ភ្នំពេញ ៖ ហេតុការណ៍នេះបង្កការភ្ញាក់ផ្អើលនៅរសៀល ថ្ងៃទី១ ខែសីហា ឆ្នាំ២០១៨ក្នុងបន្ទប់ខារ៉ាអូខេ កូឡូសូ ក្នុងសង្កាត់បឹងកេងកងទី៣ ខណ្ឌចំការមន ។

ជនរងគ្រោះ ឈ្មោះ ម៉ុន រតនៈឧត្តម អាយុ ២៦ឆ្នាំ មន្ត្រីនគរបាលក្រសួងមហាផ្ទៃ ឋានន្តរស័ក្តិ វរសេនីទោ បើតាមការបំភ្លឺ ពីបុគ្គលិកសណ្ឋាគារថា ម្សិលមិញជនរងគ្រោះ បានចូលសម្រាកនៅសណ្ឋាគារ មួយយប់ លុះម៉ោងប្រមាណ១២ និង៣០នាទីថ្ងៃត្រង់ ថ្ងៃទី១ សីហា បុគ្គលិកបានគោះទ្វារ បន្ទប់យ៉ាងយូរ ព្រោះមិនឃើញចេញមករកបាយទឹក តែមិនបើក ក៏សម្រេចចិត្តគាស់គន្លឹះទ្វារ ក៏បានឃើញជនរងគ្រោះដេកស្លាប់ មិនដឹងតាំងពីពេលណានោះទេ រួចក៏ប្តឹងសមត្ថកិច្ច ចុះមកពិនត្យកន្លែងកើតហេតុតែម្តង ។

យ៉ាងណាក៏ដោយសមត្ថកិច្ចជំនាញ នៅមិនទាន់បញ្ជាក់ច្បាស់ នៅឡើយទេ ប៉ុន្តែមជ្ឈដ្ឋានប្រជាពលរដ្ឋ បានទាញការចាប់អារម្មណ៍ថា ប្រសិនបើជនរងគ្រោះ ធ្វើអត្តឃាត គួរណាស់តែដឹងភ្លាមៗ និងមានការសង្ស័យ ក៏ព្រោះតែជនរងគ្រោះប្រើកាំភ្លើងបាញ់ សម្លាប់ខ្លួន ហើយសំឡេងកាំភ្លើង និងលាន់ឮ ប៉ុន្តែហេតុអ្វី ករណីនេះបែរជាស្ងាត់ឈឹង រហូតដល់ថ្ងៃត្រង់ មានការគាស់បន្ទប់ចូលមើលទើបដឹងទៅវិញ។ ករណីនេះយ៉ាងណានោះគឺមានតែរង់ចាំ ការស៊ើបអង្កេត ស្រាវជ្រាវរបស់សមត្ថកិច្ច ជំនាញដើម្បីបញ្ជាក់ប៉ុណ្ណោះ៕

ប្រភព៖ FB

ខេត្តក្រចេះ៖ បុរសម្នាក់ទាញកាំបិតផ្គាក់ កាប់ប្រហារបងថ្លៃ​ ២កាំបិតរងរបួសធ្ងន់ធ្ងរ នៅស្រុក​ស្នួល ហេតុការណ៍បានកើតឡើងកាលពី​ថ្ងៃទី៣១ ខែកក្កដា ឆ្នាំ២០១៨ នៅ​ចំណុច​ភូមិ​ជ្រោះ​ជ្រៅ​ពោធិ​សាល ឃុំ​គ្រញូង​សែន​ជ័យ ស្រុក​ស្នួល ខេត្តក្រចេះ។

