អាណិតម្ចាស់ពាន The Voice Cambodia រដូវកាលទី១ ប៊ុត សីហា ប្រកាសឈប់ច្រៀង

សិល្បះ ៖ កន្លងទៅថ្មីៗនេះម្ចាស់ពាន The Voice Cambodia រដូវកាលទី១ ប៊ុត សីហា បានជួបប្រទះរឿងអាស្រូវគ្រឿងញៀនហើយត្រូវបានមហាជនជាច្រើន បញ្ចេញទស្សនះនិងមតិរៀងៗខ្លួន តែទោះជាយ៉ាងណា ប៊ុត សីហា បានបង្ហាញពីភាពស្អាតស្អំរបស់ខ្លួនដោយបង្ហាញលទ្ធផលពិនិត្យឈាមជាសាធារណះ ផងដែរ មិនតែប៉ុណ្ណោះក្រោយការបដិសេធរបស់ស្ថានទូតអាមេរិក រឿងមិនប្រគល់ Visa អោយទៅសំដែងនៅទីនោះក៏លោកទទួលបានដំណោះស្រាយយ៉ាងល្អផងដែរ។

តែមកដល់ពេលថ្មីៗនេះ តារាមានទឹកដមតែអភ័ព្វមេឃរូបនេះបានបង្ហោះសារ នៅលើបណ្តាញសង្គមដ៏គួរអោយងឿយឆ្ងល់និងអាណិតអាសូរថា ៖ អរគុណបងប្រុស Soklim Reaks Avp ដែលបានឲ្យគេធ្វើបទនិងនិពន្ធឲ្យខ្ញុំរួមទាំងបងប្រុស សុីវ ចន្ទ។អរគុណដល់អង្កការIKARE នៃសារះមន្ទីមរតកជាតិខ្មែរដែលមានបងសេកកុសលជានាយកនិងបងប្រុសសុខលីមរក្សាជាអ្នកសម្របសម្រួលនៅស្រុកខ្មែរក្នុងការចំនាយប្រាក់ធ្វើសំរាប់ខ្ញុំ។5បទដែលថតថ្ងៃមិញពិតជាត្រូវចិត្តណាស់។មុននិងខ្ញុំឈប់ច្រៀងខ្ញុំនិងបន្សល់សម្លេងទុកឲ្យពុកម៉ែបងប្អូននៅនិងអង្កការIKAREឲ្យបាន២០បទខ្ញុំនិងឈប់ច្រៀងហើយ។ហើយពុកម៉ែបងប្អូននិងបានឈប់ដៀលខ្ញុំតទៅទៀត។

ជាមួយនឹងដំណឹងដ៏ក្រៀមក្រំនេះ ធ្វើអោយហ្វេនរបស់លោកដែលនិយមគាំទ្រ និង តាមដានរាល់សកម្មភាពរបស់លោកមានការខកចិត្តយ៉ាងខ្លាំង
រហូតដល់អ្នកខ្លះបង្ហោះក្នុង Status សំរក់ទឹកភ្នែក និង បានខំមិនដើម្បីផ្តល់កំលាំងចិត្តអោយគាត់តស៊ូ ជំនះអោយបាននូវរនាំអាក្រក់នេះផងដែរ។

យើងនៅមិនទាន់អាចទាក់ទងលោក ប៊ុត សីហា ដើម្បីបកស្រាយអំពីរឿងនេះនៅឡើយទេ តែក្រុមការងារនិងព្យាយាមទំនាក់ទំនងលោកនៅពេលក្រោយ។ Sing Ly

ពិតជាមានទេពកោសល្យអស្ចារ្យក្នុងកាសម្តែងមែន…

ប្លែកៗ៖ បុរសម្នាក់នេះពិតជាមានទេពកោសល្យពិតមែន ជាមួយនឹងកាសម្តែងសៀករហ័សកម្មរបស់គាត់នៅក្នុងកម្មវិធីទូរទស្សដ៍ល្បីល្បាញមួយរបស់ចក្រភពអង់គ្លេស គឺកម្មវិធី Got Talent 2017 ។
បើយើងមើលនៅក្នុងវិដេអូយើងថា កាសម្តែងរបស់គាត់ពិតជាអស្ចារ្យខ្លាំងមែនទែន ដល់ថ្នាក់រហូតកណកម្មការព្រមទាំងអ្នកចូលទស្សនាចំហមាត់គ្រប់ៗគ្នា ដោយសារតែភាពប៉ិនប្រសព្វនៅក្នុងកាសម្តែងរបស់គាត់ ។
តោះបើចង់ដឹងថាតើកាសម្តែងរបស់គាត់មានភាពអស្ចារ្យយ៉ាងណានោះសូមទស្សនាវិដេអូទាំងអស់គ្នា ៕

