ពិតជាអស្ចារ្យមែន!!! អង្គការណាសាបង្ហោះយាន Solar Probe ទៅជិតព្រះអាទិត្យ

(អន្តរជាតិ) យានអវកាស Parker Sola Probe មានទំហំប៉ុនរថយន្តតូចមួយដែលមានទំងន់ជាង៦០០គីឡូក្រាមហើយនឹងមានអាចហោះរហូតដល់ល្បឿនជិត៧សែនគីឡូម៉ែត្រក្នុងមួយម៉ោងដែលជាល្បឿនលឿនជាងគេបំផុតក្នុងប្រវត្តិសាស្រ្តនៃយានអវកាស។ បើប្រៀបធៀបល្បឿនគឺយាននេះអាចហោះហើរពីទីក្រុងហ្វីឡាដែលហ្វីយ៉ាមករដ្ឋធានីវ៉ាស៊ីនតោនតែក្នុងរយៈពេលមួយវិនាទីប៉ុណ្ណោះ។

កាំជ្រួច Delta IV ដែលមានផ្ទុក Parker Solar Probeត្រូវបានបង្ហោះចេញពីបន្ទាយអាកាស Kennedy Space កាលពីថ្ងៃទី១២ សីហា ២០១៨។កាំជ្រួច Delta IV ដែលមានផ្ទុក Parker Solar Probe ត្រូវបានបង្ហោះចេញពីបន្ទាយអាកាស Kennedy Space បេសកកម្មជាប្រវត្តិសាស្រ្តរបស់អង្គការណាសាឆ្ពោះទៅព្រះអាទិត្យបានចាប់ផ្តើមហើយ។យានអវកាសParker Solar Probe បានចាប់ផ្តើមហោះចេញពីក្រុងCape Canaveral ក្នុងរដ្ឋផ្លរីដានៅព្រឹកថ្ងៃអាទិត្យនេះ។

ការហោះហើរនៃយាននេះកាត់តាមបរិមណ្ឌលនៃព្រះអាទិត្យនឹងធ្វើឱ្យគេសង្កេតមើលដឹងពីល្បឿនខ្យល់នៅក្នុងប្រព័ន្ធព្រះអាទិត្យដែលលោកបណ្ឌិត Eugene Parker ដែលជាអ្នកវិទ្យាសាស្ត្ររូបវិទ្យាបានប៉ាន់ស្មានកាលពីឆ្នាំ១៩៥៨ថាពិតជាមានខ្យល់បក់នៅក្នុងប្រព័ន្ធព្រះអាទិត្យ។

គោលបំណងនៃយាននេះគឺឆ្ពោះទៅបរិមណ្ឌលនៃព្រះអាទិត្យដោយធ្វើដំណើរឱ្យកៀកនឹងព្រះអាទិត្យជាងយានអវកាសដទៃទៀតក្នុងពេលកន្លងមក។

អង្គការណាសាមានបំណងបញ្ជូនយានអវកាសស្ទង់មើលទៅបរិមណ្ឌលនៃប្រព័ន្ធព្រះអាទិត្យជាយូរមកហើយប៉ុន្តែមិនមានបច្ចេកវិទ្យាគ្រប់គ្រាន់ដើម្បីការពារយានពីកម្តៅព្រះអាទិត្យ។

លោកAdams Szabo ប្រធានបេសកកម្មនេះបញ្ជាក់ថាលោកមានក្តីរំភើបដែលអាចបញ្ជូនយានអវកាសនេះទៅបរិមណ្ឌលព្រះ អាទិត្យពីព្រោះវាជាកន្លែងចុងក្រោយដែលអ្នកវិទ្យាសាស្រ្តមិនទាន់បានស្រាវជ្រាវ៕ប្រភពVOA

ថាអត់ស្រឡាញ់មួយម៉ាត់ទៅ 😍😍 ឡាន Lexus RX 350 L កៅអីអង្គុយ ៧..