ខេត្តព្រៃវែង៖ បើករ៉ឺម៉កដឹកអេតចាយបទឆ្វេងមិនប្រយត្ន័ បុកជាមួយលុចស៊ីស RX300 បុកអូសផ្ទុះឆេះបណ្តាលប្តីប្រពន្ធវយ័ចំណាស់ពីរនាក់ រងរបួសធ្ងន់ ហេតុការណ៍នេះបានកើតឡើងកាលពីវេលាម៉ោង ៧យប់ ថ្ងៃទី៣១ ខែកក្កដា ឆ្នាំ២០១៨ ម្សិលមិញនេះ នៅលើផ្លូវជាតិលេខ១ ចន្លោះគីឡូម៉ែត្រលេខ៩២,៩៣ ស្ថិតក្នុងភូមិជ្រលង ឃុំប្រាសាទ ស្រុកកំពង់ត្របែក ខេត្តព្រៃវែង ។

តាមប្រភពសមត្ថកិច្ចបានអោយដឹងថា នៅមុនពេលកើតហេតុ គេឃើញរ៉ឺម៉កម៉ូតូដឹកអេតចាយមួយគ្រឿង គ្មានស្លាកលេខ បើកដោយឈ្មោះ មុំ ហ៊ន់ ភេទប្រុស អាយុ៦៧ឆ្នាំ និងមានអ្នករួមដំណើរ ម្នាក់ជាប្រពន្ធឈ្មោះ អៀង សុបុន អាយុ៦៥ឆ្នាំ អ្នកទាំង២នៅភូមិព្រៃកន្ទ្រង់ ឃុំស្តៅកោង ស្រុកបាភ្នំ ខេត្ត ព្រៃវែង។

បើកក្នុងទិសដៅពីកើតមកលិច លុះមកដល់កន្លែងកើតហេតុបានបទឆ្វេង ស្រាប់តែត្រូវ រថយន្ត១គ្រឿងម៉ាកលុចស៊ីសrx300ពណ៌ស ពាក់ស្លាកលេខភ្នំពេញ 2N.0367បើកបរដោយឈ្មោះ អេន ជា ភេទប្រុសអាយុ២៧ឆ្នាំនៅភូមិសំប៊ួរ ឃុំអង្គរស ស្រុកមេសាង ខេត្តព្រៃវែង បើកពីលិចទៅកើត ជាន់ហ្វ្រាំងមិនទាន់ ក៍ជ្រុលបុកយ៉ាងពេញទំហឹងបណ្តាលអោយប៉ើងឆេះរ៉ឺម៉កបង្កការភ្ញាក់ផ្អើលដល់ពលរដ្ឋនិងសមត្ថកិច្ច។

ភ្លាមៗនោះសមត្ថកិច្ចបានយករថយន្តពន្លត់អគ្គីភ័យមកអន្តរាគមន៍និង ចុះវាស់វែងឃើញថា ប្តីប្រពន្ធដែលជិៈរ៉ឺម៉កបានរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកស្រុក រីឯរ៉ឺម៉កម៉ូតូខូចខាតទាំងស្រុង។ ចំពោះអ្នកបើកបររថយន្តលុចស៊ីស ត្រូវបានឃាត់ខ្លួនយកមកអធិការដ្ឋាននស្រុក ជាមួយនិងរថយន្ត រ៉ឺម៉ក ដើម្បីបំពេញតាមនិតិវិធី៕

កណ្តាល ៖ ជនសង្ស័យម្នាក់ ត្រូវបាននគរបាល ខេត្តកណ្តាល ធ្វើការស្រាវជ្រាវ និងសហការ ជាមួយនគរបាលខេត្តតាកែវ កំណត់មុខសញ្ញាឃាត់ ខ្លួនបាន តាមបណ្តឹងជនរងគ្រោះ ក្រោយ ជនសង្ស័យរូបនេះបានធ្វើសកម្មភាព លួចកាច់កម៉ូតូរួចជិះគេច ខ្លួនទៅកាន់ខេត្តតាកែវ ។

ការឃាត់ខ្លួននេះ បានធ្វើឡើងកាលពីវេលាម៉ោង៣រសៀល ថ្ងៃទី៣១ ខែកក្កដា ឆ្នាំ២០១៨ នៅចំណុច ភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្តាល។