(វិដេអូខាងក្រោម)

https://www.facebook.com/plugins/video.php?href=https%3A%2F%2Fwww.facebook.com%2FMagiciansGotTalent%2Fvideos%2F436650146757994%2F&show_text=0&width=560

ប្តីនៅឆ្ងាយបបួលនាងចូលច្រៀងខារ៉ាអូខេ រួចចូលផ្ទះសំណាក់រំលោភបានសំរេចនិងគំរាមទុករំលោភបន្ត

ភ្នំពេញ ៖ បុរសល្មោភកាមម្នាក់ត្រូវបានសមត្ថកិច្ចឃាត់ខ្លួនកាលពីវេលាម៉ោង១២និង៣០នាទី ថ្ងៃទី៣ ខែឧសភា ឆ្នាំ២០១៨ ត្រង់ចំណុចផ្ទះជនសង្ស័យក្នុងភូមិខ្វិត សង្កាត់សាក់សំពៅ ខណ្ឌដង្កោ រាជធានីភ្នំពេញ តាមពាក្យបណ្តឹងរបស់នារីរងគ្រោះករណីរំលោភបានសម្រេចច្រើនដង។

តាមប្រភពពីសមត្ថកិច្ចបានអោយដឹងថា ៖ នារីរងគ្រោះមានឈ្មោះ ក.ស.អ អាយុ២៩ឆ្នាំ មុខរបរកម្មការិនីរោងចក្រ ។ ចំណែកជនសង្ស័យមានឈ្មោះ ហេង ហួត ហៅ ម៉ាំង ភេទប្រុស អាយុ២៩ឆ្នាំ មុខរបរបើករថយន្តដឹកអីវ៉ា់ន់រោងចក្រ មានទីលំនៅភូមិខ្វិត សង្កាត់សាក់សំពៅ ខណ្ឌដង្កោ។តាមប្រភពបានឲ្យដឹងថា មុនពេលកើតហេតុ អំឡុង ខែកក្កដា ឆ្នាំ២០១៧ វេលាម៉ោង៤ល្ងាច នារីរងគ្រោះ នៅផ្ទះម្តាយក្មេកស្ថិតនៅភូមិព្រៃសលិច សង្កាត់ព្រៃស ខណ្ឌដង្កោ។ ពេលនោះ ប្អូនស្រីបង្កើតរបស់ជនសង្ស័យ ដែលត្រូវជាមិត្តភក្តិរបស់ជនរងគ្រោះ បានទូរស័ព្ទហៅនារីរងគ្រោះឲ្យទៅផឹកស៊ីនៅផ្ទះ របស់ជនសង្ស័យ។ ដោយនារីរងគ្រោះបានជិះម៉ូតូទៅជាមួយនិងកូនប្រុសអាយុ ៩ឆ្នាំម្នាក់ ទៅជាមួយ រួចបានផឹកស៊ីមានគ្នាចំនួន៥នាក់ ក្នុងនោះក៏មានប្រពន្ធរបស់ជនសង្ស័យផងដែរ ។ រហូតដល់វេលាម៉ោង៧យប់ ស្ត្រីរងគ្រោះលាសុំទៅផ្ទះមុន តែជនសង្ស័យ និងអ្នកផឹកស៊ីជាមួយគ្នាឃាត់មិនឲ្យទៅ ថែមទាំងបានលួចដក ក្បាលប៊ូស៊ី ម៉ូតូរបស់ស្ត្រីរងគ្រោះលាក់ទុកបាត់។

លុះនៅវេលាម៉ោង៨យប់ ប្អូនស្រីជនសង្ស័យបាន បបួលស្ត្រីរងគ្រោះទៅច្រៀងខារ៉ាអូខេ យីហោរ៉ូមែនទិក ខេធីវី ហ្វាមីលី ស្ថិតនៅសង្កាត់បឹងសាឡាង ខណ្ឌទួលគោក រាជធានីភ្នំពេញ ។ រហូតដល់វេលាម៉ោង១និង៣០នាទី ក៏នាំគ្នាត្រលប់មកផ្ទះវិញដោយជនសង្ស័យបានជិះម៉ូតូឌុបស្ត្រីរងគ្រោះ មានសភាពស្រវឹងស្រាខ្លាំង ក៏ឌុបចូលផ្ទះសំណាក់ ម្តុំរង្វង់មូលចោមចៅ ។ មិនបង្អង់យូរគ្រាន់តែចូលដល់ភ្លាមជនសង្ស័យបានប្រើគ្រប់វិធី និងគំរាមនារីរងគ្រោះដើម្បីរំលោភរហូតបានសំរេចនៅពេលនោះទៅ ក្រោយៗមកទៀតគេតែងតែ លួងលោម គំរាមនារីរងគ្រោះបង្ខំរួមភេទជាបន្តបន្ទាប់ចំនួន ៣លើកថែមទៀត ចុងក្រោយជនសង្ស័យបាននិយាយលួងលោម និងគំរាម ស្ត្រីរងគ្រោះឌុបយកទៅដេកនៅផ្ទះសំណាក់នៅ ក្រុងតាខ្មៅ ខេត្តកណ្តាល រួមភេទបានសម្រេច មួយលើកទៀត។ តែដោយដឹងខ្លួនខុស និងពិបាកគេចផុតពីក្រញាំតណ្ហារបស់បុរសល្មោភកាមនេះបាន ម្យ៉ាងខ្លាចប្តីដឹងផងនោះ ក៏ដាច់ចិត្តប្រាប់ប្តីប្តឹងសមត្ថកិច្ចអោយចាប់ខ្លួនដើម្បីដោះស្រាយតាមផ្លូវច្បាប់តែម្តង៕

