(សៀមរាប)៖ ហេតុការណ៍នេះបានបង្កឲ្យមានការភ្ញាក់ផ្អើលនៅថ្ងៃទី១៦ ខែ១០ ឆ្នាំ២០១៨ នៅវេលាម៉ោង ០៧ នឹង ២៧នាទីព្រឹក នៅត្រូងចំណុច សាលាឆកទានថ្ម ពាក់កណ្តាលភ្នំតាមផ្លូវឡើងលើខ្នងភ្នំក្រោម។

តាមការបញ្ចាក់របស់លោក វរសេនីយ៍ឯក សេង វាសនា ប្រធានការិយាល័យនគរបាលការពារបេតិកភណ្ឌ បានអោយដឹងថា ៖ ជនរងគ្រោះមានឈ្មោះ សុខ ខៀន ភេទស្រី អាយុ៤៨ឆ្នាំ រស់នៅ ភូមិពោធិ៍ក្រោម សង្កាត់​សៀមរាប ក្រុងសៀមរាប ខេត្តសៀមរាប បានរត់ហាត់ប្រាណជាប្រចាំនៅលើខ្នងភ្នំក្រោម រីឯជនសង្ស័យមានឈ្មោះ​ នុត សំ ហៅ ឃ្លោក អាយុ១៥ឆ្នាំ ទីលំនៅបច្ចុប្បន្ន ភូមិទី០៣ សង្កាត់ ចុងឃ្នៀស ក្រុងសៀមរាប មានម្ដាយឈ្មោះ ឡម លៀង និងឪពុក ឈ្មោះ នុត សុំ ទីលំនៅបច្ចុប្បន្ន ភូមិទី០៣ សង្កាត់ ចុងឃ្នៀស ក្រុងសៀមរាប ខេត្តសៀមរាប ។

នៅពេលជនរងគ្រោះរត់ហាត់ប្រានមកដល់ចំនុចខាងលើ ជនសង្ស័យបានធ្វើសកម្មភាពយកកាំបិតប៉ាងតោ មកគំរាម សំឡុតយកប្រាក់ និងខ្សែរដៃ ហើយមានការប្រតាយប្រតប់គ្នា បណ្តាលអោយជនរងគ្រោះរបួសដៃទាំងពីរ (ស្រាល) ជនរងគ្រោះបានរត់ចុះមកក្រោមដើម្បី ប្តឹងសមត្តិកិច្ចដែលនៅប្រចាំការនៅគោលដៅនោះ ។

ក្រោយពីទទួលបានពាក្យបណ្តឹងពីជនរងគ្រោះ កំលាំងនគរបាលការពារបេតិកភណ្ឌដែលប្រចាំការនៅតំបន់នោះ បានសហការជាមួយ ប្រជាការពារ និងប៉ុស្តិ៍នគរបាលរដ្ឋបាល ក៏បានឡើងល្បាតតាម ទៅលើភ្នំ តែមិនឃើញ….! ប៉ុន្តែដោយជនរងគ្រោះ ធ្លាប់អោយប្រាក់ និងបានស្គាល់ជនសង្ស័យច្បាស់ ទើបបានឈានទៅការចាប់ជនសង្ស័យបាននៅផ្ទះរបស់ខ្លួនផ្ទាល់ ។ ហើយជនសង្ស័យបានយកកាំបិតទៅលាក់ទុកនៅ ចំណុចខាងលិចជ្រុងខាងជើងខឿនប្រាសាទ លើខ្នងភ្នំក្រោម ។

ក្រោយពេលកើតហេតុ កំលាំងជំនាញបានចុះទៅដល់កន្លែងកើតហេតុ ក៏បានបញ្ជូនជនសង្ស័យ និងវត្ថុតាងពាក់ព័ន្ធ
ទៅប៉ុស្តិ៍នគរបាលរដ្ឋបាលសង្កាត់សៀមរាប យកទៅសាកសួរ និងកសាងសំណុំរឿងតាមនិតិវិធី ៕

