ខេត្តព្រៃវែង៖ ករណីគ្រោះថ្នាក់ចរាចរណ៍មួយ រវាងម៉ូតូនិងម៉ូតូបានបើកបុកគ្នាយ៉ាងពេញទំហឹង នៅចំណុចខាងត្បូងឈាងខាងកើតរង្វង់មូលផ្កាឈូកស្ថិតក្នុងភូមិ
លេខ៣សង្កាត់កំពង់លាវក្រុងព្រៃវែង កាលពីវេលាម៉ោង១០ព្រឹក ថ្ងៃទី២៨ ខែមិថុនា ឆ្នាំ២០១៨។

តែដល់ពេលសមត្ថកិច្ចទៅធ្វើកាវាស់វែងនោះ បានរកឃើញអាវុធជ័រ១ដើមនិងឧបករណ៍ប្រើប្រាស់ដូចជាខ្សែ និងគ្រាប់ចម្ពាមកៅស៊ូជាច្រើនគ្រាប់ នៅពេលចុះវាស់វែង ប្រភពពីកន្លែងកើតហេតុបានឲ្យដឹងថានៅមុនពេលកើតហេតុមាន ម៉ូតូមួយគ្រឿងម៉ាកស្កុបពីពណ៌ ស ពាក់ស្លាកលេខភ្នំពេញ 1FQ 0770 បើកបរដោយឈ្មោះ រត្ន័ ធីឡែន ភេទប្រុសអាយុ២២ឆ្នាំ នៅភូមិជើងទឹក
( ក )សង្កាត់ជើងទឹកក្រុងព្រៃវែង ដែលបើកក្នុងទិសដៅពីត្បូងទៅជើងក្នុងល្បឿនយ៉ាងលឿនលុះដល់ចំណុច កើតហេតុខាងលើ បានជ្រុលបុកម៉ូតូម៉ាកហុងដាC125 សេរី2004 ពណ៌ខ្មៅ ស្លាកលេខភ្នំពេញ1D7657 បើកមកពីទិសខាងលិចពេញទំហឹង។ ដែលបើកបរដោយឈ្មោះ មុត ទីន ប្រុសអាយុ៤៩ឆ្នាំនៅភូមិលេខ៥សង្កាត់កំពង់លាវក្រុងព្រៃវែងមុខរបរ( រត់ម៉ូតូឌុប )បណ្តាលឲ្យរងរបួសធ្ងន់ទាំងសងខាង។

ភ្លាមនោះ ឈ្មោះមុតទីន ត្រូវបានបញ្ជូនទៅមន្ទីរខេត្ត ចំណែកឈ្មោះ រត្ន័ ធីឡែន ត្រូវបានញាតិមិត្តយកទៅព្យាបាលគ្លីនិកឯកជន ឡេង ពីនី ចំណែកម៉ូតូទាំង២គ្រឿងសមត្ថកិច្ចយកមករក្សាទុកនៅអធិការដ្ឋាននគរបាលក្រុង ជាមួយគ្នានោះសមត្ថកិច្ចដែលចុះវាស់វែងនៅកន្លែងកើតហេតុបានរកឃើញអាវុធខ្លីជ័រសៀតស្រោមពណ៌ខ្មៅ១ដើម ខ្សែតីបត់ជាពីចំនួន២ខ្សែ កាបូបស្ពាយតូច១ គ្រាប់ថ្មសំរាប់បាញ់ចម្ពាមកៅស៊ូចំនួន២៤គ្រាប់ នៅក្នុងកែបម៉ូតូម៉ាកស្កុបពីរបស់ឈ្មោះ រត្ន័ ធីឡែន ដែលជាម៉ូតូបង្កហេតុ៕