កាន់តែស៊ើប លោក ផែង វណ្ណះ ថាអោយចំៗលើមន្ត្រីដែលត្រូវបណ្តេញរឿងពិន័យលើសកំណត់

ភ្នំពេញ ៖ ថ្មីៗនេះក្រោយផ្ទុះករណីប៉ូលីសចរាចរ ពីរនាក់បានជំរិត ផាកពិន័យជនបរទេសក្នុងបទល្មើសចរាចរជាក់ស្តែង និង បានទាប្រាក់រហូតដល់ ៨០ ០០០៛ លើសពីការផាកធម្មតា ដែលនាំអោយផ្ទុះការរិះគន់និងតាមដានពត៍មានគ្រប់មជ្ឃដ្ធានផងដែរ រហូតដល់មានអន្តរាគមន៍ពី នាយឧត្តមសេនីយ៍ ជួន សុវណ្ណ អគ្គស្នងការនគរបាលជាតិ និង ជាស្នងការរាជធានីភ្នំពេញ បានបណ្តេញមន្ត្រី ២នាក់នោះចេញពីអង្គភាពទៀតផង។

ជុំវិញការបណ្តេញចេញនេះដែរមានសាធារណះមតិ ២ផ្ទុយគ្នាបានកើតឡើង ដែលមានអ្នកគាំទ្រ និង មិនគាំទ្រចំណាត់ការនេះ ខណះដែលម្ខាងៗមានហេតុផលរៀងៗខ្លួន។

ក្នុងនោះដែរយើងឃើញលោក ផែង វណ្ណះ ដែលជាអ្នកលេងបណ្តាញសង្គមហ្វេសប៊ុកដ៏ល្បីល្បាញ និង រិះគន់មិនសំចៃមាត់ទៅលើបុគ្គល អង្គភាព និង ជនអាងអំណាចមាសប្រាក់ បុណ្យស័ក្ក គៀបសង្កត់ប្រជារាស្រ្តស្លូតត្រង់បានចេញមុននិយាយចំៗថា ៖ មន្ត្រីចាប់ជំរឹតរាស្ត្រជាជនរងគ្រោះឬ ?

ខ្ញុំពិតជាហួសចិត្តនៅពេលអ្នកខ្លះប្រើមនោសញ្ចេតនាអាណិតមន្ត្រីចាប់ជំរឹតថាជាជនរងគ្រោះទៅវិញ ? តើមន្ត្រីចាប់ជំរឹតរាស្ត្រ ធ្វើអោយរាស្ត្រក្ដៅក្រហាយរហូតឈានទៅដល់ខឹងគោទៅវាយទេះ ជាមន្ត្រីរងគ្រោះឬ ? ខ្ញុំសួរថា តើពេលដែលមន្ត្រីទាំងនោះចាប់រាស្ត្រក្រីក្រមកពីខេត្តបើកបរមានកំហុសបន្តិចបន្តួចជំរឹតយកលុយ អ្នកមានអារម្មណ៍ឈឺចាប់អាណិតរាស្ត្រទេ ?
សូមមេត្តាឈប់យកមនោសញ្ចេតនាផ្ទាល់ខ្លួនមកឡូកឡំនឹងការអនុវត្តន៍ច្បាប់ទៅ វាដល់ពេលដែលត្រូវកាត់សាច់ស្អុយចោលហើយ ។ តើទុកអោយរាស្ត្រស្រែកជេរដល់ណាទើបធ្វើ ?
ម្យ៉ាងវិញទៀត ការដាក់កំហុសទៅលើមន្ត្រីថ្នាក់ក្រោមមិនគ្រប់គ្រាន់ទេ ប្រធានអង្គភាពក៏ត្រូវតែរួមចំណែកទទួលខុសដែរ ៕