កាលពីចុងខែវិច្ឆិកា ឆ្នាំ ២០១៧ កន្លងទៅ Lexus បានបង្ហាញចេញជាផ្លូវការរថយន្ត Lexus RX ស៊េរីថ្មី ឈ្មោះថា Lexus RX L ដែលមានកៅអីបីជួរ និងបានបញ្ចេញលក់នៅសហរដ្ឋអាមេរិកនាចុងឆ្នាំ។ ខណៈនេះរថយន្ត RX L បានបង្ហាញវត្តមានលើទីផ្សារប្រទេសកម្ពុជា តាមរយៈការនាំចូលរបស់ហាងលក់រថយន្តកាលីបៗ Kimsrun Premium Auto។

ជាកម្រិតស្តង់ដារ Lexus RX L មានកៅអីអង្គុយចំនួន ៧ ហើយមានមុខងារដូចជាប្រព័ន្ធបើក/បត់កៅអីជួរទីបីដោយស្វ័យប្រវត្តិ, គូថក្រោយបើក/បិទដោយស្វ័យប្រវត្តិ និងមានកៅអីស្បែកមានរន្ធ សម្រាប់កៅអីជួរទី ១ និង ទី ២។ កៅអីជួរក្រោយគេថែមទាំងមានប្រព័ន្ធម៉ាស៊ីនត្រជាក់ដាច់ដោយឡែកពីគេទៀតផង។

Lexus RX L មានជាប្រភេទម៉ាស៊ីនប្រើប្រេងសាំង RX 350L ចំណុះម៉ាស៊ីន ៣,៥ លីត្រ ស៊ីឡាំង V6 កម្លាំង ២៩០ សេះ និងមានប្រអប់លេខស្វ័យប្រវត្តិ ៨ វគ្គ។ ចំពោះប្រភេទម៉ាស៊ីន Hybrid RX 450h L មានប្រើម៉ាស៊ីនចំណុះ ៣,៥ លីត្រ អមនឹងម៉ូទ័រអគ្គិសនីចំនួនពីរ ដែលមានកម្លាំងសរុប ៣០៨ សេះ។ ប្រភេទម៉ាស៊ីនសាំងមានទាំងជាប្រភេទប៉ុងមួយ (Front-Wheel Drive) និងប៉ុងពីរ (All-Wheel Drive)។

តាមការឲ្យដឹងពីភ្នាក់ងារលក់រថយន្តប្រចាំហាងខាងលើបានឲ្យដឹងថា Lexus RX L ដែលកំពុងដាក់លក់នៅកម្ពុជា ជាប្រភេទម៉ាស៊ីន Hybrid (RX 450hL) ប្រើប្រព័ន្ធបើកបរប៉ុងពីរ និងមានតម្លៃលក់ប្រហាក់ប្រហែល ១៤ ម៉ឺនដុល្លារ៕

ប្រភព៖ អូតូបូឌៀ – Autobodia

២នាក់ប្ដីប្រពន្ធ បើករថយន្តមិនប្រយ័ត្នជ្រុលទៅបុករបាំងថ្មពុះចែកទ្រូងផ្លូវបាក់អស់១កង់ រីឯរថយន្តត្រូវ…(ចុចងានបន្ត)

ភ្នំពេញ ៖ បុរសម្នាក់ បានធ្វើដំណើររួមជាមួយប្រពន្ធក្នុងរថយន្តមួួយគ្រឿងម៉ាកឡិចស៊ីសLX470 ក្នុងល្បឿនលឿន និងមិនប្រុងប្រយ័ន្ន បានជ្រុលចង្កូតទៅបុករបាំងថ្មពុះចែកទ្រូងផ្លូវបាក់អស់១កង់ ឯរថយន្តបង្កកល់ជាប់ទ្រូងផ្លូវទៅមុខលេងរួច និងរងការខូចខាតផ្នែកខាងយ៉ាងដំណំផងដែរ ។

ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងនៅវេលាម៉ោង១១ និង៣០នាទីយប់ថ្ងៃទី១២ ខែសីហា ឆ្នាំ២០១៨ នៅចំណុចមុខក្រសួងវប្បធម៌ និងវិចិត្រសិល្បៈ ស្ថិតនៅតាមបណ្ដោយផ្លូវព្រះនរោត្ដម ក្នុងសង្កាត់ទន្លេបាសាក់ ខណ្ឌចំការមខ រាជធានីភ្នំពេញ ។