នគរបាលបានអោយដឹងថា ជនរងគ្រោះឈ្មោះ ជៃ ជឿន ភេទ ប្រុស អាយុ៤០ឆ្នាំ ទីលំនៅភូមិ​ថ្នល់ទទឹង ឃុំដំណាក់អំពិល ស្រុកអង្គ ខេត្តកណ្តាល ។

ចំណែកជនសង្ស័យឈ្មោះ អេម សំអាត ភេទប្រុស អាយុ៤៩ឆ្នាំ ទីលំនៅភូមិត្រពាំងវែង ឃុំបឹងត្រាញ់ ខាងត្បូង ស្រុកសំរោង ខេត្តតាកែវ មុខរបរមិនពិតប្រាកដ។

នគរបាលបានបន្តថា មុនពេលកើតហេតុជនរងគ្រោះបានយក ម៉ូតូរបស់ខ្លួនម៉ាកហុងដា សេ១២៥ សេរីឆ្នាំ ២០០៧ ពណ៌ខ្មៅ ផ្លាកលេខកណ្តាល 1E-4186 ចាក់សោរទុករួចនាំ ប្រពន្ធ កូនចូល សម្រាកលុះព្រឹកឡើងជនរងគ្រោះភ្ញាក់ពីដំណេក ស្រាប់តែបាត់ម៉ូតូ តែដោយម៉ូតូ នោះមានភ្ជាប់ប្រព័ន្ធGPS ក៏ទាញទូរស័ព្ទ ដើម្បីឆែករក ស្រាប់តែឃើញសញ្ញាចង្អុលបង្ហាញ តាមផ្លូវជាតិលេខ៣នៅឯខេត្តតាកែវ ភ្លាមនោះខ្លួនបានហៅមិត្តភ័ក្ត្រ ម្នាក់ទៀត បើកឡាន រកម៉ូតូ តាមសញ្ញាបង្ហាញនោះ រួចបានរាយការណ៍ជូនសមត្ថកិច្ចផង ។

ក្រោយពីទទួលព័ត៌មានខាងលើភ្លាម កម្លាំងនគរបាល ខេត្ត កណ្តាល និងកម្លាំងនគរបាល ខេត្តតាកែវ បានសហការគ្នា ធ្វើការស្រាវជ្រាវ និងបានការដឹកនាំសម្របម្រួលពីលោកឯក ស៊ុនរស្មី ព្រះរាជអាជ្ញារង អមសាលាដំបូងខេត្តកណ្ដាល និងសាលាដំបូងខេត្តតាកែវ រហូត កំណត់មុខសញ្ញាបានឈាន ដល់ឃាត់ខ្លួនជនសង្ស័យរួមនឹងម៉ូតូដែលជារបស់ជនរងគ្រោះ និងសម្ភារមួយចំនួនទៀត សម្រាប់ធ្វើសកម្មភាពលួចម៉ូតូ ។

បច្ចុប្បន្នជនសង្ស័យរួមនឹង វត្ថុតាងត្រូវបានបញ្ជូនមក ស្នងការដ្ឋាននគរបាល ខេត្ត កណ្តាល ដើម្បីចាត់ការតាមនីតិវិធី ៕

កំពង់ស្ពឺ៖ រថយន្តដឹកមាន់ បុក​ម៉ូតូ បណ្តាលឲ្យ អ្នកជិះម៉ូតូ២នាក់ប្តីប្រពន្ធរបួសធ្ងន់ ហេតុការណ៍នេះ បានកើតឡើងកាលពី​វេលាម៉ោង១៧និង៣០នាទី ថ្ងៃទី៣១ ខែកក្កដា ឆ្នាំ២០១៨ នៅភូមិស្រល់ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។