នេះជាលើកទី១ហើយ ដែលឃើញរន្ទះបាញ់ ឆេះផ្ទះវីឡា យ៉ាងសន្ធោសន្ធៅដូចនេះ

សៀមរាប ៖ គ្រោះធម្មជាតិមួយ (រន្ទះបាញ់) បានធ្វើអោយផ្ទះវីឡាឈើរបស់ថៅកែតារាងវាយកូនគោលអង្គរហ្គោល រីសត ត្រូវបានអគ្គិភ័យលេបត្របាក់អស់ទាំងស្រុង នៅរសៀលថ្ងៃទី៣ ខែឧសភា ឆ្នាំ២០១៨ ស្ថិតនៅតារាងវាយកូនគោលអង្គរហ្គោល រីសតនៅក្នុងក្រុមទី៤ ភូមិរកាធំ សង្កាត់ស្រង៉ែ ក្រុងខេត្តសៀមរាប។

យោងតាមប្រភពនរគបាលខេត្តសៀមរាបបានអោយដឹងថា ៖ ម្ចាស់ផ្ទះដែលត្រូវភ្លើងឆេះមានឈ្មោះ ហូ ឡិច ភេទប្រុស អាយុ ៤២ឆ្នាំ ជនជាតិឥណ្ឌូណេស៊ី មុខរបរថៅកែ តារាងវាយកូនគោលអង្គរហ្គោល រីសត រស់នៅក្នុងក្រុមទី៤ ភូមិរកាធំ សង្កាត់ស្រង៉ែ ក្រុងខេត្តសៀមរាប។ ផ្ទះដែលត្រូវភ្លើងឆេះហើយមិនអាចស្រោចស្រង់បាននោះមានទំហំ៩ម៉ែត្រគុណ១០ម៉ែត្រ។ យើងតាមកម្លាំងជំនាញ បង្ការពន្លត់អគ្គិភ័យនៃស្នងការនគរបាលខេត្តនិងកងរាជអាវុធហត្ថខេត្តនិងរថយន្តអង្គភាពបេតិកភណ្ឌ បានចេញជួយអន្តរាគមន៍ ប៉ុន្តែមិនអាចជួយបានដោយសារជាផ្ទះឈើ ទើបភ្លើងឆេះលឿនអស់តែម្តង។

ចំណែកសម្ភារៈនៅក្នុងផ្ទះបណ្តាលឲ្យមានការខូចខាតទាំងស្រុង តែពុំបណ្តាលឲ្យមានគ្រោះថ្នាក់ដល់មនុស្សជីវិតឡើយ ហើយនេះក៏ជាមេរៀនមួយសំរាប់គ្រប់គ្នាត្រូវមានការប្រុងប្រយ័ត្ន និង រៀបប្រព័ន្ធសុវត្តិភាពការពារផ្ទះរបស់លោកអ្នកផង មិនថាបានផលប៉ុណ្ណានោះទេ តែជាការការពារ៕

ប្រភពពត៍មាន ៖ ស្នងការដ្ឋាននគរបាលខេត្តសៀមរាប

ល្បែងយោលទោង លោតទឹកជាល្បែងដែលមានភាពរីករាយ ចុះបើខុសបច្ចេកទេសវិញ?វាយ៉ាងណា?

ប្លែកៗ ៖ ប្រិយមិត្តអ្នកអានគ្រប់គ្នាពិតជាធ្លាប់លែងល្បែងទាំងនេះជាក់ជាមិនខាន យោលទោងលោតទឹក រឡាតចូលទឹក រំអិលដីភក់ជាដើម , , , !
ជាក់ស្តែងថ្មីៗនេះមានកម្រងរូបភាព និង វីដេអូដែលថតដោយជនបរទេសហើយបានចងក្រងជាវីដេអូនេះឡើង គឺវីដេអូខុសបច្ចេកទេសនៃ
ក្រុមមនុស្សដែលយោលទោងលេង!

តាមរយះវីដេអូទាំងនេះមានឈុតខ្លះបង្ហាញពីភាពប្រឈមនិងគ្រោះថ្នាក់ខ្លះៗផងដែរ តែមិនដូចអ្វីនៃការគិតនោះទេព្រោះគ្រាន់តែជាការឈឺសាច់តិចតួច ឬ របួសខាងក្រៅ ដែលជាល្បែងមួយផ្តល់ភាពរីករាយ និង ការនិយមលេងយ៉ាងខ្លាំងរបស់ប្រទេសលោកខាងលិច៕