តាមសាក្សីដែលឃើញហេតុការណ៍គ្រោះថ្នាក់ចរាចរណ៍ខាងលើនេះ បានឲ្យដឹងថា នៅពេលកើតហេតុ គេឃើញរថយន្តបង្កម៉ាក ឡិចស៊ីស LX470 ពណ៌ទឹកប្រាក់ ពាក់ស្លាកលេខភ្នំពេញ2AG-1902 ដែលបើកបរដោយបុរសម្នាក់ រួមជាមួយនិងស្ត្រីម្នាក់ជាប្រពន្ធបានធ្វើដំណើរតាមបណ្ដោយផ្លូវព្រះនរោត្ដម ទិសដៅពីត្បូងមកជើង ក្នុងល្បឿនយ៉ាងលឿន លុះមកដល់ចំណុចកើតហេតុ ក៏រេចង្កូតមកបុកនិងរបាំងថ្មពុះចែកទ្រូងផ្លូវយ៉ាងពេញទំហឹង បណ្ដាលឲ្យរបាំងថ្ម (ក្បាលនាគ) បាក់អស់១កង់ រីឯរថយន្តបង្កវិញបានកល់ជាប់ជាមួយទ្រូងផ្លូវ រងការខូចខាតផ្នែកខាងមុខយ៉ាងដំណំ សំណាងល្អមិនបណ្ដាលឲ្យមនុស្សរងរបួស ។

ក្រោយកើតហេតុ ប្ដីប្រពន្ធ២នាក់ដែលជាម្ចាស់រថយន្តបង្កបានទុករថយន្តចោល ហើយគេចចេញពីកន្លែងកើតហេតុបាត់ ។ បន្ទាប់មកសមត្ថកិច្ចមូលដ្ឋានបានចុះមកដល់កន្លែងកើតហេតុ និងទាក់ទងទៅជំនាញចរាចរណ៍ឲ្យមកធ្វើការវាស់វែង យករថយន្តបង្កខាងលើ ទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ដើម្បីរងចាំដោះស្រាយតាមច្បាប់៕

ប្រភព៖ FB

ឈាមស្រែកស្បែកហៅ..! សមត្ថកិច្ចឃាត់ខ្លួនជនសង្ស័យ៤នាក់ករណីឃាតកម្ម សំលាប់់ផ្តាច់ពូជមួយគ្រួសារ ហើយដុតផ្ទះ នឹងសាកសព ខណៈពេលនេះសមត្ថកិច្ចកំពុងតែ…

(ខេត្តក្រចេះ)៖ តាមប្រភពព័ត៌មាននៅស្រុកចិត្របុរី ខេត្តក្រចេះបានឲ្យដឹងថា កាលពីថ្ងៃទី១២ សីហា ២០១៨ ដោយមានកិច្ចសហការពីគណៈបញ្ជាការ ឯកភាពខេត្ត និងមានការសម្របសម្រួលពីលោក ធុច បញ្ចសន្តិភាព ព្រះអាជ្ញារង អមសាលាដំបូង ខេត្តក្រចេះ កម្លាំងជំនាញនគរបាលព្រហ្មទណ្ឌ ដែលបានសហការជាមួយកម្លាំងនគរបាលស្រុកចិត្របុរី បានធ្វើការឃាត់ខ្លួនជនសង្ស័យចំនួន៤នាក់ ពាក់ពន្ធ័លើករណីឃាតកម្ម កាលពីថ្ងៃទី០៩ សីហា នោះហើយ។

យោងតាមប្រភពព័ត៌មានពីសមត្ថកិច្ចបានឲ្យដឹងថាជនសង្ស័យ៤នាក់នោះមាន ១ ឈ្មោះ ចឹក ណូ ភេទប្រុស អាយុ៥០ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ និង ២ ឈ្មោះ ម៉ៅ ញ៉ាញ់ ភេទប្រុស អាយុ១៧ឆ្នាំ រស់នៅរាជធានីភ្នំពេញ ជាសន្តិសុខក្រុមហ៊ុនហនុមានមានរឹទ្ធ។