(កំពង់ធំ)៖ នៅថ្ងៃទី១៥ ខែតុលា ឆ្នាំ២០១៨ វេលាម៉ោង ១០និង២៥ នាទី​ សមត្ថកិច្ចយើងបានទទួលព័ត៌មានពីប្រជាពលរដ្ឋដែលទៅនេសាទត្រីនៅចំណុចត្រពាំងញត ស្ថិតក្នុងភូមិប្រគាប ឃំុម្សាក្រង ស្រុកស្ទោង ខេត្តកំពង់ធំ បានឃើញសពអណ្តែតទឹក។

ក្រោយទទួលបានព័ត៌មាន​ភ្លាមកម្លាំងជំនាញស្រុក រួមនិងកម្លាំងប៉ុស្តិ៍ សហការជាមួយមេឃំុ កម្លាំងប្រជាការពារ ចុះទៅពិនិត្យសព ÷
– សពជាមនុស្សស្រី អាយុ​ ប្រហែល ៤៨ ឆ្នាំ មិនស្គាល់អត្តសញ្ញាណ មានកំពង់ ១៥៥ ស.ម​ សបុរខ្មៅស្រអែម សក់រួញក្រឡឹឹងករ ស្លាប់ក្នុងស្ថានភាពអណែ្ដតផ្ងារពោះ ដៃទាំងពីរកន្ធែក ម្រាមដៃក្ដាប់ ជើងទាំងពីរកន្លែក ពោះហើមប៉ោងធំ មានឈាមលាយទឹកហូរចេញតាមមាត់ និង ច្រមុះ សពពាក់អាវសាច់ក្រណាត់ដៃវែង មានផ្កាក្រហម និង ផ្កាលឿង ស្លៀកខោសាច់ក្រណាត់ជើងវែង ចង្កេះកៅស៊ូ ពណ៌ក្រម៉ៅមានផ្កាពណ៌ស​ ល្អិតៗ ។ ការពិនិត្យលើដងខ្លួន ស្បែកពោះរបកដោយសារត្រូវកំដៅថ្ងៃ ក្រៅពីនោះពំុមានស្លាកស្នាមអ្វីឡើយ។

តាមការបញ្ជាក់របស់លោកនាយប៉ុស្ដិ៍ម្សាក្រង និង ប្រជាពលរដ្ឋ សពជនរងគ្រោះជាមនុស្សវិកលចរិកធ្លាប់មកដេកនៅក្នុងវត្តស្ពឺត្បូង ហើយនៅថ្ងៃទី ១៣ ខែតុលា ឆ្នាំ២០១៨ ប្រជាពលរដ្ឋបានឃើញ ស្រ្ដីដែលមានភិនភាគដូចសាកសពដើរលុយទឹកនៅចំណុចអូរចកស្ថិតក្នុងភូមិប្រគាបមានចម្ងាយជាងមួយគីឡូម៉ែត្រ ពីកន្លែងប្រទះឃើញសពអណ្តែតទឹក ។

តាមការសន្និដ្ឋានរបស់សមត្ថកិច្ចជំនាញ : សាកសពជនរងគ្រោះស្លាប់ដោយសារលង់ទឹកប្រាកដមែន ៕ប្រភពFB

 

បាត់ដំបង៖ យោងតាម​ផេ​ក​ស្នងការដ្ឋាន​នគរបាល​ខេត្តបាត់ដំបង បាន​ឲ្យ​ដឹងថា កាលពី​ល្ងាច​ថ្ងៃទី១០ ខែតុលា ឆ្នាំ២០១៨ គណនី​ហ្វេ​ស​ប៊ុ​កមួយ​ឈ្មោះ (តាម​ប្រហារ​ពួក​អា​នៅ​បួន​ជួរ​និង​អា​ចិន្តា​លុះ​ក្ស័យ) បាន​បង្ហោះ​ខ្លឹមសារ​ដោយ​ភ្ជាប់​រូបភាព​ចោទប្រកាន់​ចំពោះ​ថ្នាក់ដឹកនាំ​ស្នងការ​នៃ​ស្នងការដ្ឋាន​នគរបាល​ខេត្តបាត់ដំបង គឺ​ឧ​ត្ត​ម​សេនីយ៍​ទោ អ៊ុច សុខុន ដែល​ខ្លឹមសារ​ទាំងនេះ​គឺជា​រឿង (មិន​ពិត) ។