ព្រោះតែជីវភាពលោកយាយអាយុ៦២ឆ្នាំម្នាក់បានចេញពីផ្ទះទៅកាប់អុសរហូតខ្យល់គរស្លាប់

(ព្រៃវែង) ៖ ស្ដ្រីវ័យចំណាស់ជាអ្នកដើរ កាប់អុសម្នាក់ត្រូវបានគេប្រទះឃើញដេកស្លាប់នៅ ជាប់ទំនប់ទឹកប្រាំង ខណៈរូបគាត់កាប់អុសហេវហត់រួចសំរាកស្លាប់តែម្ដង។

ហេតុការណ៍នេះបានបង្កការភ្ញាក់ផ្អើលនៅចំណុចទំនប់ពោធិបូរី ស្ថិតក្នុងភូមិក្រាំងតាយ៉ង ឃុំក្រាំងតាយ៉ង ស្រុកពាមជរ ខេត្តព្រៃវែង កាលពីវេលាម៉ោង៣រសៀលថ្ងៃទី០៣ខែឧសភាឆ្នាំ២០១៨។
សមត្ថកិច្ចបានឲ្យដឹងថា ក្រោយទទួលព័ត៌មានពីឈ្មោះ យ៉ុង ហ៊ាប បានរាយការណ៍ថាមានមនុស្សស្លាប់ នៅចំណុចខាងលើ។
នគរបាលប៉ុស្តិ៍និងស្រុក បានចុះពិនិត្យភ្លាមៗឃើញថាជនរងគ្រោះដែលស្លាប់ ឈ្មោះ អ៊ួន ស៊ុត ភេទស្រី អាយុ ៦២ឆ្នាំ មានទីលំនៅភូមិក្រាំងតាយ៉ង ឃុំក្រាំងតាយ៉ង ស្រុកពាមជរ ខេត្តព្រៃវែង។

មូលហេតុ ជនរងគ្រោះបានចេញដំណើរពីផ្ទះនៅវេលាម៉ោង១១ និង ៤០នាទី ទៅកាប់អុសនៅចំណុចខាងលើពេលហេវហត់ បានខ្យល់គរស្លាប់តែម្ដង។
ហើយសមត្ថកិច្ចជំនាញបានធ្វើការពិនិត្យរួចរាល់សពបានប្រគល់អោយទៅក្រុមគ្រួសារយកធ្វើបុណ្យតាមប្រពៃណី៕

រកឃើញតំបន់ដីដុះមួយនៅកំពង់ស្ពឺ ស្អាតមិនចាញ់ឧត្ដរមានជ័យ….

ខេត្តកំពង់ស្ពឺ៖ បច្ចុប្បន្ននេះដីដុះរលោះធំមួយក្នុងខេត្តបន្ទាយមានជ័យកំពុងមានការចាប់អារម្មណ៍ពីសំណាក់ភ្ញៀវទេសចរ ហើយមន្ត្រីជំនាញពាក់ព័ន្ធនៅខេត្តឧត្តរមានជ័យ បានចុះទៅពិនិត្យមើលទីតាំងតំបន់រមណីយដ្ឋានធម្មជាតិរលោះធំ ដើម្បីរៀបចំអភិវឌ្ឍតំបន់នេះឲ្យក្លាយជាតំបន់ទេសចរណ៍ថែមទៀតផង ។

ដោយឡែកកាលពីពេលថ្មីៗនេះប្រជាពលរដ្ឋនៅខេត្តកំពង់ស្ពឺ បានប្រទះឃើញតំបន់ដីដុះដែលបានបញ្ចេញក្បូក្បាច់ប្លែកៗជាប់ៗគ្នានៅលើផ្ទៃដីដ៍ធំមួយនៅក្បែរជើងភ្នំតូចធំដ៍គួរឲ្យចាប់អាម្មណ៍បំផុត ។

បើតាមលោក ស៊ិន សាវន ជាគ្រូបង្រៀននៅខេត្តកំពង់ស្ពឺ ដែលបានទៅដល់តំបន់នោះ បានប្រាប់តាមទូរស័ព្ទថា ដីច្រោះដ៍ធស្ចារ្យនោះស្ថិតនៅភូមិ បន្ទាយរកា ឃុំក្រាំង ដីវ៉ាយ ស្រុកភ្នំស្រួច ខេត្តកំពង់ស្ពឺ ។

លោកបានបន្តថានៅទីនោះមានមានទស្សនីយ៍ភាពស្អាតខ្លាំងកម្របានឃើញមានដើមឈើតូចៗដុះតាមជំរៀលខ្ពង់រាបពណ៍ខៀវស្រង៉ាត់ អ្វីដែរគួរឲ្យភ្ញាក់ផ្អើលនោះដីដុះដែលកើតឡើងដោយសាទឹកហូរចេញមកពីលើកំពូលភ្នំនាៗបង្កើតបានជាទិដ្ធភាពដ៍ប្លែកប្រៀបដូចប្រាង្គប្រាសាទដូច្នោះដែរ ។