និង ៣ ឈ្មោះ ចឹក ម៉ៅ ភេទប្រុស អាយុ៤៦ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ ហើយនិង៤ ឈ្មោះ ចឹក លឹមស្រេង ភេទប្រុស អាយុ២០ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ។

ជនសង្ស័យត្រូវបានសមត្ថកិច្ចនាំទៅសាកសួរនៅស្នងការនគរបាលខេត្ត ដើម្បីបំពេញនីតិវិធីពាក់ពន្ធ័នឹងករណីឃាតកម្មនោះ។ ទោះជាយ៉ាងណាសមត្ថកិច្ច នៅមិនទាន់បាន បញ្ជាក់ពីចម្លើយជនសង្ស័យទាំង៤នាក់នោះនៅឡើយទេ ដូច្នោះពាក់ព័ន្ធករណីឃាតកម្មនោះ នៅមិនទាន់ដឹងពីមូលហេតុពិតប្រាកដដែរ ព្រោះសមត្ថកិច្ចកំពុងធ្វើកិច្ចនេះ។

សូមបញ្ជាក់ថា ចន្លោះម៉ោង១១យប់ ទៅម៉ោង២យប់ នៅចំណុចកោះប្រឹម ភូមិប្អៀរ ឃុំថ្មី ស្រុកចិត្របុរី ខេត្តក្រចេះ មានករណីឃាតកម្មដុតផ្ទះសម្លាប់មួយគ្រួសារ៤នាក់ឪពុម្តាយ និងកូន។

ហើយសាកសពមនុស្សទាំង៤នាក់បានត្រូវភ្លើងឆេះខ្លោចក្នុងគំនរផេះផង់មើលទៅគួឲ្យសោកសង្រេងជាទីបំផុត៕

ប្រភព៖ FB

ឆក់បានសំរេច តែរត់មិនរួចជាប់អន្ទាក់នគរបាល វ៉ៃខ្នោះបាន៣នាក់…

ខេត្តព្រះសីហនុ៖ លោកឧត្ដមសេនីយ៍ទោ ជួន ណារិន ស្នងការនគរបាលខេត្តព្រះសីហនុ បានអោយដឹងថា នៅថ្ងៃទី១១ ខែសីហា ឆ្នាំ២០១៨ វេលាម៉ោង ១៨ និង៣០នាទី នៅចំណុចឆ្នេរអូរត្រេះ ភូមិ៦ សង្កាត់៤ ក្រុង-ខេត្តព្រះសីហនុ មានករណី អំពើលួចមានស្ថានទម្ងន់ទោស (ឆក់ជនជាតិចិន ) មួយកើតឡើង បង្ករឡើងដោយជនសង្ស័យចំនួន ០៣នាក់ មិនស្គាល់អត្តសញ្ញាណ ជិះម៉ូតូ ០១គ្រឿង មិនស្គាល់ម៉ាក បានធ្វើ សកម្មភាពឆក់ជនជាតិចិនកំពុងដើរគ្នា ០៣នាក់ ហើយគេចខ្លួនបាត់។

បន្ទាប់ពីបានទទួលដំណឹងភ្លាមកម្លាំងជំនាញផែននគរបាលព្រហ្មទណ្ឌ ធ្វើការស្រាវជ្រាវ រហូតដឹងថា ជនសង្ស័យបានជិះម៉ូតូទៅខេត្តកំពត ភ្លាមនោះកម្លាំងសមត្ថកិច្ចយើង បានធ្វើការសហការណ៍ជាមួយកម្លាំងជំនាញស្នងការដ្ឋាននគរបាលខេត្តកំពត ធ្វើការបង្ក្រាបបានទាំងស្រុង ។

ជនរងគ្រោះជាជនជាតិចិន ( មិនស្គាល់អត្តសញ្ញាណ ) ក្រោយពេលកើតហេតុ ជនរងគ្រោះមិនបានមកដាក់ពាក្យបណ្តឹងឡើយ ។