ហើយ​បាន​បង្ក​ឲ្យ​មានការ​ប៉ះពាល់​យ៉ាងធ្ងន់ធ្ងរ ដល់​កិត្តិយស និង​សេចក្តីថ្លៃថ្នូរ​របស់​ថ្នាក់​ផ្តើមចេញពី​បញ្ហា​នេះ​ឧ​ត្ត​ម​សេនីយ៍​ទោ អ៊ុច សុខុន បាន​ចាត់វិធានការ​បញ្ជា​ដល់​ឧ​ត្ត​ម​សេនីយ៍​ត្រី ជេ​ត វណ្ណ​នី ស្នងការរង​ទទួល​ផែន​ព្រហ្មទណ្ឌ ក្រុមការងារ​ប្រតិកម្ម​រហ័ស​នៃ​ស្នងការដ្ឋាន ក្រុមការងារ​បណ្តាញ​សង្គម ចូលរួម​ជាមួយ​កម្លាំង​ការិយាល័យ​នគរបាល​ព្រហ្មទណ្ឌ​កម្រិត​ស្រាល-កម្រិតធ្ងន់

កម្លាំង​បង្ការ​បង្ក្រាប​នៃ​ស្នងការដ្ឋាន កម្លាំង​ន​របាល​នៃ​អធិការដ្ឋាន​នគរបាល​ស្រុក​បាណន់ ស្រុក​សង្កែ និង​ស្រុក​មោង​ឬ​ស្សី​ដឹកនាំ ស្រាវជ្រាវ​ដោយ​ប្រើប្រាស់​គ្រប់​វិធានការ​ជំនាញ និង​ដោយបាន​ការសម្របសម្រួល​លើ​នីតិវិធី​ពី​លោក​នួន សាន ព្រះរាជអាជ្ញា​អម​សាលាដំបូង​ខេត្តបាត់ដំបង​ផង​នោះ​រហូតដល់​ថ្ងៃទី ១៤ ខែ តុលា ឆ្នាំ២០១៨បានធ្វើការ​ឃាត់ខ្លួន​ជនសង្ស័យ​ម្នាក់​ឈ្មោះ សុខ ធារ: ហៅ​ណុល កញ្ញា​ឬ បញ្ញា​ភេទ​ប្រុស អាយុ ២៥ឆ្នាំ មាន​ទីលំនៅ​ភូមិ​ឫស្សី២ ឃុំ​មោង ស្រុក​មោងឫស្សី ខេត្តបាត់ដំបង។

តាមរយ:ភស្តុតាង​ដែល​សមត្ថកិច្ច​ប្រមូលបាន​ជនសង្ស័យ​ខាងលើ​បាន​ឆ្លើយ​សារភាពថា ខ្លួន​ពិតជា​បាន​បង្កើត​គណនី​ហ្វេ​ស​ប៊ុ​កមួយ​ឈ្មោះ(តាម​ប្រហារ​ពួក​អា​នៅ​បួន​ជួរ​និង​អា​ចិន្តា​លុះ​ក្ស័យ)ហើយ​យក​រូបអ្នក​ផ្សេង​ដែល​ខ្លួន​មាន(គំនំ​ជាមួយ)មក​ដាក់​ក្នុង​គណនី​ហ្វេ​ស​ប៊ុ​ក​ធ្វើជា​ម្ច​ស់​គណនី ហើយ​បង្ហោះ​ខ្លឹមសារ​និង​រូបភាព​បរិហារកេរ្តិ៍​ចំពោះ​ឧ​ត្ត​សេនីយ៍​ទោ អ៊ុច សុខុន ដើម្បី​ទម្លាក់កំហុស​ទៅ​ម្ចាស់​គណនី​ហ្វេ​ស​ប៊ុ​ក​នោះ​តែប៉ុណ្ណោះ ប៉ុន្តែ​ទីបំផុត​សកម្មភាព​ប្រឌិត​រឿង​ដើម្បី​ទម្លាក់កំហុស​ទៅ​អ្នក​ដ៏​ទៃ​នេះ​ត្រូវបាន​សមត្ថកិច្ច​នគរ​បាល​បំបែកសំណុំរឿង​វែកមុខ​ឃើញ​ហើយ។