ប្រសិនបើបានទៅដល់ប្រកដជារំភើបនឹងសម្រស់ធម្មជាតិនិងខ្យល់អាកាសបរិសុទ្ធផងនោះប្រាកដជារំសាយអស់ទុកកង្វល់ផ្សេងៗ ។

ប្រសិនជាចង់ទៅដល់ទីតាំងនេះ អ្នកត្រូវធ្វើដំណើរពីភ្នំពេញមកតាមផ្លូវេជាតិលេខ៤ប្រមាណ៧០គីឡូម៉ែតមុខផ្សាត្រពាំងក្រឡឹងបន្តិចនោះអ្នកនិងឃើញក្លោងទ្វាវត្តព្រៃរមៀតនៅខាងស្តាំដៃ ចូលតាមក្លោងទ្វាវត្តនោះទៅត្រង់រហូតប្រមាណជា២០គីឡូម៉ែតនិងទៅដល់សាលាឃុំ ក្រាំង ដីវ៉ាយ សាកសួមន្រ្តីសាលាខឃុំបន្ថែមនោះលោកអ្នកប្រកដជាទៅដល់ទីនោះដោយមិនពិបាករកឡើយ ៕

(សូមទស្សនាវិដេអូខាងក្រោមទាំងអស់គ្នា)

https://www.facebook.com/plugins/video.php?href=https%3A%2F%2Fwww.facebook.com%2F30daily%2Fvideos%2F2033731803548226%2F&show_text=0&width=317

ប្រភព៖ ៣០ដេលី

តើលោក អេង រិទ្ធី និង អ្នកនាង ស៊ឹម សូលីកា អាចនឹងដឹកដៃគ្នាចូលរោងជ័យឆាប់ៗមែនទេ?

សិល្បះ និង កំសាន្ត ៖ ស្នេហាដែលវិវត្តន៍ពីការរាប់អានគ្នាជាបងប្អូនរវាងអ្នកនាង ស៊ឹម សូលិកា ជាមួយលោក អេង ឬទ្ធី ដែលទើបតែទទួលការតែងតាំងជា ឧត្តមសេនីយ៍ទោកន្លងទៅថ្មីៗនេះ អាចនឹងមានដំណឹងល្អពីការចោលរោងការក្នុងពេលដ៏ខ្លីនៅពេលខាងមុខ។
ដំណឹងល្អរបស់បុរសពោះម៉ាយ លោក អេង ឬទ្ធី ជាមួយអ្នកម៉េម៉ាយអ្នកនាង ស៊ឹម សូលិកា ព្រោះតែអ្នកទាំងពីរតែងតែបង្ហាញភាពផ្អែមល្ហែមជាមួយគ្នា ជាញឹកញ៉ាប់នៅក្នុងបណ្តាញសង្គម ក៏ដូចជាចូលរួមកម្មវិធីតូចធំនានា ជាក់ស្តែងក្នុងពេលកន្លងទៅថ្មីៗនេះអ្នកទាំងពីរបានបណ្តើរគ្នាជាសាធារណះ
ចូលរួមសម្ភោធវីឡាថ្មីរបស់តារាសំដែង និងអ្នកចំរៀងលោក អេឡិច ចាន់ត្រា។

បើទោះបីមិនសូវសប្បាយចិត្តជាមួយអ្នកសារពត៍មានដែលចូលទៅផ្តិតយករូបភាពពួកគេទាំងពីរ ក៏ប៉ុន្តែសិល្បះករសិល្បះការនីបានចូលរួមបានសាទនិងបង្ហាញភាពសប្បាយរីករាយនៅពេលឃើញពួកគេស្និទស្នាលនឹងគ្នាពេលទៅណាមកណា។
តាមប្រភពពីអ្នកសិល្បះម្នាក់បានលើកឡើងថា ៖ ពិធីករនិងពិធីការនីរបស់ស្ថានីយ៍ទូរសទស្សបាយ័នទាំងពីររូបនេះ ត្រៀមខ្លួននិងចូលរោងការក្នុងពេលឆាប់ៗខាងមុន បន្ទាប់ពីពួកគេដាច់ស្រឡះក្នុងរឿងស្នេហារៀងៗមក មួយវិញទៀតចាស់ទុំទាំងសងខាងមានការពេញចិត្តពេញថ្លើមទៅវិញទៅមកចំពោះគូរស្នេហ៍ទាំងពីរ ខុសប្លែកពីកាលមានទំនាក់ទំនងជាមួយលោក ទិត្យ ថាវរិទ្ធ ដែលគ្រួសារខាងប្រុសហាក់មិនសូវពេញចិត្តនោះទេ។
ដោយសារភាពដាច់ស្រឡះរឿងស្នេហារៀងៗខ្លួនដូចនេះហើយ ទើបគូរស្នេហ៍ទាំងពីរទៅណាមកណាជាមួយគ្នា ស្និទស្នាលនិងផ្អែមមិនចាញ់គូរស្នេហ៍កំលោះក្រមុំនោះទេ។