ប្រទេសថៃ៖ ព្រះសង្ឃមួយអង្គ ដែលស្ថិតនៅក្នុងខេត្តកញ្ចានាបុរីបានសង្ឃដីកាថា៖ ព្រះអង្គធ្លាប់បានទៅរូងភ្នំនោះចំនួន៤ដង រួចហេីយនិមន្តទៅលេីកចុងក្រោយបង្អស់ ព.ស ២៥៥៧៨ ព្រោះកូនសិស្សលោកធ្លាប់ត្រូវខ្មោចចូលហេីយត្រូវធ្វេីពិធីនៅក្នុងនោះ ព្រះតេជគុណបានមានសង្ឃដីកាបន្តទៀតថា នៅក្នុងរូងភ្នំនោះប្រាដកជាមានរបស់ដែលយេីងមិនឃេីញ ព្រោះពេលដែល ព្រះអង្គនិមន្តចូលទៅមានអារម្មណ៍ថា ដូចមានអ្នកតាមមេីលព្រះអង្គគ្រប់ពេលវេលាហេីយក៏មានវិញ្ញាណជាច្រេីននៅក្នុងរូងភ្នំនោះផងដែរ ។

ហេីយមូលហេតុដែលមិនទាន់រកក្មេងៗឃេីញ ដោយសារតែមានកម្លាំងអ្វីមួយមកបិទបាំង ហេីយម្យ៉ាងទៀតមានក្មេងម្នាក់ដែលធំជាងគេនៅក្នុងក្រុមទៅបំពាន់ម្ចាស់ម៉ែ (វត្ថុសក្តិសិទ្ធ) ដែលស្ថិតនៅច្រកចូលក្នុងល្អាងនោះ ។
ព្រះសង្ឃដែលធ្លាប់និមន្តចូលល្អាងនោះបានបន្តទៀតថា នេះគឺជាការព្រមានរបស់ម្ចាស់ទីកន្លែងរឺក៏អ្នកថែរក្សាដែលក្មេងហ៊ានលលេងជាមួយម្ចាស់ម៉ែ ។ ក្មេងៗអាចនឹងនៅមិនឆ្ងាយពីកន្លែងដែលគេរកស្បែកជេីងនោះក៏ថាបានដែរ ហេីយក៏ជឿជាក់ដែរថាអ្នកទាំងអស់នោះអាចនៅមានជីវិត ព្រោះថ្ងៃស្អែកជាថ្ងៃសីល៍ចឹង១៣នាក់នោះអាចនឹងរកផ្លូវចេញបានហេីយ ទាំងអស់គ្រាន់តែជាការព្រមាន ។

(វិដេអូភ្នំនឹងផ្លូវទៅរូងភ្នំ)

ប្រភព៖ ថៃ
ដោយ៖ សុវណ្ណ​ ដេត

កីឡា៖ មិនមានការប៉ះទង្គិចគ្នានៅ World Cup នៅប្រទេសម៉ូស្គូទេខណៈដែលក្រុមជម្រើសជាតិប្រេស៊ីលបានទទួលជ័យជម្នះ 2-0 លើក្រុមជំរើសជាតិ Serbia ដើម្បីឈានទៅកាន់វគ្គជម្រុះតាមពូល។

បន្ទាប់ពី ការចាកចេញដ៏គួរឱ្យភ្ញាក់ផ្អើលរបស់អាល្លឺម៉ង់ ពីការប្រកួតកាលពីថ្ងៃពុធសប្ដាហ៍មុនបានងាកទៅប្រេស៊ីលដែលជាក្រុមជើងខ្លាំងមួយទៀតនៅ World Cup ដែលការរីកចម្រើនរបស់ពួកគេមិនទាន់បានធ្វើឱ្យល្អ ហើយក្រុមមួយទៀតចង់ធ្វើសំណាងសម្រាប់ការប្រកួតវគ្គពាក់កណ្តាលផ្តាច់ព្រ័ត្រ World Cup 7-1 របស់ពួកគេទៅលើអាល្លឺម៉ង់កាលពី 4 ឆ្នាំមុន ៕