​

បើយោងតាមប្រភពពីមន្ត្រី នគរបាលចរាចរណ៍ស្រុកភ្នំស្រួច បានអោយដឹងថា ​រថយន្តបង្ក​ម៉ាកHyundai ពណ៌ស ស្លាកលេ​កណ្តាល2B.9828 បើកបរ​ពី​លិចទៅកើត អ្នកបើកបរមិនស្គាល់ ឈ្មោះ(បានចុះរត់គេចខ្លួនបន្សល់ទុកតែវត្ថុតាង) ចំណែកម៉ូតូ១គ្រឿងម៉ាក HONDA​ ZOOMERX ពណ៌ក្រហម លាយសស្លាកលេខកំពង់ស្ពឺ1H.8209 បើកបរ​ពី​កើតទៅលិច ​រងរបួស ធ្ងន់ទាំង២នាក់ ១-ឈ្មោះច្រឹងសុភក្រ័ ភេទប្រុស អាយុ៣៣ឆ្នាំនៅភូមិស្រល់ ឃុំត្រែងត្រយឹងស្រុកភ្នំស្រួចខេត្តកំពង់ស្ពឺ។២-ឈ្មោះយន្ត័ លីនដា ភេទស្រី អាយុ២៩ឆ្នាំ ជាប្រពន្ធរបស់ជនរងគ្រោះ ដូចខាងលើ បានរងរបួសធ្ងន់ ដូចគ្នាត្រូវរថយន្តសង្រ្គោះ របស់អង្គភាពប្រឆាំងភេវរកម្ម ដឹកយក ទៅមន្ទីពេទ្យនៅភ្នំពេញ។

​ក្រោយពេលកើតហេតុសមត្ថកិច្ចមូលដ្ឋាន បាននំាយកវត្ថុតាង ទាំងពីរទៅរក្សាទុកនៅអធិការ ដ្ឋានស្រុកភ្នំស្រួច ដោះស្រាយតាមនីតិវិធី ៕

ប្រភព៖ FB

ភ្នំពេញ៖ នៅវេលា​ម៉ោង២និង៣០ទៀបភ្លឺ​ថ្ងៃទី៣១ខែកក្កដា​ឆ្នាំ២០១៨ ជនសង្ស័យ២នាក់​ត្រូវបាន​ឃាត់ខ្លួន​ក្រោយពេល​ពួកគេ​ទាំង២នាក់​បានធ្វើ​សកម្មភាព​លួច​កញ្ឆេ​ពី​ជនរងគ្រោះ​នៅ​ម្តុំ​ខាងក្រោយ​ផ្សារ​ស្ទឹង​មាន​ជ​យ័​ថ្មី​ភូមិ​ទ្រា៣សង្កាត់​ស្ទឹង​មាន​ជ​យ័​ទី១ខណ្ឌ​មាន​ជ​យ័​ដែល​ម្ចាស់​កញ្ឆេ​បាន​ទុកចោល​នៅមុខ​ផ្ទះ​របស់គាត់​នៅ​ចំនុច​ខាងលើ។

ក្រោយពេល​ជនសង្ស័យ​ទាំង២នាក់​ធ្វើ​សកម្មភាព​លួចបាន​សំរេច​ហើយក៏​បាននាំគ្នា​ដឹក​តាមរ​ម៉ក​កង់៣ឆ្ពោះទៅរក​ម៉ូយ​ទិញ​នៅ​ផ្សារ​ដើម​គ ស្រប​ពេលដែល​ម្ចាស់​កញ្ឆេរ​កំពុងតែ​អង្គុយ​លក់​បន្លែរ​ក៏​បានឃើញ​កញ្ឆេរ​របស់​ខ្លួន​ដែលមាន​ឈ្មោះ​និង​លេខ​ទូរ​សព្ទ័​ជាប់​នៅលើ​កញ្ឆេរ​ក៏មាន​ការ​ងៀង​ឆ្ងល់​ហើយ​សួរ​ជនសង្ស័យ​ថា​បាន​កញ្ឆេរ​នេះ​មកពីណា​ហើយ​ជនសង្ស័យ​ក៏​ប្រាប់​វិញ​ថា​ពួកគេ​ដឹកយក​មក​លក់​ទើប​ម្ចាស់​កញ្ឆេរ​ស្រែក​ឆោឡោ​ផ្អើល​អ្នកលក់​បន្លែរ​នៅក្នុង​ផ្សា​ដើម​គ ​ចាប់បាន​ជនសង្ស័យ​ម្នាក់​ចំណែក​បក្ខពួក​ម្នាក់ទៀត​បើករ​ម៉ក​កង់៣ដឹក​កញ្ឆេរ​រត់គេចខ្លួន​បាត់។