បើសិនដំណឹងចូលរោងការរបស់លោក អេង ឬទ្ធី និងអ្នកនាង ស៊ឹម សូលិកា ពិតជាអាចកើតឡើងឆាប់ៗមែននោះ ពិតជាធ្វើអោយកូនស្រីរបស់ពិធីការនីនិងតារាសំដែងរូបនោះសប្បាយចិត្តមិនតិចនោះទេ ព្រោះថាកន្លងទៅកូនស្រីរបស់អ្នកនាងចង់ឃើញម្តាយជួបស្នេហ៍ពិតមិនមែនជាស្នេហ៍ក្លែងក្លាយនោះទេ៕

ដោយ ៖ Sing Ly
ប្រភពវីដេអូ ៣០ដេលី

https://www.facebook.com/plugins/video.php?href=https%3A%2F%2Fwww.facebook.com%2F30daily%2Fvideos%2F2033739053547501%2F&show_text=0&width=476

កូនអកត្តញូ រៀបរែកឪពុកពិការទៅចោលកណ្តាលព្រៃ តែជួបរឿងនឹកស្មានមិនដល់

បំនិនជិវិត ៖ កណ្តាលដងព្រៃស្ងប់ស្ងាត់ ជីតាពិការកំពុងសប្បាយរីករាយជាមួយនិងចៅ , , , ! លោកតាៗ ទាយទៅមើលថាតើដុំថ្មក្នុងដៃចៅនៅខាងណា? តាមមិនដឹងទេ តាមើលអត់ឃើញទេ ! តាមនិស្ស័យក្មេងដែលត្រូវរៀនគ្រប់អ្វីៗនៅជុំវិញខ្លួន ក្រោយពីលេងសប្បាយរីករាយហើយ កុមារនោះក៏បានដឹកដៃជីតាត្រលប់ទៅទីភូមិតូចមួយកណ្តាលទ្រូងព្រៃក្បែរមាត់អូ ដែលមានផ្ទះប្រមាណ ៥ ទៅ ៦ ខ្នងតែប៉ុណ្ណោះ។

ថ្លៃពីតំបូងឡើង ជីតាយើងគាត់ជាមនុស្សមានកំលាំងពលំមាំមួន មានរបរជាព្រានព្រៃ ហើយត្រូវម្តាយទុកឪពុកដាក់អោយមានប្រពន្ធកូនដូចគេដូចឯង តែជាអកុសលប្រពន្ធគាត់បានស្លាប់ចោលកូនតូចតាំងពីរ ៣ខែមកម្លេះដោយសារជំងឺ ខ្វះថ្នាំសង្កូវ។ ជីតាយើងគាត់ខំប្រឹងប្រែងណាស់ទំរាំ
បីបាច់ថែរក្សាមាណពបានរហូតដល់ធំតែអកុលសកម្មគាត់ត្រូវងងឹតភ្នែកដោយមិនដឹងមូលហេតុ។ តែគាត់នៅតែប្រឹងប្រែងរស់ព្រោះគាត់គិតថា គាត់មិនអាចស្លាប់បានទេដរាបណាគាត់មិនទាន់រកត្រើយសុភមង្គលដល់កូនរបស់គាត់បាន។ តមកគាត់បានប្រមូលប្រាក់កាក់ និង ទ្រពដែលមាន
តំលៃទាំងប៉ុន្មានដែលខំសន្សំមកដើម្បីស្តីដណ្តឹងកូនក្រមុំអ្នកភូមិក្បែរនោះអោយកូនគាត់ ត្បិតតែមិនបានរៀបការធំដុំតែជាពិធីដែលមានការទទួលស្គាល់ពីគ្រប់គ្នាក្នុងភូមិផងដែរ។ ពេលវេលាចេះតែកន្លង អារម្មណ៍ទើសទាល់កាន់តែមាន តំបូងឡើងប្រពន្ធមាណពគ្រាន់តែរអ៊ូធម្មតាៗទេ តែក្រោយមកពេលដៅកូនមានអាយុ៥ឆ្នាំទើបរឿងនេះចេះតែធំទៅៗ ហើយប្រកាសថាចង់ចុះចោលមាណពម្តងៗផងដែរ។