ប្រទេសថៃ៖ នៅឆ្នាំ2016មា​នក្មេងប្រុសបីអ្នកក្នុងចំណោមមនុស្សទាំង13អ្នកនោះបានធ្លាប់ចូលទៅលេងម្តងរួចទៅហើយពេលនោះពួកគេបានចូលត្រឹមតែ1គីឡូប៉ុណ្ណោះហើយពួកគេក៍បានសរសេរឈ្មោះពួកគេនៅលើថ្មបន្ទាប់មកក៍ចេញមកវិញ។ ពួកគេជាក្រុមបាល់ទាត់U16នឹងជាអ្នកជិះកង់ប្រចាំសាលាមួយនៅថ្ងៃអាទិត្យពួកគេក៍បានលេងបាល់ឈ្នះហើយក្មេងបីអ្នកដែលធ្លាប់ចូលទៅក្នុងរូងភ្នំនោះក៍បានបបួលគ្នាម្តងទៀតចូលទៅសរសេរឈ្មោះនឹងឈ្មោះក្រុមនឹងថតរូបម្តងទៀត។ ពេលដែលពួកគេចូលទៅបាន1គីឡូមេឃក៍បានភ្លៀងធ្វើអោយទឹកហូរចូលហើយក៍ត្រូវបានបិតជិតផ្លូវតូចដែលគេឆ្លងកាត់ប្រវែង15ម៉ែត! ទើបធ្វើអោយពួកគេមិនអាចដើរត្រលប់មកក្រោយបាន។

ក្រុមអ្នកស្វែងរកបានចូលទៅរកពួកគេបានឃើញស្នាមជើងរបស់ពួកគេត្រឹមចំណុច3គីឡូនៃរូងភ្នំហើយពួកគេក៍បានឃើញនៅកាតាប.ទូរសព្ទ៍មួយគ្រឿង.នឹងស្បែកជើងដែលពួកគេធ្វើជាសញ្ញាព្រួយសំរាប់ប្រាប់ផ្លូវដែលគេទៅមុខ។ ហើយឧទ្ធម្ភាកចក្របានហោះនៅលើជុំវិញភ្នំនោះដើម្បីធ្វើជាសញ្ញាអោយពួកគេបានដឹងថាមានគេកំពុងតែជួយពួកគេ។

រូងភ្នំនោះមានចំងាយ10គីឡូហើយនៅពេលនេះក្រុមរុករកបានចូលទៅដល់6គីឡូម៉ែតហើយតែរកមិនទានឃើញទៀតត្រង់ចំណុង3គីឡូនោះពួកគេក៍បានបាត់ស្នាមជើងេបស់ពួកគេព្រោះភ្លៀងបន្តរាល់ថ្ងៃអាចធ្វើអោយបាតស្នាមជើងរបស់ពួកគេ។ ហើយក្រុមរុករកបានធ្វើការ24h/7daysហើយអ្នកស្រាវជ្រាវដែលល្បីជុំវិញពិភពលោកក៍បានធ្វើដំណើរទៅផងដែរដើម្បីជួលរុករកក្មេងៗទាំងនោះ!

បញ្ចាក់ រូងភ្នំមួយនេះ មិនទាន់មាននរណាម្នាក់អាចចូលទៅដល់ក្នុងនោះហើយក៍មិនដឹងថា ក្នុងនោះមានអ្វីទេ ព្រោះមិនទាន់មានអ្នកស្រាវជ្រាវណាចូលទៅដល់ម្នាក់នោះទេ!ហើយអ្នកស្រុកនោះក៍មិនទាន់មានអ្នកណាម្នាក់ចូលទៅដល់នោះដែល។

កន្លែងដែលគេអាចចូលទៅលេងនោះ ត្រឹមតែកន្លែងដែលពួកគេដាក់កង់ប៉ុណ្ណោះហើយគ្រូដែលមានបារមីពូកែៗ ក៍បានទៅដល់នោះច្រើនដែលដើម្បីធ្វើពិធីបើកផ្លូវសែនព្រេងជូន! ហើយគេបានសន្និដ្ថានថាពួកគេនៅរស់នៅឡើយ ! អាចនឹងដើរទៅមុខរហូត!