ជនសង្ស័យ​រូបនេះ​និង​ភស្តុតាង​នានា​ត្រូវបាន​កសាង​សំណុំរឿង​បញ្ជូនទៅ​សាលាដំបូង​ខេត្តបាត់ដំបង​ចាត់ការ​តាមផ្លូវ​ច្បាប់៕

ប្រភព៖ កូន ខ្លាតូច

ភ្នំពេញ៖ នៅម៉ោង១៤:០០នាទី រសៀលថ្ងៃទី១៦ ខែតុលា ឆ្នាំ២០១៨ សមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ បានបញ្ជូនជនសង្ស័យប្រុសស្រី ០៨នាក់ ទៅតុលាការ ដើម្បីផ្តន្ទាទោស ពាក់ព័ន្ធករណីគ្រឿងញៀន រួម និងក្រាមពណ៍សថ្លា ០៤កញ្ចប់(ប្រភេទម៉ាទឹកកក)។ ពួកគេទាំង ០៨នាក់នេះ ត្រូវបានកម្លាំងល្បាតមូលដ្ឋានអាវុធហត្ថខណ្ឌពោធិ៍សែនជ័យ និងខណ្ឌជ្រោយចង្វារ ឃាត់ខ្លួនបានកាលពីថ្ងៃទី១៣ ខែតុលា ឆ្នាំ២០១៨ ក្នុងភូមិសាស្រ្តខណ្ឌរៀងៗ នៃរាជធានីភ្នំពេញ។

ប្រុសស្រីទាំង ០៨នាក់នេះ រួមមាន៖ ១.ឈ្មោះ សុខ ស៊ាង ភេទប្រុស អាយុ ២៥ឆ្នាំ ២.ឈ្មោះ អ៊ី ជីឃាង ភេទប្រុស អាយុ ១៩ឆ្នាំ ៣.ឈ្មោះ មាន ផាន់ណេត ភេទប្រុស អាយុ ២៨ឆ្នាំ ៤.ឈ្មោះ ពូន ស្រីឡែន ភេទស្រី អាយុ ២៧ឆ្នាំ ៥.ឈ្មោះ វ៉ាន់ ផល្លី ភេទប្រុស អាយុ ២៨ឆ្នាំ ៦.ឈ្មោះ ឡៃ ចាន់ដារ៉ា ភេទប្រុស អាយុ ២៧ឆ្នាំ ៧.ឈ្មោះ ហែល ស្រីតី ភេទស្រី អាយុ ២៧ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌពោធិ៍សែនជ័យ ឃាត់ខ្លួនបានកាលពីវេលាម៉ោង១១:៣០នាទី ចំណុច បន្ទប់ជួលលេខ២B ជាន់ទី១ ភូមិត្រពាំងល្វា សង្កាត់កាកាប១ ខណ្ឌពោធ៏សែនជ័យ រាជធានីភ្នំពេញ។

៨.ឈ្មោះ ជួប ចេក ភេទប្រុស អាយុ ៣៦ឆ្នាំ ត្រូវបានកម្លាំងល្បាតមូលដ្ឋានអាវុធហត្ថខណ្ឌជ្រោយចង្វារ ឃាត់ខ្លួនបាន កាលពីវេលាម៉ោង២១:២០នាទី ចំណុច ស្ពានលីយ៉ុងផាត់ ភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។

ក្រោមការសាកសួរ របស់សមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ ពួកគេទាំង ០៨នាក់ ខាងលើ បានសារភាពថាពិតជាជាប់ពាក់ព័ន្ធករណីគ្រឿងញៀន ប្រាកដមែន ទើបសមត្ថកិច្ចអាវុធហត្ថបាន កសាងសុំណុំរឿង និងប្រមូលវត្ថុតាង បញ្ជូនពួកគេ ទៅតុលាការ ដើម្បីចាត់ការតាមច្បាប់។