ជនសង្ស័យ ០៣នាក់៖
១-ឈ្មោះ កប ផានិត ភេទប្រុស អាយុ ១៦ឆ្នាំ មុខរបរ កម្មករសំណង់ មានទីលំនៅ ភូមិល្អាង ឃុំល្អាង ស្រុកដងទង់ ខេត្តកំពត ។
២-ឈ្មោះ កេង ណារ័ត្ន ភេទប្រុស អាយុ ១៧ឆ្នាំ មុខរបរ ជាងពិដាន មានទីលំនៅ ភូមិដំណាក់ចង្អើ សង្កាត់ព្រៃធំ ក្រុងកែប ខេត្តកែប ។
៣-ឈ្មោះ ប៉ាញ ក្តៀង ភេទប្រុស អាយុ ២៥ឆ្នាំ មុខរបរ ជាងថ្នាំ មានទីលំនៅ ភូមិ៣ សង្កាត់៣ ក្រុង-ខេត្តកំពត ។

វត្ថុតាងចាប់យកបាន៖
-ទូរស័ព្ទដៃ ០៩ គ្រឿង
-ម៉ូតូ ០១គ្រឿង ម៉ាក អិចសិចទ័រ ពណ៌ក្រហម ( មធ្យោបាយធ្វើសកម្មភាព )
-ម៉ូតូ ០១គ្រឿង ម៉ាក ZOOMER X ( មធ្យោបាយធ្វើសកម្មភាព ) ។

ករណីនេះ សមត្ថកិច្ចកំពុងបន្តនិតិវិធីនៅការិយាល័យនគរបាលព្រហ្មទណ្ឌកម្រិតស្រាល ដើម្បីបញ្ជូនសំណុំរឿងទៅតុលាការ ។

ទឹកជំនន់វាយប្រហាររដ្ឋមួយរបស់ ប្រទេសឥណ្ឌា អ្នកស្លាប់ បានកើនឡើងចំនួន៣៤នាក់…

ប្រទេសឥណ្ឌា៖ សារព័ត៌មានអូស្ត្រាលី ABC បានផ្សព្វផ្សាយព័ត៌មាន ឲ្យដឹងនៅថ្ងៃទី១២ ខែសីហា ឆ្នាំ២០១៨ថា ក្រុមមន្រ្តីបាន ថ្លែងឲ្យដឹង កាលពីថ្ងៃសៅរ៍ថា ជាងពាក់កណ្តាល នៃស្រុកចំនួន១៤ នៅរដ្ឋកេរ៉ាឡា ប្រទេសឥណ្ឌា ត្រូវបានប្រកាសអាសន្ន ឈានដល់កម្រិតខ្ពស់ ខណៈដែលចំនួនអ្នកស្លាប់ ដោយសារគ្រោះ ទឹកជំនន់នៅរដ្ឋភាគខាងត្បូងមួយនេះ បានកើនឡើងដល់៣៤នាក់ហើយ ។

ភ្លៀងបានធ្លាក់ចុះយ៉ាងខ្លាំង និងមានគ្រោះ បាក់ដីកើតឡើងនៅក្នុងរដូវវស្សានេះ គិតចាប់ពីខែមិថុនា ដល់កញ្ញា ប្រទេសឥណ្ឌា បានបំផ្លាញដីកសិកម្ម និងបង្ខំឲ្យពលរដ្ឋរាប់រយនាក់ ជម្លៀសខ្លួនចេញពីរដ្ឋខាងលើនេះ ។

ក្រុមអាជ្ញាធរគ្រប់គ្រងគ្រោះ មហន្តរាយប្រចាំរដ្ឋកេរ៉ាឡា បាននិយាយថា ដំណាំលើផ្ទៃដីកសិកម្មចំនួនជាង១.០៣១ហិកតា បានរងការខូចខាត និងមនុស្ស៣១.០០០នាក់ ត្រូវបានបង្ខំឲ្យបោះទីជម្រកជាបណ្តោះអាសន្ន នៅជំរំជួយសង្រ្គោះ៕

ប្រភព៖FB

Update: កម្មពៀរមានមែន ចាប់ឃាតកបានហើយ ឃាតកម្មដុតផ្ទះសម្លាប់មួយគ្រួសារ មានគ្នាចំនួន៤នាក់