មកដល់ពេលនេះម៉ោងនេះនៅតែមិនមានដំណឹងពី#ក្រុមកូនជ្រូក13អ្នកនោះនៅឡើយ! រយះពេលប្រាំងៃហើយគិតដល់ថ្ងៃនេះឧបសគ្គដែលធំបំផុតគឺភ្លៀង ៕

កំពង់ស្ពឺ​ ៖​ តាមសេចក្ដីរាយការណ៍ពីលោក​ឧត្ដមសេនីយ៍ទោ​ សម​ សាមួន​ ស្នងការ​ នគរបាលខេត្តកំពង់ស្ពឺបានអោយដឹងថានៅរសៀលថ្ងៃទី​ ២៧​ ខែ​ មិថុនា​ ឆ្នាំ​ ២០១៨​វេលា​ម៉ោង​ ៤​:​០០​ នាទី​ មានករណី​គ្រោះថ្នាក់ចរាចរ​ក្រឡាប់រថយន្តមួយបានកើតឡើង​នៅចន្លោះបង្គោលគីឡូម៉ែត្រលេខ​ ៨៩-៩០​ ផ្លូវជាតិ​លេខ​ ៤​ ស្ថិតនៅភូមទី​ ៤​ ឃុំ​ ត្រែងត្រយឹង​ ស្រុក​ ភ្នំស្រួច​ ខេត្តកំពង់ស្ពឺ​ បណ្ដាលអោយ​ស្លាប់​ជនបរទេស​ ១នាក់​ របួស​ ២​ នាក់​ ចំណែកអ្នកបើកបររថយន្តតាក់ស៊ីគេចខ្លួនបាត់​ ។​ រថយន្ត​ដែលក្រឡាប់នេះជារថយន្តតាក់ស៊ី​ ម៉ាក​ Lexus RX300 ស្លាកលេខ​ 2O-4921 ភ្នំពេញ​ ពណ៌ទឹកមាស​ ។

លោកឧត្ដមសេនីយ៍ទោ​ ស្នងការបាន​បញ្ជាក់អោយដឹងថា​ ករណីគ្រោះថ្នាក់រាចរនេះគឺអ្នកបើកបរបើកក្រឡាប់ខ្លួនឯងមិនមានការបុក​ ឬ​ ប៉ះទង្គិចជាមួយរថយន្តផ្សេងទេ​ ។​ ពេលនេះសាកសពជនរងគ្រោះសមត្ថិច្ចកំពុងនាំគ្នាគាស់យកចេញពីក្នុងរថយន្ត​ ចំណែកអ្នករងរបួសត្រូវបានបញ្ជូនទៅកាន់មន្ទីរពេទ្យ​ ។

ប្រភព៖ Pheng Vannak News

ភ្នំពេញ​៖ នគរបាល​ខណ្ឌ​ចំការមន​ នៅ​ថ្ងៃទី​២៧​ ខែ​មិថុនា​ នេះ​បញ្ជូន​ជនសង្ស័យ​ ម៉ៅ​ ច័ន្ទ​រស្មី​ អនុប្រធាននាយកដ្ឋាន បច្ចេកទេសនិងអភិវឌ្ឍលំនៅឋាន នៃក្រសួងរៀបចំ​ដែនដី​ នគរូបនីយកម្មនិងសំណង់​ ទៅ​អយ្យការ​អម​សាលា ដំបូង​រាជធានី​ភ្នំពេញ​ ដើម្បី​សាកសួរ​ករណី ​បង្ក​គ្រោះថ្នាក់​ចរាចរ​ រួច​ដក​កាំភ្លើង​ភ្ជង់​គំរាម​ នគរបាល​ចរាចរណ៍​ ។

នគរបាល​ បញ្ជាក់​ថា​ ជនសង្ស័យ ម៉ៅ ច័ន្ទរស្មី ជាម្ចាស់រថយន្តម៉ាកហាយឡែនឌ័រ ពណ៌ស ពាក់ផ្លាក​លេខភ្នំពេញ 2AF-9766​ ។ ចំណែកជនរងគ្រោះឈ្មោះ ហ៊ុន សំ សែនឧត្ដម ភេទប្រុស អាយុ ៣៥ឆ្នាំ ជា​បុគ្គលិក ក្រុមហ៊ុន ស្នាក់នៅនៅភូមិសន្សំកុសល២ សង្កាត់បឹងទំពុន១ ខណ្ឌមានជ័យ ជាម្ចាស់រថយន្តម៉ាកព្រូស ពណ៌ទឹកប្រាក់ ពាក់​ផ្លាក​លេខ ភ្នំពេញ 2AT-1914។