ប្រភព៖ Phnom Penh Gendarmerie

ខេត្តកណ្តាល ​៖ ហេតុការណ៍គ្រោះថ្នាកើចរាចរណ៍ដ៍រន្ឋត់នេះបានកើតឡើងនៅវេលាម៉ោង ១០ៈ៣០នាទីព្រឹក ថ្ងៃទី១៦ ខែតុលា ឆ្នាំ២០១៨នេះ​ស្ថិតនៅតាមបណ្តោយផ្លូវជាតិលេខ១ ស្ថិតក្នុងភូមិសំរោងធំ ឃុំសំរោងធំ ស្រុកកៀនស្វាយ ខេត្តកណ្តាល ​។

ប្រភពពីកន្លែងកើតហេតុ បានឲ្យដឹងថា ​រថយន្តតាក់ស៊ីម៉ាកសុំាយ៉ុង ពាក់ស្លាកលេខភ្នំពេញ2M-7680 ធ្វើដំណើរពីទិសដៅកើតទៅលិច ចំណែករថយន្តម៉ាកគៀ ពាក់ស្លាក​លេខភ្នំពេញ 2AU-7202 ជាប្រភេទរថយន្តដឹកទំនិញ បើកបរ​ពីលិចទៅកើត ក្នុងទិសដៅពីភ្នំពេញ អ្នកលឿង បានបុកគ្នាពេញទំហឹងជាមួយរថយន្តសុំាយ៉ុង ​បណ្តាលឲ្យរថយន្តម៉ាកគៀ ក្រឡាប់គៀបជាប់អ្នកបើកក្នុងរថយន្ត ចំណែករថយន្តសុំាយ៉ុងវិញ​​​​អ្នកបើកបរគៀបជាប់ក្នុងរថយន្តដូចគ្នា រីឯអ្នកដំណើររងរបួសធ្ងន់ស្រាល។

តាមការបញ្ជាក់របស់សមត្ថកិច្ច បានឲ្យដឹងថា មូលហេតុរថយន្តសុំាយ៉ុង បើកជែកចូលផ្លូវអាទិភាព ទើបបណ្តាលឲ្យបុកគ្នា តែម្តង។ ក្រោយកើតហេតុ ជនរងគ្រោះ ត្រូវរថយន្តសាមុយដឹកទៅសង្គ្រោះនៅមន្ទីរពេទ្យទាំងអស់៕

ប្រភព៖ FB

ខេត្តកំពង់ធំ៖ ប្រទះឃើញសាកសពស្ត្រីមិនស្គាល់អត្តសញ្ញាណម្នាក់អណ្តែតទឹកត្រពាំងស្រុកស្ទោង ហេតុការណ៍នេះ មានការភ្ញាក់ផ្អើល កាលពីវេលាម៉ោង១០និង៣០នាទីព្រឹក ថ្ងៃទី១៥ ខែតុលា ឆ្នាំ ២០១៨ នៅចំណុចត្រពាំងញត ស្ថិតក្នុងភូមិប្រគាប ឃុំម្សាក្រង ស្រុកស្ទោង ខេត្តកំពង់ធំ ។

សមត្ថកិច្ចជំនាញរួមនឹងកម្លាំងប៉ុស្តិ៍ សហការជាមួយមេឃុំ កម្លាំងប្រជាការពារ ចុះទៅពិនិត្យសព៖
សពជាមនុស្សស្រី អាយុ​ ប្រហែល ៤៨ ឆ្នាំ មិនស្គាល់អត្តសញ្ញាណ មានកម្ពស់ ១.៥៥ម៉ែត្រ​ សម្បុរខ្មៅស្រអែម សក់រួញក្រឡឹងក ស្លាប់ក្នុងស្ថានភាពអណែ្ដតផ្ងារ ពោះ ដៃទាំងពីរកន្ធែក ម្រាមដៃក្ដាប់ ជើងទាំងពីរកន្ធែក ពោះហើមប៉ោងធំ មានឈាមលាយទឹកហូរចេញតាមមាត់ និង ច្រមុះ សព ពាក់អាវសាច់ក្រណាត់ដៃវែង មានផ្កាក្រហម និង ផ្កាលឿង ស្លៀកខោសាច់ ក្រណាត់ជើងវែង ចង្កេះកៅស៊ូ ពណ៌ក្រម៉ៅ មានផ្កាពណ៌ស​ ល្អិតៗ ។