ក្រោយមក​ជនរងគ្រោះ​បាន​ដឹក​ជនសង្ស័យ​យកមក​ប្រគល់អោយ​នគរបាល​ប៉ុស្តិ​ស្ទឹង​មាន​ជ​យ័​ទី១លុះ​នៅវេលា​ម៉ោង៩និង៣០នាទី​ថ្ងៃ​ដដែល​កម្លាំង​នគរបាល​បាន​នាំ​ជនសង្ស័យ​ទៅរក​បក្ខពួក​ម្នាក់ទៀត​នៅ​បន្ទប់​ជួល​ម្តុំ​ចាក់សម្រាម​ចាស់​ស្ទឹង​មាន​ជ​យ័​ឃាត់ខ្លួន​បាន​បក្ខពួក​ម្នាក់​ទៀតហើយ​នាំ​ជនសង្ស័យ​ទៅ​កន្លែង​ទម្លាក់​កញ្ឆេរ​ទុក​នៅ​ខាងក្រោយ​ពេទ្យរុស្ស៊ី​ប្រគល់អោយ​ម្ចាស់​វិញ។

ជនរងគ្រោះ​មានឈ្មោះ​ហ៊ួ​ត​សុភ​ក្រ័​អាយុ៣៣ឆ្នាំ​មុខរបរ​លក់​បន្លែរ​នៅ​ផ្សា​ដើម​គ ចំណែក​ជនសង្ស័យ​ខាងលើ​ទី១មានឈ្មោះ​សុខ​ជា​អាយុ១៧ឆ្នាំ​មុខរបរ​រើស​អេតចាយ​ស្នាក់នៅ​បន្ទប់​ជួល​ភូមិ​ដំណាក់​ធំ​សង្កាត់​ស្ទឹង​មាន​ជ​យ័២ខណ្ឌ​មាន​ជ​យ័ និង​ជនសង្ស័យ​ទី២មានឈ្មោះ​ចាន់​សុខ​ជា​អាយុ១៨ឆ្នាំ​មុខរបរ​រើស​អេតចាយ​ស្នាក់នៅ​ជាមួយគ្នា។ បច្ចុប្បន្ន​ជនសង្ស័យ​ទាំង២នាក់​ត្រូវបាន​ឃុំខ្លួន​និង​សាកសួរ​នៅ​ប៉ុស្តិនគរបាល​ស្ទឹង​មាន​ជ​យ័​ទី១ចាត់ការ​តាម​និតិ​វិធិ ៕

ប្រភព៖FB

កំពង់ធំ ៖ ជនជាតិចិនម្នាក់បើករថយន្តលុចស៊ីស ក្នុងល្បឿនលឿនខ្វះការប្រុងប្រយ័ត្ន បណ្តាលរេចង្កូត ធ្លាក់ផ្លូវចូលទឹកស្រែ។
ហេតុការណ៏គ្រោះថ្នាក់ចរាចរណ៏នេះបានកើតឡើងនៅវេលាម៉ោង៧និង៣០នាទីព្រឹកថ្ងៃទី៣១ខែកក្តដា ឆ្នាំ២០១៨ នៅលើកំណាត់ផ្លូវជាតិលេខ៦ ត្រង់ចំនុចភូមិ ត្រើយម្យ៉ាប ឃុំប្រាសាទ ស្រុកសន្ទុក ខេត្តកំពង់ធំ។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេបានឃើញរថយន្ត១គ្រឿងម៉ាកលុចស៊ីស ៤៧០បើកបរក្នុងល្បឿនលឿនដូចហោះ តាមបណ្តោយផ្លូវជាតិលេខ៦ ក្នុងទិសដៅពីត្បូងទៅជើង លុះមកដល់ចំណុចកើតហេតុ ផ្លូវកោង បាន ជាន់ហ្វ្រាំងគេចពីសត្វឆ្កែ ក៏ជ្រុលចង្កូតបោះពួយធ្លាក់ផ្លូវចំងាយជាង៣០ម៉ែត្រ ចូលទឹកក្នុងស្រែ។ ប៉ុន្តែសំណាងល្អ គ្មានគ្រោះថ្នាក់ដល់ជីវិតឡើយគ្រាន់របួសស្រាល ព្រោះទឹករាក់ ហើយបន្ទាប់មក ក៏មានអ្នកជិតខាង រត់មកជួយសង្គ្រោះនិងរាយការណ៍ប្រាប់សមត្ថកិច្ចមូលដ្ឋាន។

