំពេញ2AM1240 តាមពីក្រោយជនរងគ្រោះ។

ហើយជនសង្ស័យ បានឡើងវ៉ារថយន្ត ជនរងគ្រោះ រួចជនសង្ស័យបានបើកកញ្ចក់ឡានយកកាំភ្លើងខ្លីមកភ្ជង់ ជនរងគ្រោះរួចស្រែកជេរជនរងគ្រោះថា អាហែងឈ្លើយឆាប់ឈប់ឡានភ្លាម,,!
ខណៈនោះជនរងគ្រោះមិនមានរឿងហើយភយ័ ក៏បន្ថែមល្បឿនយ៉ាងលឿន ។
ជនសង្ស័យក៏បន្ថែមល្បឿនដូចគ្នា បន្ទាប់មកក៏បានយកកាំភ្លើងបាញ់គំរាមទៅលើជនរងគ្រោះចំនួនមួយគ្រាប់,,,។
ជនរងគ្រោះបានបើករថយន្តបន្តមិនហ៊ានឈប់ទេ ហើយជនសង្ស័យក៍នៅតែបើកតាមបន្តទៀត លុះបើកដល់ចំនុចការដ្ឋានកិនថ្ម ក្បែរអង់តែនទូរសព្ឌ័ភ្នំក្បាលប្រើស ភូមិអង្កាញ់ ឃុំស្វាយលើ។ ជនសង្ស័យបានវ៉ាទៅមុនហើយឈប់រថយន្តពីមុខរថយន្តជនរងគ្រោះ រួចបើកទ្វាររថយន្តចុះ មកហើយមានកាន់កាំភ្លើងខ្លី។
ទើបជនរងគ្រោះស្គាល់ឈ្មោះ ឆោម ស៊ីថា ជាអ្នកាសែតធ្លាប់ទាប្រាក់ដឹកឈើតាមផ្លូវ ឃើញដូចនេះជនរងគ្រោះបានបើកឡានអែបចំរាក់ផ្លូវ រួចបន្ថែមល្បឿនទៅមុខទៀត ស្របពេលនោះជនសង្ស័យបានស្រែកថាអាហែងឈប់ភ្លាម ជនរងគ្រោះមិនឈប់ ទើបជនសង្សយ័បានបាញ់គំរាមមួយគ្រាប់ទៀត ។
ជនរងគ្រោះបានទៅប្តឹងសមត្ថកិច្ចនិងព្រះរាជអាជ្ញាខេត្តព្រះវិហារ និងបានដាក់បណ្តឹងនៅអធិការ ទើបកំលាំងនគរបាលបាន ឃាត់ខ្លួនជនសង្សយ័ខាងលើដើម្បីសាកបន្តនីតិវិធី៕

Ronaldo បង្ហើបឲ្យដឹងពីមូលហេតុដែលគាត់សម្រេចចាកចេញពី Real Madrid ទៅចុះចូល Juventus

ខ្សែប្រយុទ្ធ Cristiano Ronaldo បានសរសេរសារមួយច្បាស់ទៅកាន់អ្នកគាំទ្ររបស់ក្រុមយក្សអេស្ប៉ាញ Real Madrid ដើម្បីពន្យល់ឲ្យដឹងពីមូលហេតុនៃការសម្រេចចិត្តរបស់គាត់ទៅចុះចូលជាមួយក្រុម Juventus ។ តារាបាល់ទាត់ឆ្នើមនៃក្រុមជម្រើសជាតិព័រទុយហ្គាល់រូបនេះបានធ្វើឲ្យកក្រើកពិភពបាល់ទាត់តាមរយៈការចាកចេញពីកីឡដ្ឋាន Bernabeu ទៅចុះកុងត្រា ៤ ឆ្នាំជាមួយក្លិបយក្សរបស់អ៊ីតាលីក្នុងតម្លៃខ្លួនផ្ទេរ ១០៥ លានអឺរ៉ូ ខណៈដែលកីឡាករវ័យ ៣៣ ឆ្នាំរូបនេះត្រូវបានគេរំពឹងថានឹងរកចំណូលបានខ្ទង់ ៥០ ម៉ឺនផោនក្នុងសប្ដាហ៍ជាមួយក្លិបថ្មីរបស់គាត់។

ហើយនេះគឺជាសាររៀបរាប់របស់អតីតកីឡាករនៃក្រុមបិសាចក្រហម Manchester United រូបនេះដែលត្រូវបានបង្ហោះនៅលើគេហទំព័រផ្លូវការរបស់ Real Madrid នៅថ្ងៃដែលក្រុមម្ចាស់ជើងឯកពាន Champions League និងម្ចាស់ជើងឯកលីកកំពូលអេស្ប៉ាញមួយនេះប្រកាសចែកផ្លូវគ្នាជាមួយ Ronaldo ដែលបានរួមរស់ជាមួយក្លិបពួកគេ ៩ ឆ្នាំ ៖ “នាប៉ុន្មានឆ្នាំកន្លងមកនេះនៅ Real Madrid ក៏ដូចជានៅក្នុងទីក្រុងម៉ាទ្រីតប្រហែលវាជាពេលវេលាដ៏មានសុភមង្គលបំផុតក្នុងជីវិតរបស់ខ្ញុំ។ ខ្ញុំមានតែការដឹងគុណយ៉ាងធំធាងចំពោះក្លិប និងទីក្រុងមួយនេះ និងអរគុណអ្នកទាំងអស់គ្នាសម្រាប់ការស្រលាញ់។ ខ្ញុំជឿថាពេលវេលាក្នុងបើកទំព័រជីវិតថ្មីរបស់ខ្ញុំគឺវាត្រូវតែមកដល់ ហើយនោះឯងគឺមូលហេតុដែលខ្ញុំបានសុំការអនុញ្ញាតចាកចេញពីក្លិប។ ខ្ញុំមានអារម្មណ៍បែបនោះ និងចង់សុំឲ្យអ្នករាល់គ្នា ជាពិសេសអ្នកគាំទ្រខ្ញុំសូមយល់ពីមូលហេតុមួយនេះ។”

ប្រែសម្រួល ៖ ភក្ដី