ការពិនិត្យលើដងខ្លួន ស្បែកពោះរបកដោយសារត្រូវកំដៅថ្ងៃ ក្រៅពីនោះពុំមានស្លាកស្នាមអ្វីឡើយ។

តាមការបញ្ជាក់របស់លោកនាយប៉ុស្ដិ៍ម្សាក្រង និង ប្រជាពលរដ្ឋ សពជនរងគ្រោះជាមនុស្សវិកលចរឹក ធ្លាប់មកដេកនៅក្នុងវត្តស្ពឺត្បូង ហើយនៅថ្ងៃទី ១៣ ខែតុលា ឆ្នាំ២០១៨ ប្រជាពលរដ្ឋបានឃើញ ស្រ្ដីដែលមានភិនភាគដូចសាកសពដើរលុយទឹក នៅចំណុចអូរចក ស្ថិតក្នុងភូមិប្រគាប មានចម្ងាយជាងមួយគីឡូម៉ែត្រ ពីកន្លែងប្រទះឃើញសពអណ្តែតទឹក ។

សមត្ថកិច្ចជំនាញបានសន្និដ្ឋានថា ជនរងគ្រោះពិតស្លាប់ដោយសារលង់ទឹកប្រាកដមែន ៕

ប្រភព៖​FB

ភ្នំពេញ៖ ឈ្លោះគ្នាជាមួយប្រពន្ធ ធ្វើអត្តឃាត រត់ចូលរថយន្តធំ កិនស្លាប់ទាំងព្រឹកនៅស្រុកស្វាយអន្ទរ ហេតុការណ៍នេះកើតឡើង កាលពីវេលាម៉ោង ៦ៈ១០នាទីព្រឹកថ្ងៃទី១៦ ខែតុលា ឆ្នាំ២០១៨ ត្រង់ចំណុចមុខហាង ម៉ែក្មេក ហេងហេង ភូមិស្វាយអន្ទរទី១ ឃុំស្វាយអន្ទរ ស្រុកស្វាយអន្ទរ ។

ជនរងគ្រោះឈ្មោះ ឆាយ ផានិត ភេទ ប្រុស អាយុ៣០ឆ្នាំ រស់នៅភូមិកណ្តាច់ ឃុំចុងអំពិល ស្រុកកញ្ច្រៀច។

សមត្ថកិច្ច បានឲ្យដឹងថា មុនពេលកើតហេតុ មានបុរសម្នាក់ បានរត់កាត់ទទឹងផ្លូវ ពីលិច​ទៅកើត ក៏ត្រូវរថយន្ត ម៉ាកហ៊ីយ៉ាន់ដាយ ពណ៌ស ពាក់ស្លាក លេខកំពង់ធំ 3A-0988 បើក​បុកបណ្ដាលឲ្យស្លាប់ភ្លាមៗ ចំណែកអ្នកបើកបរ បានរត់គេចខ្លួនបាត់ ស្រមោល។

បើតាមប្រភពព័ត៌មានបានឲ្យដឹងថា ជនរងគ្រោះមានវិបត្តិខ្លាំងជាមួយប្រពន្ធ ទើបសម្រេចចិត្ត បែបបនេះ ។

​បច្ចុប្បន្នសាកសព ត្រូវបានប្រគល់ឲ្យក្រុមគ្រួសារ យកទៅធ្វើបុណ្យ តាមប្រពៃណី រីឯរថយន្ត បង្ក យកមករក្សារទុកនៅប៉ុស្តិ៍រដ្ឋបាលស្វាយអន្ទរ ៕

ប្រភព៖ FB

ភ្នំពេញ៖ ហេតុការណ៍​នេះ​បាន​បង្ក​ការភ្ញាក់ផ្អើល​កាលពី​វេលា​ម៉ោង៧នឹង ២០នាទី​យប់ ថ្ងៃទី១៥ ខែតុលា ឆ្នាំ២០១៨ ស្ថិតនៅ​ក្នុងភូមិ​ចុង​ខ្សាច់ សង្កាត់​ទួល​សង្កែរ ខណ្ឌឫស្សីកែវ រាជធានី​ភ្នំពេញ ។