សមត្ថកិច្ច បានឲ្យដឹងថា រថយន្តបង្កគ្រោះថ្នាក់ម៉ាក់លុចសីសRX470 ពណ៌ស្ករ ពាក់ស្លាកលេខ ភ្នំពេញ 2M.1669 បើកបរដោយបុរសជាជនជាតិចិន មានគ្នាបីនាក់ ធ្វើដំណើរពីភ្នំពេញទៅខេត្តសៀមរាប សមត្ថកិច្ចបានបន្តថាដោយ ហេតុការគ្រោះថ្នាក់ចរាចរណ៍នេះមិនបង្កដល់អ្នកដ៏ទៃ ហើយរបួសបន្តិចបន្តួច ទើបសមត្ថកិច្ចប្រគល់អោយម្ចាស់រថយន្ត ជួលរថយន្តស្ទូចស្ទូចយកទៅជួសជុលដោយខ្លួនឯង៕

ប្រភព៖FB

ខេត្តកោះកុង៖ មានករណីគ្រោះថ្នាក់ចរាចរណ៍មួយបានកើតឡើង ( ម៉ូតូដួលដោយខ្លួនឯង ) បណ្តាលឲ្យរងរបួសធ្ងន់ស្រាលចំនួន២ នាក់ ស្រី១ នាក់ កាលពីថ្ងៃទី៣០ ខែកក្កដា ឆ្នាំ ២០១៨  ស្ថិតនៅចំណុចអង់តែន៥ ស្ថិតក្នុងភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។

ហើយម៉ូតូដែលដយលនោះម៉ាក Suzuki  Nex ពាក់ស្លាកលេខ GZ.6044 បើកបរដោយឈ្មោះ ម៉ាន ចាន់ថន ភេទប្រុស អាយុ២១ឆ្នាំ មុខរបរកម្មករ រស់នៅភូមិកំឡូត ឃុំជីផាត ស្រុកថ្មបាំង របួសបាក់ភ្លៅខាងឆ្វេង និងអ្នករួមដំណើរឈ្មោះ ឯម សុខចាន់រភេទស្រី អាយុ១៨ ឆ្នាំ មុខរបរ កម្មកររោងចក្រ រស់នៅភូមិ៣ សង្កាត់ស្មាច់មានជ័យ រងរបួសត្រង់មាត់ ។

បើតាមសម្តីអ្នកដែលនៅក្បែរនោះបានឲ្យដឹងថា ករណីដួលនេះមកពីអ្នកបើកបរបើកក្នុងល្បឿនលឿន (ហើយណាមួយផ្លូវមានសភាពសើមផងនោះ ដែលទើបតែភ្លៀងរួច) ក៍បណ្តាលឲ្យរអិលដួលទាំងកំរោលតែម្តងទៅ ។

បច្ចុប្បន្នជនរងគ្រោះទាំងពីរ កំពុងសំរាកព្យាបាលនៅមន្ទីពេទ្យខេត្ត ។

ប្រភព៖ FB