រាល់ពេលដែលកូនប្រសារអ៊ូរ រាល់ពេលដែលលឺសំលេងចៅនិយាយធ្វើអោយទឹកចិត្តជីតាយើងក្តុកក្តួលពន់ពេក ម្ខាងស្រលាញ់កូន ម្ខាងអាណិតចៅ ម្ខាងសោកស្តាយដែលធ្វើអោយកូនៗលំបាកដោយសារខ្លួន ជីតាយើងតែងតែព្យាយាមធ្វើគ្រប់យ៉ាងមិនអោយទើសចិត្តនោះទេ តែអំណាចពិការតើគាត់អាចទ្រាំបានប៉ុណ្ណា?
ថ្លៃងក្នុងថ្ងៃមួយនោះប្រពន្ធបានដាក់កំហិតអោយប្តីថា ៖ អ្នកអើយខ្ញុំមិនអាចទ្រាំទ្រនិងឪពុករបស់អ្នកបានទៀតទេ បើអ្នកមិនដោះស្រាយទេមានជំរើសពីរ តើរវាងឪពុកនិងខ្ញុំអ្នករើសយកមួយណា? បុរសជាប្តីបានត្រឹមស្ងោកមុខ ហើយដកដង្ហើមធំរួចដើរចេញទៅ។ ស្អែកឡើងមាណពប្រាប់ប្រពន្ធថា អូនអើយបងសំរេចចិត្តហើយ ថាបងរើសយកអូន ស្អែកឡើងបងនិងរែកពុកយកទៅចោលកណ្តាលព្រៃជ្រៅ ឯងឈប់បារម្ភទៅ !!!

មិនឃ្លាតពីទីនោះប៉ុន្មានទេ ជីតាយើងកំពុងស្តាប់យ៉ាងយកចិត្តទុកដាក់ ហើយសំរកទឹកភ្នែកដោយដៃខ្ទប់មាត់ ៖ មិនគួរសោះកូនដែលគាត់ស្រលាញ់
ស្មើរគ្រាប់ភ្នែក បេះដូងថ្លើមប្រម៉ាត់ បែរជានិយាយពាក្យនេះទៅរួច ណ្ហើយចុះកូនមាសឪពុក ពុកមិនប្រកាន់ខឹងនឹងកូនទេ ដើម្បីក្តីសុខរបស់កូនពុក
សុខចិត្តទៅនេះជាដង្ហើមនិងក្តីសង្ឃឹមចុងក្រោយដែលពុកអោយកូន ……………… !
មិនខុសពីការគិតមែន ស្អែកព្រឹកព្រលឹមឡើងមាណពយើងរៀបថ្មនៅម្ខាង និងម្ខាងទៀតអោយឪពុកអង្គុយហៀបរែកចេញទៅ …..តែ
ពុកពុក (ក្មេងតូចត្រូវជាចៅរបស់ជីតាកម្សត់ស្រែកហើយរត់មកយ៉ាងរន្ថើន) ពេលពុកបោះលោកតាចោលនៅកណ្តាលព្រៃ សូមពុកកំភ្លេចយកដងរែកមកវិញផងណា ! បើពុកភ្លេចយកមកពេលពុកចាស់ទៅខ្ញុំអត់មានអ្វីរែកពុកទៅចោលដូចពេលនេះទេ !
ពេលនេះហើយដែលគ្រប់គ្នាទ្រហោរយំអោបគ្នាទៅវិញទៅមក ទាំងចៅ ជីតា កូន និងកូនប្រសារ ជីតាកំសត់បាននិយាយថា កូនៗនៅចុះទោះពុកដឹង

ថានេះជាជំរើសមិនសមរម្យរបស់កូនក្តី ពុកព្រមប្រណីអោយកូន ហើយនេះជាក្តីបំណងចុងក្រោយដែលពុកអោយកូនៗ រូបកាយ ញើសឈាម កែវភ្នែក ថ្លើមប្រម៉ាត់ រួមទាំងជីវិតពុកគឺហ៊ានលះបង់គ្រប់យ៉ាងអោយតែជាសេចក្តីសុខរបស់កូនៗ។

ពេលនោះហើយដែលកូនៗដឹងកំហុស ហើយលះបង់ចោលគំនិតអាក្រក់ៗនេះចោលទៅ ចុងបំផុតនៃជិវិតរបស់ជីតាកំសត់ហៀបស្លាប់គាត់បាននិយាយថា ៖ បើកូនមិនចង់មានវិប្បដិសារីនោះទេ កុំបង្រៀនចៅអោយអកត្តញូ មុននឹងពុកស្លាប់ទៅពុកសប្បាយចិត្តណាស់ដែលពុកមានកូន មានចៅដែលគោរពដឹងគុណមាតាបិតា សូមកូនៗរស់នៅបានសុខដរាបរៀងទៅ ហើយត្បូងពេជ្រដែលនៅក្រោមថ្មមាត់ជណ្តើរនោះល្មមអោយកូនរស់នៅដោយក្តីសុខអស់មួយជីវិតបានហើយ៕