ប្រភពព័ត៌មាន​ពី​ប្រពន្ធ​ជនរងគ្រោះ​បានអោយដឹងថា មុនពេល​កើតហេតុ ជនរងគ្រោះ​បាន​ដើរចូល​ក្នុង​បន្ទប់ទឹក​ប្រហែលមួយសន្ទុះ​ធំ​ ក្រោយមក​ស្រាប់​ឮ​សម្លេង​ដកចង្កាមាន់ ទើប​ប្រពន្ធ​ស្ទុះ​ទៅ​មើល​ស្រាប់តែ​ប្រទះឃើញ​ជនរងគ្រោះ​ហូរឈាម​តាម​មាត់ ដក​ចង្ការ​មាន់​ស្លាប់ភ្លាមៗនៅក្នុង​បន្ទប់ទឹក​ទើប​បង្ក​ការភ្ញាក់ផ្អើល ។

ប្រភព​ដ​ដែរ​បន្តទៀតថា រូបគាត់​នឹង​ប្ដី​របស់គាត់​ទើបតែ​ចាក​ចេញពី​ស្រុក មក​ស្នាក់នៅ​ផ្ទះជួល​កើតហេតុ​ខាងលើនេះ​បាន​រយៈពេល៣ថ្ងៃ​ប៉ុណ្ណោះ តែ​អ​កុស​ល្យ​បុរស​ជា​ប្ដី​ត្រូវបាន​ជួប​គ្រោះថ្នាក់​ស្លាប់ចោល​ប្រពន្ធ​យ៉ាង​អ​ណោ​ច​អ​ធ័​ម ។

ជនរងគ្រោះ(សព)មានឈ្មោះ សុន ធូ ភេ​ទ្រ​ប្រុស អាយុ៤២ឆ្នាំ មុខរបរ​អ្នក​ភ្លេងសម័យ មាន​ស្រុកកំណើត​នៅ ភូមិ​ព្រៃ​ត្បេះ ឃុំ​ព្រែក​ពោធិ៍ ស្រុក​ស្រី​សន្ធរ ខេត្តកំពង់ចាម ។

ប្រពន្ធ​ឈ្មោះ ធី រ័ត្ន​ដ្ឋា អាយុ៤៥ឆ្នាំ មុខរបរ​អ្នកចម្រៀង ស្នាក់នៅ​ផ្ទះជួល​ជាមួយ​ប្ដី ក្នុងភូមិ​ចុង​ខ្សាច់ សង្កាត់​ទួល​សង្កែ ខណ្ឌឫស្សីកែវ រាជធានី​ភ្នំពេញ ។ ក្រោយពេល​កើតហេតុ​សាកសព​ត្រូវបាន​ក្រុមគ្រួសារ​ទទួលយក​ទៅធ្វើ​បុណ្យ​តាម​ប្រពៃណី ៕

ប្រភព៖ FB

ភ្នំពេញ ៖ ​ជនសង្ស័យ​២នាក់ ប្រដាប់ដោយកាំបិត​ បានធ្វើសកម្មភាព ចូល​ដល់ក្នុងហាងលក់​ភេសជ្ជៈ​មួយកន្លែង​ ភ្ជង់ប្លន់ ជន​ជាតិ​ចិន​យកលុយអស់ ​ចំនួន​ប្រមាណ​ជាង​៣ម៉ឺន​ដុល្លារ ​រួចគេចខ្លួនបាត់ នៅវេលាម៉ោងជាង​១១យប់​ ថ្ងៃចន្ទ​ ខែតុលា​ ឆ្នាំ២០១៨​ ផ្ទះលេខ២០Eo យីហោ​ “ឈិន​ ស៊ិន​”​ ដែល​មាន​ទីតាំង​នៅ​តាម​បណ្ដោយ​ផ្លូវ​៦៣ (វិថីត្រសក់ផ្អែម) ទល់មុខផ្សារទំនើប​សូរិយា ​ស្ថិតក្នុងសង្កាត់​ផ្សារ​ថ្មី​១ ខណ្ឌ​ដូនពេញ​ រាជធានីភ្នំពេញ។