(ខេត្តក្រចេះ) សេចក្តីរាយការណ៍បឋមឲ្យដឹងថា ក្រោយកើតមានអំពើ នៅស្រុកចិត្របុរី ខេត្តក្រចេះ កាលពីថ្ងៃទី១២ សីហា ២០១៨ ដោយមានកិច្ចសហការពីគណៈបញ្ជាការ ឯកភាពខេត្ត និងមានការសម្របសម្រួលពីលោក ធុច បញ្ចសន្តិភាព ព្រះអាជ្ញារង អមសាលាដំបូង ខេត្តក្រចេះ កម្លាំងជំនាញនគរបាលព្រហ្មទណ្ឌ ដែលបានសហការជាមួយកម្លាំងនគរបាលស្រុកចិត្របុរី បានធ្វើការឃាត់ខ្លួនជនសង្ស័យចំនួន៤នាក់ ពាក់ពន្ធ័លើករណីឃាតកម្ម កាលពីថ្ងៃទី០៩ សីហា នោះហើយ។

ជនសង្ស័យ៤នាក់នោះមាន ១-ឈ្មោះ ចឹក ណូ ភេទប្រុស អាយុ៥០ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ ២-ឈ្មោះ ម៉ៅ ញ៉ាញ់ ភេទប្រុស អាយុ១៧ឆ្នាំ រស់នៅរាជធានីភ្នំពេញ ជាសន្តិសុខក្រុមហ៊ុនហនុមានមានរឹទ្ធ។ ៣-ឈ្មោះ ចឹក ម៉ៅ ភេទប្រុស អាយុ៤៦ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ និង៤-ឈ្មោះ ចឹក លឹមស្រេង ភេទប្រុស អាយុ២០ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ៕ ប្រភពFB

ហួសចិត្ត!! អ្នកជំងឺស្រីម្នាក់ បានសួសំណួរដល់លោក វេជ្ជបណ្ឌិត ដែលជាសំណួរដែលគាត់ទល់តំរិះ

វាជារឿងមួយដែលហួសចិត្តបំផុតនារីម្នាក់ ដែលសួសំណួរដល់វេជ្ជបណ្ឌិត តារា នៅពេលដែលវះកាត់រួចរាល់ រឿងគាត់គ្រោះថ្នាកចរាចណ៍ដោយសាររឿងស្នេហា ។ វេជ្ជបណ្ឌិតគាត់ទល់តំរិះនឹងសំណួរ ក៏បានបង្ហោះតាមបណ្តាញសង្គមហ៊្វេកប៊ុក ដែលមានអ្នកចាប់អារម្មណ៍ជាខ្លាំង សូមអានខ្លឹមសាររបស់គាត់ខាងក្រោមនេះ ៖

ថ្ងៃនេះជួបរឿងហួសចិត្ត ក្រោយវះកាត់ដេររបួសរួច ពេលប្អូនស្រីម្នាក់ គាត់ដឹងខ្លួនគាត់និយាយថា គាត់ជួបគ្រោះថ្នាក់ចរាចរណ៍ដោយសារមានវិបត្តិស្នេហា មិត្តប្រុសរបស់គាត់បែកចិត្តទៅមានសង្សារថ្មី ធ្វើអោយគាត់គិតច្រើនដើរឆ្លងផ្លូវមិនបានមើលឆ្វេងស្តាំ គាត់បានបន្ទោសដុកទ័រថាហេតុអីមិនទុកអោយគាត់ស្លាប់ ចាំបាច់មកសង្រ្គោះគាត់ធ្វើអ្វី? ហើយបើសង្រ្គោះគាត់ហើយ គាត់សូមអោយជួយប្រាប់គាត់ផងថាធ្វើម៉េចទើបអាចបញ្ឈប់ការខូចចិត្តបាន? អ្ហើយ…ទាល់តំរេះ តើអោយប្រាប់ខ្ញុំយ៉ាងម៉េច បើដុកទ័រកំពុងតែដោះស្រាយស្នេហាខ្លួនឯងមិនបានដែរនោះ😂😂 ចេះតែមកសួរហ្មង សួរអត់គិត😂?៕ ប្រភពFB ដោយ វុន សុខជា