គួរ​បញ្ជាក់​ថា​ សមត្ថកិច្ចបាន ឃាត់ខ្លួនជនសង្ស័យ​ ម៉ៅ​ ច័ន្ទ​រស្មី​កាលពីយប់ថ្ងៃទី២៥ ខែមិថុនា ឆ្នាំ២០១៨ ក្រោយពីជនសង្ស័យ បានបើកបរក្រោមស្ថានភាពស្រវឹង បង្កគ្រោះថ្នាក់ចរាចរណ៍ បុករថយន្តគេចតស្ងៀម នៅចំណុចមុខ​សាលា វិទ្យាល័យផ្សារដើមថ្កូវ ផ្លូវលេខ ៤៨៨ សង្កាត់ផ្សារ ដើមថ្កូវ ខណ្ឌចំការមន ។

ក្រោយបង្កហេតុ​រួច ជនសង្ស័យបានព្យាយាម បើករថយន្តរត់គេច ។ ប៉ុន្តែត្រូវសមត្ថកិច្ចតាមចាប់ ពេលនោះជនសង្ស័យ បានដកកាំភ្លើងភ្ជង់គំរាម សមត្ថកិច្ចថែមទៀតផង​ ៕

 

ភ្នំពេញ ៖ ជនសង្ស័យ២នាក់ លូក​យក​ទូរ​សព្ទ័​ដៃ​ពីហោប៉ាវខោ​​នារី​ម្នាក់បានសំរេច​តែ​រត់​មិន​រួច ហេតុការណ៍​ខាងលើនេះ​បាន​កើតឡើង​កាលពី​វេលា​ម៉ោង១និង១០នាទី​ថ្ងៃ​ពុធ​ទី២៧ខែឧសភា ឆ្នាំ២០១៨នៅ​ចំណុច​មុខផ្ទះ​លេខ៣៩ ផ្លូវ២៦១ ក្រុម៣៥ ភូមិ១២ សង្កាត់​ទឹកល្អក់២ ខណ្ឌទួលគោក។

ជនសង្ស័យ​ទាំង២នាក់​ដែល​ឃាត់ខ្លួន​បាន​ទី១ឈ្មោះ ដុស ឧ​ត្ត​ម ហៅ​ដម ភេទ​ប្រុស អាយុ១៩ឆ្នាំ​មុខរបរ​មិន​ពិតប្រាកដ ស្នាក់​នៅផ្ទះ​ពុំ​ចាំ​លេខ ផ្លូវលំ ភូមិ​CPC សង្កាត់​ទឹកថ្លា ខណ្ឌ​សែន​សុខ ជា​អ្នក​ឆក់​ទូ​រស​ព្ឌ័​ដៃ​ពី​នារី​រងគ្រោះ ។
ទី២ឈ្មោះ ហង្ស ចាន់ វាសនា អាយុ១៨ឆ្មាំ​មុខរបរ​មិន​ពិតប្រាកដ ស្នាក់នៅ​ផ្ទះជួល​មិន​ចាំ​លេខ​ផ្លូវ២០០៤សង្កាត់​អូ​បែកក្អម ខណ្ឌ​សែន​សុខ ជា​អ្នកបើក​ម៉ូតូ។

ចំណែក​នារី​រងគ្រោះ​មានឈ្មោះ ថេ លីន​អាយុ២២មុខរបរ​លក់ដូរ​ស្នា​ក់​ផ្ទះ​លេខ៥៥ដេ​ផ្លូវ២៣០សង្កាត់​ទឹកល្អក់៣ ខណ្ឌទួលគោក។

នៅមុន​កើតហេតុ​គឺ​រូបគាត់​ជិះ​ម៉ូតូ​ចេញពីផ្ទះ​ទៅ​ផ្សារ​ធ្វើដំណើរ​តាមផ្លូវ២៦១ពី​កើ​តទៅ​លិច​ដោយ​ដាក់​ទូរស័ព្ទដៃ​នៅក្នុង​ហោប៉ៅ​ខោ​ខាង​ឆ្វង​ពេល​ជិះ​បាន​ពាក់​កណ្ដាលផ្លូវ​ស្រាប់​លេចមុខ​ជនសង្ស័យ​ពីរ​នាក់​ជិះ​ម៉ូតូ​ម៉ាក​សង​សេ១២៥សេរី០១៨ព​ណ័​ខ្មៅ​ពាក់​ស្លាក​លេខ ភ្នំពេញ 1GW-0416 មក​ក្រោយ​ហើយក៏​ឆក់យក​ទូរ​សព្ទ័​ដែល​ដាក់​នៅក្នុង​ហោ​ប៉ាវ​ខោ​បានសំរេច។

ក្រោយពី​ឆក់​បាន​ហើយ​ជនសង្ស័យ​ទាំង២នាក់​បាន​ជិះ​គេចខ្លួន​ភ្លាមនោះ​ជនរងគ្រោះ​បាន​ជិះ​ម៉ូតូ​ដេញតាម​ពីក្រោយ​និង​ស្រែកថាចោរៗហើយ​ជនសង្ស័យ​ដែល​អង្គុយ​ខាងក្រោយ​បាន​យក​មួកសុវត្ថិភាព​គប់​ទៅលើ​ជនរងគ្រោះ​ទៀត​តែ​ដោយសារតែ​ផ្លូវ​មាន​រថយន្ត​នៅខាងមុខ​ជន​ស​ង្ស័​យ​បាន​បន្ថយល្បឿន​ធ្វើអោយ​ជន​រងគ្រោះ​តាម​មកពី​ក្រោយ​ទាន់​ក៏​បុក​ដួល​ទាំង​ជនរងគ្រោះ​និង​ជនសង្ស័យ ​ហើយ​ភ្លាមនោះ​ប្រជាពលរដ្ឋ​នាំគ្នា​ដេញចាប់​ប្រគល់អោយ​បូលិស​ទឹកល្អក់២យកមក​ប៉ុស្តិ៍​ដើម្បី​ធ្វើការ​សួរនាំ ៕

ខេត្តកំពង់ស្ពឺ៖ ករណីគ្រោះថ្នាក់ចរាចរណ៍នេះបានកើតឡើង
កាលពីវេលាម៉ោង​៩និង៥០នាទី ថ្ងៃ២៧ ខែមិថុនា ឆ្នាំ២០១៨ ​ស្ថិតនៅត្រង់ចំណុច ភូមិអន្លង់ថ្លឹង ឃុំមហាសាំង ស្រុកភ្នំស្រួច ខេត្តកំពង់ស្ពឺ ។

​តាម​មន្ត្រីនគរបាល ជំនាញចរាចរណ៍ស្រុកភ្នំស្រួច បានឲ្យដឹងថា ​រថយន្ត​១ គ្រឿង ម៉ាក លុច្សស៊ីសRX 300 ពណ៌ស ពាក់ស្លាកលេខ ភ្នំពេញ 2AU 7025 អ្នកបើកបរមិនស្គាល់​អត្តសញ្ញាណ បើកបរ​ពី​កើតទៅ​លិចបញ្រ្ចាសគ្នា ខណៈមកដល់ចំណុចខាងលើ បានបុកម៉ូតូ១គ្រឿងម៉ាកហុងដា សេ ១២៥ ពណ៌ខ្មៅ ស៊េរី២០១៧ ពាក់ស្លាកលេខ កំពង់ស្ពឺ1I-2398 អ្នកបើកបរឈ្មោះ ខៀវ ហិត ហៅ ឃឿន ភេទ ប្រុស អាយុ៥៨ ឆ្នាំ រស់នៅភូមិ ក្រាំង ថ្នល់ ឃុំមហាសាំង ស្រុកភ្នំស្រួច ខេត្តកំពង់ស្ពឺ បណ្តាលឲ្យ អ្នកបើកបរម៉ូតូស្លាប់ នៅកន្លែងកើតហេតុ ​។

ចំពោះអ្នកបើករបររថយន្ត ពេលបុករួចបានចុះរត់គេចខ្លួន​បាត់ ។ សពត្រូវបានក្រុមគ្រួសារ ដឹកយកទៅធ្វើបុណ្យ តាមប្រពៃណី៕

ខេត្តកណ្ដាល៖ ជនសង្ស័យម្នាក់ បានលួចម៉ូតូពីឃុំវិហារសួគ៌ អស់ជាច្រើនខែ លុះម្ចាស់ប្រទះឃើញប្ដឹងសមត្ថកិច្ច ស្រុកមុខកំពូល ឲ្យដេញស្ទាក់ចាប់បានប្រគល់មកឲ្យនគរបាលស្រុកខ្សាច់កណ្ដាល ហេតុការណ៍លួចម៉ូតូនេះបានកើតឡើងតាំងពីថ្ងៃទី១៦ ខែមករា ឆ្នាំ២០១៨ ម៉ោង១៩:៣០ នាទី ចំណុចភូមិសេដា ឃុំវិហារ
សួគ៌ ស្រុកខ្សាច់កណ្តាល ខេត្តកណ្តាល។

លោក រត្ន័ សុភា នាយប៉ុស្តិ៍វិហារសួគ៌បានឲ្យដឹងថា ជនរងគ្រោះជាម្ចាស់ម៉ូតូឈ្មោះសន ផានិត ភេទ ប្រុស អាយុ២៦ ឆ្នាំ ជន
ជាតិ ខ្មែរ មុខរបរ ជាងតាត់សក់ មានទីលំនៅភូមិវិហារសួគ៌ជើង ឃុំ វិហារសួគ៌ ស្រុកខ្សាច់កណ្តាល ខេត្តកណ្តាល ។

ជនសង្ស័យឈ្មោះ យ៉ុង គោ ភេទប្រុសអាយុ២៤ ឆ្នាំ ជនជាតិ ខ្មែរ មុខរបរ ជាងផ្សាដែក មានទីលំនៅភូមិស្លែង ឃុំ ជីបាល ស្រុកស្រីសន្ធរ ខេត្តកំពង់
ចាម(ឃាត់ខ្លួន)។ រីឯម៉ូតូ ០១ គ្រឿង ម៉ាកនីច (Suzuki Nex) ពណ៌ស ស៊េរីឆ្នាំ ២០១៨ផ្លាកលេខ កណ្តាល 1W-7907។

សមត្ថកិច្ចដដែលបន្តថា នៅថ្ងៃទី១៦ខែ មករាឆ្នាំ២០១៨ម៉ោង១៩.៣០នាទីជនរងគ្រោះបានយកម៉ូតូទុកនៅកន្លែងតារាងបាល់ទាត់ភូមិសេដាឃុំ វិហារសួគ៌ រួចហើយចូលទៅលែងបាលទាត់បានបន្តិចស្រាប់តែបាត់ម៉ូតូ ។

ក្រោយមកជនរងគ្រោះ បានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលវិហារសួគ៌។ដល់ថ្ងៃទី២៦.០៦.២០១៨ ម៉ោង១៥.៣០នាទីជនរងគ្រោះបានទៅបង់ប្រាក់ធនាគារ នៅផ្សារព្រែកអញ្ចាញ ស្រុកមុខកំពូល ស្រាប់តែឃើញ ជនសង្ស័យខាង លើជិៈកាត់មុខ ជនរងគ្រោះភ្លាមនោះខ្លួនស្គាល់ ក៏រាយការណ៍ប្រាប់នគរបាលស្រុកមុខកំពូល កម្លាំងនគរបាលស្រុក រួមជាមួយជនរងគ្រោះ ដេញតាម ចាប់ជនសង្ស័យបាន។

អធិការដ្ឋាននគរបាលស្រុកមុខកំពូលបានប្រគល់ ជូនអធិការដ្ឋាននគរបាលស្រុកខ្សាច់កណ្តាល ដើម្បីបន្តចាត់ការបន្ត ។
នៅចំពោះមុខសមត្ថកិច្ច ជនសង្ស័យបានសារភាថា ខ្លួនពិតជាបានលួចម៉ូតូជនរងគ្រោះយកទៅទុកនៅផ្ទះរបស់ខ្លួនមែន ករណីនេះ សមត្ថកិច្ចបន្តចាត់ការតាមនីតិវិធី៕