ជនជាតិចិន​រងគ្រោះ​មិនត្រូវបានស្គាល់អត្តសញ្ញាណនោះទេ​ ។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ​ គាត់មិនដឹងថាជនសង្ស័យទាំង២នាក់នោះ តាមជនរងគ្រោះមកពីណានោះទេ គាត់ដឹងត្រឹមតែឃើញ​ជនសង្ស័យ​២នាក់ បានចូលទៅក្នុងហាងកើតហេតុខាងលើ ហើយមួយសន្ទុះក្រោយមក ក៏ឃើញជនសង្ស័យទាំង២នោះ ចេញមកវិញ​ ដោយប្រញ៉ាប់ប្រញ៉ាល់ឡើងរ៉ឺម៉កកង់បី ជិះចេញទៅបាត់ ទើបឃើញជនជាតិចិន(រងគ្រោះ) ស្រែក​ឆោឡោ​ឡើងថា ជាករណីប្លន់ យកលុយពួកគាត់អស់ចំនួន​ប្រមាណ​ជាង​៣ម៉ឺន​ដុល្លារ ​ទើប​បង្កការភ្ញាក់ផ្អើលដល់​សមត្ថកិច្ចចុះ​មកកន្លែងកើតហេតុ​តែម្ដង ។

ពាក់ព័ន្ធ​នឹងករណីនេះ លោកអធិការរងនគរបាលខណ្ឌដូនពេញ​ម្នាក់ បានបញ្ជាក់ប្រាប់ឲ្យដឹងថា​ ចំពោះករណីប្លន់ជនជាតិចិន​ យកលុយ អស់​ជាង៣ម៉ឺនដុល្លារ​ខាងលើនេះ ពិតជាមានប្រាកដមែន ខណៈពេលនេះសមត្ថកិច្ចបាននាំ​ជនជាតិចិន​រងគ្រោះ​ មកធ្វើការសាកសួរប៉ុស្តិ៍​នគរបាល​ផ្សារថ្មីទី១ ៕

( ដោយ ៖ ធ្នូជ័យ )

ប្រភព៖ FB

ភ្នំពេញ៖ ដាំបាយក្បែរកានសាំង ខ្វះការប្រុងប្រយ័ត្នបណ្ដាលឲ្យឆាបឆេះ ខូចខាត ម៉ូតូ១គ្រឿង ករណីនេះបានកើតឡើងនៅវេលាម៉ោង១០:៤០នាទីនាទីព្រឹកថ្ងៃទី ១៥ ខែតុលា ឆ្នាំ២០១៨ នៅកំពង់ផែទេសចរ ទីតានិច ផ្លូវស៊ីសុវត្ថិ ភូមិ៨ សង្កាត់វត្តភ្នំ ខណ្ឌដូនពេញ មានករណីអគ្គីភ័យ។

បើតាមសមត្ថកិច្ចបានអោយដឹងថា ករណីឆាបឆេះខាងលើនេះបាន ប្រើប្រាស់ទឹកអស់ ០២ម៉ូតូកង់បី និងប្រើប្រាស់រថយន្តពន្លត់អគ្គីភ័យ០១គ្រឿង ដឹកទឹករបស់សាលាខណ្ឌ ទើប រលត់ទៅវិញវេលាម៉ោង១០ព្រឹកថ្ងៃដដែល។

ជនបង្ករឈ្មោះអុង តាក់ភេទប្រុសអាយុ៥០ឆ្មាំ មុខរបរកម្មករកំពង់ផែ មូលហេតុផ្ទុះកំប៉ុងហ្គាស់ ខូចខាតឆេះម៉ូតូចំនួន០២គ្រឿង(ម៉ាកHONDA C125ពត៍ខ្មៅឆ្នាំ២០១៧ , ZUSAKY Smaseខ្មៅឆ្នាំ២០១៣)។

រោឯជនគ្រោះថ្នាក់ ០១នាក់នោះ ឈ្មោះធូ ចែមភេទប្រុសអាយុ២៧ឆ្នាំ៕

ប្រភព៖ FB