បុរសជួញដូរថ្នាំញៀនម្នាក់ វ៉ៃស្រីស្នេហ៍ ប៉ោងមុខ ប៉ោងមាត់ ព្រោះតែភ្លើងប្រចណ្ឌ

(កណ្ដាល)៖ ហេតុការណ៍ហិង្សានេះបានកើតឡើងកាលពីវេលាម៉ោង១០យប់ថ្ងៃទី១១ខែកុម្ភៈឆ្នាំ២០១៨ នៅចំណុចភូមិព្រៃបាំងឃុំស៊ីធរស្រុកខ្សាច់កណ្តាលខេត្តកណ្ដាល ។

ស្ដ្រីជាជនរងគ្រោះត្រូវបានគេស្គាល់ឈ្មោះ សេង សំអាង អាយុ៣៣ឆ្នាំមានទីលំនៅភូមិទួលពង្រ ឃុំសុីធរ ស្រុកខ្សាច់កណ្តាលខេត្តកណ្ដាល ប៉ុន្តែមកស្នាក់នៅរកស៊ីជាមួយប្រុសកំណាន់ចិត្តនៅភូមិកើតហេតុ។រីឯដៃដល់ឈ្មោះសឺម សើ ភេទអាយុ២៤ឆ្នាំរស់នៅភូមិព្រៃបាំងឃុំសធរស្រុកខ្សាច់កណ្តាលខេត្តកណ្ដាល។

លោក ខេម ស៊ុយ មេប៉ុស្តិ៍ស៊ីធរ បានឲ្យដឹងថាកាលពីវេលាម៉ោងខាងលើ ស្រីអាង ជាជនរងគ្រោះបានទូសព្ទ័ បា្រប់ជនសង្ស័ុយឲ្យយកខោនិងទូសព្ទ័មកឲ្យខ្លួន រួចហើយឯងទៅណាក៏ទៅៗ។

មួយសន្ទុះក្រោយមកជនសង្ស័យមកដល់បានប្រកែកពាក្យសម្ដីខឹងក៏ចាប់បោចសក់ច្របាច់ក វ៉ៃ ជនរងគ្រោះប៉ោងមុខ តែម្តងដោយមិនសួរកហេតុផលសោះ។

លោកនាយប៉ុស្តិ៍បន្តថា ក្រោយពេលកើតហេតុនគរបាលយើង បានឃាត់ខ្លួនជនសង្ស័យយកមកសួរនាំ ស្រាប់តែមានអ្នកប្រើប្រាស់ថ្នាំញៀន២នាក់ បានទូរសព្ទ័មកទិញថ្នាំ។ ដោយនិយាយថាពួកគេធ្លាប់ទិញថ្នាំញៀនពីឈ្មោះ សឺម សើ ចំនួន១៥លើកហើយ បន្ទាប់មកជនសង្ស័យត្រូវបានបញ្ជូនទៅអធិការស្រុកខ្សាច់កណ្ដាលតែម្ដង៕

អបអរសាទ ចំពោះតារាបាល់ទាត់ដ៏ល្បីមួយរូប នៅជប៉ុន HONDA ក្លាយជាគ្រូបង្គោលក្រុមជម្រើសជាតិកម្ពុជា

(កីឡា) ក្រុមបាល់ទាត់ជម្រើសជាតិកម្ពុជា បានប្រកាសតែងតាំងលោក Keisuke Honda ជាគ្រូបង្គោលថ្មីនៅថ្ងៃអាទិត្យ ទី១២ សីហា។

ប្រធានក្លិបសូលទីឡូអង្គរខាងលើកាន់តួនាទីដ៏ធំនេះដែលទំនេរចាប់តាំងពីគ្រូបង្គោលជនជាតិប្រេស៊ីល Leonardo Vitorino ចាកចេញពីតំណែងអំឡុងខែតុលាឆ្នាំ២០១៧ និង បានកាន់ការងារបណ្ដោះអាសន្នដោយលោក ប្រាក់ សុវណ្ណារ៉ា នាពេលកន្